定期送上世界各地最新、最地道嘅旅遊資訊!

【清邁親子遊】最新清邁水上樂園Tube Trek Water Park遊玩攻略懶人包!

清邁一向都係親子遊嘅好去處,當地物價唔單止經濟實惠,而且仲有好多適合一家大細去玩嘅觀光景點。小編今次就為你介紹近年先正式開幕嘅清邁水上樂園Tube Trek Water Park,一次過講晒畀你知裡面有咩好玩!

 

清邁親子遊 | 清邁水上樂園 | Tube Trek Water Park交通攻略

Tube Trek Water Park交通攻略
@reviewchiangmai

Tube Trek Water Park位於清邁市中心以東嘅博桑村 (Bo Sang Village),距離市中心大約30分鐘車程。雖然車程唔耐,但係Tube Trek Water Park嘅交通並唔算太方便,所以小編會建議打算旅客不妨選擇用應用程式叫車前往樂園。

Tube Trek Water Park交通攻略_2
@beetify.com

喺泰國以至大部份嘅東南亞國家,Grab都係當地人最常用嘅叫車Apps。Grab嘅好處在於佢會喺上車之前話畀你聽全程車費係幾多,一定唔會被濫收車費。另外,應用程式內仲設有翻譯功能,咁就唔洗驚同司機雞同鴨講啦!

 

清邁親子遊 | 清邁水上樂園 | Tube Trek Water Park遊玩攻略

Tube Trek Water Park遊玩攻略
@jay7134

Tube Trek Water Park以太空星際作主題,嚟到呢度就好似置身於科幻電影之中,相當特別。樂園一共設有四大園區,分別為兒童區、尖叫區、漂流區同埋衝浪區。


@kkday.com

其中,兒童區裡面有一個水上遊樂場,有齊滑梯、獨木橋等等小朋友最鍾意玩嘅設施,而且仲有一啲好得意嘅機械人擺設,佢哋見到實會好開心!另外,遊樂場嘅水深亦只不過係30cm,更有救生員當值,家長絕對可以放心畀小朋友喺度瀡滑梯玩水啊!

Tube Trek Water Park遊玩攻略_3
@hosotour.com

Tube Trek Water Park遊玩攻略_4
@hosotour.com

數到Tube Trek Water Park裡面人氣最高嘅園區就當然非尖叫區莫屬啦!尖叫區裡面嘅「沖天迴旋梯」同埋「黑洞大喇叭」都係深受歡迎嘅遊樂設施,其中「黑洞大喇叭」更加係樂園標誌性嘅遊樂設施。從20米高嘅喇叭型滑梯沿著激流一湧而落,絕對係Tube Trek Water Park嘅必玩設施,真係諗起都刺激啊!

Tube Trek Water Park遊玩攻略_6
@amujamu.com

如果想悠悠閒閒咁享受假期,小編就推薦你可以去漂流區。嚟到漂流區,工作人員會先為你著上救生衣,然後就會安排你坐充氣艇喺Tube Trek Water Park外圍嘅環形人工河漂流遊覽樂園。

Tube Trek Water Park遊玩攻略_6
@anna_apasova

Tube Trek Water Park遊玩攻略-7
@gybzygibs_

雖然漂流區嘅水流間唔時會有啲啲急,但係成個過程其實相當有趣㗎!另外,環形人工河周邊環境別致,所以唔少情侶都好鍾意喺度一齊享受愉快嘅時光!

Tube Trek Water Park遊玩攻略_8
@jomjalan.com

Tube Trek Water Park遊玩攻略_9
@thailandfans.com

玩到攰嘅話,不妨到衝浪區休息一吓。衝浪區內設有海灘同埋泳池,而且佈置充滿熱帶風情,超有特色!海灘上面仲有大量嘅沙灘椅,想晒吓太陽抖翻陣都唔洗怕同人爭位。另外,樂園裡面唯一一間嘅美食中心正正就座落喺衝浪區旁邊,要去醫肚都好方便㗎!

Tube Trek Water Park遊玩攻略_10
@bodyslamband

樂園不定時會喺衝浪區嘅泳池舉行水中派對,派對期間除咗有樂隊表演同埋DJ打碟,仲會有燈光表演,鍾意熱鬧嘅朋友又點可以錯過啊!

 

Tube Trek Water Park
地址:Bo Sang Rd. Soi 10, Ton Pao, Amphoe San Kamphaeng, Chang Wat Chiang Mai 50130泰國 (顯示地圖)
開放時間:11:00 – 18:30 (逢禮拜三休息)
門票費用:成人850泰銖、小童450泰銖 

 

清邁水上樂園 | Tube Trek Water Park住宿攻略 | 清邁艾美酒店

清邁艾美酒店

清邁艾美酒店_2

位處於清邁市中心嘅清邁艾美酒店地理位置非常優秀,大約1個鐘頭嘅車程就可以去到清邁各大景點。此外,酒店房間面積亦相當寬敞,就算一家大細入住都唔會覺得逼狹,喺Tube Trek Water Park玩完翻嚟一定會有覺好瞓!

清邁艾美酒店_3

清邁艾美酒店_4

另外,清邁艾美酒店裡面嘅各項設施好似spa同埋室外泳池等等都超有渡假feel,肯定會令你感到稱心。雖然清邁艾美酒店係當地嘅一間五星級酒店,但係房價卻相當之低,基本上每晚約港幣$1000有找,CP值爆燈,嚟清邁親子遊不妨考慮一吓!

 

清邁艾美酒店
地址:THA清邁Tambol Chang Klan Amphur Muang108 Chang Klan Road (顯示地圖)
星級 | ★★★★★ 
位置 | ★★★★★  
設施 | ★★★★☆ 
環境 | ★★★★☆ 
價格 | 查看價格  

 

📖延伸閱讀:【冷門清邁景點大全】清邁自由行必去5大隱世清邁cafe!
📖延伸閱讀:【清邁遊記】當地人話你知清邁有咩玩!帶你食盡清邁夜市+特色清邁行程推薦!
📖延伸閱讀:【蘇梅島自由行】4日3夜蘇梅島行程大解構!必去蘇梅島景點、酒店攻略!
📖延伸閱讀:【清萊自由行】清萊景點懶人包 + 清萊白廟附近隱世住宿推薦 

 

Hotels.com酒店優惠Hotels.com酒店優惠