定期送上世界各地最新、最地道嘅旅遊資訊!

【台灣美妝篇】10大台灣必買護膚品、化妝品!(台灣屈臣氏必買妝品小物推薦)

去親台灣旅行,除咗飲飲食食,都一定會去藥妝店掃貨。台灣藥妝出名CP值超高,今次小編就精選咗10大台灣必買護膚品、化妝品俾大家參考,基本上喺屈臣氏就搵到哂,好方便。而且台灣屈臣氏經常都有搞推廣活動,平上加平,有啲貨品仲係佢哋獨家發售㖭!

 

台灣美妝篇|NARUKO 茶樹神奇痘痘黑面膜

NARUKO 茶樹神奇痘痘黑面膜
@narukocanada.com
NARUKO 茶樹神奇痘痘黑面膜8入/ NT$299

由著名美妝專家牛爾研發成立嘅台灣護膚品牌NARUKO深受台灣女仔喜愛,而呢款活性炭黑面膜更加係皇牌產品,長居台灣必買護膚品嘅龍頭位置。當中嘅超微粒炭黑分子帶有強化吸附油脂污垢嘅效果,控油同時修護。茶樹精油就可以促進角質更新同淨化,防止粉刺暗瘡形成,敷完即刻feel到好清爽!

 

台灣美妝篇|森田藥粧高保濕菁華露面膜

森田藥粧高保濕菁華露面膜
@sasa.com
森田藥粧高保濕菁華露面膜8入/ NT$299

森田藥粧嘅面膜一向都係大家去台灣藥妝掃貨嘅最愛,而呢款高保濕菁華露面膜係台灣必買護膚品之一。面膜蘊含源自阿爾卑斯山高山植物萃取嘅露珠草、維他命B同E、玻尿酸鈉等超保濕因子,可以持續全天候深層鎖水,時刻保持水嫩柔滑,仲可以減少細紋。面膜好透薄貼面,敷上去好舒服,敷完自然透出光澤感,妝前敷可以令底妝更服貼!呢款面膜喺台灣屈臣氏成日有買一送一推廣活動,平到笑,日日敷都唔心痛!

 

台灣美妝篇|1028飛激長瞬翹防水睫毛膏

1028飛激長瞬翹防水睫毛膏
@1028loveu.com.tw
1028飛激長瞬翹防水睫毛膏/ NT$390 

如果你有睇開台灣綜藝節目《女人我最大》、《大學生了沒》,相信唔會對1028呢個品牌覺得陌生。1028產品嘅CP值可以話係爆哂燈,雖然係台灣美妝開架品牌,但係質素同口碑都好好,絕對係台灣必買化妝品品牌。

呢款上年先出嘅mascara實力超強,品牌為亞洲眼型獨家度身訂造出2.6 cm x 0.3 cm嘅極細筆直刷頭,無論點搽都冇甲曱腳,更加唔會融,就算下眼睫毛都一樣得,簡直係挑戰開架市場極限!

 

台灣美妝篇|SOFINA Primavista Ange漾緁控油瓷效妝前隔離乳

SOFINA Primavista Ange漾緁控油瓷效妝前隔離乳
@urcosme.com
SOFINA Primavista Ange漾緁控油瓷效妝前隔離乳進化版25ml/ NT$350

講到台灣必買化妝品,相信SOFINA呢支隔離乳係實至名歸。全台銷售突破600萬支,穩坐隔離乳銷售榜No.1寶座,自推出以嚟真係年年都上榜!

專為台灣濕熱氣候同年輕女性肌膚需求設計,唔只控油收毛孔,仲可以keep住8個鐘不脫妝。今年6月推出嘅升級版,加咗最新研發嘅「長效控油持妝配方」,帶嚟驚人嘅持久清爽度,好似幫皮膚加咗美肌filter咁呀。

 

台灣美妝篇|我的美麗日記檸檬雪茶保濕舒緩面膜

我的美麗日記檸檬雪茶保濕舒緩面膜
@統一PECOS Facebook
我的美麗日記檸檬雪茶保濕舒緩面膜8入/ NT$250

台灣面膜一向都平靚正,唔少旅客都會大量入貨或者買嚟做手信,我的美麗日記係其中最受歡迎嘅台灣護膚品品牌。

雖然香港都有呢個牌子嘅面膜賣,但係種類就冇咁多選擇。今個夏天新出嘅「檸檬雪茶保濕舒緩面膜」,有雪茶、薄荷葉、銀杏、金縷梅等提取物,係主打清涼感嘅保濕mask。雙效保濕而且清涼感好持久,啱哂喺又濕又悶熱嘅香港用!

