定期送上世界各地最新、最地道嘅旅遊資訊!

【日本必買的東西】東京零食特集 — 東京必買零食、手信、小物 2019!

 

Pocky The Gift_2

東京必買嘅零食手信多不勝數,每年都會有唔同嘅款式推陳出新,而且經常都會為你帶嚟唔少驚喜㖭!所以嚟到東京自由行,除咗去唔同嘅景點觀光遊覽之外,記住睇下有無最新嘅東京零食、手信同埋小物,相信你一定會喺呢啲日本必買的東西裡面搵到心頭好!

 

📖延伸閱讀:【東京必買】東京購物篇之必去東京市集、東京跳蚤市場買物攻略 2019

 

日本必買的東西 | 東京必買零食 | Pocky The Gift

Pocky The Gift
@wowlavie.com

陪著我哋長大嘅Pocky百力滋最近喺新宿開設咗專門店,店內最受歡迎嘅就當然係名叫Pocky The Gift嘅禮盒套裝啦!

Pocky The Gift_3@spoon-tamago.com

唔好以為禮盒套裝就會好老土,Pocky The Gift嘅包裝經過日本創意達人八木義博改頭換面之後,採用咗簡約線條設計,充滿時尚感,所以自推出以嚟都非常受歡迎!

Pocky The Gift_4
@lookin-img

另外,Pocky The Gift套裝包括咗6款唔同口味嘅Pocky百力滋,除咗傳統嘅朱古力味、士多啤梨味同埋抹茶味之外,更加有特別嘅蕃薯味、柑桔味同埋提子味,絕對值得一試!

 

Pocky The Gift
發售地點:3丁目-30-13 Shinjuku, Shinjuku-ku, Tōkyō-to 160-0022日本 (顯示地圖)

 

日本必買的東西 | 東京必買零食 | 卡樂B厚切薯片

卡樂B厚切薯片
@Calbee

相信大家對卡樂B薯片一啲都唔會陌生,而最近佢哋就喺日本推出咗號稱史上最厚切嘅薯片,隨即喺日本各地掀起一輪搶購熱潮!

卡樂B厚切薯片_2
@lifemagazine.yahoo.co.jp

卡樂B嘅厚切薯片一共有兩款口味,分別為傳統嘅海鹽味同埋黑胡椒味任君選擇。佢哋嘅厚切薯片相較普通薯片厚成足足3倍,相比之下口感更佳而且薯仔嘅味道亦更為濃烈,真係會食到停唔到口,仲唔即刻買幾包返屋企!

 

卡樂B厚切薯片
發售地點:日本各大便利店或超級市場

 

日本必買的東西 | 東京必買零食 | Fairy Cream Wich

Fairy Cream Wich
@comolib

Fairycake Fair呢間Cupcake專門店最近推出咗一款名叫Fairy Cream Wich嘅Cupcake造型夾心餅乾。呢款夾心餅乾最特別嘅地方在於作為夾心嘅果醬係喺店內以新鮮水果即叫即整,所以果味相當濃郁,再配上細滑嘅奶油,味道更具層次!

Fairy Cream Wich
@fairycake.jp

由於Fairy Cream Wich嘅製作過程繁複,所以每日只係限售10盒。此外,Fairy Cream Wich呢款夾心餅乾只會喺東京車站嘅Fairycake Fair發售,記住千祈唔好去錯地方啦!

 

Fairy Cream Wich 東京車站店
發售地點:日本〒100-0005 Tokyo, Chiyoda, Marunouchi, 1 Chome−9−1(顯示地圖)

 

日本必買的東西 | 東京必買零食 | Michalak法式餅乾

Michalak法式餅乾
@warpweb

位於表參道嘅Michalak喺來自巴黎嘅明星餅店,自開業以嚟喺東京一直人氣高企,唔少人都對佢哋質素極高嘅法式糕餅趨之若鶩,所以店內經常人山人海。

Michalak法式餅乾_2
@picbon

Michalak呢度有一款日本限定商品,就係印有佢哋火箭形狀商標嘅招牌法式餅乾,呢款餅乾鬆脆可口,奶油味十足,而且外型相當美觀,所以唔少人都會特登買嚟做手信㗎!

 

Michalak
地址:6 Chome-1, 6 Chome-1 Jingūmae, Shibuya-ku, Tōkyō-to 150-0001日本 (顯示地圖)
官網:https://michalak.jp/

 

日本必買的東西 | 東京必買手信 | 蠟筆小新 x Hello Kitty 商品

蠟筆小新 x Hello Kitty 商品
@sanrio

日本經常都會有唔少品牌Crossover聯乘推出商品,而今年正值Hello Kitty誕生45週年,所以日本嘅Sanrio就同人氣漫畫蠟筆小新聯乘推出咗各式各樣嘅商品慶祝一下!

蠟筆小新 x Hello Kitty 商品_2
@sanrio

蠟筆小新 x Hello Kitty 商品_3
@sanrio

喺一眾聯乘商品之中,毛公仔、T-shirt以及吊飾都係人氣之選,作為小新或者Hello Kitty Fans嘅你又點可以錯過啊!

 

蠟筆小新 x Hello Kitty 商品
發售地點:日本各大Sanrio店舖

 

日本必買的東西 | 東京必買手信 | 花王蒸汽口罩

花王蒸汽口罩
@s3.com.tw

花王嘅蒸汽眼罩人氣非常高,唔少旅客嚟到日本自由行都會買翻幾盒返屋企用。而最近花王就推出咗東京限定嘅蒸汽口罩,佢唔單止可以為你喺乾燥嘅天氣下保持臉部濕潤,喺傷風感冒期間使用據說更有舒緩嘅作用,不妨買翻啲滂下身啊!

 

花王蒸汽
發售地點:日本各大藥妝店

 

日本必買的東西 | 東京必買小物 | 香鬆奇異筆

香鬆奇異筆
@sina.com

由日本文具公司Magic ink同創意無限的Heso Production共同研發製造嘅香鬆奇異筆,最近喺日本人氣高企。

香鬆奇異筆_2
@travel98.com

香鬆即係灑在白飯上的調味料,由紫菜、鰹魚和芝麻混製而成,味道鮮美。而呢支奇異筆其實就係一支裝著香鬆嘅筆,使用嘅時候只要打開筆蓋輕輕一揮,美味嘅香鬆便會隨即灑落,非常方便。此外,香鬆奇異筆更有唔同口味嘅香鬆選擇,好似壽喜燒、醬油同埋味噌等味道,風味十足,絕對係日本必買手信!

 

香鬆奇異筆
發售地點:日本各大藥妝店或雜貨店

 

📖延伸閱讀:【日本拉麵篇】十大日本米芝蓮拉麵推介2018!
📖延伸閱讀:【平買東京潮牌】超高CP值!編輯推薦Top 5必逛東京古著店、二手店 + 必入Items!
📖延伸閱讀:【快閃旅行】必去東京新景點—東京MIDTOWN日比谷 (連東京4日3夜行程推薦)
📖延伸閱讀:【東京近郊】東京outlet交通遊玩攻略及折扣券領取貼士!

 

Hotels.com酒店優惠Hotels.com酒店優惠