定期送上世界各地最新、最地道嘅旅遊資訊!

【杜拜自由行】Top 6特色杜拜手信購買攻略+杜拜旅遊注意事項

相信杜拜畀人嘅第一印象就係一個非常奢華嘅國家,四處都係宏偉嘅建築同金碧輝煌嘅酒店。近年越嚟越多人去杜拜旅行,或者你已經知道杜拜有一個全球最大型嘅購物商場 — Dubai Mall,但你又知唔知杜拜有咩手信好買呢?今次小編就為大家送上杜拜手信購買攻略,仲連埋杜拜旅遊注意事項一次過話你知!

 

杜拜自由行 | Top 6 特色杜拜手信|Swiss Arabian 阿拉伯香水


@swissarabian.com

由於阿拉伯人居住喺沙漠地區,以前缺乏水源,並唔可以每日沖涼,所以香水對佢哋嚟講可以話係必需品。香水喺阿拉伯國家有深遠嘅歷史,早喺古代至中世紀已經有條因運送香水而出名嘅「乳香之路」,可見香水對阿拉伯人嘅重要性。去到杜拜當然唔少得買返枝香水做手信啦,而今次介紹嘅呢個品牌,係阿拉伯嘅香水名牌,喺各大商場都可以搵到佢嘅蹤影。Swiss Arabian 將各種植物同水果加入香水之中,所以香水氣味比較清新香甜,而且包裝雍容華貴,送禮一流!

 

Top 5 特色杜拜手信|藏紅花


@jex_boogie

藏紅花係一種名貴嘅藥材,主要產地係伊朗,但由於杜拜係藏紅花嘅主要出口市場,所以好多人去杜拜都會買嚟做手信!藏紅花功效廣泛,包括活血祛瘀、解毒養血、紓緩痛楚、降壓等等,而且仲有美容功效,食用之後氣息變好、面色紅潤,係女士們至愛!

 

 


杜拜自由行|杜拜酒店推介|杜拜費爾蒙特酒店

杜拜費爾蒙特酒店位於杜拜市中心,交通非常方便,亦都鄰近多個市內景點,例如去全球最大嘅購物中心-杜拜購物中心哈利法塔都只係需要10分鐘車程!貴為五星級酒店,入面裝潢走古典優雅路線,酒店房空間亦都非常廣闊,望出去景色優美!

酒店入面有2座天台泳池,可以對住一流嘅景色暢泳!

杜拜費爾蒙特酒店
地址:Sheikh Zayed Road, Trade Centre, Dubai, United Arab Emirates (顯示地圖)
星級 | ★★★★★
位置 | ★★★★☆  
設施 | ★★★★★   
環境 | ★★★★★  
價格 | 查看價格  

 

Top 4 特色杜拜手信|Patchi 朱古力


@Patchi


@Patchi

Patchi 朱古力來頭唔惹少,佢有「朱古力界Hermès」之稱!究竟有咩過人之處呢?Patchi 朱古力嘅原產地係黎巴嫩,朱古力品質上盛,出名口感幼滑、高純度,而且Patchi 為咗保障朱古力品質,只會固定同幾個國家合作製作同販售朱古力,而杜拜就係其中一個,所以去到杜拜緊係唔可以錯過,試下Patchi 朱古力有幾咁好食啦!

 

Top 3 特色杜拜手信|沙瓶畫


@
cloudtaiwanstore

 

喺杜拜街頭或者市集,你隨處都可以見到沙瓶畫嘅蹤影。沙瓶畫係中東國家非常常見同熱門嘅手信佳品。利用五顏六色嘅沙製作成富杜拜特色嘅沙畫,無論沙灘定駱駝,杜拜人都可以用佢哋靈巧嘅雙手整出嚟,你仲可以同店主講你想要嘅圖案,為你taylore-made專屬嘅沙瓶畫!

