定期送上世界各地最新、最地道嘅旅遊資訊!

【日本必食】終極嚴選京都、大阪、沖繩、東京必食特集2018!

日本必食好西多籮籮,而且飲食種類亦相當豐富!壽司、拉麵、魚生同埋燒肉都各有特色,真係聽到都流晒口水啊!小編今次為大家搜羅咗一系列京都、大阪、沖繩同埋東京必食餐廳,無論你去日本邊度自由行都總有一間喺附近!

 

日本必食 | 京都必食餐廳 | 三嶋亭

@naver.jp

@sillygentleman

於1873年開業嘅三嶋亭以壽喜燒聞名,整棟餐廳設計由外至內都保留咗傳統和式風格,佢哋仲會安排穿上一身和服嘅服務員喺你面前即場烹煮壽喜燒,非常特別!

@why_nuju

三嶋亭嘅壽喜燒採用日本當地出產嘅A5和牛同埋佢哋嘅獨門醬汁,味道恰到好處,仲能夠帶出和牛嘅鮮甜味,百年老店屹立不到並唔係無原因嘅!記住記住三嶋亭只會招待有預約嘅客人,你可以上官網Book定位,咁就唔怕去到摸門釘啦!

 

三嶋亭
地址:〒604-8035 京都府京都市中京区桜之町405 (顯示地圖)
營業時間:11:30 – 22:00 (逢星期三休息)
官網:https://www.mishima-tei.co.jp/

 

日本必食 | 京都必食餐廳 | 南禪寺 順正

南禪寺 順正@to-fu.co.jp

@to-fu.co.jp

位於賞櫻景點南禪寺附近嘅順正係其中一間以京都名產湯豆腐料理而聞名嘅餐廳。順正嘅自家製豆腐採用日本國產大豆製作,配上特製湯豆腐醬汁,絕對會令你對豆腐有一番新嘅體驗!

 

南禪寺 順正
地址:〒606-8437 京都府京都市左京区南禅寺草川町60 (顯示地圖)
營業時間:11:00 – 21:30
官網:http://www.to-fu.co.jp

 

日本必食 | 京都必食餐廳 | 茶寮 都路里

@chuguoqu
數到京都名產又點少得抹茶啊!茶寮 都路里正正就係喺京都當地相當有歷史嘅抹茶甜品餐廳,人氣爆燈㗎!

@freewalker789

嚟到茶寮 都路里必食嘅當然就係佢哋嘅招牌甜品都路里新地啦!都路里新地嘅用料非常豐富,採用咗抹茶雪糕、抹茶蛋糕、栗子以及紅豆等食材,抹茶控必試啊!

 

茶寮 都路里
地址:573-3 祇園町南側 東山区 京都市 京都府 605-0074 (顯示地圖)
營業時間:10:00 – 21:00
官網:http://www.giontsujiri.co.jp

 

 

日本必食 | 大阪必食餐廳 | Cafe Gram


@cafe-gram.com

Cafe Gram係大阪近幾年一間冒起中嘅甜品餐廳,尤其以Pancake最為有特色!

@mikie03

其中,Cafe Gram嘅Premium Pancake係日本女性嘅至愛甜品之一。特製嘅厚身Pancake每日11點、3點以及6點出爐,每段時間限量20份。特製Pancake雖然厚,但係不單止鬆軟而且入口即溶,配上牛油、楓糖同埋雲呢拿雪糕,簡直停唔到口啊!難怪就算每日數量限定都吸引到唔少人慕名而來朝聖啦!

 

Cafe Gram
地址:〒542-0085 大阪府大阪市中央区心斎橋筋1丁目5−24 (顯示地圖)
營業時間:11:00 – 22:00
官網:https://www.cafe-gram.com/

 

日本必食 | 大阪必食餐廳 | 法善寺 三平

@horiholikkkkkk

法善寺 三平係近來深受日本blogger推薦嘅隱世大阪燒餐廳,究竟係咩原因呢間位於小巷嘅餐廳可以吸引到咁多人呢?

@ken_loh

@malliie

法善寺 三平嘅大阪燒之所以咁出名,其實係因為佢哋嘅配料選擇相當新穎,由韓式嘅泡菜豬肉以至西式嘅煙肉芝士都有得揀,而且份量亦唔細,CP值極高!

 

法善寺 三平
地址:〒542-0071 大阪府大阪市中央区道頓堀1丁目7−9 (顯示地圖)
營業時間:17:00 – 23:00 (逢星期二休息)

 

日本必食 | 大阪必食餐廳 | 明治軒

@web-nile

想食蛋包飯?大阪嘅蛋包飯名店明治軒絕對係你嘅不二之選!

