定期送上世界各地最新、最地道嘅旅遊資訊!

【塔斯曼尼亞遊記】本地人大推必去特色市集、景點- MONA博物館

繼上回介紹完塔斯曼尼世界級自然遺產,今次呢篇塔斯曼尼亞遊記,為大家推介當地必去嘅特色市集同景點,即刻一齊跟住小編「眼睛去旅行」啦!逢星期一為你送上一篇塔斯曼尼亞攻略,萬勿錯過!Bookmark定Hotels.com部落格就唔怕錯過啦!

 

塔斯曼尼亞遊記傳送門:【塔斯曼尼亞遊記】世界級自然遺產-搖籃山旅遊、酒店攻略!

 

塔斯曼尼亞遊記 • 塔斯曼尼亞景點:撒拉曼卡市集(Salamanca Market

澳洲嘅市集多不勝數,但位於塔斯曼尼亞首府荷伯特撒拉曼卡市集,算得上係全澳數一數二嘅大型市集。隨口問一下當地人推介嘅必去地方,十個有九個都會答撒拉曼卡市集撒拉曼卡市集包羅萬有,特產、日用品、蔬果、古董同藝術品應有盡有,最重要係呢度有數之不盡嘅美食檔,你諗得出嘅美食都有:西班牙炒飯、熱狗、班戟等等,加加埋埋300個檔攤,包你食得滿足、買得開心,滿載而歸!

去唔到薰衣草園?又或者諗唔到買咩手信?唔緊要!撒拉曼卡市集有專賣薰衣草產品嘅檔攤!

呢檔熱狗,隔成條街咁遠都聞到美食嘅香味,真係好難忍口!


另一樣必食嘅就係磨菇天婦羅,脆卜卜嘅外層、新鮮又juicy嘅磨菇餡料,再配上唔同嘅醬汁,好味到不得了!



塔斯曼尼亞盛產嘅革木峰蜜 (Leatherwood), 絕對係必買手信之一!革木峰蜜比起一般蜜糖味道更濃郁,除咗好味之外,對身體亦好有益,小編間唔中都會去入貨㗎!

塔斯曼尼亞候恩松 (Huon Pine) 嘅木製品亦係熱選手信之一,而家嘅候恩松已經受到保護,唔可以隨便砍伐,所以只有塔斯曼尼亞先買到。

 

塔斯曼尼亞景點:撒拉曼卡市集(Salamanca Market)
地址:Salamanca Place, Hobart TAS 7001
營業時間:逢星期六- 08:30-15:00

 

塔斯曼尼亞遊記 • 塔斯曼尼亞景點:周日農夫市集(Farm Gate Market)
錯過咗星期六嘅撒拉曼卡市集?唔緊要!每逢星期日,荷伯特 (Hobart) 市中心嘅巴佛士街 (Bathurst Street) 都會開放畀當地嘅農民同小商戶擺檔,平時車來車住嘅街道搖身一變,成為另一塔斯曼尼亞景點—農夫市集


@farmgatemarket

規模雖然唔及撒拉曼卡市集咁大,但農夫市集嘅商販都係嚟自附近嘅農場,賣嘅食物絕無加工,全部都有機天然。呢個市集冇咁商業化,只賣塔斯出產嘅時令食品,每個星期日好多當地人都會嚟入貨㗎!

除咗可以買到新鮮蔬果、果醬、香草、芝士等等,仲可以買到布魯尼島 (Bruny Island) 嘅新鮮生蠔!


市集入面仲有枱櫈提供,畀大家喺唔同嘅食檔買完野食再坐低慢慢嘆!

@farmgatemarket

塔斯曼尼亞景點:周日農夫市集
地址:Bathurst St | Between Elizabeth + Murray Sts, Hobart, TAS 7000
營業時間:逢星期日 08:30-13:00


🏨Top10荷伯特Hobart人氣酒店推介HK$502起 *安心價格保證*
[黑水牛酒店HK$511起,荷巴特中城品質酒店HK$625起,老羊毛店公寓酒店HK$774起
]

 

塔斯曼尼亞遊記 • 塔斯曼尼亞景點:MONA博物館(Museum of Old and New Art)

除咗市集之外,另一個令塔斯人驕傲嘅地方就係MONA博物館喇!MONA博物館係全澳洲最大嘅私人博物館,入面嘅藝術品主要以黑暗為主題。好多人一聽到博物館同藝術館就覺得沈悶,但小編保證,即使你對藝術興趣不大,MONA博物館都一定畀到驚喜你!其實MONA博物館本身就係一件藝術品,佢嘅建築設計同內部結構令人為之驚嘆!MONA博物館建於地底十七米之下,建議一開始落到最底層,然後慢慢行返上去。

呢個係模擬人體消化系統嘅展品,一行入去就會聞到一陣酸臭味!MONA博物館帶畀大家嘅,唔單止係視覺刺激,五官感受同時滿足你!


館內展品新奇有趣,館外嘅風景一樣唔輸蝕,靚到好似幅畫咁。小編就係抵擋唔到呢度浪漫嘅景色,答應男友嘅求婚!

【旅行小貼士】塔斯曼尼亞行程攻略
喺計劃塔斯曼尼亞行程嘅時候,可以將撒拉曼卡市集同MONA博物館放喺同一日。因為行完市集,只需要步行5分鐘就去到碼頭,坐船去MONA博物館。除咗坐船,亦可選擇揸車去,大概25分鐘就到㗎喇。

塔斯曼尼亞景點:MONA博物館
地址:655 Main Road, Berriedale TAS 7011
電話:+61 3 62779978
收費:成人$28 AUD(塔斯居民及18歲以下免費)
營業時間:星期三至星期一 10:00 – 17:00 (逢星期二休息)
網址:https://mona.net.au/


塔斯曼尼亞遊記塔斯曼尼亞酒店住宿推介
皮爾薩默塞特酒店 (Somerset on the Pier Hobart)
皮爾薩默塞特酒店位於荷伯特市中心,坐落喺蘇利文灣 (Sullivans Cove),地理位置非常方便,行過去撒拉曼卡市集Salamanca Market只需5分鐘。仲要對住個無敵海景,可以見到好多停泊喺碼頭嘅古老帆船,真係好梳乎!
皮爾薩默塞特酒店, Hobart皮爾薩默塞特酒店(Somerset on the Pier Hobart)
地址:Elizabeth Street Pier, 荷伯特, TAS, 7000             HK$880起

 

Hotels.com 酒店優惠
睇到呢度,係咪想即刻book酒店去塔斯曼尼亞玩呢?點樣先可以用至抵價錢book塔斯曼尼亞酒店?上Hotels.com攞我哋最新嘅優惠代碼啦!只需要click入去呢個網站https://zh.hotels.com/jiu-dian-you-hui/coupon/ 再copy優惠碼,然後喺付款頁面貼上優惠碼,就可以享用折扣優惠㗎啦! 仲有好多超筍酒店優惠同埋精選酒店神秘優惠價,快啲上Hotels.com用至抵價錢訂房啦!