 

Top 2 特色杜拜手信|椰棗


@
charliesliu_


@flyinggirlcrew

椰棗係阿拉伯國家常見嘅健康食品,阿拉伯人更加稱椰棗樹為「沙漠中嘅新娘」,因為椰棗樹可以喺嘅寸草不生沙漠之中壯茁成長,所以椰棗亦有「沙漠麵包」之稱。椰棗好味又健康,含豐富嘅維他命同礦物質,對身體非常有益。唔講唔知,喺杜拜椰棗仲有等級之分,平嘅幾十蚊港幣已經可以買到一盒,貴嘅更加要上千蚊!

 

Top 1 特色杜拜手信|Al Nassma 駱駝奶朱古力


@
Al Nassma Chocolate

駱駝可以話係杜拜嘅象徵,而Al Nassma 駱駝奶朱古力就更加係必買嘅杜拜手信!Al Nassma係世界上唯一一間用駱駝奶製作朱古力嘅朱古力品牌,駱駝奶脂肪含量係牛奶嘅一半,而且相比起牛奶更多出五倍維他命C,有益健康,所以喺杜拜Al Nassma 駱駝奶朱古力係高級奢侈食品!用 駱駝奶製作而成嘅朱古力,口感濃滑,味道帶有點點麥芽甜味!

 

杜拜自由行|杜拜酒店推介|朱美拉阿聯酋長酒店

去得杜拜旅行,就當然要入住豪華酒店好好享受一下啦!呢間酒店係杜拜非常有氣派嘅五星級酒店,酒店外觀睇落已經非常華麗,入面嘅設施更加冇得彈!酒店內有6間餐廳,想食意大利菜、法國菜甚至日本菜都滿足到你,最令人驚喜嘅係入面仲有私人水上樂園同沙灘,真係唔出酒店都可以好好玩!

呢間酒店最適合鍾意水上運動嘅朋友,一家大細都非常適合!

朱美拉阿聯酋長酒店
地址:Sheikh Zayed Road, Dubai, United Arab Emirates (顯示地圖)
星級 | ★★★★★
位置 | ★★★★☆  
設施 | ★★★★★   
環境 | ★★★★★  
價格 | 查看價格  

 

杜拜自由行|杜拜旅遊注意事項

天氣:杜拜屬於亞熱帶氣候,全年天氣炎熱,夏天平均溫度高達45度以上。杜拜主要分為兩個季節—冬季同夏季,11月至4月係冬季,氣溫大概23-25度,而5月-10月係夏季,平均氣溫介乎28-35度。去杜拜旅行嘅最佳月份係1月至3月,平均溫度維持喺19-20度之間,相對較為舒適。

 @Flickr

衣著:如果夏季去杜拜旅遊,日間氣溫非常炎熱,而且太陽猛烈,建議穿著質地較薄嘅衣物,同時要做足防曬措施,以免返到香港曬黑幾度。即使冬天去杜拜,亦都唔需要著太厚嘅衣物,平均溫度都有廿幾度。不過留意一點,杜拜酒店同商場多數都會開好大冷氣,建議至少預防一套長袖衣物同一件薄褸。

影相:去旅行一定會忍唔住影相,不過需要注意,未經允許唔可以隨意拍攝女性照片,更加唔好隨意拍攝戴面紗嘅女性,分分鐘惹官司上身!

@Flickr

參觀清真寺注意事項:去到杜拜,唔少人都會參觀清真寺。清真寺對阿拉伯人嚟講係莊嚴聖地,所以有好多規限,例如女性需要穿著長褲或長裙、戴上頭巾、披上長袍先可以入內參觀。男性亦都禁止穿著無袖上衣,褲亦需要及膝,不過若果服務唔合要求,亦可喺門口租借衣服。參觀清真寺一律唔可以著鞋入去,入到去記得保持肅靜。另外,女性喺生理期間亦都禁止進入清真寺。

@Flickr

食物:伊斯蘭教國家禁食豬肉,所以喺杜拜係唔會有豬肉料理提供,以牛、羊同雞肉為主。入境亦禁止攜帶含豬肉成分嘅食物,例如豬肉乾、豬肉鬆等。

 

 

 

Hotels.com酒店優惠