定期送上世界各地最新、最地道嘅旅遊資訊!

【大阪櫻花2019】大阪櫻花花期 + Top 5 大阪賞櫻景點攻略大全!

就嚟又到一年一度櫻花盛開嘅時節,當然要飛返轉日本啦!小編今次就推薦各位去大阪賞櫻,除咗熱門嘅大阪櫻花景點之外,其實仲有唔少隱世賞櫻好去處都好值得一去㗎!

 

📖延伸閱讀:【日本必食】終極嚴選京都、大阪、沖繩、東京必食特集2018!

 

大阪櫻花2019 | 大阪賞櫻景點攻略大全 | 大阪櫻花花期

大阪櫻花
@japanorientaltours

去賞櫻最緊要就係要知道幾時開花!按照往年大阪櫻花花期推算,如無意外3月20日左右當地嘅櫻花就會開花,plan緊去大阪賞櫻嘅你記住留意啦!小編特別推薦日本氣象協會呢個預測櫻花開花日子嘅網站畀你,咁樣你就唔洗驚會錯過咗最新消息啦!

 

大阪櫻花2019 | 大阪賞櫻景點攻略大全 | 大阪城公園

大阪城公園
@edmundlo

嚟大阪賞櫻一定唔少得要去座落於市中心嘅大阪城公園!大阪城同名古屋城、熊本城並列日本三大名城,喺日本國內享負盛名。而大阪城公園就係當地著名嘅休憩公園,佔地廣闊之餘,四周亦都種有唔同嘅花草樹木,所以呢度嘅景色亦會隨著四季而轉變,當中尤其以3-4月嘅櫻花花季最為人津津樂道。


大阪城公園_2@flickr

嚟到大阪城公園賞櫻,當然唔可以錯過公園裡面嘅文化遺產大阪城天守閣啦!大阪城天守閣喺多年前重建,保留咗原有嘅建築特色之餘,天守閣內部更改造成為一個介紹日本戰國時代歷史嘅展覽館,裡面所展覽嘅資料同展品都非常珍貴,絕對值得一去開開眼界㗎!

大阪城公園_3
@flickr

另外,小編建議你亦都可以上去天守閣嘅8樓瞭望台,由高處飽覽大阪城公園嘅大片櫻花海,高高在上咁賞櫻,感覺好特別!

 

大阪城公園
地址:1 Osakajo, Chuo Ward, Osaka, Osaka Prefecture 540-0002日本 (顯示地圖)
交通:JR大阪城公園站
官網:http://www.osakacastle.net/park/

 

大阪城天守閣
地址:1-1 Osakajo, Chuo Ward, Osaka, Osaka Prefecture 540-0002日本 (顯示地圖)
開放時間:09:00-17:00
入場費用:600日圓
官網:http://www.osakacastle.net/

 

📖延伸閱讀:【日本神社參拜天書】大阪神社、京都神社參拜地點大全 (參拜禮儀禁忌101)

 

大阪櫻花2019 | 大阪賞櫻景點攻略大全 | 造幣局

造幣局
@chess88japan

去開大阪自由行嘅朋友相信對造幣局一啲都唔會陌生!造幣局喺大阪非常有名,平時會免費開放參觀,供民眾到臨了解一下日本錢幣嘅歷史。不過每逢櫻花盛開嘅時候,呢度就會搖身一變成為大阪必到嘅賞櫻勝地,嚟睇櫻花嘅人群絡繹不絕,喺當地人氣爆燈㗎!

造幣局櫻花
@yamnews

每逢賞櫻季節,造幣局都會開放全長560公尺嘅櫻花道予到訪嘅遊人觀光賞櫻。造幣局櫻花道嘅兩旁總共種了超過數百棵櫻花樹,每次開花都非常壯觀,就好似畀櫻花包圍一樣,嚟到打卡一流啊!

 

造幣局
地址:1 Chome-1-79 Tenma, Kita-ku, Ōsaka-shi, Ōsaka-fu 530-0043日本 (顯示地圖)
開放時間:10:00-21:00;假日 09:00-21:00
交通:大阪市營地下鐵天滿橋站1號出口
官網:https://www.mint.go.jp/

 

大阪櫻花2019 | 大阪賞櫻景點攻略大全 | 勝尾寺

勝尾寺
@matcha-jp

另一個小編推薦嘅大阪賞櫻景點,就係位於大阪近郊箕面市嘅勝尾寺。勝尾寺以為人帶來好運而聞名,就連日本嘅天王都曾經嚟過呢度祈福,令到佢喺日本嘅名氣更加響噹噹!

勝尾寺_2
@wow-j

勝尾寺呢度最常見嘅櫻花品種係山櫻,同我地平時睇開嘅吉野櫻唔同,山櫻嘅顏色相比之下更加鮮豔斑斕,襯托著神聖嘅勝尾寺,景緻風雅不凡!另外,由於勝尾寺座落喺近郊,所以開花嘅時間相對會較遲,就算遲咗plan行程都無有怕!

 

勝尾寺
地址:2914-1 Aomatani, Minoh, Osaka Prefecture 562-8508日本 (顯示地圖)
交通:於阪急線箕面站轉乘巴士直達
官網:http://www.katsuo-ji-temple.or.jp/

 

📖延伸閱讀:【Hotels.Com大使推介】日本大阪近郊-箕面景點行程懶人包!

