定期送上世界各地最新、最地道嘅旅遊資訊!

【名古屋美食地圖】6間當地人都推介嘅名古屋必食餐廳 2019!

有人話名古屋係一個幾悶吓嘅日本城市,但咁諗就錯喇!雖然市內景點唔多,但名古屋美食就出名多,要食盡名古屋餐廳就真係嚟多幾次都唔夠!介紹名古屋必食餐廳嘅旅遊文章有好多,小編反而想私心推介一啲當地人都鍾意嘅名古屋必食餐廳俾大家,跟住當地人嘅腳步搵好嘢食。

 

在地人名古屋美食推介 | Konparu炸蝦三文治

 Konparu炸蝦三文治
@sewook77

Konparu係名古屋必食餐廳之一,皆因佢嘅炸蝦三文治係名古屋人其中一種最鍾意嘅早餐或下午茶美食,Kongparu開業於1947年,一早已經成為當地人家傳戶曉嘅食店。炸蝦三文治係呢度嘅招牌菜,微微烘過嘅三文治夾住香脆嘅炸蝦,加埋煎蛋同爽口解膩嘅他他醬生菜絲,炸蝦又唔會俾醬汁搞到腍曬,簡簡單單已經俘虜好多人嘅歡心。除咗招牌炸蝦三文治,仲有炸豬扒、厚玉子三文治同埋港人會感到親切嘅火腿蛋三文治。Konparu有多間分店,包括名古屋駅、榮駅大須商店等。

 

Konparu
地址:〒450-0002 愛知縣名古屋市中村區名駅3丁目14−15 (顯示地圖)
營業時間:星期一至日 08:00-21:00
網址:www.konparu.co.jp 

 

在地人名古屋美食推介 | 山本屋「味噌煮烏龍麵」

山本屋「味噌煮烏龍麵」
@hiroto.iron_work

如果要名古屋人推介佢地嘅必食心頭好,味噌煮烏龍麵(即係烏冬)一定榜上有名,而芸芸味噌煮烏龍麵店,山本屋一定係當地人嘅首推名店。紅味噌又叫做赤味噌,發酵時間較長,因而味道濃郁,同平時飲開嘅味噌湯好唔同。紅味噌湯底經多小時熬煮,加埋香甜嘅大蔥、冬茹,味道非常濃郁。鳥冬彈牙有咬口,上桌前打多隻蛋,真係令人食到停唔到口,冬天時候食就更加暖笠笠!

 

山本屋
地址:〒450-0002 愛知縣名古屋市中村區名駅1丁目1−4 広小路口 (顯示地圖)
營業時間:星期一至日 11:00-22:30
網址:www.yamamotoyahonten.co.jp 

 

在地人名古屋美食推介 | とんかつマ・メゾン(MA MAISON)味噌豬扒

とんかつマ・メゾン(MA MAISON)味噌豬扒
@takashi_fujiwara_1977

名古屋必食嘅赤味噌貴為愛知縣人最愛嘅土產,固然有好多相關美食。除咗上面介紹咗嘅赤味噌烏龍麵,小編亦誠意推介當地人最愛嘅comfort food味噌炸豬扒。對遊客嚟講,最出名嘅炸豬扒店一定係矢場とん,但對當地人嚟講,とんかつマ・メゾン呢間洋食店亦都深入民心!呢度嘅炸豬扒件件都夠厚身,非常juicy,淋上熱辣辣嘅赤味噌醬,絕非一般炸豬扒可以媲美。除咗味噌炸豬扒,仲有炸溏心蛋,香脆嘅蛋皮加埋幼滑嘅溏心蛋黃,真係再邪惡都要啪噃隻!

 

とんかつマ・メゾン(MA MAISON)
地址:〒453-0015 愛知縣名古屋市中村區椿町6−69 (顯示地圖)
營業時間:星期一至日 11:00-22:00
網址:www.ma-maison.co.jp/

 

在地人名古屋美食推介 | 總本家EBISUYA棊子麵

總本家EBISUYA棊子麵
@moriyuki0426

講起日本麵食,好多人都知道札幌、博多、函館、旭川出名拉麵,咁名古屋呢?答案係棊子麵!棊子麵係一種比較扁、闊嘅烏冬,由麵粉同鹽水搓成。有啲種類直情好似意大利闊條麵咁,口感彈牙,食落就好順口。大家可以嚟名古屋必食餐廳之一嘅總本家EBISUYA試下呢度嘅棊子麵。湯底多數係鰹魚湯,口味較濃,鹹鮮味同箕子麵好夾,上桌時會灑上蔥花。除咗鰹魚湯,亦有其他湯底選擇,例如味噌、醬油甚至咖喱味,除咗有湯麵嘅食法,有啲棊子麵店都提供沾麵嘅食法。

 

總本家EBISUYA本店
地址:〒460-0003 愛知縣名古屋市中區錦3丁目20−7(顯示地圖)
營業時間:星期一至五 11:00-01:00;星期六 11:00-21:00;星期日休息

