定期送上世界各地最新、最地道嘅旅遊資訊!

【日本德島自由行】大阪近郊德島一日遊!德島景點、美食、酒店住宿懶人包!

香港直航到日本德島嘅航班已經開通咗啦!位於大阪近郊嘅德島係近年新興嘅旅遊目的地,當地景點設施動靜皆宜,想欣賞詩情畫意嘅自然美景又得,想玩刺激嘅激流亦得!小編今次就為你帶嚟德島景點、美食、酒店住宿懶人包,想去德島自由行完全無難度!

 

📖延伸閱讀:【日本福袋攻略】日本新年又到!必搶日本福袋推薦2019!
📖延伸閱讀:【香港假期好去處】2019公眾假期請假攻略 (連長短線旅遊地點推薦)
📖延伸閱讀:【大阪二手店】大阪二手名牌邊度買?大阪中古店、古著店特集!
📖延伸閱讀:【大阪Outlet攻略2018】日本三大大阪Outlet懶人包(連臨空城Outlet、神戶三田Outlet必買推介)

 

日本德島自由行 | 大阪近郊德島景點 | 眉山

@japanhoppers.com

@seewide.com

眉山作為德島最有代表性嘅山峰,絕對係你去德島自由行必去嘅景點之一。唔少人都會喺夜晚從阿波舞會館乘坐纜車登上眉山瞭望台,遠眺德島獨有嘅夜景,你更加可以喺呢度欣賞到遠處嘅淡路島同埋和歌山美景,景緻一流㗎!

 

眉山
地址:〒770-0904 徳島県徳島市新町橋2丁目 (顯示地圖)
纜車服務
費用:1020日圓
營業時間:09:00-21:00
官網:https://awaodori-kaikan.jp/bizan-ropeway/

 

日本德島自由行 | 大阪近郊德島景點 | 阿波舞會館

@discovertokushima.net

@discovertokushima.net

德島係阿波舞會館嘅發源地,每年嘅8月12至15日更加會有阿波舞慶典於當地舉行,好熱鬧㗎!想舒舒服服咁睇阿波舞嘅話,你可以額外畀錢到阿波舞會館2樓嘅表演廳欣賞獨特舞姿。另外,阿波舞會館嘅3樓更加設有博物館簡介阿波舞嘅歷史同埋資訊,一定會令你大開眼界!

 

阿波舞會館
地址:〒770-0904 徳島県徳島市新町橋2丁目20番地 (顯示地圖)
表演收費:800日圓 (小童半價)
官網:https://awaodori-kaikan.jp/

 

日本德島自由行 | 大阪近郊德島景點 | 大步危小步危

@ikidanenippon

@ikidanenippon

大步危小步危係每個遊客嚟到德島自由行必到嘅景點!大步危小步危其實係兩個相連嘅峽谷,由於山谷狹窄,水流相當急速,所以唔少人嚟呢度搭觀光船欣賞湖光山色之外,亦會選擇喺度玩激流,好刺激㗎!

 

大步危
地址:〒778-0105 徳島県三好市西祖谷山村徳善西 (顯示地圖)

小步危
地址:〒779-5451 徳島県三好市山城町西宇 (顯示地圖)

 

📖延伸閱讀:【紐西蘭自由行】紐西蘭旅遊必去之五大必玩極限運動!

 

日本德島自由行 | 大阪近郊德島景點 | 靈山寺

@chushikokuandtokyo

@chushikokuandtokyo

靈山寺係「日本第一高僧」弘法大師空海進行「四國遍路」修行嘅起站,所以靈山寺喺當地人嘅心目中相當神聖,而且好多日本人都會特登嚟呢個古色古香嘅寺院禪修,洗滌心靈,希望能夠消除心中嘅煩憂!

 

靈山寺
地址:〒779-0225 徳島県鳴門市大麻町桧 東塚鼻126 板 (顯示地圖)

 

📖延伸閱讀:【旅行結婚好主意】日本神社婚禮、日本結婚相套餐大比併
📖延伸閱讀:【求愛上上籤之日本神社篇】日本 TOP 5 必去戀愛神社 (係愛呀哈利!)

 

日本德島自由行 | 大阪近郊德島景點 | 大塚國際美術館

@chushikokuandtokyo

@chushikokuandtokyo

大塚國際美術館係全球第一間陶板名畫美術館,有超過千幅來自世界各地唔同博物館名作嘅陶板畫,琳瑯滿目。呢度嘅陶板名畫連detail位都做得好有心思,文青必到啊!

 

大塚國際美術館
地址:〒772-0053 徳島県鳴門市鳴門町土佐泊浦福池65−1 (顯示地圖)
開放時間:09:30-17:00
入場費用:小學、中學及高中生540日圓; 大學生2160日圓; 普通 3240日圓
官網:http://o-museum.or.jp/t_china/

 

日本德島自由行 | 大阪近郊德島景點 | 德島鳴門漩渦

@japan-magazine

 

@awanavi.jp

位於德島嘅鳴門海峽由於特殊嘅地理關係,所以經常都會有漩渦出現。德島鳴門漩渦同挪威嘅Moskstraumen漩渦與及位於美國同埋加拿大之間嘅Old Sow漩渦並列為世界三大漩渦,你無理由唔去睇㗎!另外,如果想更近距離欣賞鳴門漩渦,你可以選擇乘坐觀光船出海,一睹呢個自然奇觀,感覺會更加震撼!

