定期送上世界各地最新、最地道嘅旅遊資訊!

【塔斯曼尼亞手信篇】當地人推薦!第一次去塔斯曼尼亞必買特色手信 (教你揀正宗塔斯曼尼亞蜜糖!)

塔斯曼尼亞以自然風光,絕美景觀聞名世界!而且呢度盛產天然製品,唔少人嚟到都一定會掃返一堆天然有機食物同護膚品返香港。今次就等居住喺塔斯曼尼亞嘅小編話比大家知有咩係塔斯曼尼亞必買,推介最佳塔斯曼尼亞手信之選比大家!仲教埋大家點揀最優質嘅塔斯曼尼亞蜜糖

 

📖延伸閱讀:【塔斯曼尼亞自駕遊】當地人介紹!必去塔斯曼尼亞景點、必食、酒莊行程全攻略

 

塔斯曼尼亞手信篇|塔斯曼尼亞必買手信|革木蜂蜜 (Sheffield Honey Farm Leatherwood Honey)

@porrohoney

塔斯曼尼亞獨有嘅革木蜜糖 (Leatherwood Honey),向來都係最受歡迎嘅手信之選!但大家又知唔知革木蜜糖有咩咁厲害,同點樣揀先啱呢?等小編一一話你知啦!革木樹係生長於塔斯曼尼亞溫帶雨林嘅一種獨有樹木,經過蜜峰採集革木花粉而製成嘅革木蜜糖,有抑制壞細菌生長,抗氧化同養生護膚嘅功效!由於革木蜜糖嘅純度高達90-95%,所以色澤通透金黃、入口香滑,比一般蜜糖更濃郁香醇,而且抗氧化功效比一般蜜糖高2-3倍!係極為頂級同珍貴嘅蜜糖!

 


@ozhoney
Cradle Mountain Leatherwood Honey $12AUD/550g
塔斯曼尼亞出產革木蜜糖嘅峰蜜場有好多,一般喺超市、市集同手信店買到嘅蜜糖,品質其實都好好。但要最優質嘅,就一定係由Sheffield Honey Farm所出產嘅Cradle Mountain革木蜜糖啦!Sheffield Honey Farm係澳洲最古老嘅蜂蜜農場,亦曾經獲得《The Australian Food Awards》嘅全澳最佳蜂蜜大獎!佢地出產嘅蜜糖保證最天然同純正!喺荷伯特同朗塞斯頓嘅機場手信店都有得賣㗎!

 

塔斯曼尼亞手信篇|塔斯曼尼亞必買手信|薰衣草小熊 (Bridestowe Lavender Estate Bobbie)

@BridestoweLavenderEstate
Bobbie the Bridestowe Lavender Heat Pack Bear $70AUD

 

除咗蜂蜜之外,塔斯曼尼亞嘅薰衣草產品都係必買手信之選!唔單只係遊客,其實當地人都非常鍾意用由南半球最大薰衣草園Bridestowe Lavender Estate出產嘅薰衣草產品!由香氛、茶、精油、熱敷包、護膚品等等都係由呢度種植嘅薰衣草製成,絕對係天然無添加!而小編最鍾意嘅就係薰衣草小熊Bobbie啦!Bobbie外型睇起嚟係一隻可愛嘅紫色小熊,但其實內有乾坤!小熊身體入面藏有薰衣草,只要將小熊放入微波爐叮1至2分鐘,就會成為散發陣陣薰衣草味嘅熱敷包!又可愛,又實用!買嚟比屋企人定自用都好適合!

 

Bridestowe Lavender Estate
地址:296 Gillespies Rd, Nabowla TAS 7260 (顯示地圖)
營業時間:每日 09:00-17:00

 

📖延伸閱讀:【塔斯曼尼亞遊記】塔斯曼尼亞薰衣草園、鬱金香花海賞花攻略!

 

塔斯曼尼亞手信篇|塔斯曼尼亞必買手信|侯恩松製品 (Huon Pine)

@Tripadvisor

侯恩松 (Huon Pine) 可以稱上係塔斯曼尼亞獨一無二嘅珍品!侯恩松只生長於塔斯曼尼亞侯恩谷一帶,生長速度極為緩慢,每年直徑只增長1毫米!侯恩松木質堅硬,而且散發出陣陣清香,聞起來令人有心曠神怡嘅感覺!塔斯曼尼亞人為侯恩松所製嘅傢俬都為之著迷!但由於過度開採嘅關係,政府已經禁止砍伐侯恩松!令侯恩松更加珍貴!所以大家嚟到塔斯曼尼亞一定要買返啲侯恩松製品呀!

 

住喺塔斯曼尼亞嘅小編,都曾經為咗尋覓一塊啱心水嘅侯恩松而費盡心思!終於買到一塊千年侯恩松,製成餐枱!令成間屋都充滿侯恩松香,真係令小編愛不惜手!

 

塔斯曼尼亞手信篇|塔斯曼尼亞必買手信|雷司令葡萄酒 (Frogmore Creek Riesling)

澳洲係世上數一數二嘅葡萄酒出產大國!而塔斯曼尼亞長年氣候清涼,非常適合雷司令呢種葡萄品種嘅生長,所以呢度出產嘅雷司令葡萄酒 (Riesling) 係非常優質,特別有風味!雷司令葡萄酒飲落比較干,酸度較低而果味香濃,仲帶淡淡柑橘香氣,口感甜而順滑,好易入口!塔斯曼尼亞出產雷司令葡萄酒嘅酒莊多不勝數,但當最受當地人歡迎嘅係以下幾款:


@FrogmoreCreek
Frogmore Creek Riesling $26.99AUD

 


@PooleyWines
Margaret Pooley Tribute Riesling $65AUD

 

