定期送上世界各地最新、最地道嘅旅遊資訊!

【高雄新景點】 四大必去高雄私房旅遊景點推薦!(連高雄夜市美食攻略)

各路文青請留意,今次小編會同大家介紹四大必去高雄私房景點!呢幾個景點啱曬大家去打卡,超多高雄景點必去嘅靚靚影相位,包你影唔停手呀!加埋高雄夜市美食攻略,影完靚相就準備掃街喇!

 

高雄私房旅遊景點推薦|駁二藝術特區

駁二藝術特區
@camahill

駁二藝術特區位於高雄港第三船渠,原本係一般嘅港口倉庫,2001年嘅時他一班熱心文藝界人士成立咗駁二藝術發展協會,推希望動駁二藝術特區作為南部人文藝術發展嘅基地。駁二會不定期舉辦各類藝文活動,例如:高雄設計節、好漢玩字節、貨櫃藝術節等等,仲有好多得意有趣嘅藝術商店同特色小店,周圍都充滿住濃厚嘅藝術氣息。

駁二藝術特區由早期嘅兩棟倉庫發展到而家,主要分為三個區域:大勇倉庫群、大義倉庫群以及蓬萊倉庫群,分別有唔同嘅藝術表演空間,工作室同店舖。

駁二藝術特區_2
@hiraychenn

喺微熱山丘旁邊有一個用櫈砌成嘅裝置藝術,好似秘密基地咁,係吸引唔少人嘅打卡熱點嚟㗎!


駁二藝術特區-全白色旋轉木馬@ryanli23

全白色嘅旋轉木馬點可以錯過?

二藝術特區_2
@j.h_emily

呢個草地區空間好大,可以野餐、踩單車、散步,無論無一家大細、情侶拍拖定成班friend嚟hea都冇問題。而過去運載貨物嘅西臨港線鐵道,而家已經成為高雄最熱門嘅單車徑,貫穿駁二藝術特區,踩住單車就可以暢遊成個景區喇!

 

駁二藝術特區
地址:高雄市鹽埕區大勇路1號 (顯示地圖)
交通:捷運橘線鹽埕埔站(O2站)1號出口,沿大勇路向南步行約5分鐘即可到達。
開放時間:周一至周四:10am-6pm;周五至周日及國定假日:10am-8pm
入場費用(只供參考):免費
官網:http://pier-2.khcc.gov.tw/

 

高雄私房旅遊景點推薦|鳳儀書院

鳳儀書院
@tsai3.1415

鳳儀書院取名源自「有鳳來儀」,象徵文風鼎盛,文采輝煌之意。鳳儀書院創建於清朝嘉慶19年(1814年),歷經多年風霜,1891年嗰陣曾經重修一次,係目前全省保存清朝古書院中規模最大最完整嘅,係考證清朝學制嘅活教材,鳳儀書院已被列為第3級古蹟。經高雄市政府文化局修復後,喺2014年盛大開幕,自此就成為高雄新景點喇!

鳳儀書院_2
@ptrcnhg

小編印象中嘅古蹟通常係比較傳統古舊嘅擺設,但係鳳儀書院就顛覆傳統形象,整修重開之後喺書院裡面佈置大量Q版人像,變得趣味十足!諗唔到擺咩甫士?跟住做就啱㗎喇。

文昌祠
@emillehuang

後院就係文昌祠,供奉住文昌帝君、魁星同朱熹像,唔少當地考生會嚟祈福㗎!

 

鳳儀書院
地址:高雄市鳳山區鳳崗里中正路129巷3弄12號 (顯示地圖)
交通:橘線012鳳山站 2號出口→沿光遠路步行→曹公路右轉鳳明街
開放時間:週二至週五:10:30-17:30 (17:00 截止售票)
週六、週日及國定假日:10:30-18:30  (18:00截止售票)
週一休館 ※若遇高雄市停止上班,則休館。
入場費用 (只供參考):NT$66元
官網:http://fongyiacademy.khcc.gov.tw/

 

 

高雄私房旅遊景點推薦|落羽松|凹子底森林公園

凹子底森林公園
@kaohsiung_city

落羽松雖然有個「松」字,但其實佢係屬於杉科植物,喺1901年引進台灣。每年到咗入秋嘅時間,台灣各地嘅落羽松都紛紛轉色,由一片翠綠變為橙紅,好有秋意。除咗熱門嘅清境、宣蘭之外,高雄都一樣有落羽松睇㗎!


