定期送上世界各地最新、最地道嘅旅遊資訊!

【Hotels.com大使推介】沖繩冬天行程推介—沖繩賞鯨、賞櫻好去處2018

提到日本嘅夏天,唔少人都會即刻諗起沖繩嘅陽光與海灘,同埋各式各樣嘅水上活動。但你又知唔知道,原來冬天去沖繩都有唔少精彩活動!冬天嚟到沖繩,唔單止參加人氣嘅賞鯨之旅,仲可以參與一年一度嘅櫻花祭𠻹!等Hotels.com大使同你詳細介紹2018最新日本沖繩三日兩夜行程喇!

 

 

第一日:單軌列車一日遊

@Flickr

到達沖繩那霸機場 > 單軌列車國內線 那霸空港站 > 通堂拉麵「女人麵」 > 波上宮 > 首里城 > 琉球茶房(沖繩傳統料理)> 國際通

 

沖繩行程景點:波上宮


@flickr

波上宮位於波之上海濱旁邊嘅懸崖上,係沖繩當地擁有第一參拜人數嘅神社,加上波上宮全年無休,費用全免,自然成為沖繩南部必去景點之一,絕對係一個結合人氣同傳統風情嘅景點。波上宮建築充滿沖繩古老文化色彩,入口再去本殿屋頂採用紅色磚瓦,兩邊亦放置風獅爺,紅白色調更突顯神社簡約平靜。建議想誠心參拜嘅遊客可以先係神社入口嘅「鳥居」點頭致敬,再到「手心舍」潔淨心靈,仲可以掛「繪馬」或者抽「神籤」向神社嘅神明許願。另外,唔少遊客去到波上宮都會買返幾個御守做手信,祈求平安。


@flickr

 

沖繩行程景點︳波上宮

地址:日本沖繩縣那霸市若狭1-25-11顯示地圖
交通:乘搭單軌列車到「旭橋駅」,再步行約15分鐘

 

沖繩行程景點:首里城公園


@flickr

第二站就去到琉球國王居住城堡 – 首里城首里城世界文化遺產,雖然仲未查證到確實建築時間,但係考古推斷首里城喺11世紀已經存在,見證住沖繩文化歷史發展,並且成為沖繩南部嘅著名景點,而今年2017年正正係首里城公園開園25周年。首里城公園佔地面積大,有啲景點係收費區域,所以大家記得一入到園區就要先去遊客中心攞份首里城地圖。如果行程緊密,可以重點參觀守禮門、園比屋武御嶽石門等有歷史意義嘅世遺景點。


@Flickr

留意返,首里城公園係12月至3月會係18:00正式關門,17:30截止售票,所以記得唔好太晏去到喇!如果想入埋收費區域(正殿、南殿‧番所、書院‧鎖之間、黃金御殿‧寄滿‧近習詰所、奧書院、北殿、奉神門區域),就要收返每位大人820日圓。

 

沖繩行程景點︳首里城公園

地址:日本沖繩縣那霸市首里金城町1-2顯示地圖
交通:乘單軌列車到「首里駅」再步行大概15分鐘

 

沖繩行程景點:國際通


@Flickr

嚟到日本嘅行程當然係買!買!買!而係沖繩要掃貨,一定要去國際通國際通係那霸最繁華熱鬧嘅購物大道,稱得上係沖繩最好行嘅一條街。國際通橫跨沖繩單軌列車「県庁前駅」、「美栄橋駅」同「牧志駅」三個站,交通便利。而且成條街都係美食、藥妝、餐廳、商店:係「県庁前駅」附近有RYUBO百貨、大國藥妝、御菓子殿堂、鹽屋;行到中間近「美栄橋駅」有COACH Outlet、唐吉訶德、DAISO;再到「牧志駅」就有八重山石坦牛燒肉店、AEON MaxValu超市等。應有盡有,包你可以盡情shopping,飲飽食醉。建議你喺沖繩那霸揀酒店,係國際通附近就唔怕行到夜一夜無車返酒店喇!

 

沖繩行程景點︳國際通

地址:日本沖繩縣那霸市牧志3丁目2−10 國際通顯示地圖
交通:單軌電車縣廳前站(県庁前駅)步行3分鐘

 

🏨Top10沖繩人氣酒店住宿推介HK$607起 *安心價格保證*
[海灘公寓式客房酒店HK$643起,沖繩格蘭梅爾渡假村HK$842起,美雪海灘酒店HK$901起]

 

第二日:沖繩賞鯨之旅

@Facebook

賞鯨半日遊(約4-5小時)> 泊港漁市場(平價海鮮丼) > 美國村

@Marine House SEASIR Facebook

 

沖繩賞鯨行程

唔少人都會專程拜訪沖繩冬日限定行程 – 賞座頭鯨,由於沖繩附近嘅海域清澈、海水溫暖,每年冬天時間都會吸引座頭鯨去到沖繩進行繁殖。所以係每年12月底到下年4月造就咗沖繩賞鯨旺季,而當中最大機會見到座頭鯨嘅最佳時間就係1月到3月中,見到鯨魚嘅機率接近99%!想親眼睇到鯨魚其實好簡單,只要預先係網上報名,揀返沖繩賞鯨半團或者一天團,Hotels.com大使搜羅咗兩個提供賞鯨團嘅公司俾你參考:

