定期送上世界各地最新、最地道嘅旅遊資訊!

【岡山自由行】日本岡山、倉敷景點行程懶人包 (岡山必食、必買推薦)

日本岡山縣全年降雨量極低,而且日照時間好長,所以有「晴天之國」嘅美譽!當中亦以岡山市同倉敷市為日本人最鍾意嘅渡假勝地。今次就等小編幫大家整合一個岡山自由行懶人包,推介必去岡山同倉敷景點,話埋你知岡山必食,必買即刻上Blogshotels.com睇啦!

 

📖延伸閱讀:【香港假期好去處】2019公眾假期請假攻略 (連長短線旅遊地點推薦)

 

岡山自由行|岡山景點推薦|岡山城

@Matcha

去岡山玩,去岡山城係指定動作!呢座城堡建於1597年,歷時8年先至建成,係日本百大名城之一!為咗配合當時嘅建築特色,所以城堡外牆被塗成黑色,又有「烏城」之稱,望落去真係好有型㗎!城堡一共有6層,每層都展示咗好多日本傳統生活嘅用品、交通工具、藝術品等等!而6樓仲有觀望台,可以飽覽岡山景色!

 

@Okayama
城主服裝體驗

日本好多地方都有得租借浴衣,唔少女士去到日本都好想試下著浴衣,影返輯充滿日式風情嘅靚相!而岡山城呢度,大家仲可以免費試著城主同城主夫人嘅服裝,比起一般浴衣更加豪華隆重,更有特色!再加上充滿日本江戶風情嘅背景,包你一定影到無數張呃like相!

 

岡山城
地址:〒700-0823 岡山県岡山市北區丸之内2丁目3−1 (顯示地圖)
開放時間:每日 09:00-17:30
費用 (只供參考)成人 ¥300;6-14歲小童 ¥120
官網:https://okayama-kanko.net/

 

岡山自由行|岡山景點推薦|後樂園

@okayama-japan.jp

岡山後樂園係300年前,由當時岡山極具權力嘅藩主池田剛正興建。由江戶時代開始,庭園嘅面貌就一直保留至今!歷史上嘅意義係日本武士權力嘅象徵之一!而藝術文化上,佔地13公頃嘅後樂園,憑著絕美嘅庭園景色,成為日本三大名園之一!更加係曾經獲得《米芝蓮線色指南》嘅三星評價景點!有唔少日本人都選擇呢度為結婚嘅地點㗎!

 

@Okayama
延養亭

後樂園以「延養亭」為重點,因為呢度係以前日本藩主造訪後樂園時嘅所住之處,無論係建築本身嘅設計,定係四周圍嘅園林造景同水池,都運用咗當時最好嘅技術同材料建造而成。而且呢度係整個庭園景觀最靚嘅地方,無論係園內定遠處風光都可以一覽無遺!

 

後樂園
地址:〒703-8257 岡山県岡山市北區後樂園1-5 (顯示地圖)
開放時間:3月20日至9月30日 07:30-18:00;10月1日至3月19日 08:00-17:00
費用 (只供參考)成人 ¥400;6-14歲小童 ¥140
官網:http://www.okayama-korakuen.jp/

 

岡山自由行|岡山景點推薦|吉備津神社

@Flickr

去到日本任何地方,參拜神社都係指定動作,而吉備津神社就係岡山最具代表性嘅神社!日本著名民間故事當中嘅桃太郎,就係以呢間神社所供奉嘅吉備津彥大神為藍本所創!除此之外,雖然神社係幾時始建已經考究唔到,但神社本殿係1425年,沿用「比翼入母屋造」嘅建築方法重建而成,係現今日本唯一以呢個方法建成嘅建築物,所以被列入為日本國寶之一!

 

@Facebook

神社內最大嘅特色就係全長360公尺嘅木造迴廊!迴廊隨著地形嘅起伏而興建,而且延綿不絕,放眼望過去真係好有氣勢,係日本重要嘅文化遺產! 而且迴廊兩邊景色優美,一年四季可以欣賞到唔同嘅花卉,春天有櫻花,夏天有繡球花,特別係6月嘅紫陽花,盛開嘅時候真係美不勝收!

