定期送上世界各地最新、最地道嘅旅遊資訊!

【沖繩超市攻略】遊沖繩必買!沖繩特產、手信、零食限定推薦!

 

沖繩係日本東南方嘅一個小島,除咗有陽光與海灘之外,當地嘅天然資源都相當豐富,例如黑糖、海鹽、苦瓜等等都係唔可以錯過嘅沖繩特產。加上,絕大部分嘅沖繩超市都係24小時營業,方便你除時掃貨。想知有咩係沖繩必買即刻上Blogshotels.com睇啦!

 

📖延伸閱讀:【宮古島自由行】又開新航線!沖繩宮古島景點行程懶人包 (青之洞窟浮潛Q&A)
📖延伸閱讀:【國際通攻略】沖繩國際通美食特集!(必試抵食國際通燒肉店)

 

沖繩超市攻略|沖繩特產、手信推薦|黑糖

黑糖
@kokutoya

提起沖繩,相信好多人都會第一時間諗起黑糖。沖繩早喺十八世紀就已經開始種植甘蔗,成為重要出產糖嘅地方。沖繩人仲創造咗一套獨特嘅黑糖製作技術,保留咗大量嘅營養成份同藥用價值。黑糖除咗可以沖水飲之外,仲可以煮糖水同代替平日嘅加工白糖。喺中醫角度,黑糖性質溫和,有補中益氣、健脾暖胃嘅作用,可以改善手腳冰冷、經痛等狀況,仲有美容功效,女士們有福喇。

 

沖繩超市攻略|沖繩特產、手信推薦|金楚糕

金楚糕
@damdam.0_0

金楚糕係沖繩嘅傳統糕點。相傳金楚糕係為咗招待中國使者而研發出嚟,當時只係得貴族先可以食到。

金楚糕_2
@mimihairsalon

金楚糕雖然係和和菓子嘅一種,但係口感比較就似曲奇咁,鬆鬆脆脆。

金楚糕_2
@tomoya1believefnc

你仲可以輕鬆喺沖繩嘅超級市場到搵到,除咗原味之外,仲加入咗其他特產,推出咗雪鹽、紅芋、菠蘿等等嘅口味,令你一次滿足晒兩個願望。

 

沖繩超市攻略|沖繩特產、手信推薦|紅芋撻

紅芋撻
@rik_rki

紅芋係沖繩嘅特產,類似紫薯,但味道比較清爽,而且甜而不膩,難怪紅芋撻咁搶手,仲係當地最暢銷嘅手信之一。

紅芋撻_2
@sa.kura5088

雖然包裝紅芋撻喺超級市場都買得到,但品質絕對唔會輸比專門店。呢款紅芋撻口感濕潤,上面佈滿紅芋蓉,有少少似法式蒙布朗,而且唔會太甜,性價比非常高!

 

沖繩超市攻略|沖繩特產、手信推薦|辣椒油

辣椒油
@oorie718

辣椒係熱帶嘅香料,日本人一般都好少食辣,甚至唔好辣,但幾乎每個日本人嚟到沖繩都會搶購呢個辣椒油,到底係咩原因呢?

辣椒油_2
@crayon405

沖繩辣椒油採用咗浸泡嘅方式,望落好清澈仲見到一條條完整嘅辣椒,絕對冇偷工減料咖。食落係淡淡嘅辣味,食唔到辣嘅人都接受到。

辣椒油_3
@calvo_tanaka

你仲可以好似當地人咁配拉麵、魚生嚟食,試吓南國獨有嘅風味。

 

沖繩超市攻略|沖繩特產、手信推薦|青檸蛋糕

青檸蛋糕
@grandirnobu

沖繩盛產水果,呢個青檸蛋糕除咗採用咗當地新鮮嘅青檸之外,製作上面都好有心思。

青檸蛋糕_2
@mori_mikann33

蛋糕內層濕潤唔乾,而且充滿忌廉,加埋外層嘅檸檬糖衣,比例啱啱好,酸酸甜甜,係初戀嘅味道呀。

 

沖繩超市攻略|沖繩特產、手信推薦|苦瓜乾

苦瓜乾
@tabi_fulme

沖繩係著名嘅「長壽」,當地人嘅平均壽命接近90歲。當局為咗好好推廣呢個健康風氣,仲特別推出咗唔少特產。

苦瓜乾_2
@fooday_

好似呢個用咗當地特產──山苦瓜整成嘅苦瓜乾咁,不單止好食,仲有可以減重、減脂、降血糖嘅營養價值。呢個苦瓜乾食落鬆脆,完全唔苦,鹽鹽香香,完全可以代替薯片!想好似沖繩人一樣咁長壽? 咁你一定要試吓呢個苦瓜乾喇。

 

沖繩超市攻略|沖繩特產、手信推薦|雪鹽

雪鹽
@ayasnoopy25

雪鹽係海鹽嘅一種,由於非常幼細,呈粉末狀,好似雪一樣,所以就有咗「雪鹽」呢個稱呼。同時亦都因為宮古島嘅石灰岩層,將海水天然咁過濾,又保留咗大量嘅鈣,加上獨特嘅處理手法,令雪鹽獲打破咗世界紀錄,成為蘊藏最多礦物質的鹽。

 

沖繩超市攻略|沖繩特產、手信推薦|泡盛

泡盛
@pukataku

泡盛係用泰國米加水發酵蒸餾而成嘅米酒,係沖繩歷史非常悠久,所以有「古酒」呢個稱號。超市嘅泡盛包裝非常可愛,一啲都唔老套!

泡盛_2
@suzuki_guesthouse_kyoto

隨住存放嘅時間愈嚟愈長,味道會變得更加香醇,甜味愈都會愈嚟愈明顯。

 

沖繩超市攻略|沖繩特產、手信推薦|辣味豬肉乾

辣味豬肉乾
@nanamico.73

呢個牌子一般係用牛肉製成,但為咗製合沖繩人嘅口味就用咗豬取代。話就話係豬肉乾,但主要係以豬耳部分製成,有豐富嘅蛋白質,甜甜辣辣,好有咬口,送酒一流。

 

沖繩超市攻略|沖繩特產、手信推薦|青檸啤酒

青檸啤酒
@princewang0318

沖繩盛產水果,嚟到又點可以錯過呢隻加入咗沖繩特產嘅青檸果酒呢?青檸中和咗啤酒嘅苦澀味,入口清爽,加少少薄荷葉就完全係罐裝嘅mojito。

 

📖延伸閱讀:【沖繩自駕遊】沖繩水族館、沖繩浮潛、沖繩潛水套餐懶人包 (含自駕貼士)
📖延伸閱讀:【石垣島自駕遊】沖繩石垣島景點攻略!必試入口即溶石垣牛!
📖延伸閱讀:【沖繩冬天景點】冬天沖繩行程推介—沖繩賞鯨、賞櫻好去處2018
📖延伸閱讀:【日本必食】終極嚴選京都、大阪、沖繩、東京必食特集2018!

Hotels.com酒店優惠Hotels.com酒店優惠