定期送上世界各地最新、最地道嘅旅遊資訊!

【沖繩親子遊】沖繩親子景點、住宿、必食餐廳懶人包!

沖繩一向都係親子遊嘅熱門地點,因為由香港去只係幾個鐘飛機就到,而且環境優美,好多景點都適合一家大細一齊玩,仲有好多主題公園同遊樂園𠻹!如果係第一次帶小朋友出國旅遊,沖繩就係小試牛刀嘅最佳選擇啦!今次就為大家準備一個沖繩親子遊懶人包,推介沖繩親子景點、必食餐廳,仲精選出至啱帶住小朋友入住嘅沖繩親子住宿!唔洗諗啦!快啲book機票同上hotel.com訂酒店啦!

 

📖延伸閱讀:【日本必食】終極嚴選京都、大阪、沖繩、東京必食特集2018!
📖延伸閱讀:【暑假旅行團】暑假去旅行避暑?即睇八大暑假旅遊目的地推薦2019

 

沖繩親子遊|沖繩親子景點推介|部瀬名海中公園

部瀬名海中公園
@沖繩旅遊人

沖繩以擁有清澈水域同蘊含豐富海洋生態聞名,嚟到呢度就梗係要零距離接觸海底世界啦!雖然遊客一般都會去沖繩最有名嘅沖繩美麗的水族館,但其實想睇到真正嘅野生海洋生物,就一定要去位於恩納同名護市中間嘅部瀬名海中公園啦!呢個公園唔單止有無盡白色沙灘,仲有鯨魚船身玻璃船同海中瞭望塔,比大家一睹海底世界奇觀!無論係大人定小朋友,都一樣咁興奮!

部瀬名海中公園_2
@OCVB

唔好以為海中瞭望塔平平無奇,但其實瞭望塔嘅底層有一個水深4米嘅海中觀景室,大家可以喺觀景室內360度欣賞珊瑚礁、熱帶魚同各式各樣海洋生物!同水族館最大分別就係所有海洋生物都係野生,所以隨時都有意想不到嘅物種出現,充滿驚喜!

 

部瀬名海中公園
地址:905-0026 沖縄県名護市喜瀬1744 (顯示地圖)
交通:由那霸市中心出發,乘坐20號巴士,喺部瀬名度假勝地前站落車,轉坐公園免費區間巴士。
玻璃底遊艇航行時間:4至10月 每日09:10 – 17:30,11至3日 每日 09:10 – 17:00 ※會由於天氣或海況,航行可能會受影響
海中展望塔營業時間:4至10月 每日09:00 – 18:00,11至3日 每日 09:00 – 17:30
玻璃底遊艇+海中展望塔套票費用 (只供參考)成人 ¥2,100;高中生 ¥1,670;中小學生 ¥1,050
網址http://www.busena-marinepark.com/chinese_t/

 

沖繩親子遊|沖繩親子景點推介|美國村

美國村
@okinawatravelinfo

去旅行行街shopping當然就唔少得啦!但帶住小朋友又想行得輕鬆?美國村就啱哂啦!美國村係一個以美國西岸為原型嘅大型購物中心,呢度嘅商店種類多到數唔哂,無論係運動用品、男裝、女裝、家品,定係專賣親子裝嘅服飾店都一應俱全!最正係呢度有好多遊戲中心同特色食店,小朋友一定鍾意!行完街仲可以同小朋友喺充滿美國風情嘅橫街小巷影吓相打卡,玩足一日!

美國村_2
@TabiraiJapan

美國村內仲有超大型SEGA遊戲中心,有兒童遊樂場、遊戲機同夾公仔機!小朋友行街行到悶,就可以帶佢地嚟呢度玩到夠啦!

