定期送上世界各地最新、最地道嘅旅遊資訊!

【地上最強關西交通攻略】各式交通PASS用法、價錢一文睇哂!包括關西周遊券、大阪周遊卡、京阪電車一日券…

去關西旅行,有一大堆各式各樣嘅交通PASS,真係睇到令人頭都痛埋!究竟應該買邊款交通劵先啱用?就等小編幫大家精選出最實用同最抵嘅交通PASS,話埋係你地知用法、價錢同關西交通攻略,淨係睇呢篇文章,就已經一次過幫你解決哂關西各大交通PASS嘅問題啦!

 

地上最強關西交通攻略|關西周遊券

關西周遊券
@surutto.com

關西周遊券|使用方式及範圍

使用方式及範圍
@surutto.com

關西周遊券係可以喺有效期內無限次乘搭關西一帶嘅地鐵、私鐵同巴士嘅萬用PASS。覆蓋範圍包括大阪、神戶、比叡山、姬路,和歌山、奈良、高野山嘅電車同巴士。除此之外,亦包括咗沿線280個觀光景點嘅優惠。

關西周遊券覆蓋範圍去到和歌山、高野山等較遠,車資亦相對較高嘅地方,如果行程當中有包括到偏遠地區,又或者一日要跑三至四個景點就抵用啦!雖然萬用劵係方便,但關西周遊劵價錢唔算平,如果係第一次去關西,逗留日數唔多,同埋唔會去遠程嘅就未必咁適合。

關西周遊劵分為2日劵同3日劵,而呢張PASS最大嘅優點係唔洗連續使用,只需要喺有限期內(一年有效期)任意選擇2或3日使用就可以。

 

關西周遊券|售賣地點

關西旅遊訊息服務中心 – 關西國際機場
南海電鐵關西機場站窗口
關西旅遊訊息服務中心 (關西國際機場第2航廈1樓)
難波旅遊服務中心 (南海Terminal大樓1樓)
BIC CAMERA難波店
大阪旅遊服務中心
阪急旅客服務中心 大阪·梅田
京都站前公車綜合服務處

 

關西周遊券|費用 (只供參考)

關西周遊券|費用 (只供參考)
@surutto.com

關西周遊券|官方網址:https://www.surutto.com/tickets/kansai_thru_hantaiji.html

 

 

地上最強關西交通攻略|大阪周遊卡

大阪周遊卡
@osp.osaka-info

大阪周遊卡|使用方式及範圍

使用方式及範圍
@osp.osaka-info

大阪周遊卡係可以無限次乘搭全大阪地鐵同巴士,亦包含咗免費參觀40個景點、27個設施同65間商店優惠。

如果重點喺大阪玩,大阪周遊卡算得上係基本配備!因為除咗包含交通,好多必去熱門景點同遊玩設施,例如大阪生活今昔館、大阪城天守閣、國立國際美術館、道頓堀水上觀光船、HEP FIVE摩天輪等,全部都可以免費進入。真係一卡喺手就玩盡大阪!

大阪周遊卡分為1日劵同2日劵,要留意返1日劵係可以乘搭埋主要大阪市區嘅阪急、阪神、京阪、近鐵同南海電鐵,但2日劵就只係可以乘搭全大阪地鐵同巴士,而且必須連續2日使用。而兩張劵都係唔可以由南海關西機場站開始使用。 

 

大阪周遊卡|售賣地點

Osaka Metro
大阪旅遊服務中心
難波旅遊服務中心 (南海Terminal大樓1樓)
關西國際機場 T1(關西旅遊訊息服務中心)
關西國際機場第2候機樓(關西旅遊訊息服務中心)
南海Cosmo Tour System
關西旅遊信息服務中心 京都

 

大阪周遊卡|費用 (只供參考)

大阪周遊卡|費用 (只供參考):
@osp.osaka-info

大阪周遊卡|官方網址:https://www.osp.osaka-info.jp/cht/index.html

 

 

地上最強關西交通攻略|京阪電車一日券

京阪電車一日券
@keihan

京阪電車一日券|使用方式及範圍

京阪電車一日券|使用方式及範圍
@keihan

京阪電車劵係可以無限次乘搭京阪電車,包括京阪線全線、宇治線同男山纜車線(不包含大津線)。

去關西玩,都離不開大阪同京都。京阪電車劵最適合就係用嚟往返大阪同京都,同埋玩京都沿線景點。如果無打算住喺京都,呢張劵已經可以直接由大阪坐去八幡市、宇治、東福寺、伏見稻荷、清水寺等京都必去景點。當然,如果你住喺京都,掉返轉玩完京都景點,再去大阪都一樣。而且又可以坐特急列車,1日劵都只係¥800,點都一定抵過就咁買普通車票,CP值極高!

