定期送上世界各地最新、最地道嘅旅遊資訊!

【台北親子景點】放暑假好去處!台北農場郊遊地點推薦 + 親親可愛草泥馬!

放假最啱就係一家大細去個快閃旅行!小編整理咗幾個暑假好去處推薦列表,包括必去嘅台北親子景點、人氣台北農場,除咗有得餵動物之外,仲有得即摘蔬果,包你哋玩到唔捨得走!

台北農場
@walkerland

 

台北親子景點台北農場郊遊地點推薦|綠世界生態農場

綠世界生態農場
@trade.1111

綠世界生態農場鄰近新竹,佔地足足70公頃,仲有超過100隻動物!成個園區分咗做6大主題公園,包括天鵝湖、鳥類公園、蝴蝶公園、水生植物公園等等,係台灣其中一個大規模嘅生態農場。

綠世界生態農場_2
@i.ytimg

綠世界主打自然生態遊,所以興建嘅時候都盡量保留自然環境,主要採用放養動物嘅方式,保留最原始嘅生態景觀。唔講唔知,綠世界原來仲係當地人由細到大嘅戶外教學地點,玩嘅同時,小朋友又學到嘢,絕對係物超所值!

綠世界生態農場_3
@howtrip

一入園內就係一大片森林,雖然正值夏天,但入到嚟完全唔會有外面熱嘅感覺,非常涼爽舒服。

綠世界生態農場_4
@pic.pimg.tw

綠野廣場大草原除咗有超級大嘅空間比小朋友跑嚟跑去之外,仲可以見到有草泥馬喺到散步同曬太陽。草泥馬主要生長喺智利同秘魯嘅高原,外型可愛,唔少人都係專程嚟睇佢!

綠世界生態農場_5
@hiveminer

要注意嘅係,草泥馬散步嘅時段每日只有3場,分別係朝早10:30、晏晝1:30同3點,每次只有30分鐘,記住把握時間呀!

綠世界生態農場_6@teresa1014_3

星期六日嚟嘅話,仲有得同鵜鶘零距離接觸!鵜鶘餵食時間由下晝4:40開始,開放大約10分鐘。

綠世界生態農場_7
@green-world

鵜鶘係世上第2大嘅鳥類,特徵係嘴下面會有個用嚟儲存食物嘅喉囊呢到嘅鵜鶘完全唔怕人,真係超級得意!

綠世界生態農場_8
@chang.mason.1

鍾意雀仔嘅朋友仔一定要嚟鳥類生態公園,事關呢到有多種鳥類,例如托哥巨嘴鳥、紅鶴、孔雀、金剛鸚鵡等等!喺呢度完全唔駛出動望遠鏡,都可以睇得好清楚。

綠世界生態農場_9
@wangleyley

生物多樣性探索區嘅溫度同濕度特別調節過,因為呢到住咗唔少冷血動物,例如翡翠巨蜥、紅南美蜥、黃金蟒、森蚺等,非常壯觀。探索區入面仲有好稀有嘅蘇卡達象龜㖭!

熱帶雨林區周圍都係樹木,喺橋上面行走,就好似喺森林入面探險咁。呢個園區比較細,好快就行完,行嘅時候不妨向上望,睇吓搵唔搵到長臂猿猴、北極狐、鱷龜嘅身影。

綠世界生態農場_10
@flickr

可愛動物區都係綠世界其中一個非常熱門嘅園區,呢到冇圍欄,可以同山羌、兔仔、袋鼠、天竺鼠零距離接觸,啱晒小朋友!

綠世界生態農場_11@allenhung515

仙人掌園入面種植咗大大小小唔同品種嘅仙人掌,遊客又唔多,所以好多人都會喺到打卡㗎,咁多位爸爸媽媽識做啦!

 

綠世界生態農場
地址:新竹縣北埔鄉大湖村7鄰20號 (顯示地圖)
入場費用 (只供參考)全票NT$380;半票 NT$320
營業時間:星期一至日  08:30-17:30
網址:http://www.green-world.com.tw/phone/about.html

 

台北親子景點台北農場郊遊地點推薦|清香農場

清香農場
@清香農場Facebook

香港周圍都係高樓大廈,小朋友好少機會接觸大自然,雖然坊間都有唔少農莊,但撞正暑假又怕多人?台北近郊呢個清香農場絕對可以令你放鬆身心,同小朋友一齊親親大自然。

清香農場_2
@cat.sirena

清香農場位於五指山,場主許三奇先生致力以最天然嘅方法種植蔬果同保護自然環境。清香農場環境優美,比柚子樹同溪流包圍,有風嘅時候仲會傳嚟陣陣花果香,非常舒適。

清香農場_3
@chuenjuli

農場入面種植咗柚、士多啤梨、柑、番薯、蘿蔔、番茄、粟米等超多種有機蔬果,全部以溪水灌溉,加埋場主嘅悉心照料下,樣樣蔬果都又大又甜,非常新鮮。

清香農場_3
@chuenjuli

呢到最出名就係士多啤梨,粒粒都超巨型!

清香農場_4
@chuenjuli

摘完嘅士多啤梨仲可以拎去整果醬同大福,大人細路都玩得好開心。

清香農場_6
@清香農場Facebook

園內嘅溪流仲可以撈魚,天時暑熱玩吓水,非常消暑。行遠少少仲有燒烤場可以BBQ㖭!

 

清香農場
地址:台灣台北市內湖區大湖街206號 (顯示地圖)
營業時間:星期一至日  09:00-17:00
網址:https://www.refresh.com.tw/0all.html


📖延伸閱讀:【台北新酒店】周邊配套超好!台北新酒店推介列表 (超近台北超市、便利店、捷運站!)
📖延伸閱讀:【野柳景點懶人包】最強台北野柳地質公園景點行程一覽表!(加來回台北野柳交通攻略)
📖延伸閱讀:【最新宜蘭景點】當地人推薦之2019必去宜蘭景點一夢幻抹茶冰淇淋山、白色貨櫃屋!
📖延伸閱讀:【台北食海鮮】Top 5台北放題、台北自助餐廳推薦連編輯推薦必食之選


Hotels.com酒店優惠
Hotels.com酒店優惠