 

吉備津神社
地址:〒701-1341 岡山県岡山市北區吉備津931 (顯示地圖)
開放時間:每日 08:30-16:00
官網:http://kibitujinja.com/

 

岡山自由行|岡山景點推薦|蒜山高原

@okaziro.com

蒜山高原位於岡山縣同鳥取縣嘅交匯處,由3座海拔高達1200公尺嘅山峰組成。由於地勢高所以氣溫會比較清涼。炎熱嘅夏天,可以嚟健行、踩單車、探訪乳牛牧場、騎馬體驗!而寒冷嘅冬天就可以嚟呢度滑雪同浸溫泉!一年四季都有活動,所以係日本人至愛嘅渡假勝地之一,亦被稱為關西版嘅輕井澤。

 

@Facebook

冬天將至,當然就要嚟呢度滑雪啦!每年嘅12月中,蒜山高原嘅3大滑雪場,上蒜山滑雪場,津黑高原滑雪場同蒜山Pair Valley滑雪場都會開始營業!3個滑雪場都各有特色,最重要係全部都設有唔同等級嘅滑雪場地,連小朋友都可以玩!記得提早預訂滑雪裝備啦!

 

蒜山高原
地址:〒717-0503 岡山県真庭市蒜山富山根 (顯示地圖)
官網:http://www.hiruzen.info/

 

📖延伸閱讀:【東京滑雪自由行】東京近郊自駕必去!日本親子滑雪酒店推薦!

 

岡山自由行|蒜山高原酒店住宿推介|休暇村蒜山高原

休暇村蒜山高原

蒜山高原咁多嘢玩,梗係要喺度住返晚啦!最方便,最愛歡迎嘅就係呢間休暇村蒜山高原啦!休暇村四周無建築物阻擋,有超靚自然景觀!而且旅館唔單止包埋好豐富多樣式嘅日式自助餐,仲有得租借電動自行車,周邊活動又多,係有靚景!有得玩!有得食嘅渡假村!

@eonet.jp

休暇村最吸引嘅就係呢個有無敵景觀室內溫泉!夏天可以欣賞綠油油嘅高原三峰,冬天可以一邊賞雪,一邊嘆溫暖嘅溫泉!梳乎到暈!

休暇村蒜山高原3

因為好多旅客都會一家大細嚟玩,所以呢度提供好多房型嘅選擇!而且大家可以揀傳統日式房型,又或者係和洋混合風嘅房型,無論你喜好邊一種,房間內都可以望到外面絕美景色!正!

 

休暇村蒜山高原
地址:JPN真庭Kami-Fukuda, Hiruzen (顯示地圖)
星級 | ★★★☆☆   
位置 | ★★★★☆  
設施 | ★★★☆☆   
環境 | ★★★★☆   
價格 | 查看價格

 

岡山自由行|倉敷景點推薦|倉敷美觀地區

@Flickr

嚟到岡山,唔少人都一定會去倉敷一日遊。因為由岡山車站坐車去倉敷都只係15分鐘。倉敷最人氣嘅美觀地區,係一個保留咗江戶時期建築特色嘅地方。成個區域都充滿古色古香嘅住宅同商店,而且以黑色瓦片屋頂同白色外牆為主色,同河道兩邊嘅楊柳相映,靚到如詩如畫咁,唔怪得呢度被列入為「重要傳統建造物群保存地區」啦!

 

@Flickr

建議大家可以先走訪倉敷美觀地區嘅橫街小巷,探索一吓特色小店。然後就去參加倉敷川遊船,喺倉敷川上,以唔同嘅角度,欣賞整個美觀地區兩岸景色!短短嘅遊船之旅,個感覺就好似帶你回到過去,體驗日本江戶時代嘅風情,絕對係難忘嘅回憶!

