定期送上世界各地最新、最地道嘅旅遊資訊!

【太魯閣一日遊】台灣太魯閣國家公園景點懶人包 (連台北花蓮火車時刻表 + 太魯閣住宿推薦)

 


太魯閣國家公園@ihl.org.tw

太魯閣國家公園位於台灣東部,橫跨花蓮、台中及南投三縣,係台灣第四座成立嘅國家公園。太魯閣三面環山,東邊係太平洋,園區內台灣百岳有27座,2000公尺以上區域約佔園區面積一半,整個公園總面積廣達92,000公頃!絕對可以玩足一日,或者計劃兩日一夜嘅豐富行程。除進入錐麓古道,園區內其他地區都係免費,可以揀自駕或租車,更有人選擇挑戰單車,小編就介紹大家乘搭公車,可以沿路選擇景點停靠或選擇走步道,買埋一日券或兩日券就最抵玩啦!

特別一提,若要遊覽生態保護區如南湖大山、奇萊山、清水山或錐麓古道,需要申請入山入園證。

 

台灣太魯閣國家公園
地址:花蓮縣秀林鄉富世村富世291號 (顯示地圖)
交通:台鐵花蓮站或新城站轉乘客運或租車
開放時間:08:30 – 17:00
網址:https://www.taroko.gov.tw/

 

太魯閣一日遊景點推薦|清水斷崖

清水斷崖
@mio9798

清水斷崖位蘇花公路和平和崇德之間,長達20多公里,高逾1000多公尺,以幾乎 90 度直角聳立太平洋海面,在山與海之間,一邊係懸崖峭壁,一邊係茫茫大海,氣勢磅薄,真係嘆為觀止!

清水斷崖_石碑&觀景台
@moulton_ays

旁邊嘅臨海舊道因落石關係,目前只開放匯徳景觀道路,末段徒步區有石碑及觀景台,喺呢度可以較高角度高抄整個靚景,係絕佳嘅打卡位。

 

太魯閣一日遊景點推薦|太魯閣牌樓

太魯閣牌樓
@kenttw

太魯閣牌樓係中橫公路嘅入口,高 60 公尺,上面寫著「 東西橫貫公路牌樓 」,人未到已經可以離遠見到充滿中國宮殿式嘅設計,係非常出名嘅地標,附近有展望台,可以落車行吓,為前面嘅太魯閣峽谷先行熱身!

 

太魯閣一日遊景點推薦|長春祠

長春祠
@taekstory

長春祠係供奉225位中橫公路興建工程殉職人員靈位嘅地方,唐式建築,依山而建,祠旁泉水從山壁間自然湧出,飛流直下,如詩如畫。


@jimmy_trj66

祠後山壁中有條「之」字型嘅階梯,因不斷往上延伸而有「天梯」嘅美名,沿階梯拾級而上可達觀音洞、太魯閣樓、鐘樓,小編建議大家登上鐘樓,就可以將整片立霧溪峽谷盡收眼底。

 

太魯閣一日遊景點推薦|燕子口

燕子口
@junedaskye

燕子口兼具地形同生態特色,因為對岸大理石峽谷峭壁上,有成千上萬個被水溶蝕嘅「壺穴」,怪石嶙峋,卻係燕子們嘅安樂窩。燕子口係太魯閣峽谷最窄嘅路段之一,一路向西伸延至慈母橋,係立霧溪峽谷最熱門嘅景觀。遊覽燕子口步道可以一口氣睇哂太魯閣峽谷、壺穴、湧泉及印地安酋長岩,為安全起見,小編建議最好戴安全帽,減低被落石直接擊中嘅風險,安全帽可向園區管理處免費借用。

 

太魯閣一日遊景點推薦|九曲洞步道

九曲洞步道
@jianming5036

過咗錐麓斷崖後,公路更蜿蜒多彎,迂迴曲折,令九曲洞成為結合自然與人工嘅傑作,而全長2公里嘅九曲洞步道,係太魯閣峽谷嘅精粹,兩邊係極窄嘅高山峭壁,腳下已經係立霧溪!嗰種震撼真係筆墨難以形容!

九曲洞步道_2
@flickr

可以見到喺峭壁上有唔少岩生植物,可謂絕處逢生!

