定期送上世界各地最新、最地道嘅旅遊資訊!

【新加坡必食2018】新加坡自由行行程景點攻略!(連新加坡必食餐廳推介)

=

近年越嚟越多香港人鍾意去新加坡自由行,貪佢交通方便,城市建設完善,亦係全球最安全嘅城市之一,所以無論獨遊、同屋企人、另一半定朋友去都非常適合!小編為你送上新加坡自由行攻略,想知有咩當地人推薦嘅新加坡必食、必買同必去景點?呢篇文章一次過解答你所有問題,睇完即刻book機票、酒店,隨時話飛就飛啦!

 

新加坡自由行|新加坡必去景點

新加坡必去景點:安祥山

@Flickr

安祥山位於牛車水地鐵站附近,係新加坡非常有特色嘅購物區。安祥山遍佈五、六十年代嘅古式建築,建築外表充滿復古味道,但入面已經翻新成為唔同類型嘅餐廳、商店。近年亦有唔少文青小店、潮店進駐安祥山,令呢度成為新加坡年青人最新嘅聚腳點。另外,呢度有好多格調十足嘅Café,嚟過返個悠閒嘅下午,享受美好嘅午後時光啦!

 

新加坡必去景點—安祥山
地址:Ann Siang Hill, Chinatown, Singapore(顯示地圖
交通:地鐵牛車水站步行10分鐘
開放時間:視乎個別餐廳/商店的營業時間

 

新加坡必去景點:印度廟

@Flickr

位於新加坡小印度區嘅印度廟,係喺1881年,由早期跨洋過海到新加坡工作嘅印度人興建。印度廟係新加坡第一間祭祀卡莉女神嘅廟﹐門口上方有一個由好多個層神明雕像組成嘅塔,每個神明雕像活神活現,令人不期然咁肅然起敬!入廟之前需要除鞋,衣著亦有限制,太過暴露例如無袖或者褲、裙長度過短都唔合適(最好長至及膝),另外入面嚴禁拍照,記得遵守返啦!

 

新加坡必去景點—印度廟
地址:244 South Bridge Rd, Singapore 058793(顯示地圖
交通:地鐵牛車水站步行10分鐘
開放時間:(星期一、二、四、五、六)09:00-17:00、(星期三)09:45-17:00、(星期日)09:00-13:30  

 

新加坡必去景點:新加坡新聞及藝術部大樓

@Flickr

如果你經過克拉碼頭附近,相信都會畀一幢色彩繽紛嘅大樓所吸引。呢座大樓其實係新加坡新聞及藝術部大樓,最吸引人眼球嘅地方係911扇五顏六色嘅百葉窗,為大樓本身沉悶嘅灰白色色調注入玩味,成為新加坡最新嘅影相吸like熱門景點!呢座大樓早喺1934年已經建成,前身為警察局,後嚟喺2000年改建成今日嘅新加坡新聞及藝術部大樓。

 

新加坡必去景點—新加坡新聞及藝術部大樓
地址:140 Hill Street, Singapore(顯示地圖
交通:地鐵站政府大廈步行10-15分鐘
開放時間:10:00-17:00

👉🏩即刻Click入嚟睇下Top 10 新加坡酒店住宿優惠!


新加坡自由行|新加坡必食美食

新加坡必食之選:The White Rabbit

@The White Rabbit Official Website

The White Rabbit係一間以愛麗絲夢遊仙境為主題嘅餐廳,主打法國菜。餐廳食物質素不在話下,最重要係餐廳四周被樹林包圍,用餐環境優美,就好似去咗世外桃源一樣,飲杯水都覺得特別甜呀!原來呢度曾經係一間教堂,後嚟先改建成為法國餐廳。餐廳格調、佈置都充滿歐陸風情,地方舒適、闊落,更有室外座位,望住綠油油嘅草地用餐,感覺份外寫意!雖然The White Rabbit唔係好近市區,但去完之後相信你會明白小編推薦嘅原因,絕對不枉此行!


