定期送上世界各地最新、最地道嘅旅遊資訊!

【塔斯曼尼亞遊記】零距離接觸塔斯獨有野生動物-企鵝、袋鼠

嚟到澳洲生態保育最完善嘅塔斯曼尼亞,緊係要探下當地獨有嘅野生動物啦!繼上回介紹完塔斯曼尼亞當地必去嘅特色市集同景點,今次呢篇塔斯曼尼亞遊記,小編今次就帶大家零距離接觸塔斯曼尼亞獨有野生動物,親手餵袋鼠,兼夜探世上體積最細嘅神仙企鵝回巢!逢星期一為你送上一篇塔斯曼尼亞攻略,萬勿錯過!Bookmark定Hotels.com部落格就唔怕錯過啦!

 

塔斯曼尼亞遊記傳送門:【塔斯曼尼亞遊記】本地人大推必去特色市集、景點- MONA博物館!

 

波諾朗野生動物保護基地(Bonorong Wildlife Sanctuary) 係一個野生動物嘅保護基地,以保護同醫治受傷嘅野生動物為使命,由荷伯特(Hobart)揸車去只需要30分鐘,好方便㗎!雖然話塔斯曼尼亞野生動周圍都係,但係有幾多機會可以比你一次過睇哂?小編喺塔斯生活咗六年,都無咁好彩係郊野遇到哂佢地呀!但係喺Bonorong呢到,你就可以一次過睇哂四種塔斯特有物種,包括塔斯曼尼亞魔鬼(袋獾)袋鼬塔斯曼尼亞沙袋鼠草原小袋鼠,仲有可愛到不得了嘅袋熊同埋樹熊呀!

 

塔斯曼尼亞魔鬼Tasmanian Devil

唔好睇佢身形細細,個樣又幾可愛咁,其實佢係肉食性嘅動物嚟㗎!工作人員餵食嘅時候,咬斷骨頭嘅咔咔聲,肉嘅撕裂聲,你都咪話唔得人驚!而且,佢哋仲會發出令人毛骨悚然嘅尖叫聲,再加上深色嘅皮毛同臭脾氣,「魔鬼」呢個名絕對唔係浪得虛名!

 

袋熊Wombat

袋熊係澳洲咁多動物之中,最受大家歡迎同喜愛,因為佢唔單止外形可愛,仲好溫馴𠻹 !而佢仲有一個好特別嘅地方,就係佢哋啲便便係正方形㗎!

@3.im.guokr.com

 

🏨Top10塔斯曼尼亞東岸酒店人氣酒店推介HK$402起*安心價格保證*[斯旺希滑鐵盧旅館HK$402起,斯旺海假日公園HK$626起,伊魯卡渡假中心HK$683起]

 

袋鼠Kangaroo&小袋鼠Wallaby

喺澳洲見到袋鼠嘅機會其實極高,但係俾咁大班袋鼠包圍住真係未試過呀!

呢度嘅袋鼠非常之溫和友善,所以好多人都好放心俾小朋友自己餵袋鼠㗎!一拎包飼料出嚟嘅時候,成堆袋鼠衝過嚟,開頭都驚驚地,但玩咗一輪就完全忘我,唔會驚,大人細路都一樣咁enjoy!

 

樹熊Koala

雖然樹熊唔係塔斯本地嘅動物,但係喺Bonorong你都可以見到佢哋,而且唔係好似喺動物園咁遠望,而係可以近距望撫摸同合照㗎,鐘意樹熊嘅朋友唔好錯過啦!

 

波諾朗野生動物保護基地 Bonorong Wildlife Sanctuary
地址:593 Briggs Rd, Brighton TAS 7030
營業時間:09:00-17:00
收費:成人$29AUD/小童$15AUD(2歲以下免費)/ 家庭票 $80AUD (2成人,2小童)
門票包括:每日2次(11:00, 14:00) 45分鐘導賞團,以及每日15:00塔斯曼尼亞魔鬼解說,所有遊客都可以免費領取一袋餵袋鼠飼料
網址:http://bonorong.com.au/

 

🏨Top10畢奇諾 Bicheno人氣酒店推介HK$502起 *安心價格保證*
[比舍諾小屋公園渡假村HK$502起, 畢奇諾東海岸假日公園酒店 HK$644起]

 

畢奇諾 Bicheno – 小企鵝群居地

睇完陸上嘅動物都仲未夠喉?咁就一定要去探訪一吓世上體積最細嘅神仙企鵝Fairy Penguin (又名小藍企鵝Little Blue Penguin)。Bicheno位於塔斯東岸嘅一個特色城鎮,亦係神仙企鵝嘅群居地。每到左清晨同入夜嘅時份,就有機會喺岸邊見到企鵝嘅踪影啦。

想免費睇到企鵝,就可以自已碰下運氣,喺天就快黑嘅時候去到Blowhole附近等待企鵝出沒。記得要帶電筒,而且盡量唔好發出太大嘅聲音,唔好嚇親啲小企鵝呀!你亦都可以參加當地嘅Penguin Tour,由專人帶你去睇企鵝。


@BichenOpenPenguinTours

 

睇企鵝小貼士
1. 睇企鵝都有分季節㗎,如果想睇到大量嘅企鵝,最適合嘅月份就係每年嘅九月至一月
2. 塔斯嘅夏天入左夜都係會凍到不得了,夜探企鵝就記得要預備足夠嘅防寒衣物
3. 小企鵝好怕光,所以電筒最好包一張紅色玻璃紙,就唔會咁易嚇親小企鵝

 

畢奇諾企鵝導覽 Bicheno Penguin Tours
地址:Town Centre Tasman Highway Bicheno 7215
收費:成人$35AUD/小童$15AUD(4歲以下免費)
所需時間:約1小時
網址:https://www.bichenopenguintours.com.au/traditional-chinese

 

酒店住宿推介

比切諾海灣酒店 Bicheno by the Bay

去到Bicheno,住近海岸線就包無錯㗎啦!一來近小企鵝回巢地點,夜晚又可以聽住海浪聲睇星星,無敵大海景迎接每一個早上,真係無得輸!酒店嘅位置非常方便,步行四分鐘就行到Blowhole,去Penguin Tour都只係九分鐘路程。有唔少住過嘅人客都話係酒店附近見到企鵝嘅機會率係極高,想睇小企鵝嘅朋友就唔好錯過啦!
➡比切諾海灣酒店 Bicheno by the Bay⬅
地址:The Esplanade, 畢奇諾, TAS, 7215, 澳洲                       HK$704起

 

Hotels.com酒店優惠睇到呢度,喺咪想即刻book酒店去玩呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/再copy優惠碼,然後喺付款頁面貼上優惠碼,就可以享用折扣優惠㗎啦!仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!