定期送上世界各地最新、最地道嘅旅遊資訊!

【台灣租單車】遠離繁囂!3大台北郊區+台北單車路線連景點攻略

去台北自由行未必一定淨係食玩買嘅,其實唔少人都鍾意喺台灣租單車踏遍寶島各處隱世景點,發掘一吓冇乜人去過嘅秘境。小編今次為你帶嚟深受當地人歡迎嘅3大台北單車路線同埋台北郊區景點,等你可以遠離煩囂,感受台北嘅另一面!

 

台北郊區遠離繁囂 | 基隆單車路線 | 北寧路自行車道

北寧路自行車道@tokyobike

基隆係台灣兩大港口城市之一,喺呢度踩單車你當然會欣賞到一望無際嘅蔚藍海景啦!小編今次介紹嘅北寧路自行車道係基隆著名嘅單車路線,你可以喺基隆火車站轉乘103號巴士到八斗子公園開始旅程!

 

望幽谷望幽谷 @pohsientung

北寧路自行車道沿海而建,以八斗子公園為起點,途徑望幽谷,終點為平浪橋。整條車道路面都非常平坦,而且呢度嘅景色美不勝收,特別係鬱鬱蔥蔥嘅望幽谷,景緻更加有如仙境一樣,令人不禁讚嘆大自然嘅奇妙,啱晒一家大細嚟呢度踩住單車親子遊啊!

台北郊區遠離繁囂 | 淡水單車路線 | 金色水岸自行車道

金色水岸自行車道@xinmedia

淡水河每逢夕陽都會被閃照得金光燦爛,所以呢條沿著淡水河而建嘅車道亦因而取名為「金色水岸」。你可以從捷運關渡站出發,步行10分鐘左右前往金色水岸自行車道嘅起點關山公園,相當方便㗎!

 

觀音山觀音山 @northguan-nsa.gov.tw

呢條淡水單車路線嘅終點喺漁人碼頭,沿途你會經過淡水紅樹林保護區、淡水老街等等著名景點!另外,喺金色水岸自行車道呢度你更加可以遠眺對岸嘅觀音山,絕對會令你目不暇給!

 

晴光紅豆餅@bloomingpopcorn

小編特別推薦你一定要試下淡水老街入面嘅人氣長龍店晴光紅豆餅,熱辣辣嘅鬆餅配埋滿滿嘅紅豆餡夾心,甜而不膩,畀到你一種好滿足嘅感覺,係淡水老街必食嘅名物嚟㗎!

 

晴光紅豆餅
地址:251台灣新北市淡水區公明街80號 (顯示地圖)
營業時間:11:00 – 22:00

 

台灣租單車 | 台北市內單車路線 | 新店溪自行車道

新店溪自行車道@travelking

唔想去台北近郊但係又想踩單車?無問題!位於市區裡面嘅新店溪自行車道其實都係一個唔錯嘅台北單車路線選擇。新店溪自行車道以碧潭吊橋作為起點,由捷運新店站步行大約5分鐘即可到達。

 

新店溪陽光橋@tour-ntpc

沿著新店溪自行車道一路向北前往終點萬華區,兩旁河濱景色清幽,特別係途經新店溪陽光橋嘅一段,充滿現代感嘅大橋設計完美融和新店溪自然風貌,毫無違和感,喺到打卡一流啊!

 

台灣租單車方法 | YouBike微笑單車

YouBike微笑單車

@taipei.youbike

由於台北市政府交通局非常鼓勵民眾多踩單車,減低碳排放,締造環保城市,故此特別委託台灣本地單車廠巨大機械營運多達400個分站嘅「YouBike微笑單車」租賃單車予民眾,所以喺台灣租單車其實非常簡單。

YouBike微笑單車2@free.com.tw

只要你申請為YouBike會員,就可以租用佢哋嘅單車。YouBike微笑單車最特別嘅係可以「甲地租,乙地還」,即係只要見到YouBike嘅分站就可以作借還服務,勁方便㗎!

 

YouBike微笑單車
參考費用:
首30分鐘免費;
4小時以下 每30分鐘新台幣10元;
4-8小時 每30分鐘新台幣20元;
8小時以上 每30分鐘新台幣40元
官網:https://taipei.youbike.com.tw/home

 

台北住宿推薦 | 紅米國際青年旅館

紅米國際青年旅館

紅米國際青年旅館係一間好特別嘅青年旅館,佢哋週不時都會舉辦唔同主題嘅活動,提供平台予住客互相交流溝通,啱晒out-going嘅你!

 

紅米國際青年旅館2

如果YouBike微笑單車嘅單車唔啱你心水嘅話,旅館亦有提供租賃單車服務,佢哋所出租嘅捷安特ESCAPE 1公路單車整體配置相當更為專業,就算去埋環島遊都無問題,而且價格亦較為便宜,不妨考慮一吓!

 

紅米國際青年旅館
地址:TWN台北長安西路 180 號 7 樓 (顯示地圖)
星級 | ★★☆☆☆  
位置 | ★★★☆☆
設施 | ★★★☆☆  
環境 | ★★★☆☆
價格 | 查看價格

 

台北住宿推薦 | 洛碁大飯店忠孝館

洛碁大飯店忠孝館

洛碁大飯店忠孝館位處台北市中心嘅大安區,毗鄰捷運忠孝敦化站,交通便利。另外,酒店附近亦有好多商店同埋高水準嘅餐廳,喺台北近郊踩完單車翻嚟都仲可以行吓街,食吓嘢,好寫意㗎!

 

洛碁大飯店忠孝館2

洛碁大飯店忠孝館所提供嘅房間面積非常寬敞,絕對能夠為你帶嚟一個高質嘅休息時間!

 

洛碁大飯店忠孝館
地址:TWN台北大安區忠孝東路四段 180 號 (顯示地圖)
星級 | ★★★☆☆  
位置 | ★★★★☆
設施 | ★★★★☆  
環境 | ★★★☆☆
價格 | 查看價格

 

台北住宿推薦 | 台北商旅 大安館

台北商旅 大安館

台北商旅 大安館2

台北商旅 大安館係台北人熟悉嘅酒店之一,設施齊備,設計典雅之外,佢哋貼心嘅服務亦深得住客嘅讚賞!台北商旅 大安館鄰近台北101,要去呢個著名景點非常方便。此外,酒店同機場巴士站距離相當之近,10分鐘之內你一定可以到達巴士站,啱晒嚟台灣快閃嘅朋友啊!

 

台北商旅 大安館
地址:TWN台北大安路一段 135 號 (顯示地圖)
星級 | ★★★★☆  
位置 | ★★★★☆
設施 | ★★★★☆  
環境 | ★★★★☆
價格 | 查看價格

 

📖延伸閱讀:【宜蘭親子遊】4日3夜短線行程!本地人推薦宜蘭必去、必食攻略!
📖延伸閱讀:【台北一人遊2018】獨遊台北玩法大解構(連台北一人住宿推薦)
📖延伸閱讀:【台灣吃貨攻略】 比較六大台灣珍珠奶茶,實測邊款最好飲!
📖延伸閱讀:【台北新酒店】周邊配套超好!台北新酒店推介列表 (超近台北超市、便利店、捷運站!)
📖延伸閱讀:【台北溫泉旅行】六大必去台北温泉酒店推薦(含陽明山、北投溫泉酒店!)
📖延伸閱讀:【台灣小琉球自由行】五大必去小琉球景點、小琉球潛水攻略 (連小琉球民宿推薦)

 

Hotels.com酒店優惠