定期送上世界各地最新、最地道嘅旅遊資訊!

【日本冬季提案】京都溫泉一泊二食+大阪溫泉旅館套餐大比併!(話埋你知邊間有私人風呂!)

去日本自由行除咗滑雪之外,唔少人都會去浸溫泉暖吓身,但去之前一定要知道溫泉旅館嘅術語,好似京都溫泉「一泊二食」咁,其實就係指住宿一晚包早晚兩餐嘅意思。今次小編就整合咗大阪溫泉旅館同京都一泊二食套餐比大家比較一吓,仲話埋比你知邊度有私隱度高嘅私人風呂,即刻上Blogshotels.com睇啦!

 

📖延伸閱讀:【香港假期好去處】2019公眾假期請假攻略 (連長短線旅遊地點推薦)
📖延伸閱讀:【日本福袋情報2018】日本福袋入貨攻略大全2018 (東京、大阪必買福袋)

 

日本冬季提案|大阪溫泉旅館推薦|不動口館


@不動口館官網

不動口館所在嘅犬鳴山被喻為「距離世界最近的日本溫泉鄉」,交通方便,去大阪市中心只係一個鐘內,而去關西機場亦只係30分鐘,非常方便。


@不動口館官網

犬鳴山無論泉水同埋環境都同大自然融為一體,所以有「美人之湯」之稱,不動口館仲設有露天同埋室內溫泉,可以欣賞犬鳴山嘅美麗山景。


@不動口館官網

不動口館主打日本會席料理,以營養均衡為主,亦會按季節提供唔同刺身同埋天婦羅,當中有分標準、豪華同埋和牛宴席,一應俱全。


@不動口館官網

房間都係傳統日式風格為主,有塌塌米同床房比你揀。仲可以選加埋私人風呂,盡享犬鳴山山景!

 

不動口館
地址:大阪府泉佐野市大木7番地 (顯示地圖)
星級 | ★★★★☆
位置 | ★★★☆☆
設施 | ★★★★☆
環境 | ★★★★☆
價格 | 查看價格

 

日本冬季提案|大阪溫泉旅館推薦|不死王閣


@Facebook

不死王閣喺昭和38年已經開始營業,當時叫做「伏尾鯰茶屋」,只係普通旅館。後來改名做「不死王閣」,又係昭和42年掘出泉水,成為今日最近大阪市區嘅溫泉旅館。


@Facebook

旅館設有露天溫泉,充滿天然鐳元素,唔單止消除疲勞、仲有助加速新陳代謝、提高身體免疫力,改善自癒能力嘅功效,配合埋怡人山景,秋季仲有機會見到紅葉,令人身心都得以休息!


@Facebook

不死王閣嘅一泊兩食晚餐,有懷石料理同會席料理,會席料理仲有分基礎、牛肉壽喜燒、遊月同埋美山,肉類、魚生同天婦羅都一應俱全,應有盡有,可以係餐廳或自己房享用。


@Facebook

早餐方面會喺彩愛亭享用,大人有日式定食,小朋友就係洋食,係餐廳入面亦都有機會睇到窗外楓葉同雪景,感受悠閒生活。

 

不死王閣酒店
地址:大阪府池田市伏尾町128-1 (顯示地圖)
星級 | ★★★☆☆
位置 | ★★★★★
設施 | ★★★★☆
環境 | ★★★★☆
價格 | 查看價格

 

日本冬季提案|京都溫泉旅館推薦|南天苑


@大阪觀光局官網

南天苑鄰近八幡神社,由大阪難波坐急行快車去天見站就到,好方便。南天苑旅館係獨棟式別墅,旁邊有足足三千坪嘅庭園,顏值爆錶!


@奥河内遺産官網

南天苑四面環山嘅雪景,好有日本風情!


@大阪觀光局官網

溫泉方面主打「放射能泉」,即係含氡嘅鐳礦泉,有助促進新陳代謝同提高免疫力,仲可以24小時入浴㗎!


@大阪觀光局官網

南天苑另一特色,就係設有私人風呂「清流亭」嘅傳統套房,最多可以住到八個人,適合一班朋友,或者一家人去旅行一齊住都仲得!


@南天苑官網

一泊兩食套餐由新鮮應季食材烹製,色香味俱全!