 

美國村
地址:904-0115 沖縄県中頭郡北谷町美浜15-69 (顯示地圖)
交通:由那霸市中心出發,乘坐120號巴士,大概50分鐘車程。
網址https://www.okinawa-americanvillage.com/

 

沖繩親子遊|沖繩親子景點推介|Blue Seal「Ice Park」

Blue Seal「Ice Park」
@tabirai

嚟到沖繩,一定會見過Blue Seal呢個雪糕品牌!Blue Seal係沖繩獨有嘅雪糕連鎖店,佢地嘅雪糕可以講得上係陪著沖繩人長大!而喺牧港就有一間,由第一間Blue Seal雪糕店改造而成嘅Blue Seal Ice Park DIY雪糕體驗館啦!體驗館內色彩繽粉,一入到去就聞到甜甜嘅雪糕香味,就好似童話世界咁!仲有得親手製作獨一無二嘅Blue Seal雪糕𠻹!

Blue Seal「Ice Park」_2
@teteru-okinawa

入場門票已經包埋DIY體驗嘅費用,大家只要預先上網預約時間,就可以親手製作專屬嘅Blue Seal雪條㗎啦!小朋友可以挑選想要嘅雪條口味,浸上朱古力外層同加上唔同嘅配料,製作造型獨特嘅Blue Seal雪條,有得食又有得玩,仲可以比小朋友發揮無限創意!

 

Blue Seal「Ice Park」
地址:901-2131 沖縄県浦添市牧港5丁目5-6 (顯示地圖)
交通:由那霸市中心出發,乘坐120號巴士,牧港站落車,大概50分鐘車程。
營業時間:每日 09:00 – 18:00
自製雪糕體驗費用 (只供參考)每人 ¥1,500 ※需在官網預約
網址http://icepark.blueseal.co.jp/

 

沖繩親子遊|沖繩親子景點推介|名護鳳梨公園

名護鳳梨公園
@nagopine

沖繩係日本最大嘅鳳梨產地,所以沖繩有好多同鳳梨相關嘅產品!而喺沖繩北部就有一個以鳳梨為主題嘅名護鳳梨公園!呢度嘅鳳梨園有超過600種鳳梨品種,原來當中只有100種可以食用,真係唔講都唔知原來鳳梨有咁多種類!

名護鳳梨公園
@nagopine

園內有「鳳梨號」無人駕駛列車帶大家遊覽各個園區,帶住小朋友就梗係唔想矖住咁穿梭叢林咁辛苦啦,可以舒舒服服咁坐喺造型特別嘅車上遊園就玩得開心又輕鬆啦!

名護鳳梨公園_3
@Tabirai

公園內仲有餐廳同特產區,大家可以試食各種用鳳梨製成嘅特色食品,仲係掃手信嘅最佳時機!有得玩、有得食,又有得shopping!爽呀!

 

名護鳳梨公園
地址:905-0005 沖縄県名護市為又1195 (顯示地圖)
交通:由那霸市中心出發,乘坐111號巴士,名護站落車,轉坐70或76號巴士,名櫻大學入口落車。
營業時間:每日 09:00 – 18:00
入場費用 (只供參考)成人 ¥850;小學生 ¥450
網址http://www.nagopain.com/

 

沖繩親子遊|沖繩必食餐廳推介|Pork Tamago Onigiri 飯糰

Pork Tamago Onigiri 飯糰
@TripAdvisor

日本飯糰有幾好食就唔洗多講,喺沖繩第一牧志公設市場就有一間每朝早都人頭湧湧嘅飯糰店Pork Tamago Onigiri。呢間飯糰店以賣沖繩人最鐘意嘅早餐豬肉蛋飯糰而出名。雖然係看似簡單嘅飯糰,但香脆嘅紫菜包住鬆軟嘅日本飯、厚切豬肉同滑蛋,加上特製他他醬!一口咬落去感覺好滿足,好療癒,係令人無法抗拒嘅早餐之選!

Pork Tamago Onigiri 飯糰_2
@Facebook
飯糰 ¥250-400

呢度仲有好多唔同配搭嘅飯糰,仲有好多都係用咗沖繩本地出產食材,一定要試多幾個口味呀!

