定期送上世界各地最新、最地道嘅旅遊資訊!

【越南富國島自由行】又有直航喇!編輯嚴選Top 5富國島酒店,盡享超屈機無敵海景!

 


富國島@vietravel

富國島唔單止係越南最大嘅島嶼,而且仲係東南亞著名嘅旅遊好去處。小編今次就為你介紹富國島嘅必到景點同埋Top 5富國島酒店,要去享受陽光與海灘完全無難度啊!

 

越南富國島自由行 | 富國島交通攻略 | 富國島新航線簡介

富國島新航線簡介
@saigoneer

作為近年東南亞新興嘅渡假勝地,越嚟越多旅客都會選擇去越南富國島享受假期。有見及此,最近就有航空公司推出咗香港往返富國島嘅直航新航線,方便之餘仲免卻咗簽證嘅煩惱。呢條新航線嘅機程只需2小時45分鐘而且機票價錢仲一啲都唔貴,連同雜費、稅項都只不過最多需要500蚊,真係超級抵玩啊!

 

越南富國島自由行 | 富國島必到景點推薦 |  Sao Beach

Sao Beach
@uniqueway.com

Sao Beach_2
@fayfay.com

Sao Beach係富國島最有名嘅沙灘,呢度嘅沙粒呈奶白色,幼滑之餘仲潔白無比,所以又名牛奶沙灘。唔少旅客都好鍾意攤喺沙灘椅上面享受日光浴,欣賞Sao Beach嘅碧海藍天。另外,Sao Beach呢度仲有浮潛等等好多唔同種類嘅活動,好動嘅你又點可以錯過啊!

 

Sao Beach
地址:Phu Quoc, Kien Giang (顯示地圖)

 

越南富國島自由行 | 富國島必到景點推薦 | Hon Thom Island

Hon Thom Island
@latimes.com

Hon Thom Island_2
@baovemoitruong.org.vn

喺2018年建成嘅Sun World纜車係全球最長嘅跨海纜車,纜車往來An Thoi同埋Hon Thom Island,沿途景色風光明媚,所以吸引咗唔少旅客慕名而來。嚟到Hon Thom Island,不妨到Sun World旗下嘅主題公園參觀遊玩,呢度唔單止有刺激萬分嘅水上活動等住你嚟玩,周邊嘅建築仲勁有異國風情,打卡一流啊!

 

Hon Thom Island
地址:Hon Thom, Phu Quoc, Kien Giang (顯示地圖)

 

Sun World Hon Thom Nature Park
參考費用:150000越南盾
官網:https://honthom.sunworld.vn/?lang=en

 

越南富國島自由行 | Top 5富國島酒店 | 富國島索爾海灘別墅美利亞酒店

富國島索爾海灘別墅美利亞酒店

富國島索爾海灘別墅美利亞酒店設施包羅萬有,呢度唔單止有3個室外泳池,而且仲有一個私隱度極高嘅住客專用海灘,咁就一定唔洗同人迫啦!

富國島索爾海灘別墅美利亞酒店_2

富國島索爾海灘別墅美利亞酒店_3

另外,富國島索爾海灘別墅美利亞酒店裡面嘅餐廳同埋酒吧佈置華麗,而且菜式水準極高,選擇亦相當豐富,唔同國家嘅美食佳餚你都可以喺度食得到,一邊享受無敵海景一邊嘆高質美食絕對係一大樂事啊!

 

富國島索爾海灘別墅美利亞酒店
地址:VNM富國Bai Truong, Duong To (顯示地圖)
星級 | ★★★★☆  
位置 | ★★★★☆  
設施 | ★★★★☆  
環境 | ★★★★☆
價錢 | 查看價格

 

越南富國島自由行 | Top 5富國島酒店 | 法米阿納綠色別墅酒店

法米阿納綠色別墅酒店

法米阿納綠色別墅酒店_2

毗鄰富國海灘嘅法米阿納綠色別墅酒店位置相當優越,一帶住宿環境清幽,而且唔少房間更加坐擁一望無際嘅海景,入住過呢間酒店嘅旅客都話非常滿意啊!此外,法米阿納綠色別墅酒店嘅房間面積寬敞,而且仲設有私人泳池,一家大細喺度嬉水遊玩享受天倫之樂就最好不過啦!

