定期送上世界各地最新、最地道嘅旅遊資訊!

【日本和牛任食攻略】5大東京燒肉放題+自助餐餐廳推薦!

唔少香港人都特別情於日本料理。除咗壽司之外,燒肉係日本另一必食之選,好多人去到日本都會特別去搵A4到A5級數嘅日本和牛或者東京燒肉放題餐廳!東京美食餐廳林林立立,有時諗食邊間都諗到頭痛。小編今次嚴選咗5間CP值高嘅東京燒肉放題,包括會介紹返人氣燒肉店六歌仙肉屋の台所等,一眾食肉獸要留意返喇!

 

📖延伸閱讀:【日本福袋攻略】日本新年又到!必搶日本福袋推薦2019!
📖延伸閱讀:【日本拉麵篇】十大日本米芝蓮拉麵推介2018!

 

東京美食特集|5大日本和牛及東京燒肉放題推薦|六歌仙


@pu_cardio

人氣燒肉店六歌仙,一直都深受日本國內客同國外遊人嘅歡迎。雖然六歌仙係主打放題,但係各方面都非常高質。首先喺裝潢方面,店內感覺好好優雅,而且枱與枱之間都有充夠距離,仲有簾做分隔,好夠privacy。

 


@anndearrr

食物方面,店有主打唔同嘅放題,包括好出名嘅蟹放題,不過最具人氣就係燒肉放題!店主有超過20年經驗,對於挑選店入面所採用嘅牛都非常嚴謹且有要求,所以店入面用嘅牛肉有品質保證!燒肉放題方面,有幾個套餐選擇,當中有部份套餐包括到任食日本三大和牛之一嘅松阪牛肉,非常值得一試!

 

六歌仙 本店
地址:東京都新宿區西新宿1-3-1 サンフラワービル6F/7F (顯示地圖)
營業時間:11:00am – 5:00am
交通:搭西武新宿線「西武新宿站」步行1分鐘;搭JR或地下鐵丸之內線「新宿站」步行2分鐘

 

六歌仙 別館
地址:東京都新宿區西新宿7-2-6 西新宿K1ビルB1F (顯示地圖)
營業時間:4:00pm – 11:30pm
交通:搭西武新宿線「西武新宿站」步行約4分鐘;搭JR或地下鐵丸之內線「新宿站」步行約5分鐘

 

價錢:雪之宴:每位¥7,130未含稅;月之宴:每位¥11,020未含稅;松阪之宴:每位¥25,470未含稅
網站:http://www.rokkasen.co.jp/cn/ (各種菜單可以參考官網)

 

東京美食特集|5大日本和牛及東京燒肉放題推薦|炙屋武蔵


@oskakaka

位於東京銀座,呢個名店林立嘅地區,炙屋武蔵雖然主打和牛放題,但係店家提供嘅牛肉絕對屬高質。佢哋嘅90分鐘極上黒毛和牛放題供應餐廳嚴選嘅A5級黑毛和牛,唔單止咁,就連一啲出面未必搵到嘅稀有部位都有供應,除咗共12款黑毛和牛部位之外,仲會有其他蔬菜同肉類,包括大山雞、豚肉等等,選擇超多!

 


@skyryo

點完餐之後,店員就會送上一個大拼盤,拼盤上有齊所有嘅肉類選擇,連同各部位嘅名牌,如果有邊款覺得好食,直接用個名牌同店員再order就可以,咁就唔怕會雞同鴨講啦!

 

炙屋武蔵
地址:東京都中央區銀座7-2-20 パシフィック銀座ビル 4F (顯示地圖)
營業時間:5:00pm – 11:30pm
交通:東京地下鐵「銀座站」;JR「有樂町站」;JR / 東京地下鐵 / 都營地鐵「新橋站」;東京地下鐵 / 都營地鐵「内幸町站」步行約 5 分鐘
價錢:每位男生¥6,200未含稅;每位女生¥5,200未含稅
網站:https://musashi.owst.jp/ (各種菜單可以參考官網)

 

📖延伸閱讀:【台場景點篇】編輯親浸!東京大江戶溫泉懶人包 (連台場必食、必買推薦)
📖延伸閱讀:【東京冷門景點】耍廢!Hea玩五大東京近郊景點 (高円寺、奈良井宿、橫濱紅磚倉庫)

 

東京美食特集|5大日本和牛及東京燒肉放題推薦|YAKINIKU A FIVE 徳


@poywaraha

銀座嘅食肆多不勝數,而每一間嘅食物都非常有質素。呢間YAKINIKU A FIVE 徳亦係位於東京銀座嘅和牛店,YAKINIKU A FIVE 徳所採用嘅係A5級數嘅黑毛和牛,係日本和牛中最高級,而且店中所用嘅和牛都經過店長嚴格挑選。

 


@tsubaki_bg

店中仲有推出嚴選 A5 級黑毛和牛放題有分 90 分鐘,同埋 120 分鐘兩款,兩款放題嘅餐牌食物款式並冇唔同,只係時間上長短有別。除咗可以任食和牛燒肉之外,仲有和牛刺身可以試吓㖭㗎!

