定期送上世界各地最新、最地道嘅旅遊資訊!

【堅尼地城好去處】一篇帶你食盡隱世港島美食:西環、上環、中環、西營盤美食大全

唔少香港人鍾意食好西,一到放假都會約埋三五知己去搵食。不過依家出到街好多時會發現周圍都係集團式餐廳,再唔係就鍾意整色整水,好睇唔好食。要係香港搵間有心著重出品,而又未比大財團吞併嘅小店,已經愈嚟愈唔容易。今次小編就整合咗個港島美食大全,重點介紹返堅尼地城好去處,同大家食勻西環、上環、中環美食啦。

📖延伸閱讀:【香港聖誕搵食攻略】Top 5 香港米芝蓮餐廳搵食指南 2018
📖延伸閱讀:【hotels.com優惠專區】hotels.com 訂酒店優惠折扣攻略(邊度拎hotel discount code?)

 

港島美食地圖 | 隱世西環美食 | Noodies


@noodieshk

車仔麵係好多香港人都唔會陌生嘅經典本地美食。而呢間Noodies就係一間新派車仔麵店,主打無味精湯底。除咗基本豬骨湯底之外,仲有糅合咗亞洲風味嘅湯底,例如喇沙同冬蔭公味咁。


@noodieshk

小店每日會有一款精選湯底,好有特色㗎,就好似之前就曾經推出過啤酒湯底,飲落有少少酒香,好過癮!係麵款方面都有好多特別嘅選擇,例如有機蕎麥麵、梅子麵、昆布麵等。配料都好有誠意,亦會有平時麵店冇嘅海鮮例如廣島蠔、赤蝦等。


@iamfoodaholic

(自選三餸麵 $55;第四餸起每餸另加$10)

(指定特色湯底、麵款需另加錢)

 

Noodies
地址:西環西營盤第三街56號福滿大廈地下E舖 (顯示地圖)
電話:25590080
營業時間:11:00am – 9:30pm
交通:港鐵西營盤站 B2 出口,步行約2分鐘

 

📖延伸閱讀:【香港文青Cafe精選】想搵間香港靚Cafe飲嘢兼打卡?五間必去香港Cafe推薦!

 

港島美食地圖 | 隱世西環美食 | No Milkshake No Life

@nomilkshakenolife

裝修唔花巧,走美式懷舊風格嘅No Milkshake No Life,一睇個名就知係賣奶昔,除此之外,各款三文治同多士都係主打項目嚟㗎!

@nomilkshakenolife
(Mixed Berries Milkshake 12oz $42 16oz $56, 加 whipped cream +$8)

喺香港專做奶昔嘅餐廳真係唔多,仲要好似呢間咁多款式嘅就少之有少。佢哋做嘅奶昔好濃郁,而且比較厚身,佢哋用新鮮生果之餘,仲會加雪糕做奶昔,真材實料呀。小店另外仲有提供含酒精嘅奶昔,甜甜地,啱晒唔鍾意飲啲重酒味飲品嘅人士。

@nomilkshakenolife
( Crazy!Cheers!Cheese $78)

奶昔以外,都唔好睇少呢份三文治多士。佢哋嘅grilled cheese sandwich系列,芝士比得非常慷慨,多到有火山爆發溶岩流出嘅效果呀!一杯奶昔加一份芝士多士,試問有邊個可以抵受到咁邪惡嘅誘惑呢?

 

No Milkshake No Life
地址:西環石塘咀山道31-37號地下A舖 (顯示地圖)
電話:64713339
營業時間:10:00am – 6:00pm (星期一休息)
交通:港鐵香港大學站 B2 出口,步行約3分鐘

 

📖延伸閱讀:【香港手信篇】 Top 10 香港必買手信推薦 2018!

 

港島美食地圖 | 隱世西環美食 | 666泰船麵


@heiheiman

係西環有一間泰式食店,賣嘅粉麵飯好食得嚟又好抵食。小店主打泰式船麵,呢間小店賣嘅船麵都已經有成7款咁多。小店選食材用料方面都好有要求㗎,麵分五款,全部都係由泰國入口嘅,湯底亦都用咗唔同草藥、豬骨熬製而成,非常濃郁。


@foodsearchers
(泰式豬肉/牛肉船麵$25)

份量雖然係細細碗,但係可以叫多幾樣唔同嘅粉麵飯或小食,試多啲唔同嘅菜式。而且呢度標價好平,叫多幾樣都唔覺肉痛呀。


@littlepotpurri
(海南雞飯 $28)

另外,海南雞飯亦唔可以錯過,海南雞皮爽肉嫩,雞油飯甘香而不膩。

 

666泰船麵
地址:西環德輔道西366號中亞大樓地舖 (顯示地圖)
電話:36184544
營業時間:12:00pm – 10:00pm
交通:港鐵香港大學站 B1 出口,步行約6分鐘

 

📖延伸閱讀:【香港中秋好去處】八月十五去邊度?本地隱世賞月地點靜靜雞話你知!

