定期送上世界各地最新、最地道嘅旅遊資訊!

【捷克必買】捷克手信特集 — 十大布拉格必買手信、精品、Botanicus藥妝店總整理!

捷克位於中歐內陸地區,而首都布拉格就喺正捷克中心,交通方便,可以輕易咁遊覽唔同城市。布拉格又被名為「金色城市」,號稱係歐洲最靚嘅城市,仲保留咗唔同時期風格嘅建築物。睇到呢到,相信唔少人都想知有咩係捷克必買,想帶返啲捷克手信返香港,小編整理咗布拉格手信列表,一齊嚟睇吓有咩係布拉格必買啦!

 

📖延伸閱讀:【Grad Trip好去處】地上最強Grad Trip歐洲攻略!東歐 + 西歐 + 南歐 + 北歐遊玩路線大全!

 

布拉格必買手信Top 10|波希米亞玻璃製品

波希米亞玻璃製品
@pinimg

捷克嘅玻璃製造技術已經有幾個世紀嘅歷史,係當地非常著名嘅傳統工藝,仲有「波希米亞水晶」呢個稱呼。

波希米亞玻璃製品_2
@grandluxuryoverdose

經過切割同雕刻嘅玻璃製品非常精美,加埋捷克嘅傳統圖案,充滿住文化氣息,鍾情歐洲風格嘅朋友,不妨帶返個玻璃製品返屋企啦。

 

布拉格必買手信Top 9|復活蛋

復活蛋
@norellrae

復活節係捷克其中一個盛大嘅節日,4月期間都會見到唔少嘅慶典同復活蛋。因為對捷克人嚟講,雞蛋象徵愛情、友誼同一啲美好嘅事物,所以當地人都會趁住呢個節日,交換復活蛋,將佢送畀朋友表達心意。復活蛋以人手製作,利用手繪、蠟染呢啲傳統技術繪製。

復活蛋_2
@everymomentstays

除咗喺復活節市場外,唔少商店都可以搵得到,臨近4月去旅行嘅你,記住帶埋呢個祝福返香港喇。

 

布拉格必買手信Top 8|手工木偶

手工木偶
@susansolo

喺布拉格周圍都可以見到手工雕刻嘅木偶,唔同風格,唔同主題嘅木偶,胡桃夾子,甚至木偶奇遇記入面嘅Pinocchio你都可以係到搵到。

手工木偶
@zdenka.caltova

唔止種類多,做工亦相當精緻,當做手信送禮都非常夠體面,放佢喺公司、屋企真係即時充滿生氣啊!

 

布拉格必買手信Top 7|溫泉杯

溫泉杯
@veronikahylanova

捷克作為溫泉鄉, 喺呢到你可以搵到好多同溫泉有關嘅產品,就好似溫泉杯咁。溫泉杯經過專門設計,除咗杯邊設有手柄隔熱外,杯身仲有個出水口,保持溫度之餘,仲可以當飲管用。

溫泉杯
@mangsangk

溫泉杯有分玻璃杯或者陶瓷杯,設計多樣化亦非常受歡迎,傳統嘅藍白圖騰、著名嘅建築物,仲有可愛嘅卡通人物,任君選擇。

 

📖延伸閱讀:【歐洲自由行】東歐自由行10日懶人包+東歐電話卡推介 (包括布達佩斯景點、維也納行程推薦)

 

布拉格必買手信Top 6|溫泉餅

溫泉餅
@natthitaa

相傳國王查理四世有次出外打獵,發現有隻鹿跳入泉水之後,腳傷就即刻好返。調查後先發現,原來捷克嘅溫泉有醫療功效,於是當地人就喺整曲奇嘅時侯加入泉水,最後仲成為熱門嘅特產──溫泉餅。溫泉餅先用雞蛋、麵粉同溫泉水等材料調製,再煎成又薄又大嘅餅皮,最後喺中間加入朱古力、榛子、雲呢拿等嘅夾心製成。

溫泉餅_2
@fookmelone

溫泉餅喺布拉格嘅超級市場都可以買到,加上價錢唔貴,做手信就最適合不過喇!