 

YAKINIKU A FIVE 徳
地址:東京都中央區銀座8-3-1 GINZA TOKIDENビル9F (顯示地圖)
營業時間:星期一至五 5:00pm – 4:00am;星期六至日 5:00pm – 12:00am
交通:JR「新橋站」銀座口 ;東京 地下鐵「新橋站」5 號出口步行約 3 分鐘;都營地鐵「内幸町站」A5 出口步行約 4 分鐘;東京 地下鐵「銀座站」C2 出口步行約 6 分鐘
價錢:90分鐘任食:每位¥5,800未含稅;120分鐘任食:每位¥7,700未含稅;90分鐘任飲任食:每位¥8,000含稅;120分鐘任飲任食:每位¥10,000含稅
網站:http://www.ts-corp.co.jp/shop/ya5-toku/ (各種菜單可以參考官網)

 

東京美食特集|5大日本和牛及東京燒肉放題推薦|炭火焼肉 元ちゃん 新宿東口店


@boobooakiko

炭火焼肉元ちゃん 新宿東口店係位於新宿嘅歌舞伎町,係東京另一個非常熱鬧,餐廳美食林立嘅地方。餐廳雖然係主打韓式燒肉,但係店所採用嘅牛肉都係經過嚴選嘅日本國產和牛。

 


@hii_chan110

店入面另一亮點,就係佢哋嘅燒肉全部都係採用炭火燒,燒出嚟嘅肉會多一點炭火嘅焦香味,惹味好多!另外,呢間燒肉店係24小時營業㗎,加上佢哋地理位置好好,好容易去到歌舞伎町,就算深夜想食燒肉,都完全冇問題,非常方便呀!

 

炭火焼肉 元ちゃん 新宿東口店
地址:東京都新宿区歌舞伎町 1-6-11 (顯示地圖)
營業時間:24小時
交通:JR新宿站步行約5分鐘;西武新宿站步行約4分鐘
價錢:標準套餐:每位男生¥3,980未含稅;每位女生¥3,480未含稅;洗禮派對有點豪華:每位¥5,980未含稅
網站:https://genchan.owst.jp/zh-tw/ (各種菜單可以參考官網)

 

東京美食特集|5大日本和牛及東京燒肉放題推薦|肉屋の台所


@shinjuku_meat

肉屋の台所係日本東京都非常有名氣嘅連鎖燒肉店,肉屋の台所提供嘅牛肉有A5級數嘅黑毛和牛,如果唔想食油花咁利厲嘅黑毛和牛,店都有A4級別嘅和牛選擇!呢度嘅燒肉放題,肉類選擇都算多,可以一次過食到厚切西冷、五花肉、牛肋骨等部位。除此之外,仲有雞肉、豬肉同唔同野菜嘅選擇。

 


@masakiowl

店入面仲有提供打卡一流,超人氣嘅牛芭菲,真係食得又睇得呀!

 

肉屋の台所 新宿店
地址:東京都新宿区歌舞伎町1-6-14 第2ショーリビル 2F (顯示地圖)
營業時間:12:00pm – 3:00pm;4:00pm – 11:30pm
交通:新宿東口步行約3分
價錢:全60品:每位¥4,280含稅;全75品:每位¥4,980含稅;全85品:每位¥5,480含稅
網站:https://nikuyanodaidokoro-shinjyuku.com/ (各種菜單可以參考官網)

*除咗新宿店之外,涉谷、上野等都有分店,詳情可參考官網

 

📖延伸閱讀:【日本必食】終極嚴選京都、大阪、沖繩、東京必食特集2018!
📖延伸閱讀:【日光自由行】東京日光鬼怒川一日遊覽攻略懶人包!(連必去IG打卡秘境)

 

東京美食特集|東京住宿推薦|東京新阪急酒店

東京新阪急酒店鄰近隅田川河岸公園嘅河畔酒店,酒店房間設置喺33-38樓,房間可以從高處欣賞到東京嘅景色。

酒店房比起其他東京嘅房間都較大,基本客房都有超過200呎呀!而酒店最近嘅地鐵站係築地站,行過去都係8分鐘左右,要去埋銀座搵食都夠晒近又方便呀!

 

東京新阪急酒店
地址:8 Akashi-cho, Chuo-ku, Tokyo, Japan (顯示地圖)
星級 | ★★★☆☆  
位置 | ★★★☆☆  
設施 | ★★★☆☆  
環境 | ★★★★☆
價格 | 查看價格

 

東京美食特集|東京住宿推薦|銀座蒙特利酒店

銀座蒙特利酒店外觀非常古典優雅,好有歐洲feel!有別於大多數喺東京嘅酒店。

酒店位置好近銀座中心,要去搵食shopping都好多選擇。而且酒店都好近地鐵站,咁就去邊都夠晒方便啦!

 

銀座蒙特利酒店
地址:2-10-2 Ginza, Chuo-Ku, Tokyo, Japan (顯示地圖)
星級 | ★★★☆☆  
位置 | ★★★★☆  
設施 | ★★★☆☆  
環境 | ★★★★☆
價格 | 查看價格

 

📖延伸閱讀:【聖誕外遊好去處】識去一定去日本郊區—東京清澄白河一日遊+景點+交通攻略!
📖延伸閱讀:【余文樂大愛】東京blue bottle coffee潮聖攻略地圖!
📖延伸閱讀:【快閃旅行】必去東京新景點—東京MIDTOWN日比谷 (連東京4日3夜行程推薦)
📖延伸閱讀:【東京親子遊】東京聖誕必到主題樂園:Sanrio Puroland、讀賣樂園行程攻略!
📖延伸閱讀:【東京滑雪自由行】東京近郊自駕必去!日本親子滑雪酒店推薦!

 

Hotels.com酒店優惠