定期送上世界各地最新、最地道嘅旅遊資訊!

【堅尼地城必食】IG打卡之選!堅尼地城cafe、堅尼地城餐廳覓食地圖2019!

自從港鐵西港島線通車以後,西環就成為大家覓食打卡好去處。古舊建築同個性餐廳,cafe非常多,當中以堅尼地城最受大家歡迎!小編就搵咗幾間必食堅尼地城餐廳堅尼地城cafe俾大家參考,間間都啱曬打卡㗎!

 

堅尼地城必食|Lex Coffee

Lex Coffee
@taytay_xx

Lex Coffee樓底約有兩層高,店面四四方方,同附近舊區設施形成一個有趣嘅強烈對比。店內採用暖色系嘅燈光同簡約設計,令人感覺好舒服,整體空間感十足。Cafe會不斷展出多位國際藝術家嘅作品及周邊產品,包括美國著名藝術家KAWS公仔、殿堂級日本藝術家草間彌生嘅南瓜擺設、村上隆嘅花花杯等等。

Lex Coffee_2
@lexcoffeehk

飲品方面當然必試咖啡,而呢到最吸引就係咖啡打印服務!可以自備圖片或相片請店員打印喺咖啡上面,呢杯梵高星夜咖啡真係靚到唔捨得飲呀!

 

LEX Coffee
地址:西環堅尼地城卑路乍街100號地舖 (顯示地圖)
交通:港鐵堅尼地城站 A 出口, 步行約3分鐘
營業時間:10:00 – 22:00
電話:2149 9633

 

堅尼地城必食|%Arabica

%Arabica
@wingchan_livereal

好多人以為 % Arabica
係起源自日本嘅品牌,其實第一間舖早喺 2013 年就喺香港愉景灣出現,品牌之後喺日本京都開設旗艦店並發揚光大,深受文青喜愛,再紅返返嚟香港㗎。西環分店繼續秉持簡單嘅生活態度,裝潢以純白色為主,樓高兩層又位於海邊,環境冇得輸!喺一眾堅尼地城cafe中跑出,即刻成為IG打卡新熱點!

%Arabica_2
@ziii0726

% Arabica主打日式自家烘焙咖啡,用上訂做嘅Slayer咖啡機同熱風式烘豆機,十分講究。Iced Caffe Latte最受歡迎,牛奶同咖啡濃度十分平衡,散發陣陣香醇味。

 

% Arabica
地址:西環堅尼地城爹核士街1號裕福大廈地下G04號舖 (顯示地圖)
交通:港鐵堅尼地城站 C 出口, 步行約6分鐘
營業時間:星期一至五 08:30 – 19:00;星期六至日 08:30 – 20:00
電話:2326 4578

 

堅尼地城必食|Winstons Coffee

Winstons Coffee
@susannayeung.photography

Cafe由三位居港英國人開設,設計沿用原店一樣嘅黑白復古風,有種瞬間去到歐洲街頭嘅感覺。舖頭唔大,一字排開嘅窗邊座位同開放式廚房設計,令人唔覺得侷促。咖啡亦好有誠意,使用新西蘭咖啡豆及La Marzocco咖啡機,招牌咖啡係Flat White。客人以外國人居多,喺到chill吓都幾有渡假feel,算係堅尼地城cafe中幾有特色嘅一間!

Winstons Coffee_2
@bregjenooteboom

最似外國嘅地方應該係佢賣咖啡又賣酒,當中最受歡迎係Espresso Martini,帶咖啡嘅香氣,入口甜甜哋,酒精度唔高。

 

Winstons Coffee
地址:西環堅尼地城爹核士街11號浚峰地下8號舖 (顯示地圖)
交通:港鐵堅尼地城站 C 出口, 步行約3分鐘
營業時間:星期日至一 07:00 – 18:00;星期二至三 07:00 – 22:00;星期四至六 07:00 – 00:00
電話:2559 5078

 

堅尼地城必食|11 Westside

11 Westside
@theloophk

堅尼地城餐廳好多元化,主打墨西哥菜嘅11 Westside由名廚Esdras Ochoa主理,佢係洛杉磯人氣餐廳Salazar嘅主廚,質素有保證。一半酒吧一半餐廳,不經修飾嘅水泥牆上,安裝咗流線型燈具,非常型格。

