定期送上世界各地最新、最地道嘅旅遊資訊!

【有今生冇來世】英國朝聖曼徹斯特「夢劇場」奧脫福 (Old Trafford) 連英超門票撲飛攻略

每逢提到曼徹斯特,相信大家第一時間都會諗起英格蘭國內贏得最多英超聯賽冠軍獎盃嘅英超球隊曼聯!喺電視睇就睇得多,唔知你又有無諗過去外號「夢劇場」嘅曼聯主場奧脫福 (Old Trafford) 親身感受一下「有今生無來世」嘅現場氣氛?再介紹返英超門票撲飛攻略,等你唔洗去到摸門釘!

 

 

朝聖曼徹斯特 | 英超聯賽奧脫福球場 (Old Trafford)

圖像中可能有體育館和戶外@Manchester United

嚟到「夢劇場」奧脫福球場 (Old Trafford),就當然要參加Stadium Tour深入球場內部了解更多!購票後就可以到集合地點同球會導遊匯合展開旅程啦!

 

 @Manchester United

球會導遊會帶你遊走球員更衣室、傳媒室、球員通道同埋後備席,參觀完球場仲可以去埋隔離嘅球會博物館欣賞琳瑯滿目嘅獎盃同比賽花絮。其中,博物館底層有一條介紹曼聯喺1998-99球季榮膺三冠王成就嘅長廊,絕對值得花時間欣賞!

@Manchester United

小編認為成個Stadium Tour最特別嘅係可以近距離參觀球場後備席,感受一下傳奇領隊費格遜同埋摩連奴喺場邊指揮球隊嘅氛圍,仲可以順便打埋個靚卡!要注意Stadium Tour每日名額有限,小編建議各位可以預先喺官網購買門票,咁就唔洗怕入唔到去啦!

 

奧脫福球場 Stadium Tour
地址:Sir Matt Busby Way, Stretford, Manchester M16 0RA (顯示地圖)
營業時間:星期一至日 09:40-16:30 (比賽日會作另行安排)
參考費用:成人 £18 特惠票 £12 (會員半價)
電話:+44 161 868 8000
官網:https://www.manutd.com/en/visit-old-trafford/museum-stadium-tours

 

📖延伸閱讀:【Grad Trip玩到盡】歐洲之星倫敦、巴黎、布魯塞爾景點懶人包! (連票務行李全攻略)

 

英國自由行 | 朝聖曼徹斯特 | 英超門票撲飛攻略

Premier League tickets cost on average £31@Skysports

想購買英超門票,最好嘅方法當然就係上球會官網撲飛啦!小編建議各位喺撲飛之前註冊成為心儀球會嘅會員,因為球會預留俾會員嘅門票相較非會員為多,註冊咗做會員就可以更容易買到英超門票喺現場睇波啦!

 

@The Hospitality Broker

如果你嘅預算較多的話,可以選擇購買較普通門票貴幾倍嘅Hospitality門票。Hospitality門票除咗包括可以入場睇波之外,仲會包埋喺球場嘅高級餐廳用膳。佢嘅好處係只要賽程公佈咗就可以預先購買,並唔需要等到公開發售期間先撲飛,Plan行程就可以更加靈活!

 

British supporters have been voted the most passionate in Europe @Skysports

另外,你亦可以上Thomas Cook Sport買飛。佢哋係英超賽會授權嘅官方售票平台,不過喺度買就一定要買佢哋嘅Package,除咗波飛之外仲會連埋起碼一晚嘅住宿夾埋一齊收費,有無需要就見仁見智啦!

英超門票官網:https://www.premierleague.com/tickets

 

📖延伸閱讀:【英國自由行】倫敦自由行必去三大掃貨outlet!

 

英國自由行 | 朝聖曼徹斯特 | 奧脫福足球酒店 (Hotel Football Old Trafford)

老特拉福德足球酒店, 曼徹斯特, 酒店入口

嚟曼徹斯特朝聖,無理由唔住喺毗鄰奧脫福球場,由加利尼維利同埋傑斯等曼聯名宿開設嘅奧脫福足球酒店!酒店嘅設計同佈置全部都圍繞足球,話唔定隨時會撞到球星㖭,球迷必住啊!

老特拉福德足球酒店, 曼徹斯特, 酒店酒吧

老特拉福德足球酒店, 曼徹斯特, 行政雙人房, 2 張單人床, 客房

奧脫福足球酒店
地址:GBR曼徹斯特99 Sir Matt Busby Way (顯示地圖)
星級 | ★★★★☆  
位置 | ★★★★☆  
設施 | ★★★☆☆  
環境 | ★★★☆☆  
價格 | 查看價格

 

 

Hotels.com酒店優惠