 

大阪櫻花2019 | 大阪賞櫻景點攻略大全 | 岸和田城

岸和田城
@ozaka-info.jp

如果你唔鍾意同人逼,小編推薦你去岸和田城呢一個隱世大阪必去賞櫻景點。每逢花季,岸和田城呢度都會舉行櫻花祭,唔少當地人都會一家大細嚟呢度欣賞燦爛盛開嘅吉野櫻㗎,共聚天倫!

岸和田城_2
@nori_phot

喺櫻花祭期間,岸和田城更加會延長開放時間至晚上11點,入夜後仲可以嚟呢度睇埋夜櫻㖭!

岸和田城_3
@ozaka-info.jp

唔講唔知,岸和田城原來被大阪市政府列為法定歷史古蹟,賞櫻之餘不妨順道睇埋呢度充滿古典風雅嘅建築啊!而岸和田城裡面嘅日式庭院「八陣之庭」更加係日本國家名勝,絕對值得你嚟遊覽!

 

岸和田城
地址:9番1号 Kishikicho, Kishiwada, Osaka Prefecture 596-0073日本 (顯示地圖)
開放時間:10:00-17:00
交通:南海本線岸和田站
官網:http://www.city.kishiwada.osaka.jp/soshiki/36/kishiwadajyo.html

 

大阪櫻花2019 | 大阪賞櫻景點攻略大全 | 山中溪

山中溪
@Zekkei Japan

山中溪呢個大阪溫泉勝地,相信唔係好多朋友聽過呢個名!唔講唔知,其實山中溪亦係大阪隱世賞櫻景點之一,山中溪其中一個最特別嘅地方係呢度嘅河川夜櫻景緻,美不勝收,如詩如畫令人陶醉!

山中溪_2
@nanbear

山中溪_3
@nanbear

山中溪嘅櫻花品種雖然都係常見嘅吉野櫻同埋山櫻花,之不過喺呢度你可以選擇與別不同嘅賞櫻方法!由於前往JR山中溪站嘅路軌兩旁都種滿櫻花樹,所以你可以坐喺火車嘅沿途或者喺月台上面賞櫻,感受大自然美妙景色,係一個好特別嘅體驗嚟㗎!

 

山中溪
地址:Yamanakadani, Hannan, 大阪府 599-0214日本 (顯示地圖)
交通:JR 山中溪站

 

大阪櫻花2019 | 大阪酒店住宿推薦 | 大阪新大谷酒店

大阪新大谷酒店

大阪新大谷酒店_2

大阪新大谷酒店非常適合一班專門去大阪賞櫻嘅朋友入住,皆因呢度鄰近大阪城公園,喺房入面你都可以眺望到公園嘅櫻花盛放,別有一番風味!另外,大阪新大谷酒店呢度仲設有兩個室外網球場,睇完櫻花去打翻場波都幾梳乎㗎!

 

大阪新大谷酒店
地址:JPN大阪1-4-1 Shiromi Chuo-ku (顯示地圖)
星級 | ★★★★☆  
位置 | ★★★★★
設施 | ★★★★☆  
環境 | ★★★★☆  
價格 | 查看價格  

 

大阪櫻花2019 | 大阪酒店住宿推薦 | 大阪北浜布里奇頓城市酒店

大阪北浜布里奇頓城市酒店

大阪北浜布里奇頓城市酒店_2

大阪北浜布里奇頓城市酒店設計走簡約風,房間面積相比其他價錢相約嘅酒店為大,而且步行十五分鐘左右即可由酒店前往大阪市中心,絕對係大阪酒店住宿嘅好選擇。另外,大阪北浜布里奇頓城市酒店亦貼心地設有洗衣房予住客使用,CP值非常高!

 

大阪北浜布里奇頓城市酒店
地址:JPN大阪Chuo-ku1-1 Fushimi-machi  (顯示地圖)
星級 | ★★★☆☆  
位置 | ★★★☆☆
設施 | ★★★☆☆  
環境 | ★★★☆☆
價格 | 查看價格  

 

大阪櫻花2019 | 大阪酒店住宿推薦 | 難波天然溫泉多米高級旅館

難波天然溫泉多米高級旅館

難波天然溫泉多米高級旅館_2

難波天然溫泉多米高級旅館_3

難波天然溫泉多米高級旅館鄰近心齋橋筋商店街,位置優越,去買嘢食嘢都一樣咁方便!難波天然溫泉多米高級旅館裡面設有溫泉設施,朝早去完賞櫻夜晚翻嚟浸個地道嘅日本溫泉,一定會令你嘅旅程生色不少!

 

難波天然溫泉多米高級旅館
地址:JPN大阪2-14-23 Shimanouchi Chuo-ku (顯示地圖)
星級 | ★★★☆☆
位置 | ★★★★☆
設施 | ★★★★☆  
環境 | ★★★☆☆  
價格 | 查看價格  

 

📖延伸閱讀:【90後窮遊】最高CP值!嚴選6間大阪Hostel、大阪民宿推薦!
📖延伸閱讀:【你個野壞左】大阪難波夾龍蝦小店 (編輯推介大阪美食!)
📖延伸閱讀:【90後窮遊】最高CP值!嚴選6間大阪Hostel、大阪民宿推薦!
📖延伸閱讀:【日本德島自由行】大阪近郊德島一日遊!德島景點、美食、酒店住宿懶人包!
📖延伸閱讀:【大阪好西攻略】食大阪海鮮點止黑門市場?編輯推薦Top 3必去大阪魚市場連必食之選

 

Hotels.com酒店優惠Hotels.com酒店優惠