定期送上世界各地最新、最地道嘅旅遊資訊!

【巴塞隆拿景點】巴塞隆拿足球Fans必去—魯營球場Camp Nou懶人包!

位於西班牙巴塞隆拿魯營球場唔單止係巴塞隆拿足球隊嘅主場,而且更加係全歐洲最大嘅球場!無論係唔係球迷,魯營球場都可以話係一生人必去嘅世界級景點!小編今次為你介紹魯營球場同埋巴塞隆拿景點懶人包!

 

📖延伸閱讀:【香港假期好去處】2019公眾假期請假攻略 (連長短線旅遊地點推薦)
📖延伸閱讀:【西班牙自由行】巴塞隆拿自由行必去人氣街區Las Ramblas、Gothic Quarter連住宿推薦

 

巴塞隆拿景點│巴塞隆拿足球隊主場│魯營球場

@fcbarcelona

魯營球場係全歐洲最大嘅足球場,曾經舉行過唔少重要賽事,好似1999年歐聯決賽曼聯反勝拜仁慕尼黑嘅經典一幕正正就係喺呢度發生!而主看台上面嘅「Més que un club」標語,意思即係「More than a club」,係巴塞隆拿球會嘅核心精神價值!

 

巴塞隆拿景點│巴塞隆拿足球隊主場│魯營球場 Stadium Tour

@fcbarcelona

巴塞隆拿同大多數歐洲球會嘅主場一樣,都會設有Stadium Tour畀一眾球迷喺非比賽日去朝聖一番。嚟到魯營球場,你可以更深入地了解巴塞獨特嘅球會文化,亦可以到球場唔同位置打卡,感受一下球員準備比賽嘅心情。魯營球場Stadium Tour門票費用包埋博物館入場費,喺球場感受完氣氛,唔好忘記要去埋博物館欣賞巴塞隆拿足球隊嘅輝煌歷史啊!

 

巴塞隆拿景點│巴塞隆拿足球隊主場│魯營球場博物館

@fcbarcelona

魯營球場Stadium Tour之後,你可以去球會博物館參觀一下。博物館裡面除咗展示咗關於巴塞隆拿足球隊嘅輝煌戰績同埋歷史資訊之外,仲有一系列球會喺各項賽事所贏取嘅獎盃。

@fcbarcelona

而一眾球會名宿好似傳奇中場大師沙維 (Xavi) 嘅波衫亦都可以喺呢度搵到,Fans無理由唔嚟打卡留念啦!

@fcbarcelona

巴塞隆拿足球隊博物館其中一個最特別嘅地方就係為當家射手美斯 (Lionel Messi) 而設嘅一個展區「Messi Space」啦!展區入面展示咗美斯所獲得嘅個人榮譽包括五個金球獎獎座 (Ballon d’Or) 與及歐洲金靴獎獎座,全部都係國際球壇上嘅最高個人榮譽獎項,相當罕有㗎!

@fcbarcelona

@fcbarcelona

唔講唔知,其實美斯細細個嘅時候患有侏儒症,生長激素分泌嚴重不足,所以就算去到10歲佢嘅身高亦只係得125cm。縱使美斯足球天賦過人,佢沈重嘅醫療開支令到唔少大球會卻步。而當時唯獨巴塞隆拿足球隊願意為美斯支付高昂嘅醫療費用,並且加以重點栽培,最後成就咗今時今日嘅五屆金球獎得主!

 

 

巴塞隆拿景點│巴塞隆拿足球隊主場│魯營球場 Megastore

@fcbarcelona

身為球迷嘅你,唔係唔去巴塞隆拿足球隊Megastore搜羅心頭好呀嘛?呢度係巴塞隆拿足球隊最大規模嘅官方商店,任何關於巴塞或者印有巴塞標誌嘅商品,基本上你都可以喺到搵到!

魯營球場 Megastore2@fcbarcelona

小編特別推薦你喺巴塞隆拿足球隊Megastore買波衫,因為呢度除咗可以印球員嘅名之外,其實你可以選擇印自訂嘅印字,例如自己個名等等,令你可以擁有一件獨一無二嘅巴塞波衫!

 

巴塞隆拿景點│巴塞隆拿足球隊主場│魯營球場門票攻略

@fcbarcelona

嚟到魯營球場,唔睇翻場波又點算嚟過!魯營球場球賽嘅門票價錢由40歐元起,因應對賽球隊而調整價格。想買巴塞隆拿足球隊比賽嘅門票?除咗可以上巴塞官網購買之外,其實喺唔少巴塞隆拿景點,好似聖家堂或者加泰隆尼亞廣場附近嘅觀光資訊站都可以買到,非常方便!

@fcbarcelona

當然你亦可以即場喺魯營球場購買,不過就要睇下你嘅彩數啦!因為巴塞主場嘅球賽經常都會Full House,如果當日對手係宿敵球隊皇家馬德里嘅話,咁就更加係一票難求!要欣賞美斯妙到毫巔嘅世界級球技,就記住記住預先準備啦!

 

魯營球場
地址:C. d’Aristides Maillol, 12, 08028 Barcelona, 西班牙 (顯示地圖)
官網:https://www.fcbarcelona.com/
門票費用 (只供參考):25歐元 ※購買地點請參考巴塞隆拿觀光資訊站官網

 

巴塞隆拿景點住宿推介│哈瓦那格蘭酒店

哈瓦那格蘭酒店

哈瓦那格蘭酒店2

哈瓦那格蘭酒店嘅設計充滿歐陸風情,簡潔時尚,而且位置鄰近巴士站,要前往魯營球場欣賞巴塞隆拿足球隊嘅比賽亦非常便利,大概30分鐘左右即可到達。酒店房間乾淨企理,面積亦唔細,係巴塞隆拿自由行唔錯嘅住宿選擇!

 

哈瓦那格蘭酒店
地址:ESP巴塞隆拿Gran Via de Les Corts Catalanes (顯示地圖)
星級 | ★★★★☆  
位置 | ★★★★☆  
設施 | ★★★★☆  
環境 | ★★★★☆  
價格 | 查看價格

 

📖延伸閱讀:【歐遊攻略篇】2018歐洲旅遊必讀!3大歐洲自由行路線及常見問題!
📖延伸閱讀:【歐洲上網卡推介】歐洲電話卡大評比2018!邊隻歐洲Sim Card最抵?!
📖延伸閱讀:【CK小鎮一日遊點夠】捷克庫倫洛夫CK小鎮行程攻略(連CK小鎮住宿推薦!)
📖延伸閱讀:【2018最強旅行手信特輯】韓國、德國、俄羅斯、新加坡、泰國手信一次過話你知!

 

Hotels.com酒店優惠