定期送上世界各地最新、最地道嘅旅遊資訊!

遊泰初體驗!泰國水上市場一日遊全攻略

泰國旅行有咩係必做㗎呢?除咗做spa、住豪華酒店、按摩之外,其實想體驗傳統泰國文化,可以嚟個泰國水上市場一日遊!感受泰國奢華一面嘅同時,去水上市場感受泰國傳統文化,亦係一個唔錯嘅旅行體驗!

 

自古以嚟,有河流嘅地方就有人聚居,昔日泰國陸路交通唔太發達,主要依靠水路,所以河流沿岸就成為咗泰國人聚集嘅地方,漸漸成為咗一個市集,再演變成今日嘅水上市場。當地人會將商品放喺船上度賣,商家同顧客會喺船上進行交易。慢慢發展至今,水上市場已經變得相當有規模,除咗船上嘅商家,河流沿岸兩邊都有唔同嘅攤檔,販賣各式各樣嘅食品、紀念品同手工藝品。以下落嚟將會介紹兩個泰國水上市場一日遊路線。

 

安帕瓦水上市場一日遊攻略(Amphawa Floating Market)

@Flickr

安帕瓦水上市場距離曼谷大約一個半鐘車程,呢個水上市場比起其他泰國水上市場觀光客比較少,好多泰國人假日都會去買野,所以入面所售賣嘅商品都冇咁「海鮮價」,唔洗大費唇舌去殺價。安帕瓦水上市場係美功河其中一個支流,沿住河流兩邊有好多唔同嘅商家,河流上亦有小販向沿岸嘅遊人兜售。隨住水上市場發展成熟,河道兩邊亦都嚟越蓬勃,開始有更多商店、餐廳,民宿進駐,方便遊客留宿,夜晚更加可以搭船去睇螢火蟲𠻹!

@Flickr

除咗河上嘅小販,河岸兩邊仲發展成一個小夜市,形形式式嘅美食全部都好抵食㗎!

 

安帕瓦水上市場
地址:Amphoe Amphawa, Chang Wat Samut Songkhram 75110泰國
開放日子:逢星期五、六、日
營業時間:星期五 15:00 – 20:00;星期六、日 09:00 – 20:00
交通:包車/新、舊南部巴士總站或Ekkamai東部巴士總站乘搭小巴

 

美功鐵道市場(Maeklong Railway Market)

@Flickr

美功鐵道市場距離安帕瓦水上市場約十五分鐘車程,建議可以將兩個景點排埋一齊。美功鐵道市場係泰國傳統市場,入面所賣嘅野都係好地道嘅食材,就好似街市咁,當然亦有特產、手信買。美功鐵道市場嘅特別之處,在於成個市場係圍繞住一條鐵路軌,至今依然通車。每當火車經過市集時,兩旁嘅小販不慌不忙咁收拾攤檔迴避,而當火車駛離之後,唔洗幾分鐘一切又變回原狀。好多遊客會特登捕捉火車經過市集嘅一刻,係美功鐵路市場嘅奇景!

沿住路軌一路行到最後,會到達火車站。

 

美功鐵道市場
地址:Kasem Sukhum Alley, Tambon Mae Klong, Amphoe Mueang Samut Songkhram, Chang Wat Samut Songkhram 75000泰國
開放日子:星期一至星期日
營業時間:07:00 – 17:30
交通:新、舊南部巴士總站或Ekkamai東部巴士總站乘搭小巴

 

🏨Top 10平價安柏瓦水上市場酒店住宿推介HK$301起 *安心價格保證*
[熱情安帕瓦之家酒店 HK$301起,安帕瓦里姆拉比昂套房咖啡廳酒店HK$656起]

 

安帕瓦水上市場酒店推介

蒼鷺泳池別墅渡假村(Ardea Resort Pool Villa)

@Ardea Resort Pool Villa Facebook Page

夜晚遊船河睇螢火蟲係安帕瓦水上市場其中一個重點節目,睇完螢火蟲咁夜,返去曼谷市中心可能會好夜、好攰,喺安帕瓦水上市場附近住一晚其實都係唔錯嘅選擇。今次推薦嘅呢間渡假村,由安帕瓦水上市場去只需步行7分鐘,非常方便!所有房間都對住泳池,朝早起身游個靚水先出發返曼谷,正啊!