新加坡必食之選—The White Rabbit
地址:39C Harding Road Singapore 249451(顯示地圖
交通:坐巴士7/75/77/105/106/123 到Aft Ministry of Foreign Affairs
營業時間:12:00-14:30、18:30-22:30(建議預先預約)

 

新加坡必食之選:1Altitude

@Facebook 1Altitude

去到夜晚,少不免去間酒吧chill一chill,一日嘅疲勞即刻消失得無影無蹤!1Altitude係一間位於63樓嘅高空天台酒吧,企喺上面新加坡璀璨嘅夜景一覽無遺。喺高處俯瞰新加坡嘅城景,所有建築物會變得好細粒,就好似一粒粒Lego咁。嘆住酒再欣賞迷人嘅夜景,簡直係人生一大享受!不過留意返,酒吧有年齡限制,女士需要年滿21,而男士需要年滿25歲。

 

新加坡必食之選:1Altitude
地址:1 Raffles Place, Singapore 048616(顯示地圖
交通:地鐵萊佛士站步行3分鐘
營業時間:(星期一、二、日)18:00-02:00、(星期三、五、六)18:00-04:00、(星期四)18:00-03:00

 

新加坡必食之選:味香園


@Facebook Meiheongyuen Dessert

味香園係新加坡嘅老字號甜品店,新加坡自由行又點少得去朝聖呢!Cendol雪花冰係店鋪嘅招牌,口味眾多,任君選擇。雪花冰賣相吸引,五顏六色,而且入口即溶,係炎炎夏日嘅必食消暑佳品!

 

新加坡必食之選—味香園
地址:67 Temple St, Singapore 058611(顯示地圖
交通:地鐵牛車水站步行3分鐘
營業時間:12:00-21:30(星期一休息)

📖延伸閱讀👉新加坡美食及購物篇

 

新加坡自由行|新加坡必買手信

新加坡必買手信:斑蘭蛋糕


@Flickr

嚟到新加坡,識買嘅都必定會喺機場買原底斑蘭蛋糕做手信!斑蘭蛋糕口感綿密,而且帶有淡淡斑蘭葉嘅清香,帶到返香港通常都會即時被K.O.!

 

新加坡必買手信:肉骨茶包

@Flickr

肉骨茶帶返香港,掛住新加坡嘅時候,隨時可以DIY整碗自家製肉骨茶,一解「思鄉之愁」!喺松發、發起人或者黃亞細都有肉骨茶包可以買,去朝聖時記得買包返屋企喇!

 

新加坡必買手信:咖央醬


@Flickr

朝早趕時間返工食咩早餐好?相信好多人會麵包搽花生醬當一餐算。如果你已經食厭咗花生醬、牛油、朱古力醬等等,去新加坡就記得買返罐咖央醬,香甜味伴隨椰香,係新加坡必買首選!

 

新加坡自由行|新加坡酒店推介

皮克林賓樂雅酒店(PARKROYAL on Pickering)

位於唐人街地鐵站附近嘅皮克林賓樂雅酒店,唔單止裝潢華麗,位置亦相當方便,肚餓落樓就有各式各樣嘅美食等住你!酒店內有室外游泳池、健身室同埋花園散步道,足不出戶一樣可以享受酒店豪華設施!

➡皮克林賓樂雅酒店(PARKROYAL on Pickering)⬅

地址:3 Upper Pickering Street, 新加坡, 059413, 新加坡 (顯示地圖

 

濱海灣金沙酒店(Marina Bay Sands)

濱海灣金沙酒店係一座面向濱海灣嘅酒店,酒店最大嘅賣點係天台泳池,係目前全世界最大嘅天台泳池,喺到可以真正體驗到乜野叫水天一色!泳池坐落喺57樓之上,無論朝早對住晴空萬里嘅藍天抑或夜晚對住閃爍奪目嘅夜景游水,都係一件賞心樂事!

➡濱海灣金沙酒店(Marina Bay Sands)⬅

地址:10 Bayfront Avenue, 新加坡, 018956, 新加坡 (顯示地圖

 

📖延伸閱讀:【我的超豪男友】體驗新加坡/香港版土豪生活 最低消費要幾錢?

 

Hotels.com 酒店優惠
睇到呢度,喺咪想即刻book酒店去新加坡自由行嘆世界呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!