韓國濟州島風光明媚，濟州島靚景處處，周圍都係海景！今次小編就介紹幾間坐擁無敵海景嘅濟州機場酒店住宿，仲有濟州島機場必買手信！另外仲去埋濟州機場汗蒸幕，同埋濟州最出名嘅龍頭岩海水樂園汗蒸幕嘆世界㖭！
📖延伸閱讀：【香港假期好去處】2019公眾假期請假攻略 (連長短線旅遊地點推薦)
📖延伸閱讀：【hotels.com優惠專區】hotels.com 訂酒店優惠折扣攻略(邊度拎hotel discount code?)
濟州酒店住宿推薦 | 濟州海洋套房酒店 (Ocean Suites Jeju Hotel)
呢間酒店時尚唔浮誇，依海而建，令住客可以飽覽成個濟州海景！酒店鄰近東門市場，行過去掃貨都只不過一步之遙，而且機場亦喺附近，走果時訓晏啲都仲得！
全海景嘅房間簡潔企理，而且有充足空間，就算買得太多手信，放多2個行李箱都夠位擺。
濟州海洋套房酒店 (Ocean Suites Jeju Hotel)
地址：74 Tapdonghaean-ro, Samdoi-dong, Cheju, Jeju-do, Korea (顯示地圖)
星級 | ★★★★☆
位置 | ★★★★☆
設施 | ★★★☆☆
環境 | ★★★☆☆
價格 | 查看價格
濟州酒店住宿推薦 | 麗晶海濱藍色酒店 (Hotel Regent Marine)
呢間酒店行開揚設計感，以白同藍色為主調配襯大海，令住客好似同海之間渾然一體。
酒店房又大又開揚，有分城市景同海景，不論兩者都可以感受到濟州休閑氣氛，廁所方面灰色牆身加埋玻璃浴室略帶北歐設計風味。
麗晶海濱藍色酒店 (Hotel Regent Marine)
地址：20, Seobudu 2-gil, Jeju-si, Jeju-do, 63276, Korea (顯示地圖)
星級 | ★★★☆☆
位置 | ★★★★☆
設施 | ★★★☆☆
環境 | ★★★★☆
價格 | 查看價格
濟州酒店住宿推薦 | 濟州島海濱華美達廣場酒店 (Ramada Plaza Jeju Ocean Front)
@Ramada Plaza Jeju Ocean Front
旅行中途去到攰真係會唔想出去，不過又會怕無野做，但呢間酒店設施一應俱全，有私人賭場、窒內外泳池、健物室同埋有得嘆SPA㖭！等住客足不出戶都可以享受休閑假期！
@Ramada Plaza Jeju Ocean Front
呢間酒店獨特之處除咗有露台望海之外，廁所可以打開窗，可以一路喺浴缸浸浴一路遠觀個海，可以多角度欣賞海洋之美。
濟州島海濱華美達廣場酒店 (Ramada Plaza Jeju Ocean Front)
地址：Ramada Plaza Jeju, 66 Tapdong-ro, Jeju-si, Jeju Island, Korea (顯示地圖)
星級 | ★★★★★
位置 | ★★★★☆
設施 | ★★★★★
環境 | ★★★★★
價格 | 查看價格
濟州酒店住宿推薦 | 哨子雲雀酒店 (Whistle Lark Hotel)
住喺海邊嘅酒店，最好就係可以喺露台吹吓海風，住喺哨子雲雀酒店，你可以隨時走出露台吹吹海風，欣賞濟州獨有嘅海天一色。
酒店設有露天泳池，等住客可以一路浸住望海，飲埋杯香檳就非常chill！
哨子雲雀酒店 (Whistle Lark Hotel)
地址：1443-2 Geonip-dong, Cheju, Jeju-do, Korea (顯示地圖)
星級 | ★★★☆☆
位置 | ★★★★☆
設施 | ★★★★☆
環境 | ★★★★★
價格 | 查看價格
📖延伸閱讀：【快閃濟州】濟州島4日3夜自駕遊行程！
📖延伸閱讀：【濟州自駕遊】濟州景點推薦 (無邊海景GD cafe, 濟州神話世界)
濟州島機場必買 | 濟州島橙味蛋撻
濟州島最出名就係橙，而呢隻蛋撻更加係手信之中嘅首選，鬆軟外層再加少少濟州橙果醬，味道甜而不膩，食到停唔到口！
濟州島機場必買 | 濟州穀物年糕
韓國人向來都食年糕，不過濟州嘅年糕就同平時食到嘅唔同，當地會加入唔同健康穀物，令口感外脆內軟，最適合送比著重健康嘅朋友。
濟州島機場必買 | Starbucks限定商品
濟州除咗出產柑橘之外，花生都係當地出名嘅特產，濟州Starbucks不時都會推出花生同柑橘味嘅產品，好似小食、餐具等，包裝仲精美到唔捨得拆㖭！做手信一流呀！
濟州島機場必買 | 濟州島燒酒
唔少香港人都會飲真露果味燒酒，不過眾多韓國燒酒當中，濃度最高就係濟州漢拿山燒酒，所以係送比男性嘅好手信！
📖延伸閱讀：【韓國手信2018】韓國超市必買零食手信推介！韓國芝士腸都榜上有名！
