定期送上世界各地最新、最地道嘅旅遊資訊!

【大阪居酒屋特集】最新大阪串燒、心齋橋居酒屋推薦 2019 (必試美食Item逐個數)

嚟到大阪,指定行程當然係去心齋橋shopping同埋去道頓堀地標固力果先生朝聖啦!喺心齋橋行完藥妝血拼完,就係時候去搵嘢食醫肚喇。今次小編決定推介幾間心齋橋居酒屋俾大家,飲杯啤酒再食幾串大阪串燒,一齊體驗庶民文化必食嘅大阪居酒屋啦!仲有心齋橋附近住宿推薦俾大家,行街食飯都好方便㗎!

 

📖延伸閱讀:【去旅行用日本app】超實用!日本旅遊app + 日本交通app推薦
📖延伸閱讀:【大阪拉麵2019】最新大阪道頓堀、心齋橋拉麵店美食地圖!

 

大阪居酒屋特集|秋吉串燒

秋吉串燒
@vichu_da

首先推介俾大家嘅可以話係最為人熟悉嘅心齋橋居酒屋,由心齋橋站徒步一分鐘就到達嘅燒鳥名店:秋吉。極為方便嘅地理位置加上好味道,無論喺遊客定當地人之間都好受歡迎,啱曬大家shopping完過嚟食宵夜。

人氣之選「純雞料理」,「純雞」係過咗產卵期嘅成年母雞,肉質較實淨帶少許甜味,加上經過炭火燒烤之後嘅甘苦味,非常有風味!

秋吉串燒_2
@ianleesj

正宗嘅炭火串燒!秋吉選用獨立嘅大型炭爐,火力最高嗰陣達到800度高溫,將肉汁鎖實,難怪食落咁juicy啦。

 

秋吉串燒
地址:大阪市中央区心斎橋筋1-10-1 心斎橋タワービル B1F (顯示地圖)
交通:地下鐵御堂筋線 心斎橋駅 徒歩1分鐘
營業時間:17:00-1:00  星期一公休
官網:http://www.akiyoshi.co.jp/

 

大阪居酒屋特集|鳥貴族

鳥貴族
@simontaotw

講到串燒居酒屋,又點少得超級有人氣嘅平民連鎖居酒屋:鳥貴族!同樣係位於心齋橋,非常方便,而且道頓堀都有分店。鳥貴族堅持由創業開始以來嘅均一價,60多款串燒及料理、近50款酒精、無酒精飲品,全部298円有交易,客人可以用低價享受高品質嘅食材同服務,CP值超高呀!

鳥貴族_2
@eatallone

鳥貴族選用日本國產雞肉,每日用上新鮮食材製作,加上自家醬汁,炮製出惹味又鮮味嘅串燒。8個人以上同行仲可以選擇鳥貴族人氣菜單品項兩小時任食,要去大阪嘅你記得bookmark定喇!

 

鳥貴族
地址:大阪市中央区心斎橋筋1-3-13 茶茶心斎橋ビルB1 (顯示地圖)
交通:地下鐵御堂筋線 心斎橋駅五號出口,徒步一分鐘 (大丸本館與北館之間,向東走)
營業時間:17:00-05:00
官網:https://www.torikizoku.co.jp/

 

大阪居酒屋特集|和ばぁる魁

和ばぁる魁
@fantasistayun

當地人推薦嘅餐廳,充滿和風現代感嘅裝潢,播放住爵士樂,喺雅緻嘅氛圍中享用當季日式料理同美酒,感受一下日本人平日用餐嘅氣氛。呢到最吸引嘅係餐廳由日本全國各地入手嘅日本酒,以一杯480円或850円享用180cc嘅均一價提供。價格咁親民,啱曬大家叫多幾種名酒,一齊品嚐比較。喺到飲返幾杯,食兩個小菜傾吓偈都幾chill㗎。

和ばぁる魁_2
@fantasistayun

主廚柘植壽洋19歲進入飲食界,已經有20年經驗,對烹調相當用心講究。每日清早都會去市場採購新鮮食材,「每日一換」及期間限定餐單非常豐富,採用季節時令食材,大家不妨一試。

 

和ばぁる魁
地址:大阪市中央区東心斎橋1丁目19−19 ケイティーズビル 1F (顯示地圖)
交通:地下鐵御堂筋線「心齋橋站」往東徒步3分鐘,位於三休橋十字路口南側第1個轉角。
營業時間:週一至週四 18:00-02:00;週五、週六及國定假日前 18:00-03:00; 週日休息

 

