定期送上世界各地最新、最地道嘅旅遊資訊!

【富士山景點】東京出發!河口湖一日遊景點懶人包 (連靚景富士山酒店推介)

東京又點可以唔去富士山朝聖?而富士山五湖之一嘅河口湖,有觀賞富士山嘅最佳位置、有豐富自然風光同優美湖泊,附近仲有好多人氣景點,難怪成為東京最熱門嘅觀光勝地啦!小編已經準備好一個河口湖一日遊景點懶人包比大家,推介必玩富士山景點、必食河口湖餐廳,仲話埋你知邊間富士山酒店擁有至靚景觀,包你玩得盡興!

 

東京去河口湖交通攻略

由東京去河口湖主要有兩種方法,就係坐JR又或者係富士急行巴士:

  1. JR:由東京坐JR中央線,去到大月站轉坐富士急行線,車程大概2小時。不過坐JR車費就比較高,要¥3700-4500。
  2. 富士急行巴士:可以選擇由東京車站/品川/新宿/涉谷上車,直達河口湖,車程大概2小時。車費¥1800-¥2000。由於車費較平,又唔洗轉車,所以坐巴士就較為多人選擇,但記得要提早上富士急行巴士官網買車票呀!

 

📖延伸閱讀:【去旅行用日本app】超實用!日本旅遊app + 日本交通app推薦
📖延伸閱讀:【去富士山行山】入門級!富士山2日1夜登山路線、裝備、火山警戒需知!

 

河口湖一日遊景點|天上山公園纜車

天上山公園纜車
@flickr

河口湖最高人氣景點就係天上山公園!因為呢度可以一次過由高空俯瞰河口湖同富士山全景,亦係同富士山影合照嘅最住打卡點!除此之外,山上仲有兔子神社同有助戀愛運嘅天上之鐘,係情侶嘅浪漫拍拖勝地!

天上山公園纜車_2
@Genki Mobile

天上山公園最吸引之處,就係可以乘坐以日本童話故事Kachi Kachi為主題嘅纜車上山。當纜車慢慢向上升,眼前事物慢慢縮少,景觀愈來愈壯闊,湖光山色一次過盡收眼底,真係令人好難忘!小編建議大家買來回車票,回程就返黃昏時間,就可以觀賞埋日落啦!

 

天上山公園纜車
地址:401-0303 山梨県南都留郡富士河口湖町浅川 浅川1163-1 (顯示地圖)
營業時間:每日 09:00-17:20,每年冬季12月1日至2月28日 09:30-16:40
纜車費用 (只供參考)成人 ¥800/來回,學生 ¥400/來回
網址https://www.mtfujiropeway.jp/

 

河口湖一日遊景點|河口湖遊覽船

河口湖遊覽船
@TabiraiJapan

想全方位體驗富山士靚景,就一定唔可以錯過河口湖遊覽船啦!船程20分鐘,帶你圍繞河口湖遊一圈,沿途可以喺毫無建築物阻擋吓睇到富士山,如果天氣好仲有機會可以喺湖上睇到逆富士山㗎!要上過天上山鳥瞰,落過河口湖眺望,先叫真正睇過富士山!

河口湖遊覽船_2
@flickr

乘坐嘅Ensoleille號其實本身都好有特色,Ensoleille係法文陽光燦爛嘅意思,船身係以代表航海嘅紅白藍三色為主,加上外型充滿古典風格,吸引唔少人都專程嚟坐㗎!

 

河口湖遊覽船
地址:401-0301 山梨県南都留郡富士河口湖町船津4034 (顯示地圖)
營業時間:每日 09:00-16:30
費用 (只供參考)¥200
網址http://www.fujigokokisen.jp/contents/ensoleille/

 

河口湖一日遊景點|音樂盒之森美術館

音樂盒之森美術館
@flickr

河口湖周邊有唔少美術館,而最夢幻,最有特色嘅就係音樂盒之森美術館!呢個美術館靈感源自阿爾卑斯山,館內嘅園景、建築物、花圃、裝飾全部都充滿歐洲風情,加上富士山作為背景,非常有童話feel!

音樂盒之森美術館_2
@flickr

美術館內展示咗好多關於音樂盒嘅歷史同好多中世紀時期嘅音樂盒,仲有全世界最大嘅音樂盒演奏廳!每日都有配合音樂盒演奏嘅音樂表演!睇完表演仲可以喺有超過700品種嘅玫瑰園到漫步,真係會有種以為自已身處歐洲嘅錯覺!

 

音樂盒之森美術館
地址:401-0304 山梨県南都留郡富士河口湖町河口3077-20 (顯示地圖)
營業時間:每日 09:30-17:30
入場費用 (只供參考)成人 ¥1,500,學生 ¥1,100
網址https://kawaguchikomusicforest.jp/

 

河口湖一日遊景點|富士芝櫻祭

富士芝櫻祭
@matcha-jp

富士山一年四季都有唔同嘅美景,周邊地點每年都會舉辦各種活動,而最盛大嘅就莫過喺河口湖舉辦嘅富士芝櫻祭!每年4-5月就係芝櫻盛開期,喺富士本栖湖渡假村內有多達80萬棵芝櫻綻放!一片粉紅花海,加上富士山同四周綠樹互相映襯,靚到好似幅畫咁!

