定期送上世界各地最新、最地道嘅旅遊資訊!

【台東自由行】文青留意返!3日2夜快閃台東景點推薦!(台東海濱公園、鐵道藝術村)

嚟得台東自由行,就緊係唔少得要嚟感受一下台東文青嘅氣息,小編帶大家拋開一般嘅台東景點,帶大家踏點做文青!

 

📖延伸閱讀:【台東自由行攻略2018】最新台東景點懶人包!
📖延伸閱讀:【台灣自駕遊】新手台灣自駕遊路線攻略懶人包 (連台北 + 台東自駕景點推薦)

 

3日2夜台東自由行行程 | 第一日
台東景點推薦 | 台東大學 (知本校區)

台東大學
@taitunghouse

距離台東市中心唔遠嘅台東大學係世界8大最具特色圖書館嘅所在地,呢度嘅圖書館有別於一般規規距距死板嘅圖書館,個外型就好似金字塔咁,象徵書本係知識嘅寶庫!而圖書館嘅兩側斜坡係樓梯,登頂後可以望曬台東大學嘅校園絕美同海景!另外,台東大嘅宿舍都設計得好有心思,係一間又一間嘅獨立屋,完全滿足倒文青理想校園嘅指標!

 

台東大學 (知本校區)
地址:台灣台東縣台東市 (顯示地圖)
電話:+886 8 931 8855
入場費用:免費

 

3日2夜台東自由行行程 | 第一日
台東景點推薦 | 台東海濱公園

台東海濱公園
@flickr

台東海濱公園係台東嘅新地標,佢最有名嘅就係由竹編制而成嘅生命之樹,又被稱為台東鳥巢,喺朝早、黃昏定夜晚都會呈現出唔同嘅景色,夜晚更會亮燈形成好有情調嘅夜景,唔少去過嘅人都覺得夜晚嘅生命之樹好有電影《阿凡達》嘅感覺!除此之外,公園位於沿海位置,好適合散步同踩單車,而且仲有唔少設置適合影相打卡𠻹!  

 

台東海濱公園
地址:台東市大同路 (顯示地圖)
電話:+886-89-357095
開放時間:24小時開放
入場費用 :免費

 

3日2夜台東自由行行程 | 第二日
台東景點推薦 | 誠品台東故事館

誠品台東故事館
@pixnet.net

以誠品為主體嘅台東故事館嘅前身係前台東地政辦事處,建築本身於日治時期建造,有近50年歷史,誠品內有分書區、兒童區,更設有複合空間可以進行講座、音樂會、展覽、DIY工作坊等,每一次嚟到呢度都可以體驗唔同嘅活動!

 

誠品台東故事館
地址:台東市博愛路478號 (顯示地圖)
電話:089-330388
開放時間:星期一至四 11:00 – 21:30;星期五至日及公休日 10:30 – 22:00
※農曆除夕當日營業時間為10:30 – 17:30)
官網:https://meet.eslite.com/tw/tc/store/20180220033

 

3日2夜台東自由行行程 | 第二日
台東景點推薦 | 藍晒圖

 藍晒圖
@yijia4594

相隔誠品台東故事館不遠就已經係另一個人氣IG景點藍晒圖!雖然台東呢個藍哂圖冇台南果個咁大型,但都吸引咗唔少文青嚟呢度打卡㗎!

藍晒圖係早期仲未有影印機嘅時代用來複印圖片嘅建築工程技術產物,繪圖師會將原圖繪製喺透明紙上面,然後用藍晒紙 (感光圖紙) 疊喺下方再用曬圖機曬,產生化學變化後成張圖嘅色調會變成藍色,所以就叫做「藍晒圖」,又稱為「藍圖」( BluePrint)。

而呢個以3D方式重現「藍晒圖」技術嘅互動式裝置藝術喺今時今日數碼風行嘅年代,就更加引嚟唔少年青一代嚟打卡留念,重溫呢一項經典嘅精確複印技術啦!

 

藍晒圖
地址:台東市博愛路478號 (顯示地圖)

 

3日2夜台東自由行行程 | 第二日
台東景點推薦 | The Garage 台東糖廠 庫空間

The Garage 台東糖廠 庫空間
@lionyang64

庫空間嘅前身係一間由日治時期就開始運營嘅製糖工廠,亦係甘蔗卡車停放同維修嘅地方,而英文Garage就有包含車庫嘅意思,後來隨住製糖工廠嘅倒閉,呢個工廠亦開始逐漸荒廢。直至2004年,呢度連同附近嘅台東鐵道藝術村一帶都被被定立為台東文化產業園區後,吸引咗好多藝術家同音樂人聚居。

The Garage 台東糖廠 庫空間_2
@harryhuang29492

庫空間而家除咗有文創氣息外,亦保留咗台東糖廠原汽車庫工業風意象,由內到外展現Industrial Chic嘅清新氣息。庫空間被分成多個區域,係出售原民風格嘅創作、提供手作體驗課程、餐飲同圖書出版嘅複合空間!

