定期送上世界各地最新、最地道嘅旅遊資訊!

【墾丁行程規劃】墾丁浮潛攻略懶人包!連墾丁租車指南!

一講到夏日渡假,第一時間就會諗到陽光與海灘,如果想平平地,又近近地咁嚟一個夏日之旅,位於台南嘅墾丁就係最佳選擇啦!墾丁有豐富自然生態,又有絕美海底景觀同清澈水質,係浮潛勝地。今次就等小編幫大家整合一個墾丁浮潛攻略懶人包,推介必去浮潛地點、套餐同住宿,話埋比大家知墾丁租車指南!今個夏天一於玩轉墾丁!

 

墾丁行程規劃|墾丁浮潛地點|萬里桐

萬里桐
@2019smalltown

萬里桐_2
@facebook

萬里桐係位於墾丁嘅一個小漁村,距離墾丁最旺地帶大概20分鐘車程嘅海域生態保護區。相比起最有名氣嘅南灣、白沙灘同小灣,人煙較少,而且水質蔚藍清澈,奇特嘅海底地形,加上有巨大嘅礁石、深溝、裂谷、石洞,令呢度嘅海洋生態非常豐富,喺度浮潛,包你一定睇到各式各樣嘅海洋生物同珊瑚礁! 

 

萬里桐浮潛推介|水到魚行浮潛館

水到魚行浮潛館
@facebook

萬里桐有唔少浮潛公司,但呢間水到魚行浮潛館勝在2人就已經可以跟1個教練出海,唔洗成村人得1個教練,一次過顧住咁多人,想游去多啲唔同地方,發掘更多海底美景嘅機會都少咗啦!而且價錢唔貴,浮潛每人只需台幣$350左右,唔需要同其他唔識嘅人一齊玩,總之2人就成行啦!

一對一體驗潛水都係台幣$2500,包括所需裝備,仲免費幫你影埋相!但小編提提你記得要自備USB,浮潛之後店家就會直接過返啲相比你㗎啦!由於浮潛館堅持絕不併組,所以去之前一定要預約呀!

 

水到魚行浮潛館
地址:946台灣屏東縣恆春鎮萬里路24-6號 (顯示地圖)
營業時間:每日 08:00-17:00
網址:https://www.facebook.com/A0915117535/

 

墾丁行程規劃|墾丁浮潛地點|後壁湖

後壁湖
@uukt

後壁湖_2
@facebook

後壁湖其實係墾丁最熱門嘅浮潛點,雖然比起萬里桐,水質雖然無咁清,但魚量極多!而且呢度嘅魚都好習慣經常都有大量浮潛者,所以完全唔怕人,想零距離接觸熱帶魚就嚟呢度啦,仲有機會見到稀有嘅瑰麗七夕魚𠻹!

除咗多魚類,後壁湖嘅軟珊瑚覆蓋率稱得上係墾丁之冠!多魚又多珊瑚,一定唔會令你失望,絕對係浮潛初哥必到浮潛點!

 

墾丁行程規劃|墾丁浮潛地點|後壁湖核三廠出水口

後壁湖核三廠出水口
@uukt

如果唔想有太多人,其實喺後壁湖旁邊有一個非常正嘅浮潛秘點!就係核三廠嘅出水口,呢度無咁多人之外,仲有更多平時唔容易見到嘅海洋生物,例如火焰貝︑梭魚群︑烏賊等。而出水口處嘅水係冰藍色,同大海嘅深藍相映,好特別!出水口嘅左邊係石頭坡,浮潛就最適合啦!而右邊嘅護漁區就比較適合體驗潛水!

 

後壁湖浮潛推介|南勇潛水中心

南勇潛水中心
@uukt

南勇潛水中心_2
@nanyung

其實好多浮潛公司嘅價錢都唔差太遠,呢間南勇潛水中心浮潛嘅價錢都係每人台幣$350,包埋裝備,而體驗潛水就係1個教練對2位學員,只需台幣$2500。但特別之處就係有各種唔同嘅套餐,可以玩埋水上活動。除咗浮潛同體驗潛水,仲有快艇、香蕉船、水上電單車等。由3合1到5合1,又或者係7選3或4都有!不過小編就建議大家唔好貪心,最多玩3至4項就好啦,因為浮潛無限時間,鍾意玩幾耐都可以,唔洗為咗玩太多活動,而錯失浮潛睇到更多珍貴海洋生物嘅機會!

