定期送上世界各地最新、最地道嘅旅遊資訊!

【日本便利店必食大全】日本7-11 vs 日本LAWSON大比併!人氣必食飯糰、炸雞、關東煮、零食、飲品逐一介紹!

去過日本自由行嘅朋友相信一定都會幫襯過便利店嘅食物同埋飲品。唔好以為便利店嘅出品質素就一定普普通通,日本便利店對佢哋食材選擇同埋製作過程都相當嚴謹,所以出品好有水準㗎!小編今次就為你帶嚟日本7-11同埋LAWSON兩大日本便利店嘅必食推介,平平地都可以食好西!

 

📖延伸閱讀:【去旅行用日本app】超實用!日本旅遊app + 日本交通app推薦
📖延伸閱讀:【日本必食】終極嚴選京都、大阪、沖繩、東京必食特集!

 

日本便利店必食大全 | 日本7-11 | 熟成紅鮭飯糰

日本7-11 | 熟成紅鮭飯糰
@bigfang.tw

飯糰係日本嘅傳統食物,唔少人嚟到日本自由行都鍾意去便利店買翻個醫下肚,貪佢夠方便又好味。喺咁多間日本便利店當中,7-11嘅飯糰由於選擇較為豐富所以較受歡迎,而佢哋嘅熟成紅鮭飯糰更加喺日本當地唔同個便利店美食排行榜名列前茅,相當厲害!

日本7-11 | 熟成紅鮭飯糰_2
@711SEJ

以日本本地出產白米製成嘅飯糰充滿米香而且相當煙韌,加上鮮味濃郁嘅紅鮭魚肉,絕對會令你回味無窮。此外,飯糰外層嘅紫菜更加係嚟自盛產海鮮嘅九州有明,紫菜份外爽脆香口,令熟成紅鮭飯糰嘅口感更有層次!

 

📖延伸閱讀:【90後窮遊】最高CP值!嚴選6間大阪Hostel、大阪民宿推薦!

 

日本便利店必食大全 | 日本7-11 | 關東煮

日本7-11 | 關東煮
@tokyo-koryaku.com

日本7-11嘅關東煮除咗湯底以柴魚同埋海帶等食材熬製之外,食材選擇仲相當之多,好似有蘿蔔、魚糕、竹輪同埋油豆腐等等,款式包羅萬有。小編推薦你一定要試下呢度嘅蘿蔔,經過長時間嘅炆煮蘿蔔盡吸湯底嘅精華,鮮甜味美,你又點可以唔試!

 

📖延伸閱讀:【東京文青快閃旅行地點】想搵東京Cafe、咖啡店?即睇東京Blue Bottle Coffee潮聖攻略地圖!

 

日本便利店必食大全 | 日本7-11 | 奶油冧酒提子乾夾心餅

奶油冧酒提子乾夾心餅
@rocketnews.com

奶油冧酒提子乾夾心餅_2
@livejapan.com

日本7-11其實有唔少CP值極高嘅自家品牌零食,好似奶油冧酒提子乾夾心餅就係其中一款當地居民非常喜愛嘅零食,奶油、冧酒加上提子乾呢個配合令夾心餅嘅味道同埋口感都恰到好處。唔少人試過日本7-11嘅奶油冧酒提子乾夾心餅之後,都讚佢拍得住北海道名店六花亭嘅出品!

 

📖延伸閱讀:【日本和牛任食攻略】5大東京燒肉放題+自助餐餐廳推薦!

 

日本便利店必食大全 | 日本7-11 | 紫菜蝦餅

紫菜蝦餅
@2afoodie.com

另一樣必食嘅日本7-11自家品牌零食就當然係佢哋嘅紫菜蝦餅啦!脆卜卜嘅蝦餅味道香濃,配上清新嘅紫菜碎,味道相當之夾!另外,紫菜蝦餅嘅Size同一蚊銀差唔多大,食晒一包都完全唔會有罪惡感啊!

 

📖延伸閱讀:【宮古島自由行】又開新航線!沖繩宮古島景點行程懶人包 (青之洞窟浮潛Q&A)

 

日本便利店必食大全 | 日本7-11 | Starbucks咖啡因有氣水

Starbucks咖啡因有氣水
@tdrexplorer.com

限定於日本7-11發售嘅Starbucks咖啡因有氣水一共有兩款口味,包括原味同埋桃味。其中,從新鮮水蜜桃當中提取精華製作嘅桃味咖啡因有氣水非常清新,就算加入咗咖啡因都唔會有任何苦澀嘅味道,唔鍾意飲咖啡提神嘅朋友不妨試試!

