定期送上世界各地最新、最地道嘅旅遊資訊!

【廈門自由行】IG大熱打卡點!廈門東山島、火山島旅遊攻略 + 拍攝地點推薦!

廈門位於福建省,係其中一個早開發嘅沿海城市,所以區內嘅經濟、文化同環境保育都發展得比較完善,所以交通配套都非常方便,喺廈門自由行都完全冇問題!廈門主要由廈門島、鼓浪嶼及好多小島組成,例如東山島同火山島,島上水清沙幼,椰林樹影,難怪廈門有「東方夏威夷」之稱啦。不如一齊嚟睇吓東山島同火山島有咩一定要去嘅景點啦!

 

廈門自由行 | 東山島、火山島拍攝地點推薦 | 南門灣

南門灣
@spxchnfj

東山島係福建省第二大島,島上有嘅景點真係數都數唔晒,除咗有宋代磁窑遺址之外,仲有龍峰山、礦泉湖、森林公園等等好多自然景色。唔止,島上面有幾個大型嘅海鮮養殖場,海鮮又平又肥美,性價比超高,非常值得一去㗎!前往東山島嘅方法好簡單,廈門高崎國際機場同高鐵雲霄站都有巴士可以直接去到。

南門灣_2
@zivzhuang

東山島周圍都種滿椰樹,藍天白雲,椰林樹影,好有渡假氣息。風景咁靚,唔少電影都係到取過景㗎!所以跟住落嚟就要介紹吓東山島熱門打卡地點──南門灣。

南門灣_3
@miuyakoel

南門灣係電影《左耳》嘅拍攝地點,電影出咗之後,大家先發現原來廈門有個咁靚嘅地方。喺蘇有朋嘅電影鏡頭下,令呢個平凡嘅小漁村充滿文藝風息。

南門灣_4
@b_fzl65

半圓嘅海灣,加埋沿海五顏六色嘅小屋, 好似置身喺愛琴海咁啊!不過提提大家南門灣係國家受保護海灣,所以係唔比落水㗎,記住嚟影相之餘都要好好保護呢個咁靚嘅環境啊!

 

📖延伸閱讀:【上海好去處】上海文青必到打卡位!6間型格上海Cafe連文青住宿推薦!

 

廈門自由行 | 東山島、火山島拍攝地點推薦 | 風動石

風動石
@charlieyeh134

如果你想一眼睇晒成個南門灣嘅話,就一定要去睇埋風動石。風動石都係東山島嘅知名景點之一,由於大石坐落喺懸崖邊,會比風吹郁,又永遠唔會跌落懸崖,所以叫做「風動石」,東山風動石仲有「天下第一奇石」之稱添。《西遊記》入面孫悟空出世嘅地方都係喺呢到取景㗎!

風動石_2
@99funny63

仲重要嘅喺,喺呢個景點可以睇嚟成個東山島,空氣清新,非常治癒!

 

廈門自由行 | 東山島、火山島拍攝地點推薦 | 海濱木棧道

海濱木棧道
@vittorino.x

海濱木棧道_2
@kaicheung084

沿住風動石一直向下行就會見到經過木棧道,再向前行就會南海灣。沿住石橋行,一路吹住海風,加上呢到比海灣少人,所以好多人都會選擇喺到影返幾張靚相先走㗎。

 

廈門自由行 | 東山島、火山島拍攝地點推薦 | 銅山古城

銅山古城
@mini_full_9

銅山古城_2
@_lvselvse_302

東山島係古代叫做銅山,所喺同一個景區入面,你仲會見到一座明代嘅銅山古城。遠睇好有文化氣息,行入去就有另一番風味,好有小城風光,無論近影定遠影都咁適合打卡!

銅山古城_3
@tom__fu

另一個要介紹嘅景點就係火山島喇,火山島主要分做香山半島、林進嶼同南碇島。

銅山古城_4
@wongyongjia

主要嘅熱門景點集中喺坐車可以去到嘅香山半島,除咗由火山岩形成嘅「黑沙灘」之外,仲有好多特色嘅拍攝地點都值得一去㗎!