 

Pork Tamago Onigiri 飯糰
地址:900-0014 沖縄県那覇市松尾2丁目8-35 (顯示地圖)
營業時間:每日 07:00-17:30 ※逢星期三休息
網址:http://porktamago.com/

 

沖繩親子遊|沖繩必食餐廳推介|大根的花

大根的花
@OkinawaTravelInfo
午餐自助餐 ¥1,560/一位,晚餐自助餐 ¥1,950/一位

相信各位家長帶小朋友出街食飯,都希望可以食一啲少味精,較為健康嘅食物。大根之花係一間主打以採用有機同新鮮食材嘅自助餐廳,食材都係來自自家農場!家長完全可以放心比小朋友盡情食!

大根的花_2

唔好以為有機就只係得蔬菜,而健康食物就會淡而無味!呢度嘅食物種類多到食極都試唔哂,有蔬菜、有肉類,仲有甜品!而且每一樣都非常美味,令人一改對健康食物嘅印象!

 

大根的花
地址:1113, 高良 那覇市 沖縄県 901-0145 (顯示地圖)
營業時間:星期一至五 11:30-16:00;18:00-22:30,星期六及日 11:30-16:00;17:30-22:30
網址:https://iikaisya-tsukurou.com/

 

沖繩親子遊|沖繩酒店推介|卡夫度假富著公寓酒店

卡夫度假富著公寓酒店
@hotel.com

卡夫度假富著公寓酒店係位於恩納海灘旁邊嘅酒店,酒店非常開揚,可以望到無敵大海景,而且呢度嘅配套設施仲好照顧到大人細路嘅需求㗎!酒店有專人托兒服務,大人就可以趁呢個時候去酒店嘅全方位SPA relax吓!想進行親子活動又可以去酒店嘅兒童泳池玩吓,又或者係參加附近嘅生態團!一家大細齊齊enjoy!

卡夫度假富著公寓酒店_2

小編最鐘意就係呢度有套房比大家選擇!小朋友最鐘意跑跑跳跳,套房就夠哂活動空間比佢地啦!仲有廚房、客廳、雪櫃、微波爐等等居家設施,直頭有種家嘅感覺!

 

卡夫度假富著公寓酒店
地址:JPN恩納Onna Son246-1 Fuchaku Shirifukuchihara (顯示地圖)
星級 | ★★★★☆  
位置 | ★★★☆☆  
設施 | ★★★☆☆  
環境 | ★★★★★
價格 | 查看價格  

 

沖繩親子遊|沖繩酒店推介|沖繩喜來登聖瑪麗娜渡假村

沖繩喜來登聖瑪麗娜渡假村

沖繩喜來登聖瑪麗娜渡假村係沖繩一間好受歡迎嘅親子遊渡假酒店,鄰近沙灘,環境優美寧靜!住過嘅旅客都對呢度嘅服務質素讚口不絕!有私人沙灘、網球場、SPA同泳池,仲好有好多適合小朋友玩嘅設施,淨係一入大堂嘅魚缸就已經好似水族館,令小朋友非常興奮!

沖繩喜來登聖瑪麗娜渡假村_2

酒店設有室內兒童遊樂場,係幫小朋友放電嘅最佳場所!

沖繩喜來登聖瑪麗娜渡假村_3

房間寬敞乾淨,又夠開揚光猛!仲有露台對住沙灘,可以喺房內就欣賞到沙灘日落嘅美景,令人完全放鬆!

 

沖繩喜來登聖瑪麗娜渡假村
地址:JPN恩納66-1 Fuchaku (顯示地圖)
星級 | ★★★★☆  
位置 | ★★★☆☆  
設施 | ★★★☆☆  
環境 | ★★★★★  
價格 | 查看價格  

 

📖延伸閱讀:【沖繩自駕遊】沖繩水族館、沖繩浮潛、沖繩潛水套餐懶人包 (含自駕貼士)
📖延伸閱讀:【新加坡自由行】新加坡親子遊去邊度?聖淘沙水上樂園、環球影城遊玩樂指南
📖延伸閱讀:【台北親子遊】帶著全家去旅行!台北親子酒店、餐廳、景點推薦!
📖延伸閱讀:【曼谷小朋友去邊度】編輯嚴選親子曼谷cooking class + 曼谷親子餐廳一覽!

 

Hotels.com酒店優惠Hotels.com酒店優惠