 

南天奄美溫泉旅館
地址:大阪府河內長野市天見158 (顯示地圖)
星級 | ★★★☆☆
位置 | ★★★☆☆
設施 | ★★★★☆
環境 | ★★★★☆
價格 | 查看價格

 

📖延伸閱讀:【大阪必食2018】Top 5 大阪必食餐廳推介!
📖延伸閱讀:【Hotels.Com大使推介】日本大阪近郊-箕面景點行程懶人包!

 

日本冬季提案|京都溫泉旅館推薦|嵐山辨慶

每逢冬天都會有大量嘅旅客嚟呢嵐山浸雪中溫泉。嵐山辨慶位於嵐山市中心,離渡月橋頭只係3 分鐘路程,好方便㗎!


@kyotojin.jp

想體驗傳統日式住宿,嚟呢度就啱喇!嵐山辨慶無論內外都係古色古香嘅和式風格,好有特色。


@kyotojin.jp


@Facebook

更特別係,客人可以免費預訂每節45分鐘嘅私人風呂,專享高私隱度嘅二人世界!


@gurunavi.com


@Facebook

一泊兩食方面主打精緻嘅懷石料理,食物用咗手工精美嘅漆器、瓷器、陶器盛載,絕對體驗到日本嘅飲食藝術。


@jolovestravels

餐廳嘅落地玻璃透光又睇到桂川嘅河景,望住流水用餐,悠然自得。

 

嵐山辨慶
地址:京都府京都市右京区嵯峨天龍寺芒ノ馬場町34番地 (顯示地圖)
星級 | ★★★★☆
位置 | ★★★☆☆
設施 | ★★★★☆
環境 | ★★★★★
價格 | 查看價格

 

日本落雪|京都溫泉旅館|一泊二食套餐提案|芹生

喺芹生絕對可以睇到京都簡樸嘅一面。雖然客房唔多,只有10幾間左右,但絕對保證每個住客都有足夠嘅寧靜度。


@fuyurera


@芹生官網

同時無論時尚客房或者古典客房都好,都係可以透過落地玻璃望到庭園風景。芹生入面嘅鎮店溫泉「紫之湯」屬於單純溫泉,有助舒緩肌肉酸痛、神經痛同關節痛等問題!


@芹生官網

一泊兩食方面,芹生嘅懷石料理好出名,更有人會專誠為食而去,因為芹生係用咗大原當地食材、以無農藥嘅自家野菜同山藥去烹調。


@芹生官網

如果冬季去嘅話,更加會食到季節限定嘅特選牡丹鍋添!


@芹生官網

識揀就一定係揀包露天溫泉嘅日式傳統客房,因為可以喺庭園景包圍下浸住私人風呂,心情自然更加放鬆!


@芹生官網

不過,如果瞓唔慣塌塌米的話,和洋室「櫻間」亦有床提供。

 

京都大原芹生日式旅館
地址:京都市左京区大原三千院畔 (顯示地圖)
星級 | ★★★★☆
位置 | ★☆☆☆☆
設施 | ★★☆☆☆
環境 | ★★★★★
價格 | 查看價格

日本冬季提案|京都溫泉旅館推薦|雨情草庵


@Facebook

雨情草庵位於京都丹後,由於丹後係沿海地區,氣候多變,係經常落雨嘅地方,所以雨情草庵就以「避雨之宿」做定位。


@rlx.jp

酒店房係villa形式,設有五間避雨離棟,戶戶都有露天私人風呂,啱晒度假。


@rlx.jp


@rlx.jp

雨情草庵嘅一泊兩食係正宗嘅懷石料理,無論賣相同味道都係一流,而且懷石料理著重「不時不食」,所以無論咩季節去,廚師都會用到最新鮮嘅當造食材。

 

避雨之宿雨情草庵酒店
地址:京都府京丹後市網野町木津247 (顯示地圖)
星級 | ★★★★☆
位置 | ★★★☆☆
設施 | ★★★☆☆
環境 | ★★★★★
價格 | 查看價格

 

📖延伸閱讀:【日本秘境溫泉絕密公開】四國溫泉+懷石料理推介,一泊兩食套餐大比併
📖延伸閱讀:【秋田溫泉篇】日本東北地區—乳頭溫泉鄉懶人包2018 (連日本溫泉禮儀Tips)
📖延伸閱讀:【北海道自由行】北海道溫泉特輯—2018春季露天溫泉食、玩、住全攻略!
📖延伸閱讀: 東京近郊溫泉之旅:箱根溫泉酒店推薦

 

Hotels.com酒店優惠Hotels.com酒店優惠