 

布拉格必買手信Top 5|布拉格天文鐘仿製品

布拉格天文鐘仿製品
@europestyle_czechrepublic

布拉格天文鐘坐落喺舊城廣場入面,歷史可以追溯到中世紀,係全球其中一個最古老嘅時鐘。不過最特別都係佢嘅設計,天文鐘不但可以預測唔同時間太陽嘅位置,而且每當踏正都會有木偶出嚟同你報時咖。

布拉格天文鐘仿製品
@tatiana_korolenko_pashinina

當地都有唔少天文鐘仿製品,設計精密,手工精緻,所以好多遊客都會帶返個迷你鐘仔返去留念咖。

 

布拉格必買手信Top 4|卡夫卡紀念品

卡夫卡紀念品
@tulaypalaz

由於布拉格鄰近納也納,區內嘅藝術文化都相當興盛。相信唔少人都聽過卡夫卡呢個名,但可能好多人都唔知原來佢係喺布拉格出世,甚至佢嘅成名作《變形記》都係喺布拉格創作。當地仲設有卡夫卡嘅專題博物館。

卡夫卡紀念品_2
@esratinc

參觀完嘅朋友記得去埋卡夫卡精品店,除咗書之外,仲有佢風格嘅筆記簿、明信片同其他收藏品咖,各位文青記住唔好錯過喇。

 

布拉格必買手信Top 3|Botanicus玫瑰精油

Botanicus玫瑰精油
@botanicushk

Botanicus係布拉格當地非常出名嘅護膚品品牌,連捷克總統、英國查理斯王子都係佢哋常客。玫瑰精油係熱門手信之一,由於成份天然,選用嘅玫瑰全部都係喺當地有機花園栽種,絕對唔會有化學物殘留,用嚟按摩、浸浴仲有芳療作用,舒緩壓力一流啊!

 

布拉格必買手信Top 2|Botanicus死海手工皂

Botanicus死海手工皂
@botanicushk

Botanicus嘅手工皂全部都係純天然手工製作,除咗加入咗植物萃取物同水果精華外,仲保留咗天然嘅甘油保濕成份,洗完面、沖完涼皮膚都絕對唔會乾澀。死海泥仲可以消理毛孔內嘅污垢廢物,解決黑頭問題。

 

布拉格必買手信Top 1|Botanicus啤酒花洗頭水

Botanicus啤酒花洗頭水
@botanicushk

捷克盛產啤酒,捷克必買又點少得啤酒花洗頭水呢?呢款洗頭水帶有淡淡嘅水果香,啤酒花萃取出嚟嘅精油仲可以促進頭髮生長,唔少用家都話用咗之後覺得頭髮好清爽同蓬鬆,甩頭髮問題亦都得到改善。

 

Botanicus
地址:yn 3/1049, Prague 110 00, Czech Republic (顯示地圖)
營業時間:10:00 – 20:00 全年無休
網址:http://www.botanicus.cz/en/

 

📖延伸閱讀:【CK小鎮一日遊點夠】捷克庫倫洛夫CK小鎮行程攻略(連CK小鎮住宿推薦!)
📖延伸閱讀:【布拉格自由行】布拉格市內散步地圖連布拉格景點一覽 (布拉格必買小物推介)
📖延伸閱讀:【奧地利自由行】音樂‧藝術‧咖啡館—3日2夜慢活維也納景點行程、美食懶人包
📖延伸閱讀:【聖誕去邊度旅行】最強歐洲火車路線!歐洲之星巴黎 – 倫敦 – 布魯塞爾景點懶人包! (連票務行李全攻略)

 

Hotels.com酒店優惠Hotels.com酒店優惠