蒼鷺泳池別墅渡假村 (Ardea Resort Pool Villa)
地址:239/7 Klong Amaphawa Road, 安帕瓦, Samut Songkhram, 75110, 泰國     HK$540起

 

丹嫩莎朵水上市場一日遊攻略(Damnoen Saduak Floating Market)

@Flickr

喺泰國咁多個水上市場之中,丹嫩莎朵水上市場可以話係最大名鼎鼎嘅一個。無論任何時候,丹嫩莎朵水上市場都人山人海,亦都因為咁,呢個水上市場係最有氣氛嘅一個。大多數水上市場只會喺星期五、六、日開放,而隨住丹嫩莎朵水上市場名聲變得響噹噹,呢度成為泰國標誌性嘅景點,所以每一日都會開放㗎!

@Flickr

首先要搭船入去丹嫩莎朵水上市場,而一隻船大概可以容納8人。由上船處去到水上市場,沿途會有小販喺船上向遊客兜售,但呢個時候可以忍一忍手。因為入到去,會有成行成列嘅攤販,到時慢慢揀都未遲!

撞正高峰時間,會出現「塞船」嘅情況,你都可以趁呢個時候留意下附近嘅攤檔,睇下有咩好食,喺船上食返碗河粉都別有一番風味㗎!

炎炎夏日,記得買返杯椰子雪糕食!雖然泰國周圍都有得買,但喺船上可能比較有風味,感覺特別好食!

 

丹嫩莎朵水上市場
地址:Damnoen Saduak, Damnoen Saduak District, Ratchaburi 70130, 泰國
開放日子:星期一至星期日
營業時間:星期一至四 09:00 – 16:00;星期五至日 08:00 – 17:00
交通:於巴士南站(Sai Tai Gao)乘小巴/包車

 

Chang Puak Camp大象園


@Chang Puak Camp Damnoensaduak Facebook Page

Chang Puak Camp大象園丹嫩莎朵水上市場好近,可以將兩個景點排埋一齊。就喺丹嫩莎朵水上市場上船位置隔離,有條路仔可以直通大象園,大概行1,2分鐘左右。大象園入面有好多活動,包括騎大象、馬嬲Show、鱷魚Show、射箭等等,收費尚算合理。

小編當時揀咗睇鱷魚Show,表演者除咗同鱷魚有親密接觸之外,仲將手、甚至頭放入鱷魚口中!雖然所有鱷魚已經被拔去鋒利嘅牙齒,但一樣咁觸目驚心!

Chang Puak Camp大象園
地址:Khunphithak, Damnoen Saduak District, Ratchaburi 70130, 泰國
開放日子:星期一至星期日
營業時間:08:00 – 17:00
交通:於巴士南站(Sai Tai Gao)乘車/包車

 

🏨Top 10平叻丕府酒店住宿推介HK$187起 *安心價格保證*
[安弗拉別墅酒店 HK$187起,拉差布里黃金城市酒店 HK$395起]

 

叻丕府酒店推介

賣克瓦達莫恩渡假村(Maikaew Damnoen Resort)

@Maikaew Damnoen Resort Facebook Page

呢間渡假村距離丹嫩莎朵水上市場只需七分鐘路程。酒店設施齊備,室內泳池、室外泳池、Spa全部都一應俱全。入住呢間渡假村,身心靈都得到充分嘅休息!客房以木為主調,整體感覺和諧、舒服,勁relax呀。

賣克瓦達莫恩渡假村 (Maikaew Damnoen Resort)
地址:333 Moo 9 Damnoensaduak Floating Market, 丹能沙都, Ratchaburi, 70130, 泰國  HK$384起

 

Hotels.com 酒店優惠
睇到呢度,係咪想即刻book酒店去泰國水上市場感受下呢?點樣先可以用至抵價錢book泰國酒店?上Hotels.com 攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/ 再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!