定期送上世界各地最新、最地道嘅旅遊資訊!

【海膽多過飯】遊大阪必食!Top 5 大阪海膽丼餐廳推薦!

每年有多達220萬港人赴日旅行,大阪作為最受港人歡迎嘅日本城市,大阪美食必然係吸引眾多香港遊客嘅一大原因。大阪係關西嘅美食天堂,每當講起大阪必食,好多人會即刻諗起大阪燒、章魚燒、燒肉放題、串炸等美食,但係絕對唔可以數漏「海底黃金」大阪海膽!海膽丼作為大阪嘅必食名物,要食當然要食得最好!以下小編將會推薦5大超人氣嘅大阪海膽丼餐廳,萬勿錯過!

 

大阪海膽丼餐廳推薦 | 若狹家

若狹家
@tzuuuuu_

若狹家係行經濟實惠路線嘅海膽丼餐廳,但有別於其他海膽丼餐廳,若狹家畀食客自行搭配海鮮丼上嘅刺身組合,提供海膽、三文魚、甜蝦、三文魚籽等海鮮,最多可以揀三款刺身,一次過飽嚐多款海鮮,超級滿足!

若狹家_2
@wakasaya_sanjou

海鮮丼嘅刺身非常新鮮,加上店家自製嘅醬汁,好開胃!

若狹家_3
@Hungry_undercover

店內最具人氣嘅招牌刺身當然係海膽啦!若狹家嘅海膽呈金黃色,睇落十足蛋黃一樣,味道鮮甜濃郁,而且入口即融,真係令人流曬口水!

 

地址:大阪府大阪市中央区道頓堀1-7-5
營業時間:每日 11:00 – 23:00
交通:地下鐵難波站步行7分鐘

 

大阪海膽丼餐廳推薦 |  居酒屋 とよ (居酒屋TOYO)

居酒屋 とよ (居酒屋TOYO)
@steven__jheng

立食屋台 とよ係有「大阪傳說」之稱嘅人氣海膽丼餐廳,「立食」名副其實就係要企喺度食,而「屋台」就係地道大排檔嘅意思,所以深受大阪本地人嘅歡迎。

居酒屋 とよ (居酒屋TOYO)_2
@hide.gnavi

一人前嘅海膽軍艦最少都有半板北海道海膽同100克拖羅,實際係2至3人嘅份量嚟!不論環境抑或價錢,立食屋台 とよ都非常地道同親民!

居酒屋 とよ (居酒屋TOYO)_3
@emiijo_iggy

店家伯伯係土生土長嘅大阪人,一邊烹調料理,一邊熱情咁同食客互動,係立食屋台 とよ嘅生招牌嚟!伯伯雖然滿頭銀髮,但佢依然堅持每日親自去大阪中央批發市場同埋鶴橋市場入貨,確保用料新鮮。

 

地址:大阪府大阪市都島区東野田町3-2-26
營業時間:星期二、三、五 15:30 – 21:00;星期六 14:30 – 20:00
交通:JR京橋站步行2分鐘

 

大阪海膽丼餐廳推薦 | 豪快立ち寿司(豪快立壽司)

豪快立ち寿司(豪快立壽司)
@otabeyasu.osaka

豪快立ち寿司入面嘅「豪快」,顧名思義係指「豪邁、爽快」。店名真係冇改錯,店家嘅作風真係非常豪爽!

豪快立ち寿司(豪快立壽司_2
@ichiharajunichiro

店內最具人氣嘅料理海膽三文魚籽盛(うに・いくらこぼれ盛り)嘅刺身份量真係超級豪邁!新鮮圓潤嘅三文魚籽配上肥美鮮甜嘅海膽,一齊鋪滿喺丼上,不單止米飯被刺身完全覆蓋,刺身仲多到滿瀉,成隻碟邊都有!

豪快立ち寿司(豪快立壽司)_3
@juuun_stagraaam

即使係單點嘅海膽壽司,小小嘅壽司飯上竟然都有整整一板嘅新鮮海膽,店家果然係「豪」不客氣!豪快立ち寿司喺日本橋、難波一帶都有分店,總有一間喺附近,真係「行過路過唔好錯過」!

 

地址:大阪府大阪市中央区日本橋 2-5-20 (日本橋店)
營業時間:星期二至日 11:30 – 14:00;17:00 – 23:00
交通:地下鐵日本橋站步行3分鐘

 

大阪海膽丼餐廳推薦 | ペリーのいくら丼 (PERI NO IKURA丼) 

ペリーのいくら丼 (PERI NO IKURA丼)
@ayapan.24

ぺりーのいくら丼係大阪市內家傳戶曉嘅海膽丼名店,以料理份量驚人但價格實惠而聞名。店內最出名嘅料理正正係海膽丼飯,滿滿嘅海膽鋪滿喺粒粒分明嘅日本米之上,份量多到幾乎見唔到一絲白飯。能夠成為店內嘅傳說名物,海膽丼用料絕不馬虎,店家採用嘅係青森縣海膽,軟滑鮮甜,食後齒頰留香,令人回味無窮!

ペリーのいくら丼 (PERI NO IKURA丼) _2
@awbtcu1234

一場嚟到,如果想試吓店內另一名物三文魚籽,可以揀海膽三文魚籽丼。三文魚籽晶瑩彈牙,同樣鋪滿丼上同份量多到滿瀉,再加埋經典嘅螃蟹味噌湯,一次嚐盡多重鮮味!

 

地址:大阪府大阪市中央区東心斎橋2-2-7 タワーエステイトビル1F
營業時間:每日 12:00 – 21:30 ※當日賣完即提前休息
交通:地下鐵日本橋站步行5分鐘

 

大阪海膽丼餐廳推薦 | 遊食遊膳 笹庵

遊食遊膳 笹庵
@kelvinw1025

遊食遊膳 笹庵喺日本掀起一輪熱話,日本電視節目紛紛爭住報導店家超人氣嘅「痛風丼」!遊食遊膳 笹庵嘅一大特色係現場即撈即製新鮮嘅海產料理,食客可以同自己親自打撈嘅海鮮影相留念。

遊食遊膳 笹庵_2
@tabepro.jp

由於料理嘅海鮮份量實在太充足,所以店家將佢起名「痛風丼」。痛風丼採用頂級嘅三文魚籽同埋來自大分縣嘅蘭王雞蛋黃,隨餐仲附上一整盒海膽,店家會即場為客人將魚籽削喺丼上,直至客人嗌停為止。食法非常豪奢,滿足到令人「痛苦」!

遊食遊膳 笹庵_2
@Miyuduckoct.14

店家每日嘅午市同晚市都有推出優惠,頭10名顧客可以用優惠價享用「超痛風丼」,一齊嚟「痛苦」一下啦!

 

地址:大阪府豊中市服部南町1-3-9 コーポ服部南 2F
營業時間:每日 11:30 – 15:00;17:00 – 23:00
交通:阪急服部天神站步行3分鐘

Hotels.com酒店優惠Hotels.com酒店優惠