 

太魯閣一日遊|交通方法

1. 鐵路
除咗自駕或併車,乘鐵路前往太魯閣地區係最方便嘅公交方法,可於花蓮站或新城站落車。車票十分搶手,各位最好提前2-4週預訂。

台北到花蓮
自強號:約台幣440/人單程,約2〜3小時車程
莒光號:約台幣340/人單程,約3.5〜4.5小時車程

花蓮車站至太魯閣國家公園管理處遊客中心約26公里車程。可於站前租車或搭乘花蓮客運。租車駕乘時間大約30〜40分鐘;搭乘花蓮客運公車車程時間約1小時。

台北到新城
自強號:價格約是403/人單程。
莒光號:價格約是311/人單程。

新城車站至太魯閣國家公園管理處遊客中心約5公里車程。可於站前轉搭乘花蓮客運。

*以上票價與時間僅供參考,實際售價請洽詢鐵路管理局。

台北花蓮火車時刻表
鐵路管理局_票價售價與時間
鐵路管理局網: http://www.railway.gov.tw/
時刻表及票價: http://twtraffic.tra.gov.tw/twrail/

 

2. 花蓮客運
車程約1小時,選往「太魯閣」及「崇德」路線可到太魯閣國家公園管理處,若進入峽谷段,要搭乘往「天祥」、「洛韶」或「梨山」公車。

網站及時刻表: http://www.hualienbus.com.tw/bus/ticket_info.php

3. 台灣好行-太魯閣線:1133
網站及時刻表: http://www.hualienbus.com.tw/bus/hualien_bus.php

4. 太魯閣客運綠能公車302線
網站及時刻表: http://www.ropobus.com/route?area=6

 

太魯閣一日遊|太魯閣住宿推薦|太魯閣山月村

太魯閣山月村太魯閣山月村_2
@Taroko Village Hotel

要欣賞大自然嘅鬼斧神工,淨係遊覽點夠?太魯閣山月村坐落國家公園園區內,行1分鐘就已經到太魯閣峽谷,住喺度唔只少份喧鬧,仲多添一份山林中嘅靈氣。酒店更有安排當地民族表演,日夜置身高山斷崖之中,係深度遊嘅must stay!

 

太魯閣山月村
地址:秀林富世村 231-1 號 (顯示地圖)
星級 | ★★★★☆
位置 | ★★★★★
設施 | ★★★★☆
環境 | ★★★★★
價格 | 查看價格

 

太魯閣一日遊|太魯閣住宿推薦|愛立家旅遊民宿 (Ailiga Travel Villa)

愛立家旅遊民宿 (Ailiga Travel Villa)愛立家旅遊民宿 (Ailiga Travel Villa)_2
@Ailiga Travel Villa

第一眼已經被佢外觀吸引!愛立家旅遊民宿位處清境翠湖步道,位置十分方便,公車站行約10分鐘到達,鄰近小瑞士花園,大自然伸手可及,向山景嘅房間仲可以見到日出,連心情都變得美美der。

 

愛立家旅遊民宿 (Ailiga Travel Villa)
地址:仁愛榮光巷 9-11 號 (顯示地圖)
星級 | ★★★★☆
位置 | ★★★★★
設施 | ★★★☆☆
環境 | ★★★★★
價格 | 查看價格

 

太魯閣住宿推薦|F HOTEL 花蓮站前館 – 花蓮市

F HOTEL
@F Hotel

想搵間CP值高?小編就睇中呢間位於市中心嘅F Hotel,旺中帶靜,而且附近就有夜市,超方便!幾分鐘可以行到去花蓮車站,酒店亦有專車接送服務,啱哂冇揸車嘅朋友。

 

F HOTEL 花蓮站前館 – 花蓮市
地址:花蓮市國盛二街 203-1 號 (顯示地圖)
星級 | ★★★☆☆
位置 | ★★★★★
設施 | ★★★☆☆
環境 | ★★★☆☆
價格 | 查看價格

 

📖延伸閱讀:【花蓮自由行】尋找花蓮海岸秘境—絕密花蓮景點大公開!
📖延伸閱讀:【宜蘭親子遊】4日3夜短線行程!本地人推薦宜蘭必去、必食攻略!
📖延伸閱讀:【台灣小琉球自由行】五大必去小琉球景點、小琉球潛水攻略 (連小琉球民宿推薦)
📖延伸閱讀:【台東自由行攻略2018】最新台東景點懶人包!

 

 

Hotels.com酒店優惠Hotels.com酒店優惠