📖延伸閱讀：【2018最強旅行手信特輯】韓國、德國、俄羅斯、新加坡、泰國手信一次過話你知！
濟州汗蒸幕推薦｜龍頭岩海水樂園汗蒸幕
汗蒸幕絕對係韓國平民嘅最高享受，位於濟州嘅龍頭岩海水樂園汗蒸幕就係濟州人嘅首選喇！龍頭岩海水樂園汗蒸幕位於濟州市內，同機場好近，唔洗70港元就可以比你任浸溫泉同埋焗桑拿，夜，CP值爆哂錶！
龍頭岩海水樂園汗蒸幕總共有4層，分別有男女澡堂各一層，其餘就係桑拿房同休息室，好多韓國人放工或者放假都會約家人朋友嚟呢度鬆一鬆，休息區有售賣雞蛋同飲品，仲可以睇吓電視、坐吓按摩椅，或者喺跑步機運動吓㖭！呢度總共有5種汗蒸幕，分別係黃土窯、紫水晶窯、負離子窯、芬多精窯同最經典嘅80度汗蒸幕，每個汗蒸幕溫度都唔同，黃土窯、紫水晶窯、負離子窯、芬多精窯嘅設計大致相同，入面有兩排草席、同埋擺放好比人瞓低休息嘅木枕。
龍頭岩海水樂園汗蒸幕
地址：630 Seohaean-ro, Yongdam 2(i)-dong, Cheju, Jeju-do, Korea (顯示地圖)
營業時間：24小時營業
入場費用 (只供參考)：6000 – 9000韓幣
📖延伸閱讀：【汗蒸幕特輯】三大必試韓國首爾汗蒸幕推薦！連常見問題Q&A
📖延伸閱讀：【首爾自由行】編輯親試！五大傳統首爾韓屋入住報告連注意事項
濟州購物景點推薦｜東門市場
東門市場由1945年開始營運，有多達300幾間店鋪，係濟州島三大市場入面最大規模嘅一個，最啱就係喺入面買手信、買手信！
喺入面除咗可以搵到海鮮同肉類，當然亦唔少得數之不盡嘅手信，同埋濟州橙，包你買到手軟！
東門市場
地址：Ildo 1(il)-dong, Cheju, Jeju-do, Korea (顯示地圖)
交通：乘搭公車310、315、330、350、415、420、3002到中央路（중앙로 사거리）下車
營業時間：08:00 – 21:00 (每間店舖不一)
網址：http://big5chinese.visitkorea.or.kr/cht/SAR/2_2_view.jsp?cid=1031919
濟州購物景點推薦｜黑豬肉一條街
黑豬肉係濟州島一大名產，受歡迎程度甚至比高級牛肉仲要厲害！所以去到係濟州島就一定要去黑豬肉店林立嘅黑豬肉一條街！
呢條街雖然唔長，不過就保證遊客食到黑豬肉，而當中仲有間叫菜板豚嘅店鋪，更加係被米芝蓮推介過。
燒好嘅豬肉脆嫩鮮甜，夾住新鮮生菜同各種配菜，令口感非常豐富，可以食出自己鍾意嘅味道！
黑豬肉一條街
地址： Jeju-do, Jeju-si, Ildo 1(il)-dong, 1271-3-dong,Korea (顯示地圖)
交通：搭乘巴士於東門圓環(동문로터리)下車，再步行約10分鐘
營業時間：店舖不一
濟州景點推薦｜龍頭岩
龍頭岩顧名思義就係一舊好似龍頭嘅石，其實係熔岩冷卻再加海水侵蝕而成。龍形嘅外貌受到無數白浪衛擊，氣勢磅礡，成為旅客必到打卡點！
@索尼客
而且仲可以去專比情侶去嘅龍淵雲橋，夜晚仲有燈光效果，充滿浪漫氣氛！
龍頭岩
地址：15 Yongduam-gil, Yongdam 2(i)-dong, Cheju, Jeju-do, Korea (顯示地圖)
交通：乘搭巴士至龍潭圓環站下車，再 往海邊方向步行5分鐘
費用：免費
網址：http://big5chinese.visitkorea.or.kr/cht/ATT/3_2_view.jsp?cid=332630
濟州景點推薦｜神秘道路
去濟州自駕遊又想冷門啲？就緊係去神秘道路啦！呢條不足10米嘅小路，神秘之處在於，身在車內望向前方，你會以為前面係上斜路，但當你入空波唔踩油門，架車竟然會自動向前駛，形成自動上斜嘅錯覺！原來實際呢條路係落斜，只不過路旁排列嘅樹木高矮令人產生錯覺。自駕遊嘅朋友可以去體驗吓，但一定要注意安全，捉實堂駄呀！
傳說濟州有近18000個神仙，所以你會喺神秘道路附近，以至整個濟州島，都見到唔同石像，除咗見慣見熟嘅濟州爺爺之外，仲有好多特別版㗎！
神秘道路
地址：2894-63 1100(Cheonbaek)-ro, Nohyeong-dong, Cheju, Jeju-do, Korea (顯示地圖)
📖延伸閱讀：【釜山自由行】韓國釜山必食、必玩、必去景點！
📖延伸閱讀：【海外婚紗攝影特集】布拉格、巴黎、濟州、澳門、輕井澤景點大解構！
📖延伸閱讀：【首爾近郊一日遊】快閃首爾郊區！春川景點懶人包 (蕎麥麵體驗館、鐵路自行車)
📖延伸閱讀：【首爾新景點2018】韓國好去處—帶你玩盡首爾2018新景點！
📖延伸閱讀：【首爾米芝蓮 2018】實測五大米芝蓮餐廳食物水準！必食首爾美食逐個數！
Hotels.com酒店優惠