@416478so

開業接近一個世紀嘅明治軒,秉持著過去數十年嘅烹調方式同埋模式,明治軒蛋包飯嘅質素絕對唔洗懷疑!蛋皮細薄滑嫩之餘,內裏吸盡秘制醬汁嘅飯粒亦顆顆分明,睇落簡單嘅一個蛋包飯其實一啲都唔簡單!

 

明治軒
地址:〒542-0085 大阪府大阪市中央区心斎橋筋1−5−32 (顯示地圖)
營業時間:11:00 – 22:00
官網:http://www.meijiken.com/

 

 

日本必食 | 沖繩必食餐廳 | 琉球の牛

@u-shi.net

嚟到沖繩,必食嘅就當然係石垣牛啦!點食石垣牛先最好?小編覺得用炭火燒就最正啦!

@rainniebunny

琉球の牛提供炭火燒烤產自沖繩嘅石垣牛,油脂分佈非常平均,肥而不膩,而且經過炭火烤煮之後嘅石垣牛更添一份獨特風味,難怪經常大排長龍啦!

 

琉球の牛
地址:〒904-0414 沖縄県国頭郡恩納村前兼久909−2 (顯示地圖)
營業時間:11:00 – 16:30;17:00 – 23:30
官網:https://www.u-shi.net/

 

日本必食 | 沖繩必食餐廳 | 百年古家 大家 うふやー

@c.stonman

如果你係唔食牛肉嘅朋友,嚟到沖繩點算好?唔洗怕,其實沖繩名產除咗石垣牛之外仲有阿古豬!而百年古家 大家 うふやー就正正係食阿古豬料理嘅名店!

@wky_edw

阿古豬肉質鮮嫩多汁,而且由於改良咗飼養方法,所以絕無腥味!小編推介呢度嘅豬肉蓋飯,更能食到阿古豬嘅原汁原味!

 

百年古家 大家 うふやー
地址:〒905-0004 沖縄県名護市中山90 (顯示地圖)
營業時間:11:00 – 17:00;18:00 – 22:00
官網:http://ufuya.com

 

日本必食 | 沖繩必食餐廳 | 糸滿漁業合作社 鮮魚中心

@goodlucktripjapan

糸滿漁業合作社 鮮魚中心位處日本人氣公路休息站道之驛系滿。休息站裡面嘅鮮魚中心喺當地非常有名,唔少人都會特等揸車去食!

@travelkiller

鮮魚中心裡面除咗有新鮮海鮮刺身,亦有熟食海鮮好似燒龍蝦等等供應!而且入面仲有壽司供應,非常新鮮!

 

糸滿漁業合作社 鮮魚中心
地址:〒901-0306 沖縄県糸満市西崎町4丁目19-1 (顯示地圖)
營業時間:10:00 – 19:00
官網:http://www.yukura.jp/

 

 

 

日本必食 | 東京必食餐廳 | 麵創房無敵家

@mutekiya

去東京食拉麵是常識吧!麵創房無敵家爽口彈牙嘅拉麵你絕對唔可以錯過!

@mutekiya

麵創房無敵家嘅豬骨湯底每日熬足16個鐘,味道十足,而且再加埋塊厚切叉燒,滿足感爆燈啊!

 

麵創房無敵家
地址:〒171-0022 東京都豊島区南池袋1丁目17−1 崎本ビル1F (顯示地圖)
營業時間:10:30 – 04:00
官網:http://www.mutekiya.com/

 

日本必食 | 東京必食餐廳 | 絆魚壽司

@SFP Dining

絆魚壽司一年365日24小時營業,係東京嘅一間人氣壽司店!佢哋每日都會由魚市場直接攞貨,所以食材非常新鮮。

@_l.o.x.x._

而每日由11點到夜晚10點絆魚壽司都會提供壽司放題,所以吸引咗唔少人排隊幫襯㗎!

 

絆魚壽司
地址:〒160-0021 東京都新宿区歌舞伎町1丁目18−8  (顯示地圖)
營業時間:24小時營業
官網:https://www.sfpdining.jp/brand/kizunasushi/

 

日本必食 | 東京必食餐廳 | 赤阪ふきぬき

@gnavi.jp

鰻魚飯專門店赤阪ふきぬき喺有「日本Openrice 」之稱嘅Tabelog上面被評3.51/5嘅高分數。

@fukinuki.jp

赤阪ふきぬき嘅鰻魚飯以古法炮製,令鰻魚吸收晒秘制醬汁嘅香甜味道,正啊!

 

赤阪ふきぬき
地址:〒151-0051 東京都渋谷区千駄ヶ谷5丁目24 (顯示地圖)
營業時間:11:00 – 23:00
官網:http://www.fukinuki.jp/

 

 

Hotels.com酒店優惠