 

倉敷美觀地區
地址:〒710-0054 岡山県倉敷市本町 (顯示地圖)
官網:https://www.kurashiki-tabi.jp

 

岡山自由行|倉敷景點推薦|大原美術館

@Facebook

倉敷呢度唔單止有傳統日式古城,仲有榮獲米芝蓮二星評級,日本首間西洋美術館嘅大原美術館!大原美術館係一座日本稀有嘅仿希臘神殿建築物,同四周嘅日式建築成強烈嘅對比,亦更突顯美術館嘅不凡!大原美術館嘅創辦人大原孫三郎獨具慧眼,過百年前已經洞悉西洋畫嘅藝術價值,經過多年嘅搜羅,成功為美術館納入多幅舉世聞名嘅畫作!

@letsgojp.com

大原美術館收藏咗馬蒂斯、梵谷、畢卡索、莫內等等天才畫家嘅作品,最厲害之處,係好多嘅畫作都係大原孫三郎親自拜訪畫家,直接由畫家手上買返嚟!就係憑著佢對藝術嘅熱誠同堅持,大家先有機會喺呢個小小嘅藝術館,欣賞到過百幅世界名畫!

 

大原美術館
地址:〒710-0046 岡山県倉敷市中央1丁目1−15 (顯示地圖)
開放時間:星期二至日 09:00-17:00
費用 (只供參考)成人 ¥1300;小童 ¥500
官網:http://www.ohara.or.jp

 

岡山自由行|岡山必食推介|肉匠松屋

@Facebook

去日本唔係唔食燒肉呀?岡山呢度有一間非常有名氣嘅和牛燒肉店 – 肉匠松屋!因為呢到嘅燒肉CP價極高,出哂名以好平嘅價錢,就食到高質和牛!肉匠松屋採用嘅都係佐賀黑毛和牛,喺2014係仲曾經奪得「農林水產大臣賞」,真係唔簡單!

肉匠松屋2@Facebook

呢度提供咗唔同嘅燒肉套餐,只需要¥2000左右就可以嘆到3款唔同嘅和牛,而且每個套餐都配有飯、沙律、前菜、小食、泡茶湯同飲品!認真超值!

 

肉匠松屋
地址:〒700-0907 岡山県岡山市北區下石井1丁目2−1 (顯示地圖)
營業時間:每日 10:00-23:00

 

📖延伸閱讀:【石垣島自駕遊】沖繩石垣島景點攻略!必試入口即溶石垣牛!

 

岡山自由行|岡山必食推介|Rivets 牛仔褲雪糕

@ForOurJapan

岡山兒島係日本牛仔褲發源地,所以有一整條街都係賣牛仔褲!而牛仔褲街上,Rivets呢間咖啡店嘅店主就好有創意!將牛仔褲嘅天然染料「藍葉」,加入到雪糕內,令雪糕變成牛仔褲藍色,夠哂噱頭!大家唔洗擔心!藍葉係可食用嘅染料,可放心食用!

 

@Letsgojp.com

牛仔褲顏色嘅雪糕完全係挑戰大家嘅視覺,唔知你又敢唔敢試呢?其實雪糕本身係好香牛奶味,而且非常滑,再加上灑咗當地盛產嘅海鹽,其實食起嚟,味道好唔錯㗎!

 

Rivets 牛仔褲雪糕
地址:〒711-0913 岡山県倉敷市児島味野2丁目5−3 (顯示地圖)
營業時間:星期一、四,五 11:00-16:00;星期六及日 11:00-17:00
官網:http://www.kojima-town.net/rivets/

 

岡山自由行|岡山必買推介|白桃肉果凍

@okasora.jp

岡山係桃太郎嘅發源地,而且又盛產白桃,嚟到岡山一定會食吓鮮甜又多汁新鮮白桃!但係水果又唔擺得耐,想帶一啲白桃返白港,自己嘆又或者帶比親友?大家就可以買加入咗新鮮岡山白桃肉嘅果凍!味道好食之餘,就連個包裝都可以留返做紀念品!仲要四圍嘅手信店都好易買到!必買!