 

台灣美妝篇|DR.WU 杏仁酸亮白煥膚精華

DR.WU 杏仁酸亮白煥膚精華
@watsons.com.tw
DR.WU 杏仁酸亮白煥膚精華15ml/ NT$800

DR.WU係由享譽盛名嘅醫學美容之父、皮膚科權威教授吳英俊於2003年創立,提出「微整保養」新概念,仲攞過好多美妝大賞。

而呢支首開先例將醫美療程帶入日常保養嘅杏仁酸精華,試過創下每15秒賣出一支嘅驚人紀錄㗎!高濃度杏仁酸18%,運用杏仁酸大分子同優越嘅親膚效果,輕鬆解決暗沉、膚色不均、毛孔粗大、皺紋等問題,日日用keep住煥膚,男女都用得。

 

台灣美妝篇|EXCEL裸色深邃眼影 

EXCEL裸色深邃眼影
@wepost.com.my
EXCEL 裸色深邃眼影31g/ NT$535

EXCEL自從進駐台灣之後就一直係台灣必買化妝品開架品牌之一,佢嘅眼影盤更加受到一眾OL熱捧!EXCEL眼影出名好上手、粉質幼滑、唔易出錯,而且顏色平實唔誇張,可以日日用,啱曬化妝新手或者鍾意自然妝感嘅朋友仔。

而之前新出嘅06色號微醺粉棕就係小編強力推介嘅一款,佢以酒紅色為基底,但係紅得相當含蓄,絕對唔難carry,自然得嚟比普通啡色眼影更有女人味。

 

台灣美妝篇|Essence 豔遇唇膏

Essence 豔遇唇膏
@mydress.com
Essence 豔遇唇膏/ NT$99

Essence係德國彩妝品牌,價錢比起其他開架品牌更平,台幣100蚊都唔駛!平得嚟質素唔錯,喺台灣美妝界好有人氣。

豔遇唇膏質地幾滑,好滋潤好好搽,有光澤感但唔會黏膩,仲有好多唔同顏色選擇。雖然要搽多幾下先比較顯色,但係都好易遮到原本唇色,唔會顯唇紋,呢個價錢已經超值,就算包色都唔過份呀!

 

台灣美妝篇|OPERA渲漾水色唇膏

OPERA渲漾水色唇膏
@fashion-press.net
OPERA渲漾水色唇膏/ NT$380 

OPERA係日本嘅大熱美妝品牌,而呢支唇膏更榮獲日本美妝評鑑@cosme大賞唇彩類第一名,仲獲得全品類票選嘅綜合大賞第一名,喺日本熱賣幾百萬支!

嚟到台灣,定價竟然仲平過日本,一上市就俾大家搶購一空,只有屈臣氏限定門市獨家發售,台灣屈臣氏必買!而當中最受歡迎嘅色號就05號珊瑚色,適合絕大多數亞洲膚色,顯得氣色好好,日本blogger仲稱之為花嫁色,好似新娘幸福嘅感覺。

 

台灣美妝篇|L’OREAL PARIS巴黎萊雅青春密碼酵素肌底調理精華

L'OREAL PARIS巴黎萊雅青春密碼酵素肌底調理精華
@fashionguide.com.tw
巴黎萊雅青春密碼酵素肌底調理精華 30ml/ NT$800

被網友稱為平價版小黑瓶,每一滴精華都蘊含98%高純度酵母精華以及豐富嘅胺基酸同維他命B,有效滲透肌底,重新啟動修護肌膚,幫助肌膚更有彈性、緊緻透亮。雖然呢支精華香港都有得買,但係台灣定價平啲,加上屈臣氏成日做推廣,計落抵買好多!

 

📖延伸閱讀:【台北手作體驗】文青必去!3大台北手作市集 + 推薦台北體驗手作玻璃DIY!
📖延伸閱讀:【台北甜品】十級邪惡!Top 5台北pancake店推薦!
📖延伸閱讀:【日本家品控】文青必逛!嚴選六大東京家品店、雜貨店!
📖延伸閱讀:【首爾手信特集】最新韓國首爾必買化妝品 + 藥妝小物推薦大全2019 (連韓國面膜推薦)

 

Hotels.com酒店優惠Hotels.com酒店優惠