定期送上世界各地最新、最地道嘅旅遊資訊!

【尋找瑞士山區肺】瑞士少女峰一日遊—少女峰交通、住宿攻略!

想去瑞士少女峰,感受瑞士山區嘅空氣同睇靚景,但係唔知要點去?唔洗緊張,就等小編教你上少女峰嘅交通同酒店住宿攻略,親身感受下咩係「瑞士山區肺」啦!

 

瑞士少女峰交通攻略


@SwissPass.com

上少女峰 (Jungfrau) 嘅交通其實冇想像中咁複雜。要上小少女峰就一定要經過因特拉肯 (Interlaken Ost),而上少女峰就可以揀以下兩條路線:

向左行:因特拉肯 (Interlaken Ost) -> Zweilütschinen -> 格林德瓦 (Grindelwald) -> 小夏戴克 (Kleine Scheidegg) -> 少女峰 (Jungfrau)

 

向右行:因特拉肯 (Interlaken Ost) -> Zweilütschinen -> 盧達本納 (Lauterbrunnen) -> 文根 (Wengen) -> 小夏戴克 (Kleine Scheidegg) -> 少女峰 (Jungfrau)

第一條路線就要喺格林德瓦 (Grindelwald) 小夏戴克 (Kleine Scheidegg) 轉車,而第二條路線就要喺盧達本納 (Lauterbrunnen)小夏戴克 (Kleine Scheidegg) 轉車。喺因特拉肯 (Interlaken Ost)開出嘅火車到咗Zweilütschinen車廂就會分成兩架火車,前半截車廂會開去盧達本納 (Lauterbrunnen),而後半截車廂就會開去格林德瓦 (Grindelwald),所以上車之前,記得要睇清楚車廂出面嘅車牌寫住去邊度,先好上車呀!

 

小編建議第一次去嘅朋友可以揀其中一條路線上少女峰,然後用另一條路線離開少女峰,咁樣就可以一次過睇哂少女峰兩邊嘅風景同景點啦!另外,上少女峰嘅火車飛係冇限班次,所以可以喺唔同嘅中途站隨時落車行吓,然後再上車。但係記得要睇住火車班次時間表去預時間遊覽,咁就唔怕會miss咗班車啦!

 

上少女峰有各種嘅慳錢方法,例如用Swiss Pass就可以免費撘火車到格林德瓦 (Grindelwald) 文根 (Wengen),之係路段嘅車費就有七五折;如果有Swiss Half Fare Card,上少女峰全程車費同埋喺瑞士所有公共交通工具嘅車費都會有五折。因為小編留喺瑞士七日,所以就買咗Swiss Half Fare Card,大家都可以因應自己嘅需要去揀買邊個pass。

 

Tips:
1. 去少女峰官網睇下邊類型嘅火車飛啱自己
2. 如果喺旺季(7至8月)去少女峰,就一定要預訂火車飛,因為好full㗎!
3.下載SBB MOBILE手機APP,喺APP到可以預購火車飛,某啲路段有時仲有super saver ticket可以買,加埋Swiss Half Fare Card 可以用好平嘅價錢就買到火車飛㗎啦!個手機APP仲可以check到火車時間同班次𠻹,夠晒方便!

 

🏨Top 10因特拉肯酒店住宿推介HK$162起 *安心價格保證*
[巴莫爾斯青年旅舍 HK$162起,雪絨花山林小屋 HK$445起]

 

瑞士少女峰遊記

小編上次去少女峰,就住喺有世上最美山谷村莊之稱嘅格林德瓦 (Grindelwald),留咗喺少女峰山區三日兩夜!

喺火車度就可以見到Grindelwald嘅全景

喺Grindelwald嘅一個公園仔,望住呢度嘅景打千秋真係勁正!

 

小編喺第二日先上少女峰,所以第一日一到格林德瓦 (Grindelwald),就去咗要喺Grindelwald再撘纜車上去嘅費爾斯特(First)啦。喺Grindelwald撘纜車上到去First就大約需要25分鐘,沿途風景好靚,可以一次過睇到少女峰 (Jungfrau)僧侶峰 (Mönch)艾格峰 (Eiger)!撘纜車中間都有幾個站可以落,但係小編就只係上咗First最頂果到玩啦。

一落纜車就見到呢個咁靚嘅景啦!

First打卡熱點之一

 

嚟到First,就一定要行FIRST CLIFF WALK!

@Flickr

FIRST CLIFF WALK係一條圍住個山頂嘅一條橋,最特別嘅係其中一部分嘅橋係會離開座山45米,企喺橋度就好似企咗喺山出面咁,加埋啲風迎面而來,完全有「I’m the king of the world」嘅感覺,正呀!

到咗第二日,就係時候要上少女峰啦!小編就係揀第一條路線上少女峰,之後就行第二條路線落山。小編上少女峰嘅時候喺六月中,所以山上下嘅溫差比較大,大家記得要準備多啲衫上少女峰呀!

少女峰-Top of Europe

 

少女峰入面有好多野睇同玩㗎,好似有得滑雪、玩飛索等等,留喺到玩足全日都得呀!巨型夢幻水晶球 打卡一流呀!

少女峰冰宮 (Eispalast)一條全部都用冰整成嘅路!


仲有得買少女峰嘅空氣做手信𠻹!

 

征服少女峰tips:

1. 預多幾日留係少女峰山區!
如果淨係預一日俾少女峰,好有可能會撞正天氣唔好又多霧,上到去觀景台就冇野睇啦!所以預多幾日留喺少女峰地區,等到邊日天氣好,就上少女峰,咁就可以睇到少女峰最靚嘅一面啦!
2. 早啲上山!
因為山上嘅天氣變得好快,所以早啲上去就可以預鬆啲時間去睇同玩。天氣好就出去室外玩同睇景;天氣轉壞就留係室內參觀,咁就最fit啦!
3. 戴太陽眼鏡同防曬!
因為山上全部都係雪,太陽反射嘅光線超強烈,會對眼睛造成傷害,所以記得戴太陽眼鏡同防曬呀!

 

🏨Top 10格林德瓦酒店住宿推介HK$695起 *安心價格保證*
[中央沃爾特酒店 HK$695起,艾爾佩赫福酒店 HK$926起]

 

瑞士少女峰酒店住宿攻略

小編就建議大家住喺少女峰山腰-格林德瓦 (Grindelwald)啦!因為呢度風景好靚,去費爾斯特(First)同上少女峰都好方便!

中央沃爾特酒店 (Central Hotel Wolter)

中央沃爾特酒店, Grindelwald

呢間酒店勁近火車站,一落火車就見到,去少女峰同去番因特拉肯都好方便!入住呢間酒店仲會有一個travel pass可以係入住期間任搭區內嘅巴士,仲有個pass可以使用區內嘅sport center嘅游泳池同gym room,另外仲會有搭First纜車嘅優惠!酒店附近仲有超市,夠哂方便!如果係入住公寓房,仲可以自己煮吓飯仔,望住個山景食飯,正到爆呀!

中央沃爾特酒店, Grindelwald, 標準公寓, 露台 (Chalet), 客房內用餐

➡中央沃爾特酒店 (Central Hotel Wolter)⬅
地址:Dorfstrasse 93, 格林德瓦, BE, 3818, 瑞士 HK$695起

 

Hotels.com 酒店優惠

睇到呢度,係咪想即刻book酒店去征服少女峰呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/ 再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!