 

岡山自由行|岡山必買推介|兒島牛仔褲

@Facebook

話明兒島係日本牛仔褲發源地,一場嚟到,無理由唔買返條牛仔褲!兒島牛仔褲街有成十幾間牛仔褲店,佢地嘅牛仔褲都係手工製作,用優質布料,而且都係本地設計師所設計,即使價錢較高,都好值得入手一兩條㗎!

 

兒島牛仔褲街
地址:〒711-0913 岡山県倉敷市児島味野2丁目2 (顯示地圖)

 

岡山自由行|倉敷酒店住宿推介|倉敷日式旅館

@travel.navitime

去到倉敷呢個咁復古嘅地方,不如搵返一間充滿日式傳統風格嘅旅館住吓,盡情體驗日本風情啦!倉敷日式旅館係一間已經有200多年歷史嘅建築,即使經過翻新,店主都好致力去維持原本嘅構造,所見嘅橫樑黑瓦都係初建時保留至今!真係好古色古香!

@travel.navitime

旅館嘅房間都好復古,用色柔和,而擺設同傢俬都係木製而成,成間房有一種溫暖而高雅嘅氣息!喺呢度住一晚,心靈都好似被洗滌,一解生活同工作嘅壓力!

 

倉敷日式旅館
地址:JPN倉敷4-1 Honmachi (顯示地圖)
星級 | ★★★★☆   
位置 | ★★★★★  
設施 | ★★★☆☆   
環境 | ★★★★☆   
價格 | 查看價格

 

岡山自由行|岡山酒店住宿推介|岡山站前大和內魯酒店

岡山站前大和內魯酒店真係正正位於岡山車站前嘅一間酒店,樓下就係Big Camera同岡山站前商店街,仲有好多餐廳!地理位置無得輸!而且酒店設計簡約而現代化,仲有自助check in同check out機!每一層都有飲品自動販賣機同微波爐,會唔會太方便呀?

房間空間夠哂大,擺兩三個行李箱都仲有好足夠嘅活動空間!最重要係整齊乾淨,設備又齊全!而且洗梳用品、毛巾、風筒等等用品都係知名品牌!確保大家住得舒適!

 

岡山站前大和內魯酒店
地址:JPN岡山1-1-1, Ekimaecho (顯示地圖)
星級 | ★★★☆☆   
位置 | ★★★★★  
設施 | ★★★☆☆   
環境 | ★★★☆☆   
價格 | 查看價格  

 

岡山自由行|岡山酒店住宿推介|岡山三井花園酒店

三井花園旗下嘅酒店一向好有口碑,而岡山三井花園酒店行去岡山站都係兩分鐘,附近就係Aeon Mall,高島屋同激安之殿堂,仲有好多商店同食肆,位置便利!酒店仲設有大浴場,自助洗衣機,乾衣機等等,設施完善!

酒店風格簡單純樸,以白色同木色為主調,好有無印良品feel!床頭仲好貼心咁設置咗小燈仔!另外,仲提供有得上網同內置旅遊資訊嘅Handy Phone!真係好用心!

 

岡山三井花園酒店
地址:JPN岡山1-7 Ekimotomachi, Kita-ku (顯示地圖)
星級 | ★★★☆☆   
位置 | ★★★★☆  
設施 | ★★★☆☆   
環境 | ★★★☆☆   
價格 | 查看價格

 

📖延伸閱讀:【東京近郊】東京outlet交通遊玩攻略及折扣券領取貼士!
📖延伸閱讀:【廣島自由行】3日2夜大久野島、宮島行程攻略連廣島蠔搵食地圖!
📖延伸閱讀:【福岡自由行】3日2夜日本福岡行程及中洲川端商店街買物攻略 (連博多住宿推薦)
📖延伸閱讀:【九州好去處】5日4夜九州鹿兒島自駕遊行程攻略!連鹿兒島Outlet必買懶人包!

 

Hotels.com酒店優惠