 

德島鳴門漩渦
地址:〒772-0000 徳島県鳴門市 (顯示地圖)
觀光船網站:https://www.uzusio.com/zh/

 

📖延伸閱讀:【玻利維亞天空之鏡 – 亞洲版】走進不一樣的日本秘境—三大必去日本天空之鏡!

 

日本德島自由行 | 大阪近郊德島美食 | 德島拉麵 麺王

@walking-map.com

@7-men.com

德島拉麵其實喺日本相當有名,同我地平時食嘅日本拉麵最大嘅分別在於佢哋嘅湯底。德島拉麵嘅湯底相對較為濃味,喺豬骨湯底之中加入醬油,味道增添咗一個層次!而德島拉麵 麵王係芸芸當地拉麵店當中最有名氣嘅,絕對值得一試!

 

德島拉麵 麺王
地址:〒770-0832 徳島県徳島市寺島本町東3丁目6 旭ビル1階 (顯示地圖)
官網:http://7-men.com/

 

📖延伸閱讀:【日本拉麵篇】十大日本米芝蓮拉麵推介2018!
📖延伸閱讀:【日本自由行】食盡大阪-Top 5 大阪必試、必食拉麵店!

 

日本德島自由行 | 大阪近郊德島美食 | 和田乃屋

@haveagood.holiday

@koitora.sakura

想食德島嘅特產美食?咁你就一定要去喺德島當地紮根超過400年嘅和田乃屋啦!德島特產瀧之燒餅係佢哋嘅招牌菜,由食材嘅選用到師傅嘅手勢都堪稱一絕,而且其他甜品都好有水準,難怪可以屹立幾個世紀啦!

 

和田乃屋
地址:〒770-0908 徳島県徳島市眉山町大滝山5−3 (顯示地圖)
官網:http://wadanoya.com/

 

📖延伸閱讀:【京都必食】日本京都 Top 5 人氣抹茶店-一保堂、中村藤吉!

 

日本德島自由行 | 大阪近郊德島美食 | 一鴻

@gourmet-travelogue

@ikko-tokushimaekimae

喺日本相對受歡迎嘅阿波尾雞,原來喺嚟自德島㗎!所以要食最正宗嘅阿波尾雞就梗係喺德島食啦!一鴻呢間專食阿波尾雞料理嘅餐廳喺當地相當受歡迎,佢哋嘅燒雞髀你一定唔可以錯過!

 

一鴻
地址:〒770-0832 徳島県徳島市寺島本町東3丁目12−8 (顯示地圖)
官網:https://ikko-tokushimaekimae.owst.jp/

 

📖延伸閱讀:【你個野壞左】大阪難波夾龍蝦小店 (編輯推介大阪美食!)
📖延伸閱讀:【大阪好西攻略】食大阪海鮮點止黑門市場?編輯推薦Top 3必去大阪魚市場連必食之選

 

日本德島自由行 | 大阪近郊德島酒店住宿 | JR 德島克萊蒙特酒店

JR 德島克萊蒙特酒店

JR 德島克萊蒙特酒店2

JR 德島克萊蒙特酒店座落於德島站隔離,差唔多可以話係全德島位置最好嘅酒店!步行大約15分鐘就可以到達德島城或者阿波舞會館去觀光欣賞表演,真係好方便㗎!

 

JR 德島克萊蒙特酒店
地址:JPN德島1-61, Terashimahon-cho Nishi (顯示地圖)
星級 | ★★★☆☆  
位置 | ★★★★★  
設施 | ★★★☆☆  
環境 | ★★★☆☆  
價格 | 查看價格

 

日本德島自由行 | 大阪近郊德島酒店住宿 | 蓮花酒店

蓮花酒店

蓮花酒店2

蓮花酒店位置距離市中心有一段距離,啱晒鍾意寧靜嘅朋友。雖然位置遠咗少少,但係勝在環境一流,鄰近海灘,而且房間寬敞整齊,係德島住宿嘅一個好選擇!

 

蓮花酒店
地址:JPN鳴門Narutocho Tosadomariura-oge 234-16 (顯示地圖)
星級 | ★★★☆☆  
位置 | ★★☆☆☆  
設施 | ★★★☆☆  
環境 | ★★★★☆  
價格 | 查看價格

 

日本德島自由行 | 大阪近郊德島酒店住宿 | 德島格蘭德里奧酒店 – 露櫻酒店

德島格蘭德里奧酒店 - 露櫻酒店

德島格蘭德里奧酒店 - 露櫻酒店2

德島格蘭德里奧酒店 – 露櫻酒店鄰近遊艇會,你可以喺呢度感受到大海氣息,放鬆一下。另外,酒店每日都會為住客提供早餐,而且選擇都好豐富㗎,正啊!

 

德島格蘭德里奧酒店 – 露櫻酒店
地址:JPN德島3-5-1, Bandai-cho (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★☆☆  
價格 | 查看價格

 

📖延伸閱讀:【日本必食】終極嚴選京都、大阪、沖繩、東京必食特集2018!
📖延伸閱讀:【東京親子遊】東京聖誕必到主題樂園:Sanrio Puroland、讀賣樂園行程攻略!
📖延伸閱讀:【大阪二手店】大阪二手名牌邊度買?大阪中古店、古著店特集!
📖延伸閱讀:【大阪必食2018】Top 5 大阪必食餐廳推介!

 

Hotels.com酒店優惠