 

廈門自由行 | 東山島、火山島拍攝地點推薦 | 火山地學博物館

火山地學博物館
@oaliei

火山地學博物館用咗熔岩嘅顏色設計,顏色同天空對比非常鮮明,影出嚟嘅相完全唔使調色。

火山地學博物館_2
@limbo_wong

加埋樓頂嘅城堡設計,型格得嚟又有南歐氣息,用嚟做背景都好突出。

 

📖延伸閱讀:【上海酒吧推薦】遊走於上海弄堂間—六大上海新天地、田子坊潮聖打卡點!

 

廈門自由行 | 東山島、火山島拍攝地點推薦 | 熱氣球、麵包車

東山島、火山島拍攝地點推薦_熱氣球
@zzxxsw

除此之外,火山島仲設有唔少打卡設施,非常貼心!最受歡迎嘅就係呢個彩色嘅熱氣球喇,顏色唔單調之餘,影相效果都特別好,少女心即刻大爆發。

東山島、火山島拍攝地點推薦_麵包車
@lucylu911123

麵包車同熱氣球景點只係一步之隔,夠晒方便!行去營地個邊仲有紅色麵包車,一樣咁有渡假feel,紅色顯得仲更加復古添。      


@jasonpz702

沿住海邊行會見到橙黑色嘅「鳥居」,「鳥居」整齊排列,形成一個中空又複雜嘅立體空間,企喺中間影全身相,人像會變得更突出添㗎!

東山島、火山島
@lucylu911123

東山島、火山島拍攝地點推薦 | 熱氣球、麵包車_2
@sodaaaaaaamm

東山島、火山島拍攝地點推薦 | 熱氣球、麵包車_3
@hyolimoh

呢到仲有好多情侶打卡位,好似呢個雙人韆鞦咁,一齊影咁就唔驚悶親另一半啦。

 

廈門自由行 |廈門住宿推薦 | 廈門空港智選假日酒店

廈門空港智選假日酒店

廈門空港智選假日酒店_2

廈門空港智選假日酒店_3

廈門空港智選假日酒店喺香港都有分公司,而廈門分店行現代簡約風,無論係酒店房定大堂、休息空間等等嘅設施都用咗同樣配色,風格統一,環境都非常乾淨企理。

廈門空港智選假日酒店_4

加上房內空間非常大,仲有梳化提供,整體感覺好舒適,喺房打關斗得啊!同埋,每間客房都有獨立wifi提供,咁就唔怕收得唔好喇!

 

廈門空港智選假日酒店
地址:CHN廈門市湖里區環島北路 509 號 (顯示地圖)
星級 | ★★★☆☆
位置 | ★★★☆☆
設施 | ★★★★☆
環境 | ★★★★☆
價格 | 查看價格

 

廈門自由行 | 廈門住宿推薦 | 空港佰翔花園酒店

 空港佰翔花園酒店

空港佰翔花園酒店同機場只係5分鐘步程,適合由機場出發嘅朋友。酒店環境清幽,室內泳池、免費兒童俱樂部、室外網球場等等設施可以使用。

 空港佰翔花園酒店_2

 空港佰翔花園酒店_3

 空港佰翔花園酒店_4

客房方面都幾企理,房內光線充足、開揚,唔會有壓迫感,整體感覺唔錯。

 

空港佰翔花園酒店
地址:CHN廈門市高崎國際機場翔雲一路 50 號(顯示地圖)
星級 | ★★★☆☆
位置 | ★★★☆☆
設施 | ★★★★☆
環境 | ★★★★☆
價格 | 查看價格

 

📖延伸閱讀:【深圳美食攻略】編輯私藏隱世美食!深圳酸菜魚餐廳環境、味道、價格大評比!
📖延伸閱讀:【深圳酒店邊間好】深圳酒店邊際泳池大評選!5大深圳靚酒店推介2019!
📖延伸閱讀:【台東美食篇】台東夜市必吃美食大全!水煎包、滷味、臭豆腐、蔥油餅推薦!
📖延伸閱讀:【台北美食推薦】必食!嚴選十大台北芋圓、台北蛋餅店2019!

 

Hotels.com酒店優惠Hotels.com酒店優惠