定期送上世界各地最新、最地道嘅旅遊資訊!

【深圳過夜】高顏值高CP—嚴選6大深圳機場酒店!連最新深圳地鐵遊玩文青秘點推介!

近年有股北上熱潮,唔少人一到假期就返深圳搵食同chill。咁又有冇諗過去旅行其實可以係深圳機場出發,出發前係深圳過夜住一晚,去潮爆熱點打個卡先飛呢!今次小編嚴選咗6間CP值高嘅深圳機場酒店,仲會推薦深圳地鐵沿線嘅熱點,方便大家飛前嚟個深圳地鐵遊!

 

📖延伸閱讀:【香港假期好去處】2019公眾假期請假攻略 (連長短線旅遊地點推薦)

 

深圳機場酒店推薦 ︳深圳機場凱悅嘉寓酒店 (Hyatt House Shenzhen Airport)

深圳機場凱悅嘉寓酒店

深圳機場凱悅嘉寓酒店距離地鐵站都好近,行過去機場都只需要10分鐘左右嘅路程。房入面有廚房設備,而且間房都好大。酒店設施仲好齊,包括室內泳池,24小時開放嘅健身室等等,仲要包埋自助早餐同WiFi,國際酒店品牌嚟講,好抵住啦!

深圳機場凱悅嘉寓酒店 2

深圳機場凱悅嘉寓酒店 3

深圳機場凱悅嘉寓酒店 (Hyatt House Shenzhen Airport)
地址:深圳寶安區深圳寶安國際機場 (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★★  
價格 | 查看價格  

 

深圳機場酒店推薦 ︳深圳機場凱悅嘉軒酒店  (Hyatt Place Shenzhen Airport)

深圳機場凱悅嘉軒酒店

Hyatt Place其實係Hyatt House隔離。不同之處就係Hyatt Place係行標準經濟型,雖然房無咁大,入面少咗廚房,但勝在房價會平啲,住喺呢度仲可以游個靚水先瞓!

深圳機場凱悅嘉軒酒店2

深圳機場凱悅嘉軒酒店  (Hyatt Place Shenzhen Airport)
地址:深圳寶安區深圳寶安國際機場 (顯示地圖)
星級 | ★★★★☆  
位置 | ★★★★★  
設施 | ★★★★☆  
環境 | ★★★★☆  
價格 | 查看價格  

 

深圳機場酒店推薦 ︳深圳機場凱悦酒店 (Hyatt Regency Shenzhen Airport)

深圳機場凱悦酒店

如果有多少少budget嘅,就一定要揀Hyatt Regency。呢間酒店係今年5月先開,比前2間Hyatt新之餘,仲要大啲豪華啲!裝修走時尚現代路線,又型又靚!酒店入面仲有成4間不同風格嘅餐廳同酒吧,玩完一日去酒吧chill下,啱晒!

深圳機場凱悦酒店2

深圳機場凱悦酒店3

深圳機場凱悦酒店 (Hyatt Regency Shenzhen Airport)
地址:深圳寶安區深圳寶安國際機場 (顯示地圖)
星級 | ★★★★☆  
位置 | ★★★★★  
設施 | ★★★★★  
環境 | ★★★★★  
價格 | 查看價格

 

深圳機場酒店推薦 ︳深港行政公寓 – 深圳機場店 (Shen Gang Executive Apartment-Airport)

深港行政公寓 - 深圳機場店

呢間酒店係一個小區入面嘅公寓式酒店,距離地鐵站大約5分鐘路程就到,而且搭去機場站都係5分鐘就到。附近有1條美食街,好方便。房入面仲有露台、洗衣機、雪櫃等設施,空間寬敞舒適,好有家的感覺!

深港行政公寓 – 深圳機場店 (Shen Gang Executive Apartment-Airport)
地址:深圳寶安區松茂禦龍灣 2 棟 10 樓 (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★★☆
價格 | 查看價格  

 

深圳機場酒店推薦 ︳深圳前海華僑城 JW 萬豪酒店 (JW Marriott Hotel Shenzhen Bao’an)

深圳前海華僑城 JW 萬豪酒店

呢間5星酒店雖然行去地鐵站有啲距離,但其實都係10分鐘嘅路程左右,尚算可以接受。搭地鐵去機場站只需要15分鐘,而且酒店好近壹方城購物中心,行5分鐘就到,啱晒第二日要飛,又想搵街行食好西嘅朋友,夠晒方便呀!

