定期送上世界各地最新、最地道嘅旅遊資訊!

【台灣自駕遊】新手台灣自駕遊路線攻略懶人包 (連台北 + 台東自駕景點推薦)

台灣好似香港人第二個故鄉咁,有長假又會走番一轉,短假期又會快閃個3日2夜,如何善用時間係一門好重要既學問,而去台灣自駕遊就係可以好好咁善用大家珍貴既假期,幾點出發、行邊條路線完全掌握係自己手上,小編今日就為大家推薦台灣自駕遊路線,教大家輕鬆去台北、台東自駕!   

 

台東自駕遊路線:
上海街早餐店>台東大學(知本校區)>台東海濱公園>台東森林公園>台東鐵道藝術村>台東伊亞咖啡民宿

 

台東自駕遊 | 自駕遊必食餐廳|  上海街早餐店

荷葉蛋餅
@跟著愛莉旅遊玩樂趣

一日之計在於晨,所以一餐豐盛嘅早餐喺非常重要!台灣嘅早餐除左款色多樣之外,仲樣樣都新鮮滾熱辣、營養滿分,充滿台灣當地特色,食完之後更元氣十足,充滿力量可以去玩!「上海街早餐店」係小編每次去台東都必食嘅早餐台店,所有包點都純手工製作,必常鬆軟,其中嘅荷葉蛋餅係佢地招牌早餐,所謂嘅荷葉蛋餅同普通蛋餅嘅餡料冇太大分別,但蛋皮係手工製作,皮邊不規則,所以稱之為荷葉,食落口感更Q更彈!

 

上海街早餐店
地址:950台灣台東縣台東市傳廣路360巷53號 (顯示地圖)
電話:+886 8 933 8097
營業時間:05:30 – 09:45 (星期日休息)

 

 

 

台東自駕遊 | 自駕遊必去景點 |  台東大學(知本校區)

台東大學@台東民宿~悅來民宿☺董爸董媽的家

食飽早餐之後就係台東市市區出發,到擁有世界8大最具特色圖書館之一嘅台東大學。佢哋嘅圖書館設計成金字塔嘅形狀,再加上一個一個小窗口,就好似外星人偷偷係地球建造嘅據點,外型非常特別。金字塔嘅兩邊有樓梯,登頂後除咗可以見倒整個台東大學外,仲可以見倒山景同海景!

 

台東大學(知本校區)
地址:950台灣台東縣台東市 (顯示地圖)
電話:+886 8 931 8855

 

 

台東自駕遊 | 自駕遊必去景點 |  東海濱公園

東海濱公園生命之樹
@台東縣政府

台東海濱公園台東森林公園係兩個相連嘅景點,距離台東大學大約20分鐘車程,兩個景點都可以感受台東自然風光,感覺非常休閒舒適。 生命之樹係台東海濱公園最具特色嘅建築,亦係台東嘅新國標地標,以電影《阿凡達》嘅生命之樹為藍本,有生生不息、努力向上嘅生命力等正面寓意;到夜晚更有燈效,形成好靚嘅夜景,台東人每逢中秋、跨年都會聚集喺度賞月同迎接新一年!公園沿住海岸線而建,沿住海邊散步,非常寫意,亦有唔少打卡位!  

 

東海濱公園
地址: 臺東縣臺東市大同路 (顯示地圖)
電話:+886-89-357095
開放時間:24小時開放
入場費用 :免費

 

 

台東自駕遊 | 自駕遊必去景點 |  台東森林公園
台東森林公園@毛森 郭

台東森林公園係一個冇過多人工裝飾嘅生態公園。公園佔地面積達2.8平方公里,步行遊覽會比較辛苦,小編就建議踩單車悠哉悠哉咁遊玩,公園內嘅三大湖(琵琶湖、鴛鴦湖、活水湖)及木麻黃林形成完整嘅河口海濱濕地生態,湖水水清見底,陽光充足時,湖水可以反射水面嘅風景,形成絕美嘅天空之鏡。

 

台東森林公園
地址:臺東縣臺東市華泰路300號 (顯示地圖)
電話:+886 8 936 2025
開放時間:06:00~19:00
入場費用 (只供參考) :全票NT$30元、半票NT$20元、大型車NT$60元、小型車NT$30元

 

 

台東自駕遊 | 自駕遊必去景點 |  台東鐵道藝術村

台東鐵道藝術村@Nicole的生活日記

台東鐵道藝術村由擁有80年歷史嘅台東舊火車站、舊倉庫、候車室改建嘅旅遊區,帶有濃重嘅懷舊特色;同時亦加入藝術新元素,邀請藝術家喺度建立工作室,將就快令被人遺忘嘅舊火車站活化使用,每逢星期五、六、日喺戶外大草地更會有擺攤,販賣極具特色嘅原創產品!