京阪電車劵分為1日劵同2日劵,兩張劵嘅使用範圍一樣,2日劵唔需要連續兩日使用,可以喺有限期間任意選擇兩日使用。

 

京阪電車一日券|售賣地點

關西國際機場 (第1航廈的關西旅遊資訊服務中心)
關西國際機場 (第2航廈的關西旅遊資訊服務中心)
京都 關西旅遊資訊服務中心
河原町三條旅遊資訊服務中心
京阪祇園四條旅遊資訊中心
難波MATCH

 

京阪電車一日券|費用 (只供參考)


京阪電車一日券|費用 (只供參考)
@keihan

京阪電車一日券|官方網址:https://www.keihan.co.jp/travel/tw/tickets/special/kyoto-osaka

 

 

地上最強關西交通攻略|京都巴士一日券

京都巴士一日券
@city-kyoto-lg-jp

京都巴士一日券|使用方式及範圍

京都巴士一日券|使用方式及範圍
@city-kyoto-lg-jp

京都巴士一日劵可以無限次乘搭市巴士同京都巴士。不過京都巴士公司有好多,可能會有少少混亂,但最簡單嘅方法就係,只要見到唔係定期觀光巴士、京阪巴士、京阪city bus,其他巴士都可以直接上車!

京都有別於關西其他城市,以巴士為最四通八達嘅交通工具,坐地鐵反而有時未別可以直達目的地。而且巴士網絡覆蓋範圍廣,車站多,隨時想上車落車都無問題。想去清水寺、八坂神社、南禪寺、伏見稻荷大社、金閣寺等,通通都可以去到,好多市內酒店附近就已經有車站,好方便。一般巴士嘅車資一程都要¥230,而京都巴士1日劵只係¥600,即係你坐3程以上就己經抵返哂!

巴士劵用法好簡單,每架巴士都有一部巴士劵插卡機,第一次上車時打一打卡,就會印咗當日日期,之後每次搭就唔洗再打卡,比司機望一望日期就可以啦!

 

京都巴士一日券|售賣地點

巴士上直接向司機購買
市巴士或地鐵內自動販賣機
地鐵訊問處
定期車票銷售所
市巴士營業所

 

京都巴士一日券|費用 (只供參考)成人 ¥600,小童 ¥300

京都巴士一日券|官方網址:https://www.city.kyoto.lg.jp/kotsu/page/0000028337.html

 

 

地上最強關西交通攻略|ICOCA

地上最強關西交通攻略|ICOCA
@jr-odekake

ICOCA|使用方式及範圍

ICOCA並唔係優惠車票,而係用法好似香港八達通同台灣悠遊卡一樣嘅電子儲值車票。除咗六甲登山車、六甲山上巴士、六甲摩耶天空區間巴士、嵐山小火車、叡山纜車、叡山登山車、有馬纜車、摩耶登山車、摩耶纜車、布引香草花園纜車、神戶高速船,其他關西內嘅JR、地鐵、私鐵、巴士等都可以使用。部分餐廳、商店、自動販賣機亦都可以用ICOCA付款。

雖然關西優惠交通PASS有好多,但都要視乎自己行程而去買交通PASS,如果唔係特別要跑景點,想悠閒啲咁玩,買一張ICOCA卡就最適合!無論去邊,坐咩車,都唔係煩買車票。唔係講笑,每次喺日本坐唔同交通,淨係買車票都搞到頭都暈,浪費哂啲時間。咁不如買一張ICOCA,上車拍一拍卡就搞掂!

ICOCA第一次購買時係¥2000,¥1500係可使用車資,¥500係按金。大家只需要離開關西前喺JR車站詢問處退卡,就可以拎返按金。

 

ICOCA|售賣地點
JR西日本各車站內自動售票機

 

ICOCA|費用 (只供參考):¥2000(¥1500車資,¥500按金)

ICOCA|官方網址:https://www.jr-odekake.net/icoca/

 

📖延伸閱讀:【去旅行用日本app】超實用!日本旅遊app + 日本交通app推薦
📖延伸閱讀:【大阪購物攻略】Top 7大阪必買藥妝2019!「最齊貨」必去大阪藥妝店鋪一覽
📖延伸閱讀:【大阪居酒屋特集】最新大阪串燒、心齋橋居酒屋推薦 2019 (必試美食逐個數)
📖延伸閱讀:【90後窮遊】最高CP值!嚴選6間大阪Hostel、大阪民宿推薦!

 

 Hotels.com酒店優惠 Hotels.com酒店優惠