深圳前海華僑城 JW 萬豪酒店2

深圳前海華僑城 JW 萬豪酒店 (JW Marriott Hotel Shenzhen Bao’an)
地址:深圳寶安中心區寶興路8號 (顯示地圖)
星級 | ★★★★★  
位置 | ★★★★☆  
設施 | ★★★★★  
環境 | ★★★★★
價格 | 查看價格

 

深圳機場酒店推薦 ︳華里精品酒店 (深圳前海店) (H Life Hotel Qianhai Branch)

華里精品酒店 (深圳前海店)

呢間係一間文化氣息濃厚嘅酒店,由大堂到房間,都會感受到設計師如何將中式文化風格融入現代裝修。係酒店每個角落,總會遇到充滿中國文化嘅細節。係大堂會搵到藏書閱讀區;酒店公共地方都有雅緻嘅中式小擺設;酒店房間有山水畫等,氣氛高雅有格調。

華里精品酒店 (深圳前海店)2

華里精品酒店 (深圳前海店) (H Life Hotel Qianhai Branch)
地址:深圳南山區學府路 350 號 (顯示地圖)
星級 | ★★★★☆  
位置 | ★★★★☆  
設施 | ★★★★★  
環境 | ★★★★★
價格 | 查看價格

 

📖延伸閱讀:【香港拍拖好去處】編輯嚴選!Top 6本地拍拖好去處連超抵住情侶酒店精選!
📖延伸閱讀:【香港兩日一夜好去處】隱世香港渡假屋、酒店連本地遊玩攻略!

 

深圳地鐵遊 | 寶安中心站 | 深圳最大商場 — 壹方城

@jsheh.com

係上年11月,位於深圳地鐵寶安中心站附近,深圳最大嘅購物商場壹方城正式開業,有好多出名嘅網紅店、餐廳都可以係個度搵到,可以話應有盡有,夠晒方便!

 

壹方城
地址:深圳市寶安區新安街道新湖路99號 (顯示地圖)
網址:http://www.uniwalk.com.cn/Default.aspx
交通:搭深圳地鐵1號線到寶安中心站F出口

 

深圳地鐵遊 | 寶安中心站 | 壹方城 | 覔書店

@krycekckj

鍾意行書店睇實體書嘅文青們,必定要去覔書店。覔書店係2017年獲得中國最美嘅書店。書店裝修以白色同木系素材為主,行到去走廊,你瞬間會以為自己走咗入時光隧道。而呢條隧道仲可以為你連接到去閱讀區、商品陳列區等。

@hkers_inshenzhen

 

覔書店
地址:深圳市寶安區新安街道新湖路99號壹方城3樓

 

深圳地鐵遊 | 寶安中心站 | 壹方城 | 人類熱忱事務研究所


@homita

人類熱忱事務研究所其實係手作文創主題街區,聚集咗好多原創設計師嘅手作。走入去呢條藝術街,你會發現好多不同販賣皮革、木藝、銀器飾物、手繪彩陶等等嘅手作創意小店。有啲小店仲會提供體驗工作坊,好多嘢玩!


@jiajumi.com

人類熱忱事務研究所
地址:深圳市寶安區新安街道新湖路99號壹方城4樓

 

深圳地鐵遊 | 寶安中心站 | 壹方城 | 祿鼎記

@搜狐

祿鼎記用咗財神做logo,裝修好有特色,牆上仲油咗大大隻嘅「油 我們只用一次」,強調注重品質衛生。祿鼎記最出名就係酸菜魚同埋冠軍米飯,冇錯!係飯呀!一碗簡單充滿飯香嘅白飯,口感軟糯煙韌,令小編一試愛上!招牌菜色除咗用鱸魚做嘅招牌酸菜魚,仲有爆椒牛蛙、頭抽鱸魚、財神炒飯等。

@搜狐

祿鼎記3@foodieholics.monster

 

祿鼎記
地址:深圳市寶安區新安街道新湖路99號壹方城2樓081-083A

 

深圳地鐵遊 | 寶安中心站 | 壹方城 | 喜茶

@winshang.com

喜茶已經俘虜咗無數人嘅心。去深圳飲喜茶嘅芝士奶蓋、波波茶,好似已經成為咗指定動作,食飯前飲一杯,行街再飲多杯,可以做到喜茶不離手。壹方城咁大個商場,當然都會搵到喜茶嘅蹤影啦!