大阪居酒屋特集|肉バル MUU

肉バル MUU
@nikubar.muu

肉バル MUU係供應A4同A5和牛嘅元祖肉Bar居酒屋,本身就係肉類批發店,來貨自然較新鮮雙質,因此佢嘅肉料理都有好多好評。呢間居酒屋喺唔少細節上非常用心,好似店內大紅色嘅牆身用嚟展示餐單、以磚塊堆疊嘅吧檯設計同埋深色木系餐桌配搭得宜,洋溢住平易近人嘅溫暖氛圍,俾大家輕鬆進餐。

肉バル MUU_2
@nikubar.muu

呢到供應嘅牛肉絕對唔欺場,呢份黑毛和牛滿載油脂,一睇紋路都知係好東西,真係未煮都知一定好食呀!最重要係,650円就有得食!唔止味道好,而且收費親民,啱曬食肉獸過嚟大杯酒大塊肉呀!

 

肉バル MUU
地址:大阪市中央区東心斎橋1-13-23 大阪屋イル・ストリート1F (顯示地圖)
交通:地下鐵御堂筋線「心齋橋站」往東徒步3分鐘
營業時間:週二-週日、國定假日、國定假日前 17:00-05:00;週一休息

 

大阪住宿推薦|大阪心齋橋坤特薩酒店

大阪心齋橋坤特薩酒店

Quintessa Hotel 係連鎖式經營,喺日本多地都有分店,好似札幌、長崎等等,而第5間就位於大阪心齋橋,只需要5分鐘路程就到大丸百貨同埋心齋橋站,非常方便!

大阪心齋橋坤特薩酒店_2

客房面積唔大,同一貫日本酒店房一樣「的骰」,但係最大嘅優點係地理位置夠曬方便,價格相宜,仲可以11點先checkout。房間簡潔企理,十分新淨,絕對唔會失禮。

 

大阪心齋橋坤特薩酒店
地址:JPN大阪1-8-21 Higashi Shinsaibashi, Chuo-ku (顯示地圖)
星級 | ★★★☆☆
位置 | ★★★★☆
設施 | ★★★☆☆
環境 | ★★★★☆
價格 | 查看價格  

 

大阪住宿推薦|大阪難波光芒酒店

大阪難波光芒酒店

Candeo Hotel位於大阪市中心,步行到心齋橋筋商店街只需要9分鐘。而且係2017年7月先正式開幕,酒店十分新淨同整潔,唔少顧客都有好高評價。最大嘅特色係酒店17樓設有露天展望風呂,係少數大阪市區設有溫泉嘅酒店,男女浴場各一個,一邊浸浴一邊睇盡大阪靚景!

大阪難波光芒酒店_2

酒店主打和式設計,有9種房型,標準雙人房有張king-sized雙人床之餘仲有位開喼,比起附近其他酒店,空間算較大!

 

大阪難波光芒酒店
地址:JPN大阪2-2-5 Higashishinsaibashi, Chuo (顯示地圖)
星級 | ★★★★☆
位置 | ★★★★☆
設施 | ★★★★☆
環境 | ★★★★☆
價格 | 查看價格  

 

大阪住宿推薦|大阪格蘭迪酒店

大阪格蘭迪酒店

The Grandee行低調型格路線,係隱身於鬧市中嘅藝術世界,提供高品質嘅住宿體驗。酒店結合東西洋藝術,以自然元素為主題,創造一個令人心境平靜嘅綠洲。

大阪格蘭迪酒店_2

由設計師同藝術家攜手合作,房間極具設計感,最平嘅房型都有接近500呎,45間客房全部擁有不同主題,十分個性化。展出世界一流嘅知名書法作品,設有非常療癒猶如森林嘅綠色空間,或者一整幅紫色水晶牆,全部都係獨一無二。最吸引在於每間房都配備有微粒子泡沫嘅按摩浴缸呀,識嘆一定係血拼完返酒店浸返個泡泡浴先啦!

 

大阪格蘭迪酒店
地址:JPN大阪1-6-28 Higashi-Shinsaibashi (顯示地圖)
星級 | ★★★☆☆
位置 | ★★★★☆
設施 | ★★★★☆
環境 | ★★★★☆
價格 | 查看價格

 

📖延伸閱讀:【大阪櫻花2019】大阪櫻花花期 + Top 5 大阪賞櫻景點攻略大全!
📖延伸閱讀:【日本神社參拜天書】大阪神社、京都神社參拜地點大全 (參拜禮儀禁忌101)
📖延伸閱讀:【Hotels.Com大使推介】日本大阪近郊-箕面景點行程懶人包!
📖延伸閱讀:【窮遊大阪-平價住宿篇】Top 5 大阪膠囊酒店!

 

Hotels.com酒店優惠Hotels.com酒店優惠