定期送上世界各地最新、最地道嘅旅遊資訊!

【塔斯曼尼亞遊記】世界級自然遺產-搖籃山旅遊、酒店攻略!

上星期一介紹完塔斯曼尼亞3日2夜景點,係咪覺得未夠喉呢?一系列嘅塔斯曼尼亞旅遊攻略持續上演,逢星期一為你介紹塔斯曼尼亞好玩嘅地方!今次就送另一篇塔斯曼尼亞遊記,介紹世界級自然遺產—搖籃山旅遊、酒店攻略!嚟到塔斯曼尼亞,當然唔可以錯過呢度嘅自然美景啦!Bookmark定Hotels.com部落格就唔怕錯過啦!

 

塔斯曼尼亞遊記|搖籃山旅遊攻略

聖佳爾湖國家公園(Cradle Mountain Lake St Clair National Park)

@alvinloculi

嚟塔斯曼尼亞旅遊,如果只可以揀一個必去嘅景點,一定非搖籃山莫屬!搖籃山唔單止係塔斯曼尼亞最著名嘅國家公園,更係世界級自然遺產,呢度先至係真正嘅「塵世美」!

買飛攻略:
一去到搖籃山國家公園,第一件事就係要去visitor center買入園證(塔斯曼尼亞嘅國家公園都需要通行證!)

搖籃山嘅通行證主要分兩種:按車計 /按人頭計
1) 按車計:每架車(最多8人)-$60AUD (8星期無限出入所有塔斯曼尼亞國家公園)
2) 按人頭計:每人$16.5AUD/日 (24小時內有效-通行證已包括園內接駁巴士)

小貼示 :
如果有2個人或以上,而又會去其他國家公園,買$60嘅八星期通行證就最抵買!


接駁巴士大概每10-15分鐘就有一班,由visitor center出發,沿途停經幾個站,方便去唔同路徑嘅遊客,終點站係鴿湖。雖然唔少人都會自駕遊,但小編都建議大家坐接駁巴士,因為搖籃山嘅路好窄,加上接駁巴士不停來回穿梭,所以喺園內揸車都唔太方便。

 

搖籃山國家公園有唔少短程徒步徑,主要包括:

鴿湖環線(Dove Lake Loop Walk)

圍繞鴿湖一周嘅路徑,沿途都望到搖籃山,仲會經過傳說中嘅小船屋,而路徑都算平坦,唔會太難行,只需2個鐘就完成,絕對值得一行!

預計所需時間:1-2小時

 

搖籃山登頂(Cradle Mountain Summit)

如果只係一日遊就唔建議登頂喇,雖則官網話行6-8個鐘,但其實行下停下,休息下又影下相,八個鐘真係未必行得完。而且登頂路途崎嶇難行,平時唔係行開山嘅朋友,真係好難應付,所以都係量力而為!

預計所需時間:6-8小時

 

心醉步道(Enchanted Walk )

短短20分鐘嘅小徑,但充滿驚喜,沿途穿過塔斯曼尼亞嘅溫帶雨林,間唔中仲會見到袋鼠嘅踪影,當然唔可以錯過啦!

預計所需時間:20分鐘

 

🏨Top10搖籃山人氣酒店推介HK$603起 *安心價格保證*
[謝菲爾德汽車旅館HK$603起,AAA格拉納里旅館館HK898起,派爾搖籃山莊旅館HK$911起]

 

搖籃山旅遊攻略:沿途景點

壁畫小鎮 雪菲爾德(Sheffield)

唔少遊客嚟搖籃山都會選擇由朗塞斯頓(Lanceston)出發,中途就會經過一個非常有藝術氣色嘅壁畫小鎮—雪菲爾德(Sheffield), 成個鎮都遍佈壁畫,就連陳奕迅同周柏豪嘅「大作」都佔據咗呢度其中兩幅牆㗎!


呢度四周圍都係壁畫,絕對係影靚相嘅勝地,記得喺度影返張相呃like喇!

好多人都掛住睇畫,但其實呢度嘅鋪頭都好有特色。好似呢間專賣波子嘅鋪頭咁,無論大人定小朋友都畀五顏六色嘅波子吸引住!

搖籃山行程攻略

根據小編去過搖籃山五次嘅經驗,整合咗以下三日兩夜嘅行程:

第一日:由朗塞斯頓出發,大概1個鐘左右車程去到雪菲爾德 > 雪菲爾德食午餐同逗留一個下晝 > 黃昏前出發到搖籃山住宿地方 > 養足精神,準備第二日征服搖籃山

第二日:全日喺搖籃山玩到盡興 >夜晚同樣住搖籃山酒店

@alvinloculi

第三日:離開搖籃山


溫馨提示:記得要夜晚出去散散心,順道欣賞星空,鍾意攝影嘅你就唔好錯過夜拍搖籃山嘅機會啦!夜晚啲動物仲會走曬出嚟,隨時遇到可愛嘅小袋鼠同袋熊!

 

搖籃山酒店住宿推介

搖籃山城堡酒店 (Cradle Mountain Hotel)

呢間酒店真係正到不得了,房間乾淨舒服之餘,仲有按摩浴缸,行完成日返到酒店浸下浴,一解疲勞真係好舒服㗎!最令小編難忘嘅就係房間連接嘅小露台!

上次嚟住嘅時候仲比小編喺露台見到小袋鼠添!

搖籃山城堡酒店 (Cradle Mountain Hotel)
地址: 3718 Cradle Mountain Road, 搖籃山, TAS, 7310      HK$725起

 

Hotels.com 酒店優惠
睇到呢度,喺咪想即刻book酒店去塔斯曼尼亞玩呢?點樣先可以用至抵價錢book酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!