定期送上世界各地最新、最地道嘅旅遊資訊!

【深圳必買】深圳手信特集 — 10大深圳家樂福必買零食!

 

近年越嚟越流行喺禮拜六日翻深圳玩翻轉,Coco Park、壹方城同埋仙湖植物園等都係唔少人鍾意去嘅景點。深圳多嘢玩之外,其實都仲有好多手信值得你血拼一番㗎!小編今次就為你帶嚟深圳手信特集,搜羅咗10大深圳家樂福必買零食手信,一定可以令你滿載而回!

 

深圳必買手信 | 深圳家樂福必買零食 | 樂事薯片

樂事薯片
@egfvip.com

嚟到深圳家樂福,第一時間梗係要搵下喺當地人氣爆燈嘅樂事薯片啦!呢度嘅樂事薯片之所以咁受歡迎,在於佢有超過20種嘅口味任君選擇,除咗最出名嘅青瓜味、青檸味、飄香麻辣鍋味之外,仲有唔少其他國家獨特嘅口味好似Wasabi味、墨西哥番茄味同埋意大利肉醬味等等,咁特別最啱就梗係買翻嚟做手信啦!

 

深圳必買手信 | 深圳家樂福必買零食 | 阿爾卑斯水果牛奶糖

阿爾卑斯水果牛奶糖
@product.suning.com

阿爾卑斯水果牛奶糖係內地家傳戶曉嘅零食,佢哋嘅招牌貨水果牛奶糖果味好重,同牛奶嘅配合亦恰到好處,而且口感非常之滑㖭!除咗有唔同嘅口味選擇之外,阿爾卑斯水果牛奶糖仲有珍寶珠同埋棒棒糖等等唔同嘅款式,相信大人細路都一定會鍾意!

 

深圳必買手信 | 深圳家樂福必買零食 | 衛龍辣條

衛龍辣條
@luliaoge.com

外號「國民零食」嘅衛龍辣條其實即係以多種香料同埋辣椒調味嘅麵筋,味道刺激之餘口感亦十分煙韌,有種令人一條接著一條食落去嘅魔力!衛龍辣條近年唔單止喺內地風行,喺唔少國家好似美國等等都大行其道,毫無疑問絕對係去到深圳家樂福嘅必買零食手信!

 

深圳必買手信 | 深圳家樂福必買零食 | 卡士酸奶

卡士酸奶
@pfdys.com

唔少香港人去親深圳都會買卡士酸奶,究竟佢有乜嘢咁特別呢?原來卡士酸奶係中國唯一一間專注於出產酸奶嘅奶製品公司,而且製作過程符合國際同埋歐洲嘅標準,味道並唔係一般酸奶可以比得上,就連政府都攞佢哋嘅產品嚟迎賓,絕對係信心保證,你又點可以唔買嚟飲啊!

 

深圳必買手信 | 深圳家樂福必買零食 | 洽洽瓜子

洽洽瓜子
@Yahoo奇摩

洽洽瓜子係內地嘅著名零食,佢哋嘅瓜子相對其他品牌更為飽滿,而且最特別嘅地方係有多不勝數嘅口味選擇,好似涼茶味、焦糖味、咖啡味、奶香味同埋海鹽味等等,極具特色!其中,焦糖味瓜子係最多人購買嘅口味,濃郁嘅焦糖味同瓜子配合得天衣無縫,不妨買嚟試下!

 

深圳必買手信 | 深圳家樂福必買零食 | 吉利火星爆谷

吉利火星爆谷
@product.suning.com

吉利火星爆谷採用美國進口材料製造而成,所以爆谷嘅口感會比一般爆谷更為鬆脆。呢款爆谷分別有奶油同埋焦糖兩款口味選擇,由於奶油味味道較為香濃,所以比較多人鍾意。此外,吉利火星爆谷並無添加任何防腐劑同埋添加劑,絕對可以安心享用,啱晒喺屋企煲劇睇戲嗰陣食啊!

 

深圳必買手信 | 深圳家樂福必買零食 | 有友泡椒鳳爪

有友泡椒鳳爪
@foodie.oily.tw

鍾意食鳳爪嘅朋友一定唔可以錯過有友泡椒鳳爪啦!有友泡椒鳳爪嘅肉質鮮嫩多汁,而且咬口十足。鳳爪經過精選嘅山椒調味炮製之後,增添咗特別嘅香辣,一打開包裝就已經香氣四溢,用嚟送酒一流啊!

 

深圳必買手信 | 深圳家樂福必買零食 | 波力紫菜夾心脆

波力紫菜夾心脆
@tmall.com

波力紫菜係中國有名嘅品牌,佢哋嘅紫菜產品向來質素都十分之好。而嚟到深圳家樂福,小編就推薦你買佢哋嘅紫菜夾心脆呢款人氣零食。波力紫菜夾心脆唔單止香脆可口,而且裡面仲夾住一啲魚干脆脆,味道相當有層次,難怪深受唔少人嘅歡迎啦!

 

深圳必買手信 | 深圳家樂福必買零食 | 宏途鮮蝦片

宏途鮮蝦片
@ifooday

平時我哋係香港食開嘅蝦片,不外乎都係印尼蝦片或者日本蝦片。如果你想試其他款式,小編就推薦你喺深圳家樂福買宏途鮮蝦片啦!宏途鮮蝦片一共有3隻口味,分別為微辣、中辣同埋超辣,鍾意嚐辣嘅朋友一定唔可以錯過!此外,呢款蝦片嘅口感同薯片類近,比起普通蝦片更為香脆,一定會令你食到停唔到口啊!

 

深圳必買手信 | 深圳家樂福必買零食 | 徐福記米格瑪

徐福記米格瑪
徐福記米格瑪係唔少人嘅童年回憶,呢款米果卷鬆脆之餘裡面嘅夾心充滿濃濃嘅芝士味,風味十足。除咗芝士味,徐福記米格瑪宜家仲有粟米味、番茄味同埋牛扒味,梗係要喺深圳家樂福買晒佢返香港啦!

 

📖延伸閱讀:【深圳火鍋】深圳打邊爐餐廳推薦 (各大熱門深圳商場大比併)
📖延伸閱讀:【深圳過夜】高顏值高CP—嚴選6大深圳機場酒店!連最新深圳地鐵遊玩文青秘點推介!
📖延伸閱讀:【深圳酒店邊間好】深圳酒店邊際泳池大評選!5大深圳靚酒店推介2019!
📖延伸閱讀:【深圳美食攻略】編輯私藏隱世美食!深圳酸菜魚餐廳環境、味道、價格大評比!
📖延伸閱讀:【深圳必食】編輯私心推 — 隱世深圳牛肉火鍋餐廳連必食部位推薦!

 

Hotels.com酒店優惠Hotels.com酒店優惠