11 Westside_2
@foodography.hk

品嚐墨西哥菜又怎少得Tacos呢?四款口味豬、牛、雞及素食,都做得好好,調味豐富又唔會太辣。食物非常之地道,調味料諸如製作Taco嘅玉米粉、辣椒等等,都係由墨西哥同洛杉磯運過嚟。

11 Westside_4
@11westside

由店員即席調製嘅G.S.C.亦都係必點,會因應客人口味去調較Guacamole醬料,一定啱你口味。

 

11 Westside
地址:西環堅尼地城爹核士街11號浚峰1樓 (顯示地圖)
交通:港鐵堅尼地城站 C 出口, 步行約2分鐘
營業時間:11:00 – 23:00
官網:www.11westside.com

 

堅尼地城必食|Bistronomique

Bistronomique
@lenkahas

餐廳走法式小酒館路線,有啲巴黎Bistro嘅風格,曾獲2014年度米芝蓮推介,食物水準唔錯。裝潢簡單,雖然細細間,但係有兩層同戶外位置,可以同狗狗一齊嚟添!夜晚經常滿座,記得要提前訂座喇。

Bistronomique_2
@emily_0224

門口嘅位置係打卡位,一個小小嘅平台,可以飲杯咖啡或者飲杯酒。

Bistronomique_6
@_holamlei_

呢到嘅法國蝸牛好出色,隻隻都沾滿醬料,有豐富的嘅牛油、香草同蒜蓉,好香口惹味,而蝸牛肉都好大隻,同creamy嘅薯蓉係絕配!

 

Bistronomique
地址:西環堅尼地城爹核士街1號裕福大廈地下1號舖 (顯示地圖)
交通:港鐵堅尼地城站 B 出口, 步行約7分鐘
營業時間:12:00 – 00:00
電話28188266

 

中西區住宿推薦|香港今旅酒店

香港今旅酒店

大家對香格里拉酒店一定唔陌生,但可能未聽過Hotel Jen今旅酒店。Hotel Jen係香格里拉酒店旗下嘅年輕品牌,行比較簡約低調嘅路線。地點位於港鐵香港大學站,去小編上面推介嘅堅尼地城必食餐廳同cafe都好方便,喺西環打卡就啱曬喇。

香港今旅酒店_2

酒店嘅「貴賓閣套房」擁有開揚海景,想睇靚景就要mark定。黃昏時間嚟酒店頂層嘅 Club Lounge,仲可以一邊享用小食飲品,一邊欣賞日落美景。

 

香港今旅酒店
地址:香港西區皇后大道西 508 號 (顯示地圖)
星級 | ★★★★☆
位置 | ★★★★☆
設施 | ★★★★☆
環境 | ★★★★☆
價格 | 查看價格

 

中西區住宿推薦|香港 JW 萬豪酒店

香港 JW 萬豪酒店

JW萬豪酒店喺中環太古廣場入面,位於三線(荃灣線、港島線、南港島線)交匯嘅金鐘站,去邊都好方便,5分鐘就到港鐵站,仲要全程都係室內唔怕落雨。

香港 JW 萬豪酒店_2

客房坐擁迷人維多利亞港景色,設計優雅,配備豪華時尚,絕對係五星級嘅水準。酒店設有室外泳池,泳池雖然唔算超大超豪華,但係鬧市高樓大廈中間游水,感覺特別寫意㗎!仲有24小時開放,設備齊全嘅健身中心,非常照顧住客需求。

 

香港 JW 萬豪酒店
地址:香港金鐘道 88 號太古廣場 (顯示地圖)
星級 | ★★★★★
位置 | ★★★★★
設施 | ★★★★★
環境 | ★★★★☆
價格 | 查看價格

 

📖延伸閱讀:【香港聖誕搵食攻略】Top 5 香港米芝蓮餐廳搵食指南 2019
📖延伸閱讀:【香港離島推薦】香港離島一日遊 + 離島兩日一夜景點行程懶人包!一篇睇哂邊個離島好玩!
📖延伸閱讀:【香港燒鵝推薦】中環燒鵝 vs 灣仔燒鵝價錢、味道大比併!
📖延伸閱讀:【西貢好去處】入西貢必食!人氣西貢海邊餐廳、西貢cafe推介!

 

Hotels.com酒店優惠Hotels.com酒店優惠