富士芝櫻祭_3
@JapanNationalTourismOrganization

芝櫻其實係繡球花嘅一種,因為花瓣形狀同顏色同櫻花相似,所以有芝櫻之稱。不同之處係芝櫻會好似草坪咁,覆蓋著地面而生,所以就會形成密密麻麻嘅花海!

 

富士芝櫻祭
地址:山梨縣南都留郡富士河口湖町本栖212 (顯示地圖)
2019年富士芝櫻祭開放時間:4月13日至5月26日 每日 08:00-17:00
入場費用 (只供參考)成人 ¥600,小童 ¥250
網址http://www.shibazakura.jp/chs/

 

河口湖餐廳推介|HOTO不動 河口湖北本店 – 餺飥麵


@houtou-fudou
餺飥麵 ¥1,080

日本每一個地方都有特色名物,而河口湖必食嘅就係山梨縣著名嘅鄉土料理餺飥麵!餺飥麵其實係一種比烏龍麵扁平,但一樣好有咬勁嘅寬麵,配上以種蔬菜同味噌餚製而成嘅濃湯,成為當地人日常最喜愛嘅健康麵食!

富士芝櫻祭_2
@tripadvisor.jp

喺山梨縣四處都有食餺飥麵嘅餐廳,但位於河口湖北嘅HOTO不動本店就有連當地人都大推嘅餺飥麵啦!呢度嘅麵全部都係自家製作,食起嚟夠煙韌又夠滑!而湯底採用嘅材料全部都係富山士梨出產,絕對係新鮮有保証!

 

HOTO不動 河口湖北本店 – 餺飥麵
地址:401-0304 山梨県南都留郡富士河口湖町河口707 (顯示地圖)
營業時間:每日 11:00-19:00
網址http://www.houtou-fudou.jp/

 

河口湖餐廳推介|Cheese Cake Garden

Cheese Cake Garden
@tripadvisor

喺浪漫嘅河口湖畔,有一間超人氣甜品店Cheesecake Garden。呢度嘅芝士蛋糕可以講得上係名震山梨懸,絕對唔可以錯過!佢地嘅蛋糕充滿芝士嘅濃郁香氣,食落唔會太甜,亦唔會太膩!口感厚實,但唔會太乾,必食!

Cheese Cake Garden_2
@PORTA
原味芝士蛋糕一個 ¥2,300,一件 ¥500

雖然有好多唔同口味,但原味芝士蛋糕就做得最出色,食一件都可能唔夠啦!

 

Cheese Cake Garden
地址:401-0303 山梨県南都留郡富士河口湖町浅川1173-1(顯示地圖)
營業時間:每日 09:00-17:00
網址http://www.kawaguchiko-cheesecakegarden.com/

 

富士山酒店推介|湖山亭產屋酒店

湖山亭產屋酒店
@facebook

湖山亭產屋酒店係河口湖畔數一數二嘅溫泉酒店!酒店正向河口湖同富士山,有無敵景觀,位置方便無得輸!酒店係以傳統和式風格加入西方現代化設計,為咗可以有最正嘅景觀,酒店採用落地大玻璃,確保旅客喺任何一個地方都可以睇到美景!

湖山亭產屋酒店_2
@facebook

就連浸露天風呂都可以正面望到富士山,真係人生一大享受!

房間舒適寬敞,乾淨整齊,有唔少住過嘅旅客都話喺房間內嘅露台已經可以睇到逆富士山,唔怪得個呢間酒店長期爆滿啦!

 

湖山亭產屋酒店
地址:JPN富士河口湖10 Azagawa (顯示地圖)
星級 | ★★★☆☆  
位置 | ★★★★★  
設施 | ★★★☆☆  
環境 | ★★★★☆  
價格 | 查看價格  

 

富士山酒店推介|湖之酒店

湖之酒店

湖之酒店位於半山位置,四周環境清幽,仲可以由唔同嘅角度欣賞到富士山,景緻一流!而最值得大讚嘅係呢度服務好,員工親切,好注重細節,就連茶包都好高品質,務求要令住客得到身心放鬆!

湖之酒店_2

呢度嘅溫泉一樣可以睇到富士山,想像吓對著咁靚嘅景色,享受著溫暖嘅泉水,加多杯清酒,一個字!爽!

湖之酒店_3

房間設計簡單時尚,以白色同灰色為主調,配合窗外嘅湖光山色,比人一種好relax,好悠閒嘅感覺!

 

湖之酒店
地址:JPN富士河口湖187 Azagawa (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★★☆  
價格 | 查看價格  

 

📖延伸閱讀:【日本airbnb下架】編輯推薦五大高CP值東京平酒店!(連東京住宿方便選區指南)
📖延伸閱讀:【玻利維亞天空之鏡 – 亞洲版】走進不一樣的日本秘境—三大必去日本天空之鏡!
📖延伸閱讀:【東京近郊好去處】鎌倉一日遊行程交通攻略!連必去鎌倉景點精選!
📖延伸閱讀:【日光自由行】東京日光鬼怒川一日遊覽攻略懶人包!(連必去IG打卡秘境)

 

Hotels.com酒店優惠Hotels.com酒店優惠