法米阿納綠色別墅酒店_3

法米阿納綠色別墅酒店裡面仲有各式各樣嘅康樂設施,好似網球場、射箭場、Spa等等,就算留喺酒店都可以有唔洗驚會悶親!

 

法米阿納綠色別墅酒店
地址:VNM富國Duong To CommuneTran Hung Dao St. Cua Lap Hamlet (顯示地圖)
星級 | ★★★★☆  
位置 | ★★★★★
設施 | ★★★★☆  
環境 | ★★★★☆
價錢 | 查看價格

 

越南富國島自由行 | Top 5富國島酒店 | 陳希水療渡假村

陳希水療渡假村

陳希水療渡假村係深受旅客喜愛嘅富國島酒店住宿,呢度嘅配套同埋服務口碑都非常不俗,而且更設有停車場同埋接駁車往來當地唔同地方,好方便㗎!

陳希水療渡假村_2

而設置於海灘旁邊嘅按摩同埋水療護理則係渡假村裡面最受住客歡迎嘅服務!一邊享受著微涼海風,一邊享受技巧一流嘅按摩,肯定可以令你忘卻生活壓力,好好放鬆!

 

陳希水療渡假村
地址:VNM富國Cua Duong VillageBai Xep – Ong Lang Hamlet (顯示地圖)
星級 | ★★★★☆  
位置 | ★★★☆☆  
設施 | ★★★★☆  
環境 | ★★★★★
價錢 | 查看價格

 

越南富國島自由行 | Top 5富國島酒店 | 富國島美居別墅渡假村

富國島美居別墅渡假村

富國島美居別墅渡假村_2

富國島美居別墅渡假村裡面嘅設施一應俱全,最特別嘅係呢度嘅室外無邊際泳池,彷彿同富國沙灘融為一體,景致無與倫比!另外,渡假村同富國島國際機場距離相當之近,無疑可以令你有更充裕嘅時間喺富國島呢度觀光遊覽,打算嚟Short Trip嘅旅客不妨考慮一下!

 

富國島美居別墅渡假村
地址:VNM富國Group 1, Duong To (顯示地圖)
星級 | ★★★★☆  
位置 | ★★★★☆  
設施 | ★★★☆☆  
環境 | ★★★★☆  
價錢 | 查看價格

 

越南富國島自由行 | Top 5富國島酒店 | 富國貝殼渡假酒店及水療中心

富國貝殼渡假酒店及水療中心

設計時尚嘅富國貝殼渡假酒店及水療中心係富國島嘅人氣酒店住宿,呢度最正嘅係泳池面積超大,而且仲有好多張沙灘椅,絕對唔洗怕要同人爭啊!

富國貝殼渡假酒店及水療中心_2

另外,酒店裡面嘅每一間房都佈置得勁有格調,景觀亦非常開揚。唔少旅客都好鍾意浸住喺浴缸欣賞富國島嘅迷人海景,真係諗起都梳乎啊!

 

富國貝殼渡假酒店及水療中心
地址:VNM富國Ganh Gio Beach, Duong Dong Town (顯示地圖)
星級 | ★★★★☆  
位置 | ★★★☆☆  
設施 | ★★★★★  
環境 | ★★★★★  
價錢 | 查看價格

 

📖延伸閱讀:【芽莊餐廳指南】越食越好味!五大芽莊美食餐廳 + 必食Items!
📖延伸閱讀:【越南自由行】峴港行程攻略連峴港必食、必去景點懶人包
📖延伸閱讀:【芽莊住宿推薦】超隱世!最新最靚越南芽莊Resort、芽莊Villa逐個數!
📖延伸閱讀:【胡志明市美食特集】嚴選高汁文青feel!打卡必去越南咖啡室列表 (連西貢必食推介)

 

Hotels.com酒店優惠Hotels.com酒店優惠