凹子底森林公園@muztae

凹子底森林公園面積大約10公頃,包括森林公園及城市花田,規劃咗花藝造景區、精緻花卉區、城市花毯、大地草皮及迎賓棕櫚大道,種植咗各式植物,一年四季都有唔同面貌,而秋天嘅主角當然就係落羽松啦!行到去生態池區就會見到環池而立嘅落羽松,橙紅色嘅機葉點綴咗成個區域,好似去咗歐洲咁呀!

 

影相小tips:喺陽光照射之下,落羽松會格外鮮豔動人,把握住有自然光嘅時間,唔駛用filter都夠曬意境啦!

 

凹子底森林公園
地址:鼓山區農十六重劃區、至聖路及南屏路交叉口 (顯示地圖)
交通:高雄捷運紅線R13凹子底站4號出口
開放時間:24小時
入場費用 (只供參考):免費
官網:https://pwbgis.kcg.gov.tw/aouzihdi/

 

 

高雄私房旅遊景點推薦|衛武營都會公園

衛武營都會公園
@asianweddingpage.com.tw

民國68年衛武營區正式卸下軍事用途,然後由高雄環保團體爭取成立「衛武營都會公園」,除咗維持生態保育嘅概念,仲增加咗文化藝術嘅元素。民國99年,衛武營都會公園正式開園,成為高雄地區嘅「綠色之肺」,台南最大嘅生態公園。

衛武營都會公園係經過幾十年嘅努力爭取而建成,當時被稱為「綠色之夢」,格言係「讓孩子們和草、和花、和樹一起成長,讓相愛的情侶在樹蔭、花草間徜徉,讓老人有個地方休息、散步、運動,讓都市居民有個溫暖的綠色夢境。」


衛武營都會公園_2@衛武營都會公園官網

公園主要分為幾個區域:夢境公園區、自然探索林區、城市花園區、迷彩樂園區及漫遊道,每區都有唔同主題供遊人觀賞或者休憩。

衛武營都會公園_3
@kaohsiung.bravo

自然探索林區佔咗成個公園差唔多一半空間,係重點生態保育區,主要呈現衛武營區成為軍營之前嘅熱帶森林及濕地面貌。當中最特別係位於北湖西側生態「高敏感」區嘅「人行橋」,形狀好似一間起喺湖面上嘅小木屋,喺人行橋入面可以減低人為干擾,觀察最自然嘅生態景觀,當然亦係唔少人嘅打卡位啦!

 

衛武營都會公園
地址:高雄市鳳山區新強里15鄰輜汽路281號 (顯示地圖)
交通:搭乘捷運橘線至衛武營站(O10),由三多路大門進入。
開放時間:24小時
入場費用 (只供參考):免費
官網:https://pwbgis.kcg.gov.tw/

 

 

高雄夜市推薦|瑞豐夜市

瑞豐夜市
@travelking.com.tw

嚟得高雄點可以少咗夜市嘅身影?除咗大家都識嘅六合夜市,小編今次要介紹另一個人氣夜市-瑞豐夜市!瑞豐夜市交通便利,吃喝玩樂咩都有,就連當地人都成日去㗎。入面有超過1000個攤位,當中大部分都係小食檔,甚至有好多間已經喺到擺檔超過20年添,醫肚一流!

瑞豐夜市天使雞排
@missbu

天使雞排係瑞豐夜市排隊名店之一,仲係台灣網上統計「十大台灣人最愛的雞排連鎖店」第一名,認真係瑞豐夜市必食呀!超級厚切嘅雞排,皮脆肉嫩多汁兼且啖啖肉,有咩辦法唔受歡迎?