株式會社Cerulean Blue

http://okinawatravelinfo.com/zh-hant/water-sports/whale-watching-naha-cerulean-blue/(日文)

NEWS

http://okinawatravelinfo.com/ja/water-sports/whalewatching-news/ (日文)

雖然大部分公司淨係提供日文導覽,但係優質嘅服務同口碑令佢哋好受華人遊客歡迎。呢兩間賞鯨半日團全程約需三個鐘,係那霸三重城港出發,上午團會係8:30集合,下午團就會係1:00集合,有需要仲可以係報名前詢問酒店接送服務。大人價錢為4,200日圓,小孩(3/4-11歲)只需3,200日圓,唔使400蚊港紙就可以親身係沖繩睇到鯨魚,真係抵過去海洋公園啊!最後提提大家,因為沖繩海面風浪好大,賞鯨前記得著夠衫同埋食定暈浪丸啊!

 

沖繩行程景點:美國村


@Flickr

去完賞鯨之旅半日遊就要即刻上返沖繩中部北谷町美國村。唔好以為日本只係大阪有美國村,其實沖繩都有個充滿異國風情美國村。沖繩美國村範圍好大,其中有三個大型商場:AEON北谷店、Depot Island同埋Carnival Park Mihama,而每一區都各有推薦的景點、商店同美食,等Hotels.com大使同你逐一介紹


@Flickr

首先衝去AEON北谷店掃貨,無論係藥妝、零食、衫褲鞋襪等貨品手信應有盡有,有興趣的話再向海邊方向行去到日落海灘chill一chill都係一個唔錯嘅選擇

@Flickr

而Carnival Park Mihama區有美國村嘅地標 – 摩天輪、大國藥妝同埋百元商店,行到攰就緊係要去食沖繩出名嘅漢堡包連鎖店A&W

@Flickr

至於Depot Island區就有日本最大型嘅帽子屋Flava,而且Depot Island小巷入面仲有好多特色小店,包括沖繩獨有T-shirt專賣店 Habu Box,最啱買黎做手信,包你行到唔捨得走!

 

沖繩行程景點︳美國村

地址:日本沖繩縣中頭郡北谷町字美濱顯示地圖
交通:從那霸巴士總站乘坐巴士75分鐘

 

第三日:日本最早櫻花

@Flickr

八重岳櫻之森公園(沖繩北部)/ 那霸與儀公園(沖繩南部)

沖繩係全日本櫻花最早開花嘅地方,理所當然成為沖繩冬季熱門行程之一。雖然2018年確實嘅櫻花日期仲未出,但參考2017年日本櫻花季時間表,沖繩櫻花預測會係下年1月中至2月第二周開花,當然實際日期會受天氣影響,但係賞櫻愛好者不妨提早準備定沖繩賞櫻行程!

 

沖繩行程景點:八重岳櫻之森公園

櫻 🌸 #櫻花 #八重岳 #八重岳櫻之森公園 #japan #沖繩

A post shared by (@albert92975) on

沖繩嘅櫻花係由北部先開,再慢慢開到南部。所以位於沖繩北部嘅八重岳係全日本最早櫻花祭嘅本館場地,通常會係每年1月第三周到2月頭舉辦。八重岳公園入面種植7000株櫻花樹,充滿粉紅色彩嘅寒緋櫻花,而且費用全免,唔少遊客都會選擇係漫天櫻花嘅八重岳櫻之森公園入面野餐,享受一個悠閒嘅下午。

 

沖繩行程景點︳八重岳櫻之森公園

地址:日本沖繩縣國頭郡本部町並里921顯示地圖
交通:於名護市乘70號或76號巴士至八重岳入口站下車,步行約20分鐘

 

那霸與儀公園

ピンクの桜は綺麗なんです🌸 #與儀公園 #お花見 #桜

A post shared by Aki (@da8253) on

如果唔想上到沖繩北部咁遠,又或者想避開觀光人潮,建議你可以留係沖繩南部那霸嘅與儀公園與儀公園係沖繩當地人嘅賞櫻勝地,與儀公園嘅櫻花祭大概係每年嘅2月初到2月中舉行。雖然面積與儀公園唔大,但係勝在遠離煩囂,交通方便(乘搭沖繩單軌列車「安里駅」),絕對係留係沖繩那霸賞櫻一個好地方!

 

沖繩行程景點︳那霸與儀公園

地址:日本沖繩縣沖縄県那覇市与儀1−11-1顯示地圖
交通:從地鐵安里站步行15分鐘

 

Hotels.com 酒店優惠

睇到呢度,喺咪想即刻book酒店展開沖繩冬天旅行呢?點樣先可以用至抵價錢book台北酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!