 

📖延伸閱讀:【國際通攻略】沖繩國際通美食特集!(必試抵食國際通燒肉店)

 

日本便利店必食大全 | 日本LAWSON | 炸雞

炸雞
@gq.com.tw

日本LAWSON嘅炸雞選用咗日本本地雞胸肉同埋麵粉製成,肉質鮮嫩多汁之餘炸漿亦唔會過厚,所以口碑非常之好!日本LAWSON嘅炸雞一共有三款味道選擇,除咗原味仲有辣味同埋芝士味,一定可以滿足到每個人嘅口味。另外,日本LAWSON間唔時都會推出期間限定嘅口味,好似醬油、咖喱同埋櫻花蝦味等等,非常特別。

 

📖延伸閱讀:【日本薰衣草特集】北海道薰衣草、東京薰衣草景點懶人包 (連影相App推薦)

 

日本便利店必食大全 | 日本LAWSON | 北海道牛乳瑞士卷

北海道牛乳瑞士卷
@goodlucktripjapan.com

北海道牛乳瑞士卷_2
@allabout-japan.com

日本LAWSON嘅北海道牛乳瑞士卷最特別嘅地方喺以北海道牛奶打成嘅忌廉,細滑得嚟帶著超濃嘅奶味,食完一啲都唔覺得膩。此外,北海道牛乳瑞士卷外層嘅蛋糕非常軟熟,夾埋中間嘅牛奶忌廉一齊食,真係會令人停唔到口㗎!

 

📖延伸閱讀:【九州溫泉推薦特輯】日本九州溫泉一泊兩食酒店推介!(連浸溫泉注意禮儀)

 

日本便利店必食大全 | 日本LAWSON | 魷魚脆片

魷魚脆片
@douban

日本便利店嘅自家產品真係多不勝數,而數到日本LAWSON人氣最高嘅自家零食又點少得佢哋嘅魷魚脆片啊!魷魚脆片以日本傳統調味料味醂調味,鹹香得嚟增添一份特別嘅甜味,加埋脆片上趣緻嘅魷魚圖案,攞嚟氹小朋友就最適合不過啦!

 

📖延伸閱讀:【岡山自由行】日本岡山、倉敷景點行程懶人包 (岡山必食、必買推薦)

 

日本便利店必食大全 | 日本LAWSON | 黑糖雜錦堅果

黑糖雜錦堅果
@matcha-jp.com

同樣出自日本LAWSON自家品牌嘅黑糖雜錦堅果,核桃以及杏仁等堅果被薄薄嘅黑糖包裹住之後,味道頓時變得唔再單調。黑糖雜錦堅果除咗可以攞嚟做零食之外,其實仲可以喺食乳酪嘅時候加落去增加口感,健康得嚟又好味,難怪一直深受日本女性歡迎啦!

 

📖延伸閱讀:【日本拉麵篇】十大日本米芝蓮拉麵推介2019!

 

日本便利店必食大全 | 日本LAWSON | Van Houten 朱古力飲品

Van Houten 朱古力飲品
@iamsy.com

屹立超過一個世紀嘅朱古力品牌Van Houten,佢哋嘅朱古力產品質素相當有保證。有別於普通朱古力飲品,Van Houten朱古力飲品用上100%嘅可可豆沖製,朱古力味極為濃厚。如果你係朱古力愛好者,就一定要去日本LAWSON買翻啲Van Houten 朱古力飲品啦!

 

📖延伸閱讀:【金澤自由行】金澤景點、美食、交通、住宿行程懶人包!(必去金澤 21世紀美術館!)
📖延伸閱讀:【九州自由行】鐵道遊九州景點全攻略 (連福岡、熊本住宿推薦)
📖延伸閱讀:【京都自由行】春日京都和服攝影,秘密景點大公開!(連京都櫻花必買手信)
📖延伸閱讀:【窮遊大阪-平價住宿篇】Top 5 大阪膠囊酒店!

 

Hotels.com酒店優惠Hotels.com酒店優惠