定期送上世界各地最新、最地道嘅旅遊資訊!

【摩洛哥自由行】10日9夜摩洛哥景點行程懶人包 (日落撒哈拉沙漠、IG大熱摩洛哥藍色小鎮)

摩洛哥,一個充滿歷史同異國色彩嘅國家。去摩洛哥自由行,你可能會遇上一個接一個嘅驚喜。出名嘅摩洛哥景點有精緻華麗嘅阿拉伯宮殿、摩洛哥藍色小鎮舍夫沙萬、仲有全球最大嘅沙漠撒哈拉沙漠等…今次小編精心編排咗個10日9夜摩洛哥行程懶人包比大家,同大家一齊探索摩洛哥嘅魅力!

 

📖延伸閱讀:【歐遊攻略篇】2018歐洲旅遊必讀!3大歐洲自由行路線及常見問題!
📖延伸閱讀:【hotels.com優惠專區】hotels.com 訂酒店優惠折扣攻略(邊度拎hotel discount code?)

 

摩洛哥自由行 | 10日9夜摩洛哥行程

@beautifulamnesia

小編今次推薦嘅10日9夜行程會去到各個摩洛哥主要城市包括︰卡薩布蘭卡 (Casablanca)、馬拉喀什 (Marrakesh)、菲斯 (Fes)、舍夫沙萬 (Chefchaouan)、位於北面沿海小鎮丹吉爾 (Tangier)、艾本哈杜 (Ait Benhaddou)、以及必去嘅撒哈拉沙漠!

第1日:卡薩布蘭卡
第2日:卡薩布蘭卡 → 馬拉喀什
第3日:馬拉喀什
第4日:艾本哈杜 → 撒哈拉沙漠
第5日:撒哈拉沙漠 → 菲斯
第6日:菲斯
第7日:菲斯 → 舍夫沙萬
第8日:舍夫沙萬 → 丹吉爾
第9日:丹吉爾 → 卡薩布蘭卡
第10日:卡薩布蘭卡
 
摩洛哥嘅交通尚算完善,公共交通主要都係搭火車同長途巴士為主,但安排行程時要注意摩洛哥城市之間距離較遠,需安排足夠時間搭車!從卡薩布蘭卡到馬拉喀什,由ONCF營運嘅火車大約需時4小時;而巴士就有Supratours及CTM兩間旅客常搭嘅巴士公司,服務、整潔度都唔錯,班次準時,但小編建議記得要提前一日去車站買飛呀!

 

摩洛哥自由行 | 10日9夜摩洛哥行程 | 第1日

摩洛哥景點 | 卡薩布蘭卡 | 哈桑二世清真寺

@made.in.casablanca

卡薩布蘭卡係摩洛哥最大嘅城市,比較現代化嘅城市,亦係摩洛哥第一大工商業,國際貿易中心。而卡薩布蘭卡 (Casablanca) 亦因為一部荷里活經典電影《北非諜影》(Casablanca)而世界聞名。


@acarolpfs

哈桑二世清真寺 (Hassan II Mosque) 係摩洛哥最大嘅清真寺,亦係世界上唯一建在海邊嘅清真寺,同埋少數對非穆斯林開放嘅清真寺,嚟到卡薩布蘭卡,當然要嚟朝聖一吓!


@henrypaulphotography


哈桑二世清真寺
地址: Appt Quartier Romandie, Casablanca 20000 (顯示地圖)
開放時間:08:00 – 17:00 (導覽場次 9:00 / 10:00 / 11:00 / 14:00)
入場費用 (只供參考)120DH

 

摩洛哥自由行 | 10日9夜摩洛哥行程 | 第2日

摩洛哥景點 | 卡薩布蘭卡 | Mahkama du Pacha

@visit_morocco_


@marcimeira


@insafnabadi

 

Mahkama du Pacha
地址: Boulevard de la Corniche, Dar-el-Beida 20000 (顯示地圖)

 

摩洛哥自由行 | 10日9夜摩洛哥行程 | 第3日

摩洛哥景點 | 馬拉喀什 | 馬拉喀什市集
@flickr

去到馬拉喀什就一定要行市集,而馬拉喀什市集係個非常繁忙嘅露天市場。好多傢俱、精油、地毯等等特色商品,真係好易行到唔捨得走。不過就要記得,呢度啲商人係會開天價,所以一定一定一定要講價,仲要最少講平半價!(重要事情要講三次)


@moroccoadventours


@inali_campbell


@garner_photographs

 

馬拉喀什市集 (Marrakech Souk)
地址:Rue Bab Ahmar, Marrakech 40000 (顯示地圖)
營業時間:星期一至星期六 8:00 – 22:00;星期日 9:00 – 22:00

 

📖延伸閱讀:【杜拜自由行】Top 6特色杜拜手信購買攻略+杜拜旅遊注意事項
📖延伸閱讀:【俄羅斯手信特集】世界盃熱潮!Top 6必買俄羅斯手信 (連俄羅斯美食推介)

 

摩洛哥自由行 | 10日9夜摩洛哥行程 | 第4日

摩洛哥景點 | 艾本哈杜 (Ait Benhaddou)

@andreabotonstuff

離開咗馬拉喀什去沙漠途中,可以停一停摩洛哥另一個古城艾本哈杜。艾本哈杜係一座建於11世紀由原住民所建造嘅防禦性堡壘。係1987年,艾本哈杜被聯合國列入世界遺產,亦被Lonely Planet列為全球500大景點之一。


@traveling_by_lis

呢度亦係好多電影嘅拍攝場地,例如《盜墓迷城》、《星球大戰》、《權力遊戲》等,嚟到會有種好似去咗荷里活電影場景咁,絕對值得嚟!