 

台東鐵道藝術村
地址:臺東縣臺東市鐵花路369號 (顯示地圖)
電話: +886 8 933 4999
開放時間:24小時開放
入場費用 :免費

 

 

台東自由行 | 台東住宿 | 台東伊亞咖啡民宿

台東伊亞咖啡民宿

台東伊亞咖啡民宿位於台東市市區,就近鐵花村附近,係一橦三層高藍白色系海洋風格嘅獨立屋,一樓係咖啡屋,二、三樓係民宿,房間非常寬敞,亦有好多暖心小擺設,感覺好溫馨。

 

台東伊亞咖啡民宿
地址:TWN台東正氣北路76 巷 62 弄 11 號 (顯示地圖)
星級 | ★★★☆ ☆  
位置 | ★★★☆ ☆  
設施 | ★★★☆ ☆    
環境 | ★★★★★
價格 | 查看價格

 

台北自駕遊路線:
野柳地質公園 >黃金博物館>九份老街>阿婆魚羹>山茶雅舍

 

台北自駕遊 | 自駕遊必去景點 |  野柳地質公園

 野柳地質公園女王頭
@交通部觀光局

野柳地質公園因為地理環境而形成獨特嘅地質面貌而被列入國家風景區內,其中嘅「女王頭」更係必睇嘅奇岩!喺度除咗可以學習地理知識外,喺咁壯麗嘅自然景觀下仲可以影倒唔少好有氣派嘅相打卡𠻹!出口設有野柳特產街販賣各種海產加工品、貝殼、紀念品等,係採購手信嘅好去處!

 

野柳地質公園
地址:20744 臺灣新北市萬里區野柳里港東路167-1號 (顯示地圖)
電話:+886-2-24922016
網站:http://www.ylgeopark.org.tw/content/index/index.aspx
開放時間:08:00-17:00
入場費用 :全票NT$80元、半票NT$40元、6歲以下兒童免費

 

 

台北自駕遊 | 自駕遊必去景點 | 黃金博物館

黃金博物館@文化部 地方文化部

位於金瓜石嘅黃金博物係過去金礦場嘅所在地,除左有金礦場相關嘅歷史展覽之外,仲可以深入礦道、進行淘金體驗活動等。另外,更有礦工鐵盒便當販賣,味道唔錯之餘,鐵盒同包裝布仲可以帶噃屋企留念!

 

黃金博物館
地址:22450新北市瑞芳區金瓜石金光路8號  (顯示地圖)
電話:(02) 2496-2800
開放時間:星期一至五 09:30 – 17:00,星期六日及國定假日 09:30 – 18:00 (每月首星期一休館)
入場費用 (只供參考) :全票NT$80
網站:http://www.gep.ntpc.gov.tw

 

 

台北自駕遊 | 自駕遊必去景點 | 九份老街

九份老街
@漫遊九份

相信大家對九份一啲都唔陌生,係台北必去嘅景點之一,除咗特色食店同飾品店多之外,獨特嘅山城面貌、古色古香嘅街道同動畫大師宮崎駿作品中《千與千尋》嘅取景非常相似,到左夜晚時一個一個紅色燈籠亮起時,就會呈現同動畫相似嘅景色,疑幻疑真!

 

九份老街
地址:新北市瑞芳區基山街 (顯示地圖)
電話:+886-2-24063270

 

 

台北自駕遊 | 自駕遊必食餐廳 | 阿婆魚羹

阿婆魚羹@貓大爺部落格

阿婆魚羹喺九份已經經營咗超過60年,宜家已經由第3代著手經營,但食物仍然保持住傳統風味。呢度主要賣台灣傳統面食同自家制魚丸,而小編最推佢地嘅招牌菜魚羹,完全以鯊魚肉打製,非常彈牙,湯底以白蘿蔔同豬大骨熬制而成,冇加入任何味精,非常清甜!

 

阿婆魚羹
地址: 224台灣新北市瑞芳區基山街9號 (顯示地圖)
電話: +886 2 2497 6678
營業時間:星期一至五 08:30 – 17:00;星期六日 08:30 – 18:00

 

 

台北自由行 |九份住宿 | 山茶雅舍

山茶雅舍

山茶雅舍係一間傳統老房,屋外充滿歲月嘅痕跡,屋內亦保留70年代嘅設計,放置咗舊式電視、傢俬、卡式錄音帶等,冇一絲唔相符嘅現代設計,就好似番到70年代時、番到九份曾經因為金礦業而繁榮嘅年代咗咁⋯⋯

 

山茶雅舍
地址:TWN新北市瑞芳區福住里基山街 241 號 (九份老街尾)(顯示地圖
星級 | ★★★☆ ☆  
位置 | ★★★★★
設施 | ★★★★☆  
環境 | ★★★★★
價格 | 查看價格  

 

 

📖延伸閱讀:【台北新酒店】周邊配套超好!台北新酒店推介列表 (超近台北超市、便利店、捷運站!)
📖延伸閱讀:【米芝蓮追星地圖】台北米芝蓮星級餐廳潮聖攻略2018
📖延伸閱讀:【文青必去台北景點】打卡必去台北cafe、台北市集、旅店特集!
📖延伸閱讀:【台北一人遊2018】獨遊台北玩法大解構(連台北一人住宿推薦)
📖延伸閱讀:【宜蘭親子遊】4日3夜短線行程!本地人推薦宜蘭必去、必食攻略!
📖延伸閱讀:【高雄自由行】高雄文青私心推!4日3夜台灣高雄景點、美食遊玩攻略!(人氣高雄Cafe+瑞豐夜市必食推薦)

 

Hotels.com酒店優惠Hotels.com酒店優惠