定期送上世界各地最新、最地道嘅旅遊資訊!

【深圳酒店邊間好】深圳酒店邊際泳池大評選!5大深圳靚酒店推介2019!

深圳酒店邊間好?去深圳玩,除咗一日遊之外,過一晚夜嘆番晚都係唔錯嘅選擇。小編為你精選最近最受歡迎嘅深圳酒店邊際泳池,為你來5間深圳靚酒店推介!

 

📖延伸閱讀:【曼谷新酒店】超抵住!編輯嚴選6間曼谷無邊際泳池酒店!

 

深圳靚酒店推介 | 深圳凱貝麗君臨海域服務公寓

深圳凱貝麗君臨海域服務公寓
@Capri

深圳凱貝麗君臨海域服務公寓開業只有短短兩年,已經成為深圳熱門酒店。呢度話就話叫服務公寓,但裝潢同設施都屬於酒店級,而重點,當然係位於45樓嘅無邊際泳池啦!

深圳凱貝麗君臨海域服務公寓_2
@yom_henly

喺呢個Infinity Pool,你可以欣賞大鵬灣無敵海景,仲可以望到對面嘅香港。游完水想chill吓,可以喺同樣望到海景嘅池畔酒吧飲吓嘢,放鬆一吓。

深圳凱貝麗君臨海域服務公寓
@酒店官網

泳池樓層都有桑拿室,你想點嘆就點嘆!鍾意做運動嘅人就一定會愛上呢個海景健身室,一路望住個海,一路健身,做起運動都精神啲啦!

深圳凱貝麗君臨海域服務公寓_3
@酒店官網

客房方面,設計風格主要係時尚摩登,地方闊落,而且大部份房間都可以望到海景,性格比超高!酒店位於鹽田區,附近唔算多大型景點同商場,但係就多咗一份幽靜,帶比你置身國外度假嘅感覺。

 

深圳凱貝麗君臨海域服務公寓 (Capri Fraser Shenzhen Aparthotel)
地址:深圳鹽田區海景二路 1015 號 (顯示地圖)
星級 | ★★★★☆  
位置 | ★★☆☆☆  
設施 | ★★★★★  
環境 | ★★★★★  
價格 | 查看價格

 

📖延伸閱讀:【深圳過夜】高顏值高CP—嚴選6大深圳機場酒店!連最新深圳地鐵遊玩文青秘點推介!

 

深圳靚酒店推介 | 深圳輝盛閣國際公寓

深圳輝盛閣國際公寓
@pavo.elongstatic.com

想住近啲深圳市區,又想享用無邊際泳池?你可以揀入住同為輝盛國際集團旗下嘅深圳輝盛閣國際公寓,酒店頂樓就係可以眺望深圳市景色嘅無邊際泳池,感覺就好似都市中嘅綠洲

深圳輝盛閣國際公寓_2
@酒店官網

從泳池你可以欣賞深圳市嘅天際線,對面嘅高樓大廈雖然同酒店有一段距離,但睇落就好近,成個景色充滿濃厚嘅都市感。


@酒店官網

深圳輝盛閣國際公寓設計充滿時尚感,豪華得嚟又有啲型格元素,最啱年輕人同商務旅客口味。酒店設施完善簇新,除咗王牌無邊際泳池,酒店亦有健身室、瑜伽室、桑拿室同埋桌球室。膳食方面,呢度有3間餐廳,各有特色,包括全天候開放嘅花園式餐廳,同埋比你一邊品酒,一邊欣賞夜景嘅空中酒吧。

深圳輝盛閣國際公寓
@酒店官網

房間大部份都係公寓式套房,設施齊全,包括功能齊備嘅小廚房,以及高級影音系統。最令人驚喜嘅係,呢度准許你帶埋寵物一齊度假,真係非常貼心!酒店位處福田區同華強區一帶,想去附近購物同搵好嘢食都非常方便。

 