 

南勇潛水中心
地址:946台灣屏東縣恆春鎮大光路79-56號 (顯示地圖)
營業時間:每日 08:30-16:00
網址:https://www.nanyung.com.tw/main1

 

墾丁行程規劃|墾丁租電瓶車注意事項

墾丁租電瓶車注意事項
@uukt

電瓶車係墾丁人最常用嘅交通工具,由於唔需要車牌都可以揸電瓶車,所以唔少旅客去到墾丁都會租返㗎電瓶車代步!夠方便,又可以體驗當地人生活!不過始終都係馬路上開車,如果無經驗嘅就要加倍小心!第一次開電瓶車就要留意以下注意事項:

1. 電瓶車最高時速只可去到30-40公里/小時,每次充滿電可以行駛70-100公里,如果見到電力低過一半時,就最好唔好再去太遠,要返去車行充電。

2. 台灣法例規定,電瓶車唔可以雙載,而且必需戴安全帽。

3. 每一間租車行價錢都係差唔多,大概係每小時台幣$250,大家只要搵返最近自己住處附近嘅車行就可以。 

4. 租車前記得檢查清楚架車有無花痕,有就記得影定相先,同埋檢查所有燈都正常,確認好哂先好開車,以免還車時有爭議啦!

 

墾丁行程規劃|墾丁住宿推薦|蘋果咬一口民宿

蘋果咬一口民宿

好多人去墾丁都會選擇住民宿,因為民宿總比人一種溫馨同親切嘅感覺!小編大推呢間位於墾丁大街上嘅蘋果咬一口民宿。首先地理位置已經係無敵,一落樓下就係墾丁最旺地帶,去夜市都只係2-3分鐘步程,玩夜咗都唔怕!另外就係民宿服務好、夠乾淨、環境靚、設施亦相當完善!

蘋果咬一口民宿_2

房間設計簡約而溫暖,落地大玻璃窗令成間房光線都好充足!朝早落街買返份台式早餐,再喺露台慢慢嘆,真係好爽!最重要係房嘅空間大,住得舒服又無壓迫感!

 

蘋果咬一口民宿
地址:TWN恆春鎮恆春鎮墾丁路 263 號 2 樓 (顯示地圖)
星級 | ★★★★☆ 
位置 | ★★★★☆ 
設施 | ★★★☆☆ 
環境 | ★★★★☆ 
價格 | 查看價格  

 

墾丁行程規劃|墾丁住宿推薦|米尼米-船帆石沙灘舘

米尼米-船帆石沙灘舘

嚟到墾丁呢一個充滿陽光與海灘嘅地方,住喺沙灘旁邊嘅酒店絕對係最佳選擇,米尼米-船帆石沙灘舘位於船帆石海灘旁邊,旅館每個角落都可以望到無盡嘅海灘景觀,四周環境優美寧靜,勁有渡假feel!距離墾丁大街都只係5分鐘內車程,附近亦有便利店,靜中帶旺!

米尼米-船帆石沙灘舘_2

旅館有唔同房型適合各種旅客入住,大部分房間內都設有露台,而且仲有藍芽喇叭,一邊聽住自己鍾意嘅音樂,一邊望住無盡大海,真係好relax!鍾意睇星嘅朋友,仲可以揀星空大窗房!如果入住特級4人房,仲有私人小型泳池!正到暈啦! 

 

米尼米-船帆石沙灘舘
地址:TWN恆春鎮船帆路 842-1 號 (顯示地圖)
星級 | ★★★☆☆ 
位置 | ★★★★☆ 
設施 | ★★☆☆☆ 
環境 | ★★★★★ 
價格 | 查看價格  

 

📖延伸閱讀:【親子墾丁行程】4日3夜高雄墾丁自由行攻略大全 (連墾丁夜市必食推薦)
📖延伸閱讀:【旗津一日遊】台南度假風~旗津老街吃喝玩樂懶人包!(附高雄旗津交通指南)
📖延伸閱讀:【高雄自由行】高雄文青私心推!4日3夜台灣高雄景點、美食遊玩攻略!(人氣高雄Cafe+瑞豐夜市必食推薦)
📖延伸閱讀: 【高雄新景點】 四大必去高雄私房旅遊景點推薦!(連高雄夜市美食攻略)

 

Hotels.com酒店優惠Hotels.com酒店優惠