喜茶@heyteaofficial

 

喜茶
地址:深圳市寶安區新安街道新湖路99號壹方城1樓041-042

 

📖延伸閱讀:【香港聖誕搵食攻略】Top 5 香港米芝蓮餐廳搵食指南 2018

 

深圳地鐵遊 | 僑城東站 | 華僑城創意文化園

@blackmomo.tw

華僑城創意文化園係深圳現存最大型嘅創意文化區,原本係一個已經被廢棄嘅舊工廠,經過重新翻新同活化之後,進註咗好多特色咖啡店同獨特風格嘅創意手作小店。

@blackmomo.tw

@blackmomo.tw

@blackmomo.tw

@blackmomo.tw

@blackmomo.tw

呢度嘅建築物外牆都畫咗唔少大大小小嘅塗鴉,令到呢一區嘅藝術文化氣氛更濃厚。

 

華僑城創意文化園
地址:深圳市南山區開平街 (顯示地圖)
交通:深圳地鐵1號線到華僑城東站A出口,沿恩平街步行約10分鐘

 

📖延伸閱讀:【上海好去處】上海文青必到打卡位!6間型格上海cafe連文青住宿推薦!

 

深圳地鐵遊 | 黃貝嶺站 | 深圳仙湖植物園

@qunar.com

深圳仙湖植物園係2007年被國家旅遊局評為國家AAAA級風景區。園區分咗六個區,當中沙漠植物區就最具人氣,事關區內嘅仙人掌溫室,種滿咗仙人掌同多肉植物,點影都好有feel,所以成為咗近期網紅打卡熱點!

@isabella_lau

深圳仙湖植物園
地址:深圳市羅湖區蓮塘仙湖路160號 (深圳水庫東側) (顯示地圖)
免費開放時間:4:00am – 8:00am;6:00pm – 9:30pm
開放時間:8:00am – 6:00pm (門票:人民幣15元)
交通:深圳地鐵2號或5號線到黃貝嶺站D出口,坐公交220或382路前往「仙湖植物園站」

 

📖延伸閱讀:【上海酒吧推薦】遊走於上海弄堂間—六大上海新天地、田子坊潮聖打卡點!

 

深圳地鐵遊 | 海上世界站 | IH Café (南山店)

@kofc1712.com

呢間特色cafe一睇啲裝修,以為去咗韓國啲夢幻cafe。Cafe入面分咗好多唔同主題嘅特色影相區。唔單只裝修,就連啲蛋糕同飲品,店主都好用心整得好靚,完成品充滿公主少女心呀。

@irene_o0

如果特意嚟影相嘅,記得預留多啲時間,因為幾乎cafe每一個角落都係影相位,冇咁多時間都影唔晒呀!

@tsz.shanb

@fattie_food

 

IH Café (南山店)
地址:深圳市南山區蛇口太子路碧濤別墅10號 (顯示地圖)
營業時間:11:00am – 10:00pm
交通:地鐵海上世界站或蛇口港站,步行約5分鐘

 

📖延伸閱讀:【摩洛哥自由行】10日9夜摩洛哥景點行程懶人包 (日落撒哈拉沙漠、IG大熱摩洛哥藍色小鎮)

 

深圳關口附近酒店推薦 | 深圳萬德諾富特酒店 (Novotel Shenzhen Watergate)

深圳萬德諾富特酒店 (Novotel Shenzhen Watergate)

如果想住近關口嘅,可以選擇呢間性價比高嘅Novotel,附近有kk mall同萬象城,方便shopping。而且以幾百蚊一晚,住國際品牌酒店,可以享用到室內泳池、健身室、免費WiFi,絕對係抵住啦!

深圳萬德諾富特酒店 (Novotel Shenzhen Watergate)2

深圳萬德諾富特酒店 (Novotel Shenzhen Watergate)
地址:深圳深南中路1019號 (顯示地圖)
星級 | ★★★★☆  
位置 | ★★★☆☆  
設施 | ★★★★☆  
環境 | ★★★☆☆  
價格 | 查看價格  

 

 

Hotels.com酒店優惠