定期送上世界各地最新、最地道嘅旅遊資訊!

【首爾早餐推薦】首爾自由行必食!東大門、明洞、弘大早餐店美食推薦!

山長水遠嚟到首爾,食早餐唔係仲係只係識得食Issca同本粥呀嘛?其實韓國早餐仲有好多好嘢食㗎,今日就等小編帶大家食盡東大門、明洞、弘大嘅早餐店啦!

 

首爾自由行 | 東大門必食 | Cafe Majo & Sady

Cafe Majo & Sady
@bandyshop

Cafe Majo & Sady係一間可愛能滿分嘅cafe,餐廳名中嘅Majo同Sady係韓國嘅本土卡通人物,餐廳以佢地兩個為主題,不論係食物上、餐廳佈置上、餐具上都會見到呢兩隻可愛嘅卡通人物,真係少女心爆哂錶!呢度提供嘅早餐係all day breakfast,全日無間斷供應,啱曬幾時都想食早餐嘅香港人呀!

Cafe Majo & Sady_2@hiyokong10

不得不提,呢度嘅甜品造型都好可愛!

 

Cafe Majo & Sady
地址﹕首爾市中區光熙洞2街 172(顯示地圖
           서울시 중구 광희동2가 172번지
營業時間﹕10:00 – 23:00

 

首爾自由行 | 東大門必食 | 便宜紫菜包飯 싸다김밥

便宜紫菜包飯 싸다김밥@yjyoung511

東大門係一個不夜城,24小時唔會停止營業,所以相應地係東大門大帶有唔少24小時營業嘅餐廳方便大家搵食!便宜紫菜包飯就係其中一間24小時營業嘅餐廳,佢唔單只賣紫菜包飯,仲有炸豬扒﹑蛋包飯﹑冷麵等,呢度咗多選擇,大家唔洗驚會食唔慣啦!

 

便宜紫菜包飯
地址﹕首爾市中區獎忠壇路 282-10(顯示地圖
           서울시 중구 장충단로 282-10
聯絡電話: 02-2274-5273
營業時間﹕24小時

 

首爾自由行 | 東大門必食 | 櫸樹雪濃湯 느티나무 설렁탕

櫸樹雪濃湯 느티나무 설렁탕@mercyblu

另外一間好啱香港人食嘅24小時營業早餐就係櫸樹雪濃湯,雪濃湯味度本身較為清淡,同粵式早餐比較相似,即使做早餐都唔會有太heavy。東大門老店櫸樹雪濃湯係嘅一間極具名氣嘅雪濃湯店,湯底經長時間熬製,呈現漂亮嘅奶白色,非常濃郁可口!呢度除咗雪濃湯之外,仲有牛胸肉湯、牛排骨湯、牛膝湯等各種餐點都非常啱做早餐!

 

櫸樹雪濃湯
地址﹕首爾市中區新堂洞 251-131 1樓(顯示地圖
           서울시 중구 신당동 251-131 1층
聯絡電話: 02-2234-9713
營業時間﹕24小時

 

首爾自由行 | 明洞必食 | 明洞餃子 명동교자

明洞餃子 명동교자@pixnet

明洞餃子座落於明洞超過50年,招牌夠老之外,仲係韓國觀光社都認證嘅美食店,被刊登於韓國觀光小冊務上!呢度全店只賣4樣食物:刀削麵、 餃子、辣拌冷麵 、豆汁麵(4-10月限定),不過明洞餃子最出色嘅唔係餃子,反而係刀削麵,刀削麵麵條細滑有咬口,湯頭濃郁,再配上蔬菜同肉類,令刀削麵風味昇華!!

 

明洞餃子
地址:首爾特別市中區明洞10街29 (明洞2街) (顯示地圖
           서울특별시 중구 명동10길 29 (명동2가)
聯絡電話: +82-2-776-5348
營業時間﹕10:30 – 21:30

 

首爾自由行 | 明洞必食 | Cafe Kinnor 카페키노르커피앤키친

Cafe Kinnor 카페키노르커피앤키친@monobino

唔知大家有冇試過早機到明洞,之後發現所有鋪頭都未開,唔知食咩好呢?其實只要抬高個頭就會發現明洞大街嘅2層、3層都有唔少被忽略嘅好嘢食㗎!Cafe Kinnor就係正正位於明洞大街嘅2層cafe, 每日準時8點鐘開門,提供西式早餐、咖啡、意粉、蛋糕、刨冰等各式甜品,早餐係all day breakfast嘅概念,咩都有、大大份,係超飽肚之選!

