定期送上世界各地最新、最地道嘅旅遊資訊!

【台東熱氣球】台灣鹿野高台熱氣球嘉年華 2019 懶人包總整理!(連鹿野高台住宿推薦)

 

台東鹿野高台草原每年夏天都會舉行為期幾十日嘅台灣國際熱氣球嘉年華,無數造型獨特嘅熱氣球高掛喺天空中,非常壯觀!小編今次就為你帶嚟台灣鹿野高台熱氣球嘉年華 2019嘅懶人包,帶你玩盡鹿野高台唔同角落!

 

台灣自由行 | 台東熱氣球 | 台灣鹿野高台熱氣球嘉年華 2019

台灣鹿野高台熱氣球嘉年華 2019
@ctrip.com

台灣鹿野高台熱氣球嘉年華每年都會喺暑假期間舉行,而今年嘅熱氣球嘉年華將會喺6月29日正式開幕,屆時你將會見到來自世界各地唔同造型嘅大型熱氣球喺天上漂浮著,當中有唔少造型更加係深受小朋友喜愛嘅卡通人物,好似福利熊造型熱氣球等等,好得意㗎!

台灣鹿野高台熱氣球嘉年華 2019_2
@walkerland.com.tw

而台灣鹿野高台熱氣球嘉年華嘅開幕典禮係其中一項備受觸目嘅活動,數十個美輪美奐嘅大型熱氣球徐徐升起,非常震撼。唔少當地居民同埋旅客都會慕名而來欣賞呢個罕有嘅場面,好值得嚟感受一下㗎!

台灣鹿野高台熱氣球嘉年華 2019_3
@bearhouse

嚟到熱氣球嘉年華,又點少得親身體驗一下升空嘅樂趣啊!台灣鹿野高台熱氣球嘉年華設有熱氣球繫留體驗,你可以坐著熱氣球升上天空,高高在上咁欣賞周邊自然風景。小編提提你,熱氣球繫留體驗嘅名額有限,而且非常搶手,諗住參加嘅朋友就記得要上官網睇實,唔好錯過咗開售時間啦!

台灣鹿野高台熱氣球嘉年華 2019_4
@ner.gov.tw

另外,每逢週末夜晚台灣鹿野高台熱氣球嘉年華呢度都會舉行令人讚嘆不已嘅光雕音樂會。熱氣球配上燈光表演同埋煙火效果,令整個嘉年華氣氛更加熾熱,絕對會為你帶嚟一個難忘嘅體驗!

 

台灣鹿野高台熱氣球嘉年華 2019
地址:955台灣台東縣鹿野鄉永安村高台路42巷145號 (顯示地圖)
官網:http://balloontaiwan.taitung.gov.tw/

 

熱氣球繫留體驗
參考費用:500新台幣(平日);600新台幣(週末)

 

台灣自由行 | 台東必到景點 | 布農部落

布農部落
@lovestarlight.com

除咗去鹿野高台熱氣球嘉年華,其實台東仲有唔少必到嘅景點等著你嚟發掘。就好似滿載原住民文化色彩嘅布農部落,呢度除咗有唔少藝術擺設之外,更有唔同種類個工作坊好似射箭同埋皮革雕刻等等,肯定會令你大開眼界!

布農部落_2
@布農部落咖啡屋

而布農部落呢度最受歡迎嘅地方係佢哋嘅咖啡屋。布農部落咖啡屋嘅虹吸手煮咖啡同埋甜品喺台東非常有名,質素非常之高,特別係佢哋嘅甜品更加喺由全人手製造,加上食材天然,所以深得唔少人嘅喜愛,肯定會令你一試難忘!

布農部落_4
@布農部落咖啡屋

 

布農部落
地址:953台灣台東縣延平鄉桃源村11鄰昇平路191號 (顯示地圖)
入場費用:150新台幣
官網:http://www.bunun.org.tw/tw/

 

台灣自由行 | 台東必到景點 | 初鹿牧場

初鹿牧場
@erv-nsa.gov.tw

初鹿牧場係台東以致台灣嘅熱門旅遊景點,牧場劃分為數個區域,分別為放牧區、滑草場、餵食區同埋英式花園等等,你可以喺各個園區參與唔同嘅活動。

初鹿牧場_2
@2bunny2sweet

近距離餵飼牧場內嘅乳牛同埋騎馬活動尤其受歡迎,每個週末都會吸引到唔少家庭一家大細嚟呢度親親大自然㗎!

初鹿牧場_3
@sensationlin

初鹿牧場出產嘅奶製品好似雪糕同埋餅乾等全部都係100%採用牧場自家乳牛嘅新鮮牛奶製成,香醇可口,質素相當上乘,所以佢哋嘅產品喺台灣嘅口碑相當之好,嚟到不妨試一試啊!

 

初鹿牧場
地址:954台灣台東縣卑南鄉牧場1號 (顯示地圖)
入場費用:100新台幣
官網:http://home.chuluranch.com.tw/

 

台東熱氣球 | 鹿野高台住宿推薦 | 後山人家

後山人家

後山人家嘅位置非常之好,鄰近超級市場同埋餐廳,起居飲食極為便利。呢度嘅佈置充滿家嘅感覺,加上佢哋嘅房間面積亦都相當寬敞,令人感到賓至如歸。

後山人家_2

後山人家嘅服務非常全面,佢哋除咗會為住客提供免費自助早餐之外,更加有接駁車同埋租單車服務,等住客可以隨時隨地前往鹿野各處觀光遊玩,相當貼心。此外,後山人家仲有提供免費泊車服務,啱晒嚟台東自駕遊嘅旅客入住啊!

 

後山人家
地址:TWN鹿野永安路 388 號 (顯示地圖)
星級 | ★★★☆☆
位置 | ★★★☆☆  
設施 | ★★☆☆☆  
環境 | ★★★★☆  
價格 | 查看價格  

 

台東熱氣球 | 鹿野高台住宿推薦 | 21 國際渡假村

21 國際渡假村

21國際渡假村係鹿野當地其中一間配套非常完善嘅酒店住宿,餐廳、花園同埋室外泳池等設施一應俱全,喺度住真係唔洗怕搵到嘢做啊!

21 國際渡假村_2

21 國際渡假村_2

至於21國際渡假村嘅酒店房間面積相當之大,而且設計亦十分時髦,一定會為你帶嚟優質嘅住宿體驗。此外,渡假村喺房間裡面更加設置咗按摩浴缸,喺熱氣球嘉年華玩到攰返嚟浸一浸真係好疏乎㗎!

 

21 國際渡假村
地址:TWN鹿野永樂路 306 巷 7 號 (顯示地圖)
星級 | ★★★☆☆  
位置 | ★★☆☆☆  
設施 | ★★★★☆  
環境 | ★★★★☆   
價格 | 查看價格  

 

📖延伸閱讀:【台東自由行攻略2019】最新台東景點懶人包!
📖延伸閱讀:【台灣自駕遊】新手台灣自駕遊路線攻略懶人包 (連台北 + 台東自駕景點推薦)
📖延伸閱讀:【台東自由行】文青留意返!3日2夜快閃台東景點推薦!(台東海濱公園、鐵道藝術村)
📖延伸閱讀:【去台中打卡】3日2夜文青遊!台中IG景點連型格Cafe及住宿推薦

 

Hotels.com酒店優惠Hotels.com酒店優惠