@GasworksCellarDoor
Freycinet Riesling $26.6AUD

 

📖延伸閱讀:【塔斯曼尼亞自駕遊】當地人介紹!必去塔斯曼尼亞景點、必食、酒莊行程全攻略

 

塔斯曼尼亞手信篇|塔斯曼尼亞必買手信|鮑魚 (Barilla Bay Oyster – Abalone)

@SouthernMarineBrokers

眾所周知,塔斯曼尼亞鮑魚非常出名,全球有四分一嘅鮑魚都係由塔斯曼尼亞出產,仲要全部都係野生,要由專業人員定時去捕捉!呢度捉到嘅野生鮑魚至少有成隻手掌咁大隻,新鮮食爽口彈牙,無比鮮甜!又或者可以製作成溏心鮑魚,味道濃郁,口感軟糯,別有一番滋味!距離荷巴特機場不遠嘅Barilla Bay Oyster,就有售已經真空包裝好嘅急凍新鮮鮑魚!店員會用發泡膠箱連埋乾冰一齊封好,方便大家帶上飛機!如果想買溏心鮑魚,呢度都可以搵到!夠哂方便!

 

@TasmanianSeafoods

 

Barilla Bay Oyster
地址:1388 Tasman Hwy, Cambridge TAS 7170 (顯示地圖)
營業時間:每日 09:00-18:00

 

📖延伸閱讀:【塔斯曼尼亞自駕遊】當地人推薦!尋找最好食嘅塔斯曼尼亞生蠔!(連塔斯曼尼亞租車攻略)

 

塔斯曼尼亞手信篇|塔斯曼尼亞必買手信|黑松露 (Tasmanian Truffles)

@TasTruffles
Tasmanian Truffles Gift Selection $80AUD

 

塔斯曼尼亞豐富嘅火山土壤,加上濕度適中,係黑松露生長嘅最佳之地!雖然黑松露喺歐洲比較普及,法國亦盛產黑松露,但其實有好多廚師都鐘意採用塔斯曼尼亞出產嘅黑松露入饌!因為呢度嘅黑松露濃郁香甜,但味道又唔會太過霸度,蓋過食物原本嘅味道,係令人難以抗拒嘅頂級食材!Tasmanian Truffles係塔

斯曼尼亞最大型嘅黑松露農場,每逢星期六都會喺薩拉曼卡市集 (Salamanca Market) 設置攤位,賣各式各樣嘅黑松露產品。大家唔好錯過呀!

 

📖延伸閱讀:【塔斯曼尼亞遊記】Hobart必食 + 塔斯市集Salamanca Market必食Item!(兼參觀MONA博物館)

 

塔斯曼尼亞手信篇|塔斯曼尼亞必買手信|咖啡豆 (Villino Coffee Bean)

@VillinoCoffee

澳洲嘅咖啡文化深厚,咖啡可以稱得上係澳洲人生活不可或缺嘅一部分!而澳洲唔同嘅地方,焙烘咖啡豆嘅手法同味道都有所不同,各有特色。塔斯曼尼亞人就偏好濃郁厚實,重果仁味,帶有微苦嘅咖啡!一場嚟到,不妨買返幾包咖啡豆!識飲就一定要飲呢度最受歡迎嘅Villino咖啡,唔係當地人真係未必識㗎!塔斯曼尼亞有大部分人氣精品咖啡店都採用Villino嘅咖啡豆。Villino亦都喺荷伯特市中心有自家咖啡店,嚟到塔斯曼尼亞一定要嚟朝聖!

 

@VillinoCoffeeRoasters
Synergy Espresso Blend $13AUD/250g

 

Villino咖啡豆有好多口味,當中最多咖啡店採用嘅就係帶有焦糖味嘅Synergy Espresso Blend!亦係小編至愛!大家記得買多幾包!

 

Villino Coffee
地址:30 Criterion St, Hobart TAS 7000 (顯示地圖)
營業時間:星期一至五 08:00-16:30;星期六 08:00-15:00

 

塔斯曼尼亞手信篇|塔斯曼尼亞必買手信|天然手工梘 (Richmond Bridge Soap)


@RichmondBridgeSoap
Richmond Bridge Soap $7AUD/120g

 

最後一樣係小編嘅私心推介!塔斯曼尼亞有澳洲天然之州嘅美譽,盛產各種天然製品!除咗食品同護膚品,其實天然手工梘都係一個唔錯嘅手信之選!塔斯曼尼亞嘅Richmond就有一間專賣手工梘嘅小店,店內唔單止係手工梘,所有沐浴用品,香氛同精油都係用塔斯曼尼亞本地材料製成,絕無添加!連孕婦同小朋友都可以放心用!最重要係價錢唔算貴,比起香港所買到嘅手工梘,價錢平起碼三分之一!真係唔買會後悔!

 

Richmond Bridge Soap
地址:64 Bridge St, Richmond TAS 7025 (顯示地圖)
營業時間:星期三至五,日及一 10:00-16:00;星期六 08:00-15:00

 

📖延伸閱讀:【珀斯自由行】西澳自駕遊必睇!珀斯景點交通攻略大全 (連打卡必備影相APP推薦)
📖延伸閱讀:【去澳洲行山】艾爾斯岩 (烏魯魯Uluru) 玩法行程大解構!
📖延伸閱讀:【塔斯曼尼亞必食】五大必食塔斯曼尼亞美食餐廳推介!(連荷伯特美食推介)
📖延伸閱讀:【塔斯曼尼亞遊記】零距離接觸塔斯獨有野生動物-企鵝、袋鼠
📖延伸閱讀:【塔斯曼尼亞遊記】世界級自然遺產-搖籃山旅遊、酒店攻略!

 

Hotels.com酒店優惠