 

Cafe Kinnor
地址:首爾特別市中區明洞2街2-2,1~2F(顯示地圖
           서울특별시 중구 명동2가 2-2, 1~2F
聯絡電話: 02-319-2122
營業時間﹕08:00 – 23:00
網頁http://www.kinnor.co.kr

 

首爾自由行 | 明洞必食 | Wonder Bread 원더브래드

Wonder Bread 원더브래드@tweety9237

位於忠武路嘅小店Wonder Bread異常地多人,據說係忠武路一帶人氣最盛嘅烘焙坊麵包店!雖然呢度望落係網紅店嘅設計,但單靠食物質素就吸引咗附近大量嘅上班族係度買一個熱騰騰、香甜嘅麵包!店內雖然有一小區可以堂食,不過由於空間不足,呢度主要以外賣為主,亦有提供咖啡類飲品!

 

Wonder Bread
地址:首爾特別市中區忠武路2街48-1(顯示地圖
           서울특별시 중구 충무로2가 48-1
聯絡電話: 02-2265-3009
營業時間﹕8:00 – 20:00

 

首爾自由行 | 弘大必食 | The Famous Lamb 더 페이머스 램

The Famous Lamb 더 페이머스 램@ohmaria

唔少朋友去旅行仲好習慣食個自助式早餐,但住民宿,或者airbnb又未必滿足到呢個要求⋯位於弘大入口站不遠嘅The Famous Lamb就提供食到飽嘅西式自助早餐!

The Famous Lamb 더 페이머스 램_2@delibazar

呢度提供每日新鮮出爐嘅手工麵包、肉品、湯品、蛋類、水果糕等,深受旅客同本地人嘅歡迎!呢度嘅基本消費係一杯飲品嘅價格,再加₩9,000就可以享受buffet早餐啦!整個早餐嘅總消費約為₩15,000(約港幣100),作為一個早餐雖然有點小貴,但餐廳環境非常高質,而且食物質素都好唔錯,就好似𠻹喺高級酒店嘆早餐咁,CP值超高呀! 

 

The Famous Lamb
地址﹕首爾特別市麻浦區西橋洞447-4 (顯示地圖
           서울특별시 서교동 447-7
營業時間﹕08:00 – 23:00 (早餐時段最後點餐時間為11:30)
聯絡電話: 02-334-2352

 

首爾自由行 | 弘大必食 | Brunch-Ga 브런치가

Brunch-Ga 브런치가@happyssuna1

Brunch-Ga位於弘大延南洞,係靜中帶旺嘅區域,餐廳係一橦兩層高嘅充滿異國風情嘅建築,有室內室外嘅進餐區域,係一個可以舒舒服服同朋友一邊閑聊,一邊食嘢嘅餐廳。

Brunch-Ga 브런치가_2@11ansgallry

Brunch-Ga提供各式brunch,三文治、沙律、意大利粉等餐點,其中brunch就最受歡迎,份量足,又好食,小鳥胃嘅朋友仲可以兩人分食一個餐𠻹,而芝士煙肉奄列 (베이컨 치즈 빅 오믈렛) 就係小編嘅最愛啦!

 

Brunch-Ga
地址﹕首爾特別市麻浦區東橋洞204-29 (顯示地圖
           서울특별시 마포구 동교동 204-29
營業時間﹕09:00 – 翌日01:00(最後點餐時間為121:30)
聯絡電話: 02-735-0263
網站www.instagram.com/brunchga_hongdae

 

首爾自由行 | 弘大必食 | 豚壽百 돈수백

豚壽百 돈수백@rldudal0070

一場嚟到韓國,會想試吓傳統嘅韓式早餐,豚壽百會係一個唔錯嘅選擇,豚壽百係一間24小時營業嘅韓餐湯飯餐廳,湯飯分別有豬肉湯﹑內臟湯﹑餃子湯,都係一啲偏清淡嘅湯飯類,可以按個人口味加入鹽、胡椒,非常符合香港人鐘意食清清地嘅飲食習慣!

 

豚壽百
地址﹕首爾市麻浦區東橋洞164-24
           서울시 마포구 동교동 164-24
營業時間﹕24小時
聯絡電話:02-324-3131
網站https://dnshongdae.modoo.at/

 

📖延伸閱讀:【韓國買衫】仲去明洞、東大門買衫?最新首爾買衫好去處推薦
📖延伸閱讀:【首爾美食推薦】首爾食乜?編輯私心推—首爾醬油蟹、首爾燒肉及明洞必食餐廳大全
📖延伸閱讀:【首爾米芝蓮2019】實測五大首爾米芝蓮餐廳食物水準!首爾美食餐廳推薦逐個數!
📖延伸閱讀: 【首爾咖啡店特集】5大首爾弘大、梨泰院cafe!(浣熊Cafe超得意!)

 

Hotels.com酒店優惠Hotels.com酒店優惠