深圳輝盛閣國際公寓 (Fraser Suites Shenzhen)
地址:深圳福田區振華路 183 號 (顯示地圖)
星級 | ★★★★☆  
位置 | ★★★★☆  
設施 | ★★★★★  
環境 | ★★★★☆  
價格 | 查看價格

 

📖延伸閱讀:【台北酒吧推介】Top 3靚景台灣高空酒吧Rooftop bar!(含台北夜店推介)

 

深圳靚酒店推介 | 深圳溫德姆至尊酒店 (Wyndham Grand Shenzhen Hotel)

深圳溫德姆至尊酒店 (Wyndham Grand Shenzhen Hotel)
@drc.sz.gov.cn

深圳溫德姆至尊酒店位處會展中心一帶,鄰近好多著名景點同商場,包括COCOPARK,附近亦有大量餐廳,例如外婆家同埋海底撈,方便你周圍食、玩、買!

深圳溫德姆至尊酒店 (Wyndham Grand Shenzhen Hotel)_2
@shenzhenparty.com

溫德姆至尊酒店有恆溫室內泳池,一年四季都可以一路游水,一路欣賞窗外深圳景色。同層亦有健身中心同埋慢跑跑道。

深圳溫德姆至尊酒店 (Wyndham Grand Shenzhen Hotel)_3
@all.about_lm

酒店客房設計富時尚感,好有空間感,房內設施亦都好齊備,能夠滿足休閒旅客或者商務旅客需要。

 

深圳溫德姆至尊酒店 (Wyndham Grand Shenzhen Hotel)
地址:深圳福田區彩田路2009號 (顯示地圖)
星級 | ★★★★★  
位置 | ★★★★★  
設施 | ★★★★★  
環境 | ★★★★☆  
價格 | 查看價格

 

📖延伸閱讀:【深圳火鍋】深圳打邊爐餐廳推薦 (各大熱門深圳商場大比併)

 

深圳靚酒店推介 | 深圳香格里拉大酒店

深圳香格里拉大酒店
@酒店官網

跟其他香格里拉系列酒店一樣,深圳香格里拉大酒店主打豪華五星級住宿體驗,配套設施完善,房間寬闊,空間感十足。

深圳香格里拉大酒店_3@sina

面積大兼景觀開揚室外泳池係亮點之一,毗鄰泳池嘅健身中心亦一應俱全,除咗健身室,仲有桑拿室同按摩浴池。

深圳香格里拉大酒店_4@酒店官網

深圳香格里拉大酒店有好多間高級餐廳,提供多種美食。你可以去360度空中酒吧餐廳用餐,一路欣賞深港交界嘅美景,一邊品嚐優質牛排同美酒等美酒佳餚。即使想留喺酒店,都唔洗擔心搵唔到好嘢食。

 

深圳香格里拉大酒店鄰近東門步行街、羅湖商業城等購物景點,以及多間網紅cafe,出去shopping打卡之後,就可以返酒店舒舒服服咁嘆番一晚。唔想留喺酒店用膳,附近亦有好多餐廳選擇。酒店亦都毗鄰羅湖口岸,方便週末喺深圳放鬆過後,快速過關回港,玩夜啲都得!

 

深圳香格里拉大酒店 (Hotel Shangri-la Shenzhen)
地址:深圳建設路 1002 號火車站東側 (顯示地圖)
星級 | ★★★★★  
位置 | ★★★★★  
設施 | ★★★★★  
環境 | ★★★★☆  
價格 | 查看價格

 

📖延伸閱讀:【香港搵食攻略】Top 5 香港米芝蓮餐廳搵食指南 2018
📖延伸閱讀:【香港高鐵旅遊攻略】香港高鐵路線直達!汕頭、長沙、昆明、廈門景點逐個數!
📖延伸閱讀:【香港手信篇】 Top 10 香港必買手信推薦 2018!
📖延伸閱讀:【香港靚景篇】編輯私藏6大香港隱世景點大全+香港日落打卡秘點!

 

Hotels.com酒店優惠Hotels.com酒店優惠