定期送上世界各地最新、最地道嘅旅遊資訊!

【澳門聖誕自助餐】Top 4澳門酒店自助餐美食推介連澳門光影節打卡攻略!

聖誕去邊度玩?去歐洲過一個飄雪聖誕,兼行吓特色聖誕市集?定係去東京同班細路大玩主題樂園?又或者去首爾睇聖誕燈飾瘋狂影相?今次小編就會為你介紹三大澳門聖誕自助餐,當中仲會有出名嘅澳門酒店自助餐,仲介紹埋一年一度打卡必去嘅澳門光影節,話你知邊個位影相最靚最有feel!事不宜遲,快啲plan實行程,嚟個週末快閃澳門聖誕之旅啦!

 

📖延伸閱讀:【澳門自助餐攻略】澳門新酒店大評比2018 (連五大澳門美食推介)
📖延伸閱讀:【情侶小出走】澳門光影節-teamLab影相位逐個數!

 

快閃澳門聖誕|Top 4澳門酒店自助餐|永利皇宮咖啡苑

永利皇宮咖啡苑@macaulifestyle

永利皇宮叫得做皇宮,裝潢就當然係氣派非凡啦!而咖啡苑自助餐廳金碧輝煌嘅用餐區更加係極之吸睛!除咗餐廳內部顏值爆錶,佢哋嘅食物水準都係一流㗎!所以小編提提大家,記得要留肚食甜品,因為佢哋嘅甜品枱足足有8米長!

永利皇宮咖啡苑2@macaulifestyle

咖啡苑最出名就係佢哋超多種類嘅甜品,而小編推介大家記要試荔枝雜莓玫瑰杯,除咗佢嘅粉紅色嘅外表夠嘅少女feel,荔枝果肉同玫瑰花香味仲好match㖭!

另外,小編提提你,如果想坐窗邊位睇到噴泉嘅話,就要最少7日前落booking啦!

 

永利皇宮咖啡苑
地址:澳門路氹體育館大馬路永利皇宮酒店 (顯示地圖)
電話:+853 8889-3663
營業時間:自助早餐6:30am – 11am、自助午餐11:30am – 3pm、下午茶3pm – 5:30pm、自助晚餐5:30pm – 11pm
網址https://www.wynnpalace.com/tc/restaurants-n-bars/casual-dining/fontana-buffet

 

📖延伸閱讀:【香港聖誕搵食攻略】Top 5 香港米芝蓮餐廳搵食指南 2018

 

快閃澳門聖誕|Top 4澳門酒店自助餐|澳門君悅酒店 與廚共饗 (Mezza9 Macau)

@lionel.lau

坐落喺新濠天地嘅澳門君悅酒店係好多旅客去澳門嘅住宿選擇,一到大時大節就好快Full Booking,但原來澳門君悅酒店3樓嘅自助餐 與廚共饗 (Mezza9 Macau) 都相當受歡迎,要早1-3個月訂定位先有得食,受歡迎程度簡直係誇張!

@lalabananafooood

與廚共饗 (Mezza9 Macau) 自助餐廳入面共分為6個區域,而當中最受歡迎嘅就係海鮮同龍蝦專區喇!海鮮區有鮑魚、海蝦同蟹等,食法仲好多選擇,只要自己揀好海鮮,就可以請師傅隨你喜愛嘅方法煮,例如蒜蓉蒸,又或者薑蔥炒,隨你口味!

@grandhyattmacau

而海鮮回本之選就係佢哋嘅大大隻波士頓龍蝦,隻隻都新鮮生猛㗎!

@april_lao

海鮮區隔離就係蔬菜區,款式好多,同樣亦可以有自選煮法!

@trafolife_mo

佢哋嘅甜品亦都唔輸蝕,有手工雪條、椰子焦糖布甸同梳乎厘等,部份仲係即叫即整㖭!

 

澳門君悅酒店 Mezza9 Macau
地址:澳門新濠天地君悅酒店3樓 (顯示地圖)
電話:+853-8868-1920
營業時間:6pm-11pm
網址:https://macau.grand.hyatt.com/zh-Hant/hotel/dining/mezza9Macau.html

 

📖延伸閱讀:【香港拍拖好去處】編輯嚴選!Top 6本地拍拖好去處連超抵住情侶酒店精選!

 

快閃澳門聖誕|Top 4 澳門酒店自助餐|「名廚都匯」澳門JW萬豪酒店

@macydnlu

JW萬豪酒店個名本身就響噹噹,而澳門呢間入面嘅名廚都匯更係曾經被《Hong Kong Tatler》選為澳門最佳食府,亦都係OpenRice入面最多人收藏嘅酒店自助餐,所以唔係淨係得個名!

@yisuanwu

名廚都匯分為6個區,有海鮮區、澳葡及意大利美食區、京川粵菜區、日韓美食區、甜品軟雪糕區及果汁區,應有盡有。

指完動作一定係品嚐唔同款式嘅海鮮啦,包括有生蠔、龍蝦、皇帝蟹腳同帆立貝等等,超級新鮮呀!