 

港島美食地圖 | 隱世上環美食 | La Cantoche


@lacantoche

食法國餐,唔少人都會聯想到係華麗嘅fine dinning,感覺會好拘謹,傾個計都要細細聲。而位於上環嘅La Cantoche係一間法式小餐館,室內擺設充滿懷舊復古感覺,餐廳中間仲放咗部足球機,完全唔似係法式餐廳。


@lacantoche

La Cantoche中文意思指飯堂,走嘅係親民casual嘅路線。佢哋提供嘅菜式並冇精緻擺盤,有少少快餐嘅影子,但係全都係簡約而好味嘅法式家常菜,而且價錢都好親民,絕對係一間充滿驚喜嘅餐廳。


@lacantoche
(US Hanger steak in a creamy mushroom shallot sauce flambéed in Cognac $228)

 

La Cantoche
地址:上環華里5號地下/荷李活道227號 (顯示地圖)
電話:24260880
營業時間:12:00pm – 2:00pm;6:30pm – 10:30pm (星期日休息)
交通:港鐵西營盤站 A1 出口, 步行約7分鐘

 

📖延伸閱讀:【香港度假】情侶小出走-四大聖誕除夕香港酒店優惠推介!

 

港島美食地圖 | 隱世上環美食 | 一合


@appledaily

早兩三年開始,日本清酒係香港開始盛行,不過要數係香港一合半合 (一合即係180ml、半合係90ml)又或者一杯咁賣清酒嘅餐廳又有幾多間呢?係上環差館里就有一間賣清酒嘅小酒館,清酒選擇非常豐富,而且好多都可以以一合、半合或一杯咁order!

@eataroundwithme

店員仲會好詳細咁介紹唔同嘅清酒,可以比唔同客人試到同識到好多有關清酒嘅文化同知識。仲有好多係香港好少見嘅清酒都可以係度搵到。


@foodinhk
(秋刀魚醬油煮 $49)

呢間酒館仲有提供各式各樣美味嘅佐酒小食,而不得不提嘅就係佢哋嘅罐頭小食!所有罐頭食品都係由日本入口,夾埋餅一齊食,真係意想不到咁好食,驚喜十足!

 

一合
地址:上環差館上街22號地舖 (顯示地圖)
電話:23031327
營業時間:星期一至四12:00pm – 9:00pm;星期五至六 12:00pm – 10:00pm (星期日休息)
交通:港鐵西營盤站 A1 出口, 步行約8分鐘

 

📖延伸閱讀:【香港拍拖好去處】編輯嚴選!Top 6本地拍拖好去處連超抵住情侶酒店精選!

 

港島美食地圖 | 隱世中環美食 | Figaro


@silchufa

係中環呢個商業中心,識搵都會搵到不少隱世小店。係中環善慶街嘅樓梯旁邊就有一間由一個日本太太同香港丈夫開嘅日法fusion小店。


@wen_can_eat
(Hiroshima Oyster with Cream Fresh Fettuccine $118, Set Lunch 連湯)

小店內嘅裝修走法式小餐館嘅風格,比起依家流行,同區嘅新派西餐嘅裝修,呢度舒服自在,有種好似去咗巴黎嘅餐館咁。小店採用好多日本嘅食材,用上法式嘅煮法技巧去創造出唔同嘅招牌菜式。


@alexiswhung
(Akadori Roasted Chicken +Black Pepper Garlic Rice, $158, Set Lunch 連湯)

 

Figaro
地址:中環善慶街2號地下 (顯示地圖)
電話:29858868
營業時間:12:00pm – 10:30pm (星期日休息)
交通:港鐵上環站 A2 出口, 步行約7分鐘

 

📖延伸閱讀:【白色情人節小出走】四大香港白色情人節酒店優惠連浪漫活動推介!

 

港島美食地圖 | 隱世中環美食 | 真心 Zen


@Pcsy

係中環蘇豪區有間舖面細細,裝修走東洋風,主打日本菜嘅小店。係呢一區嘅餐廳,當然會有唔少酒精類飲品選擇啦。

@smarteatallday

係呢區嚟講,食物價錢唔算貴,而且份量都好足,CP值非常高!香港人咁鍾意食日本菜,記得bookmark佢喇!

@noodlesx3
(海膽吞拿海盜船 $128)

小店仲有提供好多美食,當中以串燒同日式丼飯最受歡迎,飽肚之餘,送酒一流!

@yimlois
(熊本霜降牛扒丼 $198)

 

真心 Zen
地址:中環蘇豪士丹頓街21號地舖 (顯示地圖)
電話:69996434
營業時間:星期一 12:00pm – 3:00pm;星期二至四、星期日 12:00pm – 10:00pm;星期五至六 12:00pm – 11:00pm
交通:港鐵上環站 E1 出口, 步行約11分鐘

 

 

Hotels.com酒店優惠