 

天使雞排
位置:瑞豐夜市第12排
開放時間:4:00 PM – 1:30 AM
價錢:NT$70 一塊

 

 

萬國牛排
@rishou

同樣地,萬國牛排都係瑞豐夜市嘅排隊熱店代表,第一次嚟嘅朋友一定要試吓。

萬國牛排_2
@tracychen1016

小編推介厚片牛排同雞腿排,肉質非常嫩滑,配上黑椒汁簡直係絕配!佢哋仲提供免費粟米湯同紅茶俾食客,味道都唔錯㗎。

 

萬國牛排
位置:瑞豐夜市第一排
開放時間:06:30PM – 01:00AM
價錢:厚片牛排NT$160;雞腿排NT$130

 

瑞豐夜市
地址:高雄市左營區裕誠路南屏路 (顯示地圖)
交通:乘搭高雄捷運紅線,於「巨蛋站」下車,1號出口步行約3分鐘
開放時間:6PM – 12AM

 

高雄旅遊住宿推薦|高雄御宿商旅-明華館

明華館
@play.evenrain.com/

高雄御宿商旅-明華館最吸引嘅係佢嘅地理位置,轉個彎步行五分鐘就可以直達瑞豐夜市,晚晚落街宵夜都唔怕!面且佢仲有24小時開放嘅公共休閒空間,爆谷、麵包、果汁、咖啡、雪糕等等都可以免費享用㗎,CP值超高!

明華館_2
@royal-group.com.tw/

房間樸實典雅,勝在位置就腳。

 

高雄御宿商旅-明華館
地址:高雄鼓山區明華路 257 號 (顯示地圖)
星級 | ★★★☆☆
位置 | ★★★★☆
設施 | ★★★★☆
環境 | ★★★☆☆
價格 | 查看價格  

 

高雄自由行住宿推薦|艾卡設計旅店

艾卡設計旅店
@iconhotel.com.tw/

艾卡設計旅店距離中央公園站只需要5分鐘,交通便利。而艾卡嘅設計理念係透過幾十位嚟自世界各地嘅藝術家嘅創意!共8層樓36個房間,每間房都係獨一無二!艾卡設計旅店仲好受台灣媒體歡迎,好似愛玩客、食尚玩家等等知名節目都有嚟採訪過㗎。

艾卡設計旅店_2
@iconhotel.com.tw/

係人氣日本插畫家奈良美智呀!

 

艾卡設計旅店
地址:高雄新興區民生一路328號 (顯示地圖)
星級 | ★★★☆☆
位置 | ★★★★☆
設施 | ★★★☆☆
環境 | ★★★★☆
價格 | 查看價格  

 

高雄自由行住宿推薦|翰品酒店高雄

翰品酒店高雄
@blog.xuite.net/

翰品酒店高雄係屬於台灣連鎖旅館品牌「雲朗觀光」旗下,專為旅遊以及商務人士打造嘅國際級精品酒店。酒店坐落於鹽埕區,附近吃喝玩樂大把節目,有好多著名小食,酒店每晚仲有免費Happy Hour,CP值爆燈!

翰品酒店高雄_2
@kaohsiung.chateaudechine.com/tw/

酒店內部嘅設計都花咗唔少心思,好有質感同時尚品味。

 

翰品酒店高雄
地址:高雄鹽埕區大仁路 43 號 (顯示地圖)
星級 | ★★★★☆
位置 | ★★★★☆
設施 | ★★★★☆
環境 | ★★★★☆
價格 | 查看價格  

 

 

📖延伸閱讀:【台東自由行攻略2018】最新台東景點懶人包!
📖延伸閱讀:【花蓮自由行】尋找花蓮海岸秘境—絕密花蓮景點大公開!
📖延伸閱讀:【宜蘭親子遊】4日3夜短線行程!本地人推薦宜蘭必去、必食攻略!
📖延伸閱讀:【高雄自由行】高雄文青私心推!4日3夜台灣高雄景點、美食遊玩攻略!(人氣高雄Cafe+瑞豐夜市必食推薦)

 

 

Hotels.com酒店優惠Hotels.com酒店優惠