@JW Marriott Hotel Macau Facebook

名廚都匯亦有師傅即燒即片嘅片皮鴨,不容錯過!

 

澳門JW萬豪酒店名廚都匯
地址:澳門JW萬豪酒店 1樓 (顯示地圖)
電話:+853 8886 6228
營業時間:早餐7am – 10:30am、午餐12pm – 2:30pm 、晚餐6pm – 10:30pm
網址https://www.galaxymacau.com/zh-hant/dining/restaurants/urban-kitchen/

 

📖延伸閱讀:【香港文青Cafe精選】想搵間香港靚Cafe飲嘢兼打卡?五間必去香港Cafe推薦!

 

快閃澳門聖誕|Top 4澳門酒店自助餐|澳門喜來登金沙城中心大酒店 鮮

@ccrreami

打邊爐相比起以上介紹嘅自助餐好似唔多吸引?呢間位於澳門喜來登大酒店,叫「鮮」嘅自助火鍋店一定唔會令你地失望。因為佢係喺澳門唯一一間登上《米芝蓮》嘅火鍋店,來頭絕對唔細!

 @ccrreami

揀好湯底,就可以進攻全自助式嘅食材區,呢度除咗有各式肉類、菜同海鮮等,仲有其他熱盤同甜品等,仲有葡撻食㖭!

@ccrreami

湯底方面有成7種咁多,當中最多人揀就係娘惹叻沙湯底,好有特色!

 

澳門喜來登金沙城中心大酒店 鮮
地址:澳門喜來登金沙城中心大酒店 (顯示地圖)
電話:+853-8113- 1200
營業時間:11:30am – 11:00pm
網址:https://hk.sandscotaicentral.com/restaurants/asian-international/xin.html

 

📖延伸閱讀:【聖誕食好西】四大香港酒店自助餐推薦

 

快閃澳門聖誕|澳門光影節2018

@igphotolife

澳門聖誕節活動又點少得澳門光影節2018呢?澳門光影節由2015年開始舉辦,今年已經係第4屆喇!每年12月,澳門多處嘅景點都會有光雕表演、唔同嘅燈飾裝置同互動遊戲等等,透過光影藝術,呈現澳門不一樣既歷史文化同埋夜景。

@Timmy727

大家仲記唔記得舊年呢個被瘋狂打卡嘅花海?

@emanjoey

每年光影節主題都唔同,舊年就用「愛」做包裝,喺大三巴牌坊投射光雕表演,計時器係牌坊上面倒數,光影投射落去時色彩豐富,仲會有立體效果,非常觸目。

@tnic_photography

如果怕逼嘅話,聖安多尼教堂係另一個光雕景點,雖然冇大三巴牌坊咁大,但勝在人少啲,同可以近距離睇!

 

澳門光影節2018
日期:2018年12月2至31日
網址:http://zh.macaotourism.gov.mo/events/majorevent_detail.php?id=1763

 

 

快閃澳門聖誕澳門酒店住宿推薦新濠天地迎尚酒店

@Facebook

新濠天地迎尚酒店係最新嘅酒店,係大堂同酒店外,都會見到由著名設計師馬丁,巴斯設計嘅「迎尚:計時器」,時尚炫目嘅風格好吸睛。

@迎尚酒店 Website

客房空間寬敞舒適,裝潢感覺高雅。酒店仲有水療SPA設施,等你可以渡過一個放鬆嘅聖誕。

 

新濠天地迎尚酒店
地址:路氹城路氹連貫公路 (顯示地圖)
星級 | ★★★★☆  
位置 | ★★★☆☆  
設施 | ★★★★☆
環境 | ★★★★☆
價格 | 查看價格  

 

快閃澳門聖誕澳門酒店住宿推薦新濠影匯

@yarlingchu

新濠影匯最令人印象深刻,莫過於大樓嘅中空8字型摩天輪,金色環形再加擴散性設計,可以居高臨下咁望哂成個路氹。

@新濠影匯 Facebook

酒店房有分「明星滙」同「巨星滙」,主打極大空間,而且仲有落地大玻璃,景觀一流!

 

新濠影匯
地址:路氹城路氹連貫公路 (顯示地圖)
星級 | ★★★★☆  
位置 | ★★★☆☆  
設施 | ★★★★★  
環境 | ★★★★★
價格 | 查看價格  

 

快閃澳門聖誕澳門酒店住宿推薦澳門萬龍酒店

澳門萬龍酒店

澳門萬龍酒店鄰近澳門漁人碼頭,前身叫澳門蘭桂坊酒店,以令人彷如置身蘭桂坊為宗旨,有自己嘅賭博會所,同樣係走高貴路線。房間以米色同淺木啡色為主,有舒適乾淨感覺,更突顯設計用心。

澳門萬龍酒店2

澳門萬龍酒店
地址:澳門高美士街230 號 (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★☆☆
價格 | 查看價格  

 

 

Hotels.com酒店優惠