定期送上世界各地最新、最地道嘅旅遊資訊!

東京近郊溫泉之旅:箱根溫泉酒店推薦

冬天最好嘅活動就緊係浸溫泉啦!今次介紹嘅地方係東京近郊嘅箱根,由東京搭火車去箱根只需要一個鐘車程,方便又快捷。箱根位於富士箱根伊豆國家公園嘅中央,自然風景美不勝收,加上富士山火山噴發而形成嘅蘆之湖,造就咗豐富嘅溫泉資源,所以箱根亦有「日本溫泉之鄉」之稱。箱根溫泉區多不勝數,標誌性嘅溫泉區多達17個,統稱「箱根十七湯」,每年吸引好多遊客慕名而來。今次小編精選咗幾間箱根溫泉酒店,今個冬天整返個東京近郊溫泉之旅啦!

 

箱根溫泉酒店推薦箱根湯本溫泉酒店精選

箱根湯本溫泉係箱根十七湯之中歷史最悠久嘅溫泉,泉源早喺公元738年就被發現。由於箱根湯本溫泉位於箱根旅遊區嘅入口處,所以有箱根玄關口溫泉之稱。箱根湯本溫泉屬於單純泉,溫度達25度以上,含微量溫泉成分,對紓緩神經痛同關節痛特別有效。

 

箱根帕克斯吉野酒店(Hakone Pax Yoshino)箱根帕克斯吉野酒店, 箱根, 室內 SPA æµ´æ± 

箱根帕克斯吉野酒店, 箱根, 客房 (Japanese Western, half openaired bath), 客房

箱根帕克斯吉野酒店係一間比較新嘅溫泉酒店,2013年重新裝修,現時酒店總共有七十六間客房、兩個大浴場同三個出租露天浴池。其中一個大浴場「絹之湯」位處20公尺高,住客可以一邊浸溫泉一邊欣賞外面嘅溪流,潺潺流水聲伴隨美好溫泉時光,極之寫意!酒店大部分客房都附有私人浴池,當中幾種房型更加有半露天浴池,可以隨時享受一個人嘅溫泉時光!

 

箱根帕克斯吉野酒店(Hakone Pax Yoshino)
地址:
JPN箱根139-5 Yumotochaya (顯示地圖)
星級 | ★★★★☆
位置 | ★★★☆☆
設施 | ★★★☆☆
環境 | ★★★☆☆
價格 | 查看價格 

 

箱根溫泉河鹿莊酒店河鹿莊酒店, 箱根, 酒店正面

箱根溫泉河鹿莊酒店係一間位置比較隱蔽嘅溫泉酒店,位於河畔小徑上,酒店房對住小河流水嘅景色,畀人一種悠閒寫意嘅舒適感!而酒店內有四個露天大浴場同一個闊18米嘅大浴場,當然唔少得半露天嘅溫泉客房啦,私隱度較高之餘,又有庭園景色欣賞,真係睇相都覺得正啊!

河鹿莊酒店, 箱根, 室外 SPA 浴池

酒店外面嘅景色雖然唔算好壯觀,但比人一種舒服嘅感覺,非常適合度假放鬆心情!

 

箱根溫泉河鹿莊酒店
地址:
JPN箱根688 Yumoto Hakone-machi (顯示地圖)
星級 | ★★★★☆
位置 | ★★★☆☆
設施 | ★★★★☆
環境 | ★★★★☆
價格 | 查看價格 

 

箱根溫泉酒店推薦小涌谷溫泉酒店精選

小涌谷位於箱根神山同淺間山山谷之間,以前名為「小地獄」,1873年先改名為「小涌谷」。小涌谷溫泉特別之處就係,溫泉係由海拔650米嘅箱根山湧上嚟!小涌谷溫泉屬於單純泉,對神經、關節痛特別有幫助。

 

箱根武藏野別館武藏野別館, 箱根, 標準客房 (Japanese Style), 客廳

武藏野別館係一間日式旅館,旅館散發一股純樸嘅日式風情。旅館除咗有公眾浴場之外,每位入住嘅旅客都有兩次浸「私湯」嘅機會!交通方面,旅館位於站宮ノ下同小涌谷站之間,小編建議可以由小涌谷站落車,因為路段會係下坡,但如果由宮ノ下落出行去嘅話,就要走上坡路,相對比較吃力。由小涌谷站步行10分鐘就可以去到。

武藏野別館, 箱根, 室內 SPA 浴池

其中一個私湯「隱れ湯‧薰風」有一片叢林景色作襯托,而行去私湯會先經過一段兩旁鋪滿小碎石嘅走廊,勁有feel!

 

箱根武藏野別館
地址:
JPN箱根425-1 Miyanoshita (顯示地圖)
星級 | ★★★☆☆
位置 | ★★★☆☆
設施 | ★★★☆☆
環境 | ★★★★☆
價格 | 查看價格 

 

箱根溫泉酒店推薦塔之澤溫泉酒店精選

塔之澤溫泉喺湯本溫泉後面,泉質同湯本溫泉一樣屬於單純泉。塔之澤溫泉係箱根最早發現嘅溫泉之一,歷史悠久,而且附近仲有好多隱密景點,例如無人車站、熊本神社等等。

箱根金乃竹塔之澤旅館金乃竹塔之澤旅館, 箱根, 普通套房 (Kumo(Club Floor)), 客房

金乃竹塔之澤旅館講求同大自然嘅結合,入住旅館嘅客人都可以得到身心靈嘅放鬆!客房以原木為主調,而且放眼望出去,都係鬱鬱蒼蒼嘅樹林,最重要係所有客房都附有私人露台連浴池,私隱度高之餘又可以欣賞大自然嘅景色,真係冇得輸!

金乃竹塔之澤旅館, 箱根, 標準客房 (Open Air Bath, Tsuki), 客房

一行出露台就可以享受溫泉,世上最美好嘅事情莫過於此!

 

箱根金乃竹塔之澤旅館
地址:JPN箱根191 Tonosawa (顯示地圖)
星級 | ★★★☆☆
位置 | ★★★★☆
設施 | ★★★★☆
環境 | ★★★★☆
價格 | 查看價格

 

箱根塔之澤世嘉濤灣酒店塔之澤世嘉濤灣酒店, 箱根, 高級雙床房, 非吸煙房, 客廳

塔之澤世嘉濤灣酒店係一間性價比高嘅溫泉酒店,客房寬闊明亮,而且酒店隔離就係一條溪流同吊橋,有種清幽嘅感覺。大部分靚少少嘅箱根溫泉酒店都要三、四千一晚,而塔之澤世嘉濤灣酒店只係千零蚊一晚。酒店達3.5星級數,內有兩個溫泉池,性價比好高,適合budget唔多但又想入住溫泉酒店嘅朋友。

 

箱根塔之澤世嘉濤灣酒店
地址:JPN箱根120 Tounosawa (顯示地圖)
星級 | ★★★☆☆
位置 | ★★★☆☆
設施 | ★★★★★
環境 | ★★★★☆
價格 | 查看價格

 

Hotels.com酒店優惠