 

艾本哈杜 (Ait Benhaddou)
地址:Ait Ben Haddou 45000, Morocco (顯示地圖)

 

摩洛哥自由行 | 10日9夜摩洛哥行程 | 第5日

摩洛哥景點 | 撒哈拉沙漠
@morocconomadadventure

撒哈拉沙漠係全世界最大嘅沙漠!踏足撒哈拉沙漠相信係唔少人嘅travel bucket list入面。建議出發前上網book定當地團就最方便喇!


@ahansal_adventures

首天騎駱駝穿越沙漠,住一望無際黃金色嘅撒哈拉沙漠,走過一個接一個大大小小嘅沙丘,欣賞日落,進入營地後再舉行營火會,入住沙漠帳篷。睇埋沙漠夜晚嘅星空,就會明白點解有人話一生人點都要去一次撒哈拉沙漠。


@henry.nathan


@henry.nathan

 

摩洛哥自由行 | 10日9夜摩洛哥行程 | 第6日

摩洛哥景點 | 菲斯 (Fez)

@nalmazami

菲斯係摩洛哥最古老嘅皇城,擁有密密麻麻嘅菲斯古城總共有9400幾條街道同500幾個區域,有人話係全世界最容易迷路嘅城市。建議搵個資深導遊帶路,一般遊客都冇咩可能可以自己搵路。

 

摩洛哥自由行 | 8日7夜摩洛哥行程 | 第7日

摩洛哥景點 | 菲斯 (Fez) | 菲斯皮革染坊 (Terrasse De Tannerie)

@freelyworld

去到菲斯其中一個必定要參觀嘅地方就係皮革染坊。菲斯一直堅持以古法人手製皮,係全球唯一仍然用人手染皮嘅地方。


@travellingwithus

染坊係由一個個染缸組成,染料都係以植物成分萃取,例如紅色取自罌粟花、綠色取自薄荷等。不過氣味有啲刺鼻,不過呢度係一個不得錯過嘅地方。

 

菲斯皮革染坊 (Terrasse De Tannerie)
地址:Hay Lablida Chouara, Fes 30030, Morocco (顯示地圖)

 

摩洛哥自由行 | 10日9夜摩洛哥行程 | 第8日

摩洛哥景點 | 舍夫沙萬 (Chefchaouen)

@deunlado_paraotro

舍夫沙萬係一個充滿浪漫氛圍嘅藍色小鎮。舍夫沙萬全城都係藍色,各種層次深淺交替,好似入咗童話世界咁。比起其他城市,舍夫沙萬更淳樸、簡單。遊走係各條大街小巷,會發現都係啲當地人生活小店,係令人放鬆嘅地方。


@gr8experiences


@bannourreda

 

摩洛哥自由行 | 10日9夜摩洛哥行程 | 第8日

摩洛哥景點 | 舍夫沙萬 (Chefchaouen) | Restaurant Beldi Bab Ssour

@fyhtravel

嚟到舍夫沙萬,小編推介呢間餐廳比大家。Restaurant Beldi Bab Ssour 食嘅係地道嘅摩洛哥菜,例如cous-cous、塔吉鍋Tagine、柏柏爾披薩等等都有。服務親切貼心之餘,餐廳入而仲有個露台可以比食客飽覽舍夫沙萬景色㖭呀!

 

Restaurant Beldi Bab Ssour
地址:No 5 Rue El Kharrazin, Chefchaouen 91000 (顯示地圖)
電話:+212 660-261128
營業時間:12:00 – 22:30

 

摩洛哥自由行 | 8日7夜摩洛哥行程 | 第9日

摩洛哥景點 | 丹吉爾 (Tangier)

@ville_de_tanger

丹吉爾係摩洛哥北部一個海濱小城,對岸就係歐洲國家西班牙,丹吉爾定期有渡輪連接西班牙最南端的塔里法 (Tarifa),最啱歐遊後取道丹吉爾玩摩洛哥嘅旅人。


@matt_ucci

佢嘅舊城區好淳樸、好local、充滿歷史感。

 

摩洛哥自由行 | 10日9夜摩洛哥行程 | 第10日

摩洛哥景點 | 丹吉爾 (Tangier) | Cafe Hafa

@samographiie

丹吉爾出名海靚同景色靚,有時間就應該好好搵個地方坐下chill下。Cafe Hafa係一間非精雅致嘅cafe,係1921開業,好有歷史。


@mosta_bl

Cafe Hafa出名薄荷茶,露台座位又係望海景。一邊飲茶,一邊俯瞰地中海,好放鬆。

 

Cafe Hafa
地址:Marchan Tanger, Tangier, Morocco (顯示地圖)
營業時間:09:00 – 23:00

 

 

Hotels.com酒店優惠