 

The Garage 台東糖廠 庫空間
地址:臺東縣臺東市中興路二段191號 (顯示地圖)
電話:089-233191
入場費用:免費

 

3日2夜台東自由行行程 | 第二日
台東景點推薦 | 庫站café

庫站café
@flickr

庫站café係庫空間內嘅一所café,呢度嘅前身就正正係甘蔗貨車倉庫,每一日都有車離開、停留、轉運,不停咁來來往往,就好似一個車站咁,所以店主就將呢度命名為庫站café。呢度主要係售賣冰品、飲品和厚多士,而最近亦引入咗手沖咖啡、沙律、手工甜品醬、手工果酒品,真係令人食指大動。雖然嘢食都好吸引,不過小編認為呢度最大嘅加分位係,呢度嘅對出就是一大片綠田園!都市人每日都過住好繁忙嘅時間,但呢一度除咗可以比大家渡過一杯咖啡嘅慢活時間外,再將日日係石屎森林營營役役嘅人帶回園林,反璞歸真!  

 

庫站café
地址:台東市中興路二段191號 (顯示地圖)
電話:0981 940 901
營業時間:星期三至一 10:00 – 18:00

 

3日2夜台東自由行行程 | 第二日
台東景點推薦 | 台東鐵道藝術村

台東鐵道藝術村
@nicole1173.tw

台東鐵道藝術村嘅前身係有80年歷史嘅台東舊火車站,呢度除咗有舊火車、路軌外,亦包含舊倉庫、候車室,係一個保留得比較完整嘅舊火車站。

台東鐵道藝術村
@pixnet

台東鐵道藝術村係台東音樂人同藝術家共同打造嘅新興旅遊藝術區,逢星期三至日晚上會有音樂團體進行音樂活動;係星期五六日更會有假日慢市集,出售藝術定自家設計嘅藝術品、小手作等。係夜晚6-9點(視乎天黑時間而定),呢度懸掛嘅睇繪小天燈會一盞一盞咁亮起,會形成七彩繽紛嘅夜色!

 

台東鐵道藝術村
地址:台東市鐵花路369號(臺東舊火車站站區) (顯示地圖)
電話:+886 8 933 4999
開放時間:24小時開放
入場費用:免費

 

3日2夜台東自由行行程 | 第三日
台東景點推薦 | 晃晃二手書店

晃晃二手書店
@watchinese

晃晃二手書店一聽個名就會好自然咁聯想倒台東嘅慢活情懷,可以毫無目的性咁去一個地方hea吓,過吓休閒嘅日子!

晃晃二手書店_2
@watchinese

呢一度係集書本、咖啡、雜貨、文藝於一身嘅書店,大家不妨用2個鐘頭嘅時間係度飲杯咖啡睇本書,又或者可以同文青最愛嘅幾隻店貓玩吓,係貓同書本之間渡過係台東最後嘅時間!

 

晃晃二手書店
地址:台東市漢陽南路139-1號 (顯示地圖)
營業時間:星期一至日 14:00 – 22:00 (星期二休息)
電話:0914 – 073170

 

3日2夜台東自由行住宿推薦 | 台東文旅 – 史前文化博物館園區

史前文化博物館園區

話得係台東文青之旅,住都要住得文青一啲!台東文旅嘅前身是學術活動中心,隔離就係國立臺灣史前文化博物館,淨係呢個地理位置就已經帶有濃重嘅文化氣息!

史前文化博物館園區_2

呢度唔似一般酒店咁好規規距距咁用黑白色調,反而用咗柔和嘅黃光、多種色彩嘅傢俬,再加上唔少嘅綠色植民,帶有一股異國風情;而有露台嘅房間更可以遠望海景,亦可以見倒台東壯麗嘅山景!

 

台東文旅 – 史前文化博物館園區
地址:台東博物館路1號 (查看地圖)
星級 | ★★★☆ ☆  
位置 | ★★★☆ ☆  
設施 | ★★★★☆  
環境 | ★★★★★
價格 | 查看價格  

 

📖延伸閱讀:【高雄新景點】 四大必去高雄私房旅遊景點推薦!(連高雄夜市美食攻略)
📖延伸閱讀:【逛台北藥妝店】大熱新色!2019最新10大台北必買台灣藥妝、美妝Items!
📖延伸閱讀:【台北晚餐篇】秋冬之選!超人氣台北火鍋推薦 + 回本必食菜式!
📖延伸閱讀:【太魯閣一日遊】台灣太魯閣國家公園景點懶人包 (連台北花蓮火車時刻表 + 太魯閣住宿推薦)

 

Hotels.com酒店優惠Hotels.com酒店優惠