定期送上世界各地最新、最地道嘅旅遊資訊!

【大阪cafe指南】人氣文青聚腳地!盤點型格大阪Cafe + 咖啡小食點評推薦 (包括大阪貓cafe!)

 

無論你係文青與否,有時去旅行或多或少都係想逃離城市急速嘅步伐。就算係去到日本大阪旅行,都會想搵間靚靚哋嘅cafe休息吓,打吓卡。今次小編私心推介幾間以型格簡約風為主嘅大阪cafe,當中有一間仲係大阪貓cafe,可以一試大阪咖啡之餘,仲可以玩貓貓,今次各位貓奴有福了!

 

📖延伸閱讀:【大阪購物篇】心齋橋購物必掃!大阪藥妝 + 大阪零食指南2019!

 

大阪cafe指南|大阪貓Cafe推介|Cafe Mocha

Cafe Mocha
@___a_y_a_k_a___

要喺大阪搵貓cafe一啲都唔難,但係要搵間走型格時尚路線嘅貓cafe,就唔係咁易喇!喺大阪心斎橋嘅Cafe Mocha以原木、暖色系素材同色調為主,非常著重品味同時尚感嘅設計,而且空間感十足,好有型呀!

Cafe Mocha_2
@thienpham_

店入面有差唔多近二十隻貓貓同大家玩。不過留意返,貓可以摸,可以用貓棒同佢哋玩,但係禁止抱貓,除非貓貓主動跳到身上啦。

Cafe Mocha_3
@chimayo

Cafe Mocha係以計時方式收費,店入面有部販賣機可以買飲品,又或者可以加錢任飲水吧嘅飲品,如果想餵貓仲可以喺店買貓零食俾貓貓食添!見到咁多靚貓貓,真係好治癒呀!

 

Cafe Mocha
地址:大阪市中央區東心齋橋1-18-11 (示地圖)
營業時間:10:00am – 10:00pm
交通:地鐵心齋橋站步行3分鐘

 

大阪cafe指南|型格大阪Cafe推介|Cafe no.

Cafe no.
@flowerquiche_yamatotakada

Cafe no.位於大阪地鐵四之橋同西大橋之間嘅一個小巷,喺2018年二月開業。店舖外觀用上好多粉嫩色調嘅同時,亦採用咗簡約嘅設計風格,粉色磚做牆身,室內添置咗唔少個性突出嘅傢私擺設,例如自動販賣機、牆上的白色動物裝置等,係一間充滿質感嘅cafe。

Cafe no._2
@m__pea

你以為自動販賣機係擺設?其實佢真係用嚟點餐㗎,自動販賣機有圖又有英文,方便之餘仲免除咗唔少溝通上嘅問題!

Cafe no._3
@coco__fm

Cafe no.招牌飲品必定係Bronco latte,即係朱古力拿鐵,上面再加三種現削嘅比利時朱古力,分別係黑、白同牛奶朱古力。當朱古力遇熱溶化喺咖啡,真係一大享受!

Cafe no._2
@__pinkrabbit__

另外,Cafe仲有提供其他非咖啡類飲品,例如士多啤梨牛奶等都好受歡迎同好吸睛,想打卡影相嚟呢度一流呀!

 

Cafe no.
地址:大阪府大阪市西區北堀江1-15-17 (顯示地圖)
營業時間:(星期一至五) 11:00am – 7:00pm;(星期六至日) 10:00am – 7:00pm
交通:地鐵西大橋站4號出口步行3分鐘

 

大阪cafe指南|型格大阪Cafe推介|Bird Coffee

Bird Coffee
@bird_coffee_osaka

位於地鐵清水站附近嘅Bird Coffee除咗有咖啡賣之外,亦係專賣室內傢俱嘅Truck Furniture。Truck Furniture以賣木製傢俱為主,所以Bird Coffee都會一貫風格以木造建築為主,整體感覺非常低調沉實而又時尚,係喜歡木製雜貨嘅型人必到打卡cafe呀!

Bird Coffee_2
@bird_coffee_osaka

Bird Coffee嘅招牌就係每日只有新鮮出爐2次嘅自家製冬甩,有唔少人會慕名而嚟一試呢度嘅冬甩!

Bird Coffee_3
@mamimini

Cafe嚴選材料,選用咗北海道嘅小麥、沖繩蔗糖等等,新鮮做出嚟嘅冬甩非常鬆軟仲會食到淡淡嘅小麥香氣,亦唔會過甜。仲可以加埋custard一齊食,配埋咖啡,真係另一番享受呀!

 

Bird Coffee
地址:大阪府大阪市鶴見區綠4-1-16 (顯示地圖)
營業時間:11:00am – 7:30pm (星期二休息、每月第一同第三個星期三休息)
交通:地鐵清水站步行6分鐘
網址:http://www.bird-coffee.com/

 

大阪cafe指南|型格大阪Cafe推介|Moto Coffee

Moto Coffee
@ha_na36

依傍著土佐堀川,擁有純白色牆身、木製門框同窗框外觀嘅係Moto Coffee。Moto Coffee走簡約風,cafe裝修都用上簡約嘅色調,有一種好清新嘅感覺。


@mrdaisuke_

cafe有提供室外座位,如果天氣好,非常建議坐室外,配合埋四圍嘅環境,影出嚟嘅相都非常和諧!

Moto Coffee
@88maro88

Moto Coffee提供嘅咖啡係採用咗名古屋嘅咖啡豆,有淺、中、深焙嘅咖啡豆可以選擇﹐鐘意咖啡嘅朋友真係唔好錯過呀!除咗咖啡之外,cafe仲有唔少包點選擇,包括麵包、布丁、tiramisu等等,cafe仲用上非常別緻可愛嘅餐具,呢度絕對可以俾大家一個寧靜舒適嘅午後時光!

 

Moto Coffee
地址:大阪府大阪市中央區北浜 2-1-1 (顯示地圖)
營業時間:12:00nn – 7:00pm
交通:地鐵北浜站26號出口

 

大阪cafe指南|大阪文青住宿推介|大阪難波站百夫長酒店

大阪難波站百夫長酒店

大阪難波站百夫長酒店獨突嘅灰色外牆,非常吸晴。而室內嘅空間都以簡約設計為主,仲用上木質素材,俾人一種好溫暖嘅感覺。

房間內嘅用品都好齊全,洗面奶、洗手液等等都有。地理位置亦都不錯,距離JR難波站都好近,附近仲有便利店、藥房同24小時超市等等,夠晒方便呀。

 

大阪難波站百夫長酒店
地址:1-5-16 Motomachi, Naniwa-ku, Osaka, Japan (顯示地圖)
星級 | ★★★☆☆  
位置 | ★★★★☆  
設施 | ★★☆☆☆  
環境 | ★★★☆☆
價格 | 查看價格

 

📖延伸閱讀:【大阪拉麵2019】最新大阪道頓堀、心齋橋拉麵店美食地圖!
📖延伸閱讀:【90後窮遊】最高CP值!嚴選6間大阪Hostel、大阪民宿推薦!
📖延伸閱讀:【大阪購物攻略】Top 7大阪必買藥妝2018!「最齊貨」必去大阪藥妝店鋪一覽
📖延伸閱讀:【日本神社參拜天書】大阪神社、京都神社參拜地點大全 (參拜禮儀禁忌101)

 

Hotels.com酒店優惠Hotels.com酒店優惠