 

在地人名古屋美食推介 | ひつまぶし名古屋備長

ひつまぶし名古屋備長
@tora_seoul

名古屋美食又點少得鰻魚飯呢!為人熟悉嘅蓬萊軒早已成為遊客朝聖地,如果想去名古屋人多數會推介嘅鰻魚飯店,可以試下名古屋備長嘅鰻魚三味。顧名思義,名古屋備長使用備長炭烤鰻魚,一路烤一路搽秘製鰻魚醬汁上面,烤到外皮少少脆,肉質就非常細嫩,炭香十足。鰻魚三味係名古屋必食美食,係指用三種食法品嚐鰻魚飯。第一種食法就係原汁原味,乜都唔加咁食個炭烤鰻魚飯;第二種食法就係加埋蔥花同wasabi拌勻一齊食,配料有提味嘅效果,令鰻魚肉嘅味道更突出;第三種食法就係將鰻魚高湯倒落鰻魚飯,成為鰻魚湯飯。三種食法都各有特色,而且每間鰻魚飯店都有自己獨有嘅秘方同埋炭烤方式,大家不妨食多一兩間比較一下!

 

ひつまぶし名古屋備長
地址:〒453-0015 愛知縣名古屋市中村區椿町6−9 エスカ地下街 (顯示地圖)
營業時間:星期一至日 11:00-15:00,17:00-21:00
網址:www.hitsumabushi.co.jp 

 

在地人名古屋美食推介 | 天むす千寿炸蝦飯糰

天むす千寿炸蝦飯糰
@_k_taberu_

名古屋係日本中部交通樞紐,亦係昇龍道起點之一,好多人都會從名古屋出發,去昇龍道其他城市玩。有時食唔切嘢,點都要買啲便當或者飯糰、壽司,喺旅途中充飢。而喺名古屋站都有分店嘅炸蝦飯糰就係好受當地人歡迎嘅方便小食。炸蝦飯糰入面隻炸蝦固然唔會太酥脆,但仍然有一啲脆脆嘅口感,蝦同壽司飯嘅甜味好配合。千壽更提供外賣裝,你甚至可以當手信,買返香港送俾人,喺名古屋中部國際機場4樓就有千壽嘅分店,可以臨上機前買。

 

天むす千寿
地址:1−2-2 近鉄名古屋駅地下改札口横 (顯示地圖)
營業時間:星期一至日 09:00-22:00
網址:www.tenmusu.com 

 

名古屋住宿推介 | 三井花園酒店名古屋普米爾酒店

三井花園酒店名古屋普米爾酒店
@酒店官網

三井花園酒店位於名古屋市中心,毗鄰名鐵同近鐵站,方便你出入名古屋市內各景點同埋周邊城市。酒店裝潢華麗,設施完善,有大浴場同埋Spa,仲有一個空中酒吧,俾你一邊品酒,一邊眺望名古屋夜景。

三井花園酒店名古屋普米爾酒店_2
@酒店官網

房間地方寬敞,設備貼心,從高樓層客房,更可以包攬名古屋市景色。

 

名古屋住宿推介 | 三井花園酒店名古屋普米爾酒店
地址:〒450-0002 愛知縣名古屋市中村區名駅4丁目11−27 (顯示地圖)
星級 | ★★★★☆ 
位置 | ★★★★★ 
設施 | ★★★★☆ 
環境 | ★★★★☆ 
價格 | 查看價格

 

名古屋住宿推介 | 名古屋伏見客房酒店

名古屋伏見客房酒店
@310me7

酒店位於名古屋市中心繁華嘅伏見區,鄰近地鐵站,附近餐廳、商場同埋商店林立,亦有好多便利店,方便前往購物區大須,同埋日常交通出入。

名古屋伏見客房酒店_2
@酒店官網

客房設計簡潔,富現代感,與同區酒店相比,客房尚算寬敞,房內設備亦齊全。

 

名古屋住宿推介 | 名古屋伏見客房酒店
地址:〒460-0003 愛知県縣名古屋市中區錦2丁目8−28 (顯示地圖)
星級 | ★★★☆☆ 
位置 | ★★★★☆ 
設施 | ★★★☆☆ 
環境 | ★★★☆☆ 
價格 | 查看價格

 

📖延伸閱讀:【名古屋自由行】名古屋必買—長島三井Outlet、土岐Outlet攻略 (連Top 3名古屋必食餐廳推薦)
📖延伸閱讀:【九州自由行】鐵道遊九州景點全攻略 (連福岡、熊本住宿推薦)
📖延伸閱讀:【日本便利店必食大全】日本7-11 vs 日本LAWSON大比併!人氣必食飯糰、炸雞、關東煮、零食、飲品逐一介紹!
📖延伸閱讀:【長崎自由行】終於可以直飛長崎!4日3夜長崎景點行程+必食餐廳+住宿懶人包!